Personal computer

Un personal computer (da ła łéngua ingleze, in vèneto leterałe “calcołatore personałe” o sanò “conputador personałe”, sołitamente scursà in PC) el ze calsìase computer che el se inpresta a ła dòpara personałe e a ła customizasion da parte de l'utente inte el dòparo periòdego.

Fazesto tipegamente a liveło de hardware sevendo l'architetura de von Neuman e formà da un unità de ełaborasion sentrałe, in ingleze central processing unit, scursà in CPU (procesadore) e perifèreghe vàrie, de frecuente par fasiłitar inte ła dòpara in magnera tipegamente user friendly a liveło software el rełativo sistema oparadivo el inplementa inte ła so interfasa utente ła denomenada metàfora de ła scrivània.

El personal computer el ga de facto renpiasà inte el tenpo ła vècia màchina da scrìvar par dòparo personałe e de ufiso gràsie ai programi de videoscritura zontàndoghe numarévułe altre funsionałità (es. càlcoło, gràfega, projetasion, videozughi e altre funsion) gràsie a ła so fàsiłe programabiłità.

Stòria

Un sofistegàcomputer programàbiłe, l'HP 9830A

Al prinsìpio dei ani setanta łe persone che ndava drento a łe istitusion acadèmeghe o de reserca e i gaveva l'oportunità de doparare sistemi cofà el LINC che i zera monoutensa, interativi e i se podea doparare par longhe sesion de lavoro; anca se i zera oncora masa costozi par vegner cronpai e tegnesti da na sìnguła persona. Inte l'istesa dècada Hewlett Packard el ghea introduzesto dei computer da scrivania programàbiłi in BASIC (sèrie HP 9800), co tastiera, un picenin display a na lìnea e na stanpante. El Wang 2200 del 1973 el gaveva un monitor (CRT) de dimension stàndar co memorizasion in nastro magnètego (muzicasete).

L'IBM 5100 del 1975 el gaveva un picenin display CRT e el podea èsar programà in BASIC e APL. Sti cuà i zera isteso oncora computer costozi speciałizai, pensai par un dòparo sientìfego o de azienda. L'introdusion dei microprocesadori, un sìnguło sircùito integrà co testa ła sircuitaria che prima ła ocupava grandi case, el ga portà a ła prołiferasion dei personal computer dopo del 1975.

Micral N el ze sta ła primo microcomputer comerciałe, no vendesto in kit, bazà su un microprocesadore, l'Intel 8008 costruio partindo dal 1972 e i zera stai vendesti sirca 90 000 unità. El computer Sphere 1 el ze considarà èsar el primo computer de tipo moderno produzesto inte 1975.

El primo personal computer de bon èzito dei ani 1970 par el mercà de masa ła ze sta ła Commodore PET introduzesto inte el zenaro del 1977,

Conponenti

1. Monitor
2. Scheda mare
3. Unità de ełaborasion sentrałe (microprocesadore)
4. RAM
5. Scheda de espansion
6. Alimentatore
7. Unità òtega CD/DVD/BD
8. Disco fredo (HDD)
9. Mouse
10. Tastiera

• Unità sentrałe co drento del spàsio e i gansi par ospitare:
  • Scheda mare, memòria e unità de ełaborasion sentrałe,
  • Conetori,
  • ałimentatore,
  • pusìbiłi perifèreghe de espansion,
  • Ałojamento par łe perifèreghe de baze e i despositivi par łe memòrie de masa (disco fredo, CD etc.)
• Monitor/Display (o anàłoga unità de output esterna par ła visuałizasion dei dati)
• Perifèreghe de input/output
  • Tastiera
  • Mouse
  • Interface seriałi, parałełe, USB
  • Case acùsteghe

Sta particułare strutura modułare ła rende el personal computer defarente rispeto a łe altre categorie de computer, e precizamente dai mainframe (i denomenai computer «a armaron») tìpeghi dei grandi sentri de càlcoło cofà el PDP1 o el PDP 11 de ła Digital Equipment Corporation e dai microcomputer (computer par dòparo hobìstego da asenbrar, tìpeghi dei primi tenpi de l'època informàtega, che i vegneva programai mediante de na sèrie de microswitch, e i gaveva capasità de output limitae a batarie de led cołorai) Altair.

