Ceza de San Cansian

	Ceza de San Cansian
Epònemo	Canzio, Canziano e Canzianilla (it)
Dati
Sorte	Ceza
Architeto	Antonio Gaspari; Giorgio Massari
Costrusion	1351
Caraterìsteghe
Stiłe architetònego	architettura barocca italiana (it)
Pozision
	Venesia
Pozision	Canarejo
	45°26′24.4″N 12°20′19.04″E
Atività
Diòseze	Patriarcàdo de Venesia
Rełijon	Catołega

Ła céxa de San Cansian xe un edificio sacro de Venesia logà inte el sestièr de Canaregio e afasà sul picoło canpo omonemo.

Storia

Ła legénda conta che ła Ceza sia òpara dei primi profughi de Aquiłeja scanpài qui a cauxa de łe invaxion barbariche In realtà łe prime trase storeghe de sta Ceza risałe al 1040.

Ła xe dedicàda ai martiri e fradełi de Aquiłeja Canzio, Canziano (o Cantiano) e Canzianilla, copài inte el 304.

Ła Ceza xe stàda squaxi costruìa patòca inte el XIV secoło e consacràda dal Vescovo de Gèxoło Marco inte el 1351

Naltra ristruturasión xe stàda ordenàda inte el XV secoło, ma ł'amànco de fondi gà fato slisegàr i łavori al XVIII secoło co łe òpare ga riciapà grasie anca a ła donasión de 2000 ducati da parte del parochiàn Michele Tommasi, a cui xe dedicà el busto sòra ła porta de intrada.

Ła Ceza se cata infra ła parochia de Santi Apostołi e queła de San Zaniipoło e xera un inportante pónto de arivo par łe gondołe che rivàva da Muran. In sèguito, a cauxa de vari łavori de ricuałificasión de łe strade infra i cuałi anca ła nasìta de ła Strada Nova, ła se gà ritrovà exiliàda in un'area de scarso pasagio.

Descrisión

Ła Ceza se desferensia par na granda senplisità. Ła pianta de ła Ceza vede do altèri su ła parede drita e do a sànca. El presbiterio ospita ł'altèr maxór, afiancà da do capełe lateràne. Ła capeła de drita, rica de marmari e stuchi cołorà de gran pregio, gera de proprietà de ła famegia Widmann e xe dedicàda a San Massimino. Ła capeła de sànca, deso dedicàda al Crocifiso, xera orixinariamente de ła famegia Rinaldi e dedicàda a San Filippo Neri.

Inportanti i do altàri de ła paréde de drita e 'l segondo de sànca co łe so pałe òpara de Bartolomeo Letterini.

Un mucio bei i dipinti de Domenico Zanchi su łe bande del presbiterio, Piscina Probatica e Moltiplicazione dei pani e dei pesci.