Durante el mediomèdio evo in Eoropa ghera na legenda. Se parlava de on regno cristiano potente a sud del Sahara, el re se ciamava Zuan Prester. I portoghexi, come altre potense eoropea, gha mandà na spedision a caracr sto regno. El portoghexe Pero da Covilhã l’è rivà em Etiopia in tel 1490 e gha pensà che quelo fuse el regno de la legenda. El re gha domandà a i portoghexi de iutarlo contro i musulmani. El portogal gha mandà na flota inte el 1520 e de i preti. Na seconda flota xe rivà inte el 1541 e 400 soldai portoghexi gha iutà i soldai etiopici ne la guera contro i invasori islamici. Dopo on par de vitorie, i portoghexi xe stà vinti ne la batalia de Wofla. La vitoria de i etiopici la rivò in tel 1543 co la batalia de Wayna Daga. El capo de i portoghexi gha domandà al imperatore de profesar l’obedienza a la ciexa de Roma (i etiopici segue on rito orientale che non el xe in comunione co i catolice de Roma), ma l’imperator gha rifiutà. I portoghexi gha alora lasà el paexe. I preti gesuiti che gavea seguì la spedision xe restai inte el paexe fina al 1633, co i xe stà espulsi.
