Leontopodium nivale

Ła stéła alpina (Edelweiss in todesco, stelutis alpinis in furlan, planika in sloveno) ła xe na pianta de montagna e ła xe ciamà Leontopodium alpinum inte ła clasificaxion de Linneo.

Leontopodium nivale

Piante
Tipo de fruta	achenio (it)
Tasonomia
Superregno	Eukaryota
Regno	Plantae
Órdene	Asterales
Fameja	Asteraceae
Tribù	Gnaphalieae
Zènare	Leontopodium
Spece	Leontopodium alpinum Hand.-Mazz., 1927
Nomenclatura
Sinònemi	Leontopodium alpinum
Exautor	A.Huet

El nome Leontopodium vol dir "pie de leòn", parchè na volta i disèa che el ghe someja apunto a na sata de un leon. Ła stéła alpina ła fa parte de łe Compositae, pi de preciso de łe Asteraceae. Ła piantina ła xe alta dai 5 ai 20 çentimetri e ła ga da łe 5 a łe 15 bratèe felpà bianche come ła neve co in meso i fioreti veri e propri che xe załi. El tenpo de ła fioridura el va da lujo a setenbre.

Anbiente vitałe

Ła pianta ła vien su soratuto su tereni calcarei, ma ła se pol trovar ciare volte anca sui prà. Ł'altèsa sua ła va dai 1800 ai 3000 metri e ła vive su tute łe Prealpi Venete, ma anca su tute łe Alpi, sui Carpasi, sułe Alpi Dinariche e sui Pirenei.

Ła steła alpina come sinboło

Ła stéła alpina ła xe sta selta come sinboło da diverse istituxion. Ła xe el sinboło de łe Squadre Sanitarie dei Volontari de Protexion Civiłe del'Asociaxion Naxionale Alpini (Associazione Nazionale Alpini) in Italia, dei club alpini in Germania, Austria e in Sudtirolo (Deutscher Alpenverein, Oesterreicher Alpenverein, Alpenverein Suedtirol). In Svisera ła ga l'ente turistico e na compagnia de voli charter (Schweiz Tourismus e Edelweiss Air).

Ła stéła alpina ła se trova sul skeo da 2 çentesimi de euro austriaci. Nei ani trenta e quaranta del secoło pasà, vegnèa ciamà pirati de ła steła alpina (Edelweisspyraten) grupi de tosi e tose de ła Rexistensa todesca al regime naxista. Raquanti de sti tosi i xe sta portà inte i campi de conçentramento o inpicà.

Controło de autorità	NDL (EN, JA) 00576252