Verxi el menu prinsipałe
Aboso
Sta pajina so 'l argomento tenoƚogia ła xè soło che n'aboso
Contribuissi a mejorarla secondo łe convenxion de Wikipedia
Nel 20° secoło ła tenołoxia ła gà fato grandi pasi in vanti, tanto che se ga podù parfin far dei raxi pa' menar dei omeni so ła Luna e n'tei prosimi ani anca so Marte

El termine tenologia, o anca scrito tenoloxia, xé na parola conponesta e che la riva dal greco antico "tékhne-logìa" (τεχνολογία), che xé letaralmente "tratà sistematego so on'arte". N'te l'Etica nicomachea Aristotele el gà separà do forme de axire: prâxis e téchnē. La prima, la ga el proprio fin in ela, la segonda l'è senpre al servisio de chel'altro, come on mexo. In sto senso la "tenega" (termine doparà speso come sinonimo), no la jera difarente né da l'arte, né da la siensa, gnanca da calsiasi prosedimento o operasion che la serve par xontar a on efeto calsiasi, e el so canpo se stendea so tute le atività omane. Solo intrà la fin del XX e el scuminsiarse del XXI secoło se xé rivai a darghe a "Tenega" on signifigà del sotogrupo de le prateghe omane, che se intende el conportamento n'tei confronti de la naura diresionà a la produsion del ben.

Par tenega se pole intendare la aplicasion de le conosense derivae da la siensa a fini prateghi e a la produsion de mestieri par farli.


La parola tenoloxia indica par sto qua la catalogasion e el studio sistematego de teneghe aplicade, un mucio riferie a on serto dirghe spesifego (se pole parlar, par exenpio, de "tenoloxia informatega", "tenoloxia mecanega", "tenoloxia eletronega", "tenoloxia eletrotecnega", "tenoloxia del magnare", "tenoloxia telematega" e on altro bel mucio).