Zenosìdio
Co zenosìdio o zenocìdio, drio ła definision adotada da l'ONU, se intende «łe asion cometeste co l'intension de desfar, in tuto o in parte, un grupo nasionałe, ètnego, rasiałe o rełijozo».
Inte i studi zurìdeghi, stòreghi, pułìteghi e sociołòzeghi, partindo da ła fin de ła seconda guera mondiałe, el conceto de zenosìdio, desviłupà in prinsìpio inte l'ànbito del derito internasionałe, el ze sta doparà in vari contesti e co diverse acesion[1][2][3]:
- acesion zurìdega, co na definision nesesariamente preciza par podérghene reconpréndar ła fatispece inte l'atività d'indàzene e procesuałe;
- acesion socio-pułìtega par dezignar in magnera spesìfega i zenosidi del XX sècoło;
- acesion storiogràfega, co un signifegà zenerałe che el detien fenòmani de stermìnio recorenti inte ła stòria universałe, in società anca racuanto difarenti intrà de lore.
A paro del terorismo, tortura, crìmeni de guera, crìmeni contro l'umanità e crìmeni de agresion, el zenosìdio el se ingloba intrà i crìmeni internasionałi, par i cuałi ła ze in vigor ła règoła de ła zurisdision internasionałe e l'istitusion de tribunałi soranasionałi[4].
Orìzene e etimołozia
canbiaEl tèrmeno "zenosìdio" el ze na paroła d'autore coniada da Raphael Lemkin, zurista połaco de orìzene ebràega, studiozo e esperto del zenosìdio armen, introduzesta par ła prima volta inte el 1944, inte el so libro Axis Rule in Occupied Europe[5][6]. L'autor el ghea vedesto ła nesesità de crear un neołozismo par poder descrìvar l'Olocàusto e dei fenòmani de persecusion e desfamento de grupi nasionałi, rasiałi, rełijozi e culturałi, inte el partegołar a ła reserca de strumenti boni, inte el derito internasionałe, de garantir ła tuteła de sti grupi[7].
La paroła, che ła devien dal grego γένος (ghénos, "rasa", pòpoło, "linajo") e dal latin caedo ("copare"), ła ze divegnesta inte el costumar comun na paroła che ła ga tacà a vegner considerada cofà indicatora de un crìmene spesìfego, recepio inte el derito internasionałe partindo dal secondo dopoguera e de consevensa inte el derito interno de tanti paezi.[8]
El primo dòparo del tèrmeno inte l'anbito zudisiàrio el ghe ze sta un ano dopo el lavoro de Lemkin inte el ndar del proceso de Norinberga gavesto partindo da l'autuno del 1945.[9] Anca se no espresamente mensionada inte ła carta de Londra, l'acordo stipulà da łe nasion liae par dar vita al Tribunale Miłitare Internasionałe ciamà a dar zudìsio so i crìmeni fazesti da łe forse de l'Ase inte el ndar de ła seconda guera mondiałe, ła parola "zenosìdio" ła ze citada inte l'ato de acuza dei inputai del 18 de otobre, no cofà crìmene spesìfego, ma cofà che tèrmeno descritivo siben co refarimento ai crìmeni de guera e no ai crìmeni contro l'umanità:[10]
(VEC)
«[I inputai] i conduze un dełibarà e sistemàtego zenosìdio, o sia par dirghe al stermìnio de grupi rasiałi e nasionałi, contro łe popolasion siviłi de determenai teritori ocupai col fin de desfar partegołari rase e clase de persone e grupi nasionali, rasiałi o relijozi, inte el partegołare ebrei, połachi e sìngani e altri.»«[The defendants] conduct deliberate and systematic genocide, viz., the extermination of racial and national groups, against the civilian populations of certain occupied territories in order to destroy particular races and classes of people and national, racial or religious groups, particulary Jews, Poles, and Gypsies and others.»— Indictment, Count Three, War Crimes, lett. a)[11]
Cofà recordà da l'isteso Lemkin, el primo ministro britànego Winston Churchill, inte el ndar de na trasmision radiofònega del 24 de agosto del 1941 inte ła cuała el prezentava l'acordo stipulà col presidente statunitense Roosevelt conosesto cofà Carta Atlàntega, el ghea definio łe asion fazeste dal rezime nazista cofà "crìmene sensa nome":[12]
(VEC)Semo in prezensa de un crìmene sensa nome.»
