Fresarìa
Ła Fresarìa (scrito frezzaria come ch'A se łeze su l'omònemo nisiołéto) ła ze n'area de intarese situàda inte'l sestièr de San Marco a Venesia.
El parcorso de ła Fresarìa el parte da'l Teatro Ła Fenice e el se dezboca rivando in Piasa San Marco, co diramasion segondarie de cołegamento verso Canpo San Luca e cuindi ła zona de Rialto. Ła całe ła ze caraterizada da'l gran nùmaro in sucesion dobòto sensa interusion de atività comersiałi de alto łeveło (veri de Muràn, fornimento de marca, gałarìe d'arte) e pa'ła só pozision sentrałe e ła só funsion de cołegamento ła raprezenta una de altèrie pedonałe e turìsteghe de mazor tràfego. Fin a'l 1863, prima de ła vertura de'l Basin Orseoło e ła creasion de na nova viabiłità pì direta, ła gera ła via de cołegamento pì rapida infrà canpo San Luca e Piasa San Marco.
El nome de ła całe el riva da'l fato che inte'l Cuatrosento inte 'sta zona A sef fabregava e se vendeva łe frese. Algune łezi de ła Repùblega de Venesia resałenti a'l XIV sècoło łe prescriveva infati par tuti i sitadini dai 16 ai 35 ani l'obligo de ezersitarse setemanalmente inte'l tiro co ła bałestra a'l Lido de Venesia. Par 'sto tipo de ezersitasion A gera prevista na inbarcada cołetiva in Piasa San Marco e ła Fresarìa par ła só posta so'l parcorso e par la só funsion cołegamento co łe zone de Santo Stefano e Rialto ła costituiva na dezlocasion ideàl par l'acuisto de łe frese che ła gea fata dai sitadini [1]. Co'l tenpo e co ła dezistensa de ła vendita de frese, l'area ła ga mantenjùo el só carater de altèria artezanàl e comersial.
Senpre in 'sta zona A se catava ła botega de l'insizor in rame e calcofrafo (insizor) Giacomo Franco (1550-1620), che'l ga łaorà anca par i pitori Tizianello e Palma il Giovane a'l cuało el ga łasà dei beni in redità[1]. In pì A ghe ga sozornà George Byron inte'l só primo parìodo de permanensa in sità[1] e cołù che'l gavea a cuel tenpo cuìndeze ani: Wolfgang Amadeus Mozart, come ch'A recorda na tavèła posta so'l pałaso indove el ze stà ospità, propio so'l scominsio de'l parcorso in banda a'l Teatro La Fenice.
Note
canbia
Wikimedia Commons el detien imàjini o altri file so Fresarìa