Dòparo

Un personal computer el ze pensà par vegner doparà diretamente da un utensa finałe, sensa l'intervento de un tècnego informàtego speciałizà. Sto ponto el ze in contrasto coi modełi de batch processing o de teme-sharing, che i permete a grandi e costozi sistemi mainframe de èsar doparai da tanti utenti, de sòłito in contenporànea, o coi sistemi informàteghi par l'ełaborasion de grande baze de dati, che i dimanda l'oparà efisente de na scuadra de tècneghi ocupai a tenpo pien.

Tipołozia

Desktop computer (o ełaboratore da scrivania)

Un desktop computer el ze un personal computer destinà a devegner doparà escluzivamente inte un posto fiso. El desktop el ze caraterizà da na notévołe espansionabiłità e modułarità e da prestasion cuazi senpre superiori in confronto a un comun computer portàtiłe.

Personal computer a unità sìnguła

El ze un tipo de desktop computer costituio solché da un monitor (che el połe èsar touch screen) che el integra tuti i conponenti hardware inte el so interior. I ghe ze anca varianti che i dòpara na tastiera cofà sìnguła unità, mentre che el mouse el ze senpre na perifèrega esterna.

Nettop

El ze un desktop computer projetà prinsipalmente par ła navegasion in Internet. El consuma manco enerzia, el ga dimension reduzeste, el ze pì lejero e el ga un preso normalmente pì baso, ma łe prestasion łe ze inferiore de neto in confronto a ła major parte dei desktop computer.

NUC

Se ze drio parlar de un PC co dimension tanto conpate e par sto fato el ze incomunàbiłe ai nettop, ma co prestasion pì alte e pì simiłari a cuełe de un computer personałe.

Home theater PC

Un home theater personal computer (HTPC) el ze un dispozitivo che el conbina łe funsion de un personal computer e de un videorezistratore. El ze ligà a un tełevizore e el ze munio de aplicasion multimediałi de utiłità par zestire foto, video e mùzega.

Computer portàtiłe

Un computer portàtiłe, anca ciamà laptop, o senplegamente portàtiłe, el ze un picenin personal computer projetà par ła portabiłità. Sołitamente tuti i conponenti hardware i ze incorporai in na sìnguła unità. El ze caraterizà da na bataria recargàbiłe de ełevada capasità, che ła połe ałimentare el dispozitivo par longhi perìodi de tenpo. In pì, par colpa de łe so dimension reduzeste, no el permete se no drento de serte limitasion de canbiar o ajornar ła configurasion hardware.

Desktop replacement

Un computer desktop-replacement el ze un portàtiłe che el dà ła major parte de łe funsionałità de un computer desktop, co un anàłogo liveło de prestasion. El ze caraterizà da un pezo e da dimension pì grande, de consevensa ła ofre na stra-basa portabiłità e ła bataria de sòłito ła ga na basa autonomia.

Subnotebook

Un subnotebook o, co tèrmano comersalmente afermà, un netbook el ze un portàtiłe projetà e comerciałizà par ła so portabiłità (picenine dimension, pezo reduzesto e de granda durada de ła bataria) co prestasion lejeramente pì base de cuełe de un notebook stàndar. Ma par rivar a ła redusion del pezo e de dimension, el detien poche porte, el dopara costozi conponenti e in pì inte ła major parte dei subnotebook ła ghe vien fata mancar l'unità òtega.

L'altra oncora e atuałe evołusion inte el vàrio mondo dei netbook el ze raprezentà dai ultrabook