«Man man che i so ezèrsiti i vien vanti, intieri distreti i vien stermenai. Dezene de miliaja, letaralmente dezene de miliaja de omisidi a sàngue fredo i vien ripetesti da łe trupe de połisia todesche contro i patrioti rusi che i defende ła so tera nadałe. Fin da łe invazion móngole de l'Eoropa inte el XVI sècoło no ła ghe ze mai stada na macełasion metòdega e inplacàbiłe de cusita granda scała o anca solché somejante. E sto cuà el ze solché el scumìsio. Ła carestia e ła janduza łe ga oncora da córare inte i fosałi insanguenai dei cari armai de Hitler.«As his armies advance, whole districts are being exterminated. Scores of thousands, literally scores of thousands of executions in cold blood are being perpetrated by the German police troops upon the Russian patriots who defend their native soil. Since the Mongol invasions of Europe in the sixteenth century there has never been methodical, merciless butchery on such a scale or approaching such a scale. And this is but the beginning. Famine and pestilence have yet to follow in the bloody ruts of Hitler's tanks. We are in the presence of a crime without a name.»— Winston Churchill, trasmision radiofònega del 24 de agosto del 1941[13]
Definision ufisale de łe Nasion Unie
canbiaL'11 de disenbre del 1946 l'Asenblea zenerale de łe Nasion Unie, co ła resołusion 96 (I), ła ga definì el zenosìdio cofà che «na negasion del derito a l'ezistensa de intieri grupi umani, ponesto che l'òmisìdio ła ze ła negasion del derito a ła vita dei sìngułi èsari umani». La resołusion ła ghea precizà par de pì che «tanti cazi de sti crìmeni de zenosìdio i se ga avesto co i grupi rasiali, relijozi, pułìteghi e de altro zènere i se ga desfà, in tuto o in parte»
El 9 de disenbre del 1948 ła ze stada adotada, co ła resołusion 260 A (III), ła Convension par ła prevension e ła represion del dełito de zenosìdio scrivesta co ła contribusion del medèzemo Lemkin anca par via de ła so esperiensa del proceso de Norinberga. L'artìculo II de ła Convension ła definise esplegamente el zenosìdio inte l'ànbito del derito internasionale:
(VEC)
«Par zenosìdio se intende cadauno de łe sevente asion, fazeste co l'intension de desfar, in tuto o in parte, un grupo nasionale, ètnego, rasiałe o rełijozo, cofà ste cuà:
- (a) matansa de menbri del grupo;
- (b) lezion gravi a l'intieresa fìzega o mentałe de menbri del grupo;
- (c) el fato de sotométar dełibaratamente el grupo a condision de vita indendeste a provocàrghene el so desfamento fìzego, totałe o in parte;
- (d) mezure che łe mira a inpedir nàsite inte l'interior del grupo;
- (e) trasferimento forsà de putełi da un grupo a un altro.»
Notasion
canbia- ↑ Portinaro, op. cit., Premessa .
- ↑ Leotta, op. cit., p. 5 .
- ↑ Flores et al., op. cit., p. 3 .
- ↑ Leotta, op. cit., p. 5 .
- ↑ Lemkin, 1944, op. cit., p. 79 .
- ↑ Leotta, op. cit., pp. 3 e 45 .
- ↑ Leotta, op. cit., p. 47 .
- ↑ Leotta, op. cit., p. 76-77 .
- ↑ Flores et al. , op. cit., p. 4 .
- ↑ Leotta , op. cit., p. 117 .
- ↑ IMT , op. cit., pp. 43-44 .
- ↑ Fournet , op. cit., p. 3 .
- ↑ (EN) Winston Churchill, Prime Minister Winstan Churchill's Broadcast to the World About the Meeting with President Rooseveltibiblio.org, 24 agosto 1941. entrada il 30 dicembre 2020 (archivià il 19 settembre 2020).
Altri projeti
canbia
Wikimedia Commons el detien imàjini o altri file so Zenosìdio
el detien schemi gràfeghi so
Linganbi foresti
canbia- genocidioTreccani.it – Enciclopedie on line, Istituto de ła Ençiclopedia Italiana.
- genocidio, in Disionàrio de istòria, Istituto de ła Ençiclopedia Italiana, 2010.
- genocìdiosapere.it, De Agostini.
- (EN) George J. Andreopoulos, genocideEnçiclopedia Britannica, Encyclopædia Britannica, Inc.
- (EN) Opere riguardanti ZenosìdioOpen Library, Internet Archive.
| Controło de autorità | LCCN (EN) sh85053923 · GND (DE) 4063690-2 · BNF (FR) cb11967012s (data) · BNE (ES) XX527529 (data) · NDL (EN, JA) 00576271 |
|---|