Łéngua danéxe


El danéxe l'è ła łéngua uficiałe del Regno de Danimarca e 'l vien parlà in Danimarca, in Groenlandia e 'nte łe Ixołe Fær Øer.

Danese
Nome locaƚeDansk
Parlà inDanimarca, Groenlandia, Isole Fær Øer, Islanda, Germania, Canada, Norvegia, Svezia, USA
Parlanti
Totaƚe5,3 milioni
Altre informasion
Scrituraalfabeto latino
Fameja
FiƚojenexiIndoeuropee
 Germaniche
  Scandinave
   Scandinave orientali
    Danese
Statuto ofiçiaƚe
Regoƚà daDanish Language Council
Codaxi de clasifegasion
ISO 639-1da
ISO 639-2dan
ISO 639-3dan (EN)
Glottologdani1284 (EN) e dani1285 (EN)
Linguasphere52-AAA-cc

El xe na łéngua germànica del nord, łigà col svedexe, e particolarmente col norvegéxe. El vien anca parlà come łéngua minoritaria in Germania in Schleswig-Holstein.

ClasificasionCànbia

El danéxe, insieme col svedéxe, el deriva dal grupo de diałeti scandìnavi orientałi mentre che el norvegéxe l'è clasificà come łéngua scandìnava ocidentałe col faeroéxe e l'islandéxe. Un tipo de clasificasion pi moderno, baxà sul grado de interconprension fra łéngue diverse, el divide el nòrdico (scandìnavo) moderno in du grupi: Scandìnavo sud, che 'l saria el danéxe, e Scandìnavo nord fato da norvegéxe e svedéxe. Islandéxe e Faeroéxe i è int'un grupo par cónto suo ciamà Scandìnavo insułar.

El danéxe scrito e 'l norvegéxe bokmål le è molto visine, siben che łe gabia na fonołogia (el sistema de rełasion fra i suni del discórso) e ła proxodia (i schemi de acenti e toni) i sipia diversi. Parlanti bravi de una de 'ste tre łéngue i pol capirse uno co l'altro, anca se dei studi i à demostrà che de sòłito i parlanti de norvejéxe i capise sia el danéxe che 'l svedéxe mejo de quanto i Danixi e i Svedixi i se capise fra de łuri. Anca i Svedixi e i Danixi i capise el norvejéxe mejo de quanto no i se capisa un co l'altro.

GramàticaCànbia

El danéxe el ga nomi de xènare neutro o comun (maschil-feminiłe). Come in svedéxe e norvejéxe, l'artìcoło danéxe el va davanti al nome se l'è indefinìo ma 'l se taca drio el nome se 'l xe definìo.

El nèutro el ga łe fórme et / -et e 'l xènare comun l'à en / -en, donca:

  • en mand = n'omo ; manden = l'omo (xènare comun)
  • et hus = na caxa ; huset' = ła caxa (nèutro)

Difarentemente dal svedéxe, el danéxe no'l dopra mìa l'artìcoło finałe se el nome el ga dei agetivi, ma l'uxa soło l'artìcoło agetivałe den/det, na fórma aposta mésa prima de l'agetivo: den store mand = l'omo forte, det store hus = ła caxa granda.

I verbi danixi a l'infinìo i finise par -e e i se còniuga drio el modo e'l tenpo ma no i ga mìa nùmaro e gnanca persóna, come 'nte łe altre łéngue nòrdiche.

  Łéngoe uficiałi de l'Onion Eoropea  
Bulgaro | Castiglian | Ceco | Danexe | Estone | Finlandexe | Fransexe | Gaełico | Greco | Inglexe | Itałian | Łetone | Łituan | Maltexe | Olandexe | Połaco | Portoghexe | Rumeno | Slovaco | Slovèno | Svedexe | Tedesco | Ungarexe
Controło de autoritàLCCN (ENsh85035731 · GND (DE4113262-2 · BNF (FRcb119318405 (data) · NDL (ENJA00561388
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Łéngua_danéxe&oldid=788954"