Topo

El topo o anca mototopo xe na inbarcasion tìpega de ła tradision łagunar veneta. Prinsipalmente uxà cofà barca da strapòrto marcansìe ne ła so version comercial gà anca dei antenati a veła. El topo se adatava a ła veła al terso. Uxà nełe xone manco calme de ła łaguna de Venesia indove ła visinansa del mar ne rendeva ła navigasion più dificoltoxa par le barche a fondo piato. De dimension inferióri rispeto al burcio ło rendeva più ladìn de sto ultimo e donca più adatà a rispónder ad exigénse de manovrabiłità anca se naturalmente riduxeva ła capasità de cargo. Ła version mototopo purasè conosùo ne ła sità łagunar xe ł'equivałente del furgón da traspòrto in teraferma, infati a Venesia incontremo łe più note conpagnìe de strapòrto cofà par exenpio i tramesièri espresi che utiłixa sta inbarcasion par reałixàr łe consegne in sità.

Topo

Tipo	tipo de inbarcasion
Sototipo	barca
Orìzene	Itàłia

Topo al museo de Cesenatico

Materiàl de costrusion

El materiàl tradisionàl par la costrusion del scafo xe in legno e ła so łavorasion richiede l'uxo de forme a piegadùre a caldo. El motór normalmente esprime almanco 400 Hp rendendo łogicamente obligatoria ła patènte nautica par poder menàr un mexo cofà sto qua. Ła poxision del motór xe interna al scafo altra raxón par rénder indispensàbiłe ła patente nautica.

Curioxità

Inte el spetacoło teatràl Il Milione. Quaderno veneziano, Marco Paolin conta un pasagio indove el mototopo cofà inbarcasion xe protagonista rałegràndo tuti i spetadóri.

Variasion

• Topo istran

Voxe łigàe

• Inbarcasion venesiane

Linganbi foresti

1. trafego in sità de inbarcasion traspòrto marcansìe superióri ai 10 metri Archivià il 7 de zunjo 2008 in Internet Archive.

1. barche Adriatiche Archivià il 4 de marso 2016 in Internet Archive.