Alvize Contarini
Alvize Contarini (Venèsia, 24 de otobre 1601 – Venèsia, 15 de zenaro 1684) el ze sta el 106º doze de ła Repùblega de Venèsia dal 26 de agosto 1676 a ła morte.
_-_Luigi_Contarini_(doge_1676-1683).jpg)  | |
| Nome orizenałe | (it) Alvise Contarini |
|---|---|
| Biografia | |
| Nasimènto | 24 de otobre del 1601 Venèsia (Itàlia) |
| Mòrte | 15 de zenaro del 1684 (82 ani) Venèsia (Itàlia) |
| 106o Doxe | |
| 26 de agosto del 1676 – 15 de zenaro del 1684 ← Nicolò Sagredo (it)  – Marcantonio Giustinian → | |
| Dati personałi | |
| Rełijon | Catołicismo |
| Atività | |
| Ocupasion | |
| Fameja | |
| Fameja | Contarini (it) |
 | |
|
| |
El so dogà el ze sta pasìfego e el ga mirà soratuto a rinsaldar el pezante pasivo econòmego cumułà de sevente a łe guere contro dei turchi.
Pochi dì prima de ła so morte, Venèsia ła ghea riverzesto łe ostiłità contro de l'inpero otoman.
Biògrafia
canbiaFioło de Nicołò e Elena Michiel, omo de mèdia richesa e de mezana capasità pułìtega, el se ghea caraterizà pì volte cofà anbasatore e, inte sta spesìfega, cofà mediatore par ła Repùblega de Venèsia al Congreso de Vestfalia, che ła se ghea finio inte el 1648. Contarini el ghea ocupà numarévułi retorai inte łe sità de teraferma oltre che eser proveditore, sàvio del consejo e vegner dopo ełezesto cofà procuratore de San Marco.
Sibè che sensa èsar un miłitare o un pułìtego pùblego, el Contarini el se ghea caraterizà par ła so salda opozision inte el tratare coi turchi in ocazion de ła guera del guera turco-venesiana dal 1645 al 1669.
El ghea partesipà, finmente dal 1642, cofà invià de Venèsia, a łe tratative intablae par rivar a ła paze de Vestfałia (1648) che ła ghea fato finir l'inciziva paràboła de ła guera dei Trent'ani. Col nùnsio pontifiso, el cardenałe Chigi, el ghea portà vanti, propio parché intrà i manco intaresai o responsàbiłi revardo ai delìbarai de ła conferensa, un roło de mediatore e conciliator de granda influensa, vedéndose reconoseste cuazi unanememente cultura, abiłità e prontesa inte el zudìsio, che i ghe ghea segurà autorità e benemerense inte ła ciuzura de ła paze.
El zera rivà al màsimo grado de ła pùblega aministrasion, cusita cofà cuazi tuti i menbri de ła so fameja erlevai al dogà, par cazo e sensa vera vołontà.
Dogà
canbiaA ła morte de Nicołò Sagredo pareva seguro che el sucesore el saria sta el tanto conosesto fradeło Joani. Colto, rico, co trentasìncue voti segurai sui cuaranta-uno ełetori, ła vitòria ła zera scontada. In sto momento, parò, i so aversari i se ghea descaenà in piasa e, acuzandoło de brojo, i ghea infogonà ła foła cauzando scontri.
El Major Consejo, spaventà, el ghea sospendesto i cuaranta-uno e el ghene ghea ełezesto altri, tanto manco propendesti a decìdar el Sagredo. Inte el 26 de agosto 1676, par placar-zó suito łe proteste, finmente dal primo scrutìnio el zera sta ełezesto, cofà che el fuse un conprometesto, el Contarini, vècio e sensa un grando cursus honorum sora łe spałe.
In efeti el Contarini el ghea pensà soratuto ai lusi e ai divertimenti scalmanai e, co che el ghea intentà de goernare cofà un doze dei tenpi pasai, el zera vegnesto finmente da suito repià dai so consejeri par masa e ecedente autonomia.
Soto del so dogà i se ghea difondesto i cafè (el primo el zera sta verzesto inte el 1683), ła nòbiłe venesiana Elena Lucrèsia Cornaro ła ghea conseguio, prima dona inte el mondo, ła làurea in fiłozofia inte el 25 de zugno del 1678. Inte el 1680 el bałanso statałe el zera tornà in ativo dopo tanti ani de pasività. Sti avegnimenti i zera asołutamente menori ma i avegnimenti internasionałi i zera drio rivar a Venèsia: i turchi i zera drio spàndarse inte ła penìzoła balcànega e i zera rivai asediare Viena inte el 1683.
Tronbe de guera łe zera drio far èco in tute łe capitałi eoropee e anca a Venèsia se ghra discoresto se farghe partesipasion o no a na guera contro dei turchi. Inte el zenaro 1684, inte-ła-fin, se gavea decidesto de aderir e ła guera ła zera stada declarada, co che el vècio doze Contarini el zera pena vegnesto mancar.
Notasion
canbia
Altri projeti
canbia
Wikimedia Commons el detien imàjini o altri file so Alvize Contarini
el detien schemi gràfeghi so
Linganbi foresti
canbia- Contarini, AlviseTreccani.it – Enciclopedie on line, Istituto de ła Ençiclopedia Italiana.
- Gino Benzoni, CONTARINI, Alvise, in Dizionario biografico degli italiani, vol. 28, Istituto dell'Enciclopedia Italiana, 1983.
| Controło de autorità | VIAF (EN) 226433170 · El vałore MUSV080388 de SBN no el xe mija bon. · GND (DE) 101932385X · CERL cnp01421012 · WorldCat Identities (EN) 226433170 |
|---|