Wikipedia:Aministradori/Aministradori rognoxi




Sta pajina ła xe riservà a łe segnałasion de i aministradori che se ritien che i gapia abuxà de łe so funsionałità axontive có conportamenti ogetivamente danoxi par Wikipedia.

Par calsiasi altro conportamento che nó riguarda 'l uxo de łe funsionałità axontive riservae a i aministradori nó va uxà sta pajina.
 

Un aministrador el xe un utente a cui ła comunidà ła ga afidà determinati conpiti.

Esar aministrador nó xe un titoło de merito o de diferensa rispeto a i altri wikipediani, ma na funsion de servisio. Un aministrador nó'l ga pì diriti de i altri utenti e nó'l gode de particołari priviłeji: pitosto, rispeto a i altri utenti, el ga de i doveri, pa' svolxarli ghe vien fornie serte funsionałità axontive del software.

I aministradori i deve esar a conosensa del so ruoło e aplicar łe regołe che ła comunidà se ga da, sercando - se neçesario - de preferir el spirito de ła regoła pì che el so significà leterałe. Ma esendo umani, anca łori, i połe fałar.

Se te pensi de esar sta tratà małe da un aministrador, te ghe da ciarire personalmente i motivi del radego, traverso un diałogo seren e costrutivo.

Segui senpre łe indicasion de Wikipedia:Risolusion de i radeghi, overo diałoga, dimanda ła mediasion e 'l parere de altri. Se nó basta, fa na dimanda de pareri.

Se i tentativi de riconpoxision del radego nó i xe ndai a bon fine, dimanda 'l intervento de altri utenti o aministradori; soło che in caxi de estrema necesità e urgensa te poi riportar el caxo in sta pajina, tegnendo prexente:

  • Gnente małagrasie, gnente minase.
  • Prove ogetive e dimostrabiłi - so Wikipedia ogni asion ła xe trasparente e verifegabiłe da chichesìa; gnente petegołesi o "sentìo dire".
  • Ła problematiçità ła riguarda Wikipedia, nó i utenti, perciò ła segnałasion ła deve ciaramente indicar parché xe problematica par Wikipedia ła condota del aministrador.

Avixa cuindi de ła segnałasion 'l aministrador interesà scrivendo inte ła so pajina de discusion utente.
Ła segnałasion de problematiçità ła sostituise in gnaùn modo el dover de sercare de ciarir diretamente i motivi del dixacordo, confrontandose có i altri utenti invòlti - in primo luogo 'l aministrador steso - e có utenti nó invòlti inte el radego, confronto che'l deve avegnere prima de ła segnałasion - e posibilmente proseguir anca dopo.

I caxi segnałai cuà i sarà al atension de l'intiera comunità Wikipediana che, in caxi gravi e aclarai, ła podarà dispore na votasion de riconferma del aministrador, opure dispore sansion a cargo del utente o protesion de łe voxe ogeto de disputa.

Come verxare na segnałasion: verifegà che ła condota del aministrador ła posa ogetivamente e concretamente costituir un ogetivo dano, o pericoło de dano, par Wikipedia, ła segnałasion ła va efetuà inte na sotopajina de sta pajina, da intitołar secondo el modeło Wikipedia:Aministradori/Aministradori rognoxi/nome_aministrador_segnałà e xontando in testa {{adminprob}} . Dopo verla creà, modifega la sesion "Segnalasion verte" de sta pajina xontando {{/nome_aministrador_segnałà}} in modo che ła segnałasion ła posa esar vixibiłe diretamente in sta pajina.

Segnałasion verte canbia

Nisuna segnałasion in corso

Segnałasion verte (votasion de revoca in corso) canbia

Nisuna votasion de revoca in corso

Segnałasion sarae canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikipedia:Aministradori/Aministradori_rognoxi&oldid=902243"