Basin Orseoło

GondoƗe in sosta nel Basin OrseoƗo

El Baçin OrseoƗo el xe un slargo d'acqua situà a Venesia nel sestièr de San Marco, a Ɨe spaƗe de l'omonema piassa.

Sta picoƗa saca Ɨagunàr a forma de mexaƗuna se cata dadrìo a Ɨa fabrica retangoƗàr de Ɨe Procuratie Vecie, xe stàda verta 'ntel 1863 durante 'na serie de ristruturasion urbanistiche, che interesava Ɨa çità, co'l precixo fin de crear un armìxo par le gondoƗe darénte el cuor del centro çitadìn. Par poder razonzer sto fin, se gà dovesto proséder a Ɨa sventràda de Ɨa zona e a Ɨa demoƗision de tante costrusion preesistenti. Se gà sfantà inazonta diversi edifici de poco pregio, anca el storego albergo Cavalletto, ricostruìo conforme Ɨa so posision e forme adate al novo aseto, e 'l paƗasso drento el quaƗo gera spirà el scultor Antonio Canova. L'aministrasion comunal Ɨo gà vosùo intitoƗàr al dose Pietro Orseolo che gaveva fondà un ospìsio in Piasa San Marco, qui trasferìo 'ntel 1581 e più tardi sopreso.

Ɨa vertaùra del Basin OrseoƗo rintrava in un più zeneràl riaseto de Ɨa sità Ɨagunàr, che ne l'Otosento, anca se in mexure netamente inferiori rispeto ad altre sità, xe stàda adatàda a Ɨe nove exigense sociaƗi de coƗegamento e servisi come, in sto caxo, Ɨa nova stasion de Venesia Santa Ɨusia segondo el prinsìpio urbanistego de l'epoca che utiƗixàva preferibilmente vie de sircoƗasion anpie. El Basin gera dònca el ponto concluxivo de un novo parcorso pedonal direto, che se spenxeva da Canpo San Luca ed aƗa Strada Nova sostituendose ai più stòrti percorsi preesistenti longo Ɨa Fressarìa o Ɨa CaƗe dei Fabbri.

El Basin, par so pòsta indilatamente tacà a Piasa San Marco, rapresenta anca ancùo uno dei loghi più carateristici de Ɨa çità ed uno dei più utiƗizài inbarcaderi par le gite turistiche in gondoƗa.

Altri projetiModìfega