Viła Cordellina


Viła Cordellina (ciamà anca Cordellina Lombardi) ła xe na vila vèneta sitià a Montecio Majore, a puchi chiłometri a ovest de Vicensa.

Viła Cordellina
Villa Cordellina Lombardi.jpg
Viła Cordellina Lombardi fasada
CitàMontecio Majore
Informasion xenerałi
ArchitetoGiorgio Massari
PropietarioProvincia de Vicensa
Comitentefameja Cordellina
Mapa interativa
45°30′31.32″N 11°25′29.28″E / 45.5087°N 11.4248°E45.5087; 11.4248Coordinae: 45°30′31.32″N 11°25′29.28″E / 45.5087°N 11.4248°E45.5087; 11.4248

StoriaCànbia

Fata pa vołontà del giureconsulto venesian Carlo Cordellina Molin (come Pałaso Cordellina a Vicensa), ła viła xe sta progetà dal'architeto venesian Giorgio Massari, che el se ga ispirà a modei paładiani. I łauri de costrusion i ga durà dal 1735 al 1742, ano che Massari pareciò el projeto par łe barchese, conpłetà verso el 1760. Al projeto ga cołaborà anca l'architeto Francesco Muttoni. 'Ntel 1743 Giambattista Tiepolo xera presente pai łauri e contribuio ała decorasion del sałon prinsipałe deła viła con on cicło de afrischi ispirà ai fasti de Scipion l'African e Łisandro Magno. Cuesto xe testimonià da na łetera che el pitore el ga invià a l'amigo Algarotti che ła conta che va vanti el so łaoro.

Ła viła ła xe restà de proprietà deła fameja Cordellina fin ai primi deseni del XIX secoło.Dopo esere sta doparà anca come sede de ałevamento de bachi de seda e come cołejo, 'ntel 1943 el conpleso pasò al conte Gaetano Marzotto e 'ntel 1954 a Vittorio Lombardi che aprovò inpostanti restauri ała residensa e ai jardini visin. 'Ntel 1966 ła vedova Lombardi pasò ła prorietà ała Provincia de Vicensa, odierna parona. Grasie ei continui łauri de recupero e restauro scomisia dopo ła guera, el sito xe stà postà in sti ani odierni a l'antigo spłendore con ła restaursion deła costusion e ristemasion dei jardini.

Ła viła, ała presente, ła vien doprà come rapresentansa deła Provincia de Vicensa, che ła gà continuà l'opara de restauro dei afrishi del Tiepolo. El conpłeso deła viła el vien doprà pa concerti, convigni e atività culturai.

DescrisionCànbia

El conpłeso el xe formaà da ła residensa paronałe, dałe barchese, dałe torete e dal grasioso rustico. 'Nte ła viła el Massari el fa omajo al'arte de Andrea Paładio con el prònao jonigo a cuatro cołone (tetrastilo), sormontà dal tinpano con el stema scolpio dei Cordellina (tri curi con i fiuri de łino) e con ła disposision simetrica dełe stanse e dełe du scałe visin al sałon sentrałe.

Gałeria de foto e videoCànbia

Voxe corełàCànbia

Altri projetiCànbia


Cołegaminti forestiCànbia

Controło de autoritàVIAF (EN172106696 · GND (DE4278402-5 · WorldCat Identities (EN172106696
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Viła_Cordellina&oldid=653484"