Łéngua faroexe


El faroese (nom nativo:Føroyskt) o anca faròego, faroense, faringio o feringio l'é na lengua germànica setentrionale parlaða da ẑirca 80 000 persone (de ste qua 48 000 tele Isole Fær Øer, 25 000 in Danimarca e 5 000 in Islanda). L'é una dele tre lengua scandìnave insulari derivaðe dal antico Noren parlà in Scandinavia al època dei Vichinghi. Le altre do lengue insulari l'é l'islandese e l'estinto Norn che, se disea, el fuse mutuamente interlegibile col faroese.

Faroese
Nome locaƚeFøroyskt mál
Parlà inIsole Fær Øer (parlà da imigraði)
Danimarca (parlà da imigraði)
Islanda (parlà da imigraði)
Parlanti
Totaƚe80.000
Altre informasion
Scrituraalfabeto latino
Fameja
FiƚojenexiŁéngoe indoeoropee
 Lengue Germaniche
  Lengue Scandinave
   Faroese
Statuto ofiçiaƚe
Regoƚà daFaroese Language Board
Codaxi de clasifegasion
ISO 639-1fo
ISO 639-2(B)foe, (T)ell
ISO 639-3fao (EN)
Glottologfaro1244 (EN)
Linguasphere52-AAA-ab

StorgiaCànbia

La colonizaẑion norvegesi dele isole la é scominẑiaða a l'època del Landnám (825 d.C.). La lengua usaða prima dai abitanti l'era el Noren. Tutavia, i primi colonizaðori no i era veri norvegesi ma, pitost, disendenti dei norvegesi dele coste del Mar de Irlanda. Par questo, el faroese, al pari de l'islandese, el é stat influenẑà dale lengua celtiche. Del resto, i navigaðori norvegesi i fea de spes raẑie sul coste irlandesi, i se mariðea co femene celtiche e pò i partìa verso l'Islanda o le Fær Øer. Par esempio, in faroese ghe n'é do diversi modi par dir ànera: dunna (dal celtico tunnagh) par l'ànera mistica e ont par quela salvarcha. Tra el IX e el XV secolo la léngua faroese no la à subì grandi mutamenti, restando cosìta mutuamente interlegibile co le altre léngue parlaðe inte l'area de difusion dei antichi Vichinghi.

Fin al XV secoło el faroese el à bu na ortografìa parenta a quela islandese e norvegese ma co la Riforma i dominadori danesi i à proibì l'uso de la léngua tele scole, tele cése e tei documenti ufiẑiali. I isolani, parò, i à continuà a usar el faroese tela quotidianità, tei bali e tele legende.

Cofà lengua scrita, el faroese el se à svilupà del 1854, graẑie al'opera de Venceslaus Ulricus Hammershaimb. El sistema de Hammershaib el é ndat contra a tante critiche propio a causa dela so complesità: l'é stat cosita che Jakob Jakobsen el à inventà en sistema scritura, pì vesin ala lengua de fat parlaða che, tutavia, no i lo à mai usà.

Tel 1937 el faroese el é subentrà al danese fà lengu ufiẑial dele Isole Fær Øer.

AlfabetoCànbia

 
Tastiera con alfabeto faroexe par computer

El alfabeto faroese el é fat de 29 letere:
A, Á, B, D, Ð, E, F, G, H, I, Í, J, K, L, M, N, O, Ó, P, R, S, T, U, Ú, V, Y, Ý, Æ, Ø

GramaticaCànbia

La gramatica faroese la é parenta a le altre lengue germaniche setentrionali, anca se la à cegnest dei trati distintivi tant veci che i la fa somear de pì al islandese che ale altre lengue scandinave continentali. El faroese l'é na lengua flesiva, i nomi i se divide in tre generi (maschil, feminil, neutro) quatro casi (nominativo, genitivo, dativo, acusativo) e do numeri (singolar, plural). I verbi i se coniuga par numero, temp e persona.

BibliografiaCànbia

  • Gianfranco Contri: Dizionario faroese-italiano = Føroysk-italsk orðabók. Tórshavn, 2004. (627 p.) ISBN 99918-41-58-X

Ligadure foresteCànbia

Controło de autoritàLCCN (ENsh85047334 · GND (DE4104319-4 · BNF (FRcb12048464j (data) · NDL (ENJA00576595
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Łéngua_faroexe&oldid=889330"