Tor del Rełogio (Venesia)
rimandamento da Tor del Rełogio
Ła Tor del Rełògio xe un edificio rinasimental situà in Piasa San Marco a Venesia.
.jpg)
L'edificio consta de na tor sentral, costruìa intra el 1496 e el 1499 da l'architeto Mauro Codussi, e do a łe lateràne, xontàe indriomàn. Ł'arco che ghe xe soto cołega ła Piasa cołe Marserìe.
El quadrante del rełògio xe in oro e smalto blu; segna ora, dì, faxi łunari e xodiaco. Un primo restàuro xe stà reałixà inte el 1757. El restàuro moderno , scominsià inte el 1997, xe stà finìo inte el maxo del 2006 e inaugurà a ła mexanote del 27 magio[1].
El rełògio ga anca un mecanismo a carillon, ativà tradisionalmente inte el dì de ła Pasquéta. A ogni bater d'ora, el paneło lateràn de łe ore se verxe par łasàr pasàr un caruxel de statue in legno raprexentanti i personàxi de ła Natività e i Re Maji. Łe statue, strasinàe da un mecanismo a binario łongo ła piataforma semisircołar pósta sora al quadrante, rientra po' inte ła Tor atraverso el paneło lateràn dei minuti situà dal lai oposto del Rełògio.
I Mori
canbiaFamoxi xe i cussìditi Mori de Venesia, soranominài cussì par el so cołór bruno dai Venesiani, posti in sima a na teràsa, xe do statue de bronxo rafegurànti do pastóri che bate co na masa łe ore su na granda canpana. I xe un mucio simiłi ma difarenti in un particołàr, uno ga ła barba l'altro no xe cussì che vien desferensià el moro vecio da quel'altro xóvene. Infati ła canpana sona ben 2 volte : ła prima do minuti 'vanti de l'ora exata, ad òpara del moro vecio che raprexenta el tenpo che xe pasà, mentre el moro xovene sòna l'ora exata par raprexentàr el tenpo che vegnarà.
Linganbi foresti
canbiaAltri progeti
canbia
Wikimedia Commons el detien imàjini o altri file so Tor del Rełogio
el detien schemi gràfeghi so
Łigamenti foresti
canbia- Tor del Rełògio - sito uficiałe Archivià il 29 de setenbre 2011 in Internet Archive.
- Restàuro de ła Tor del Rełògio Archivià il 3 de otobre 2011 in Internet Archive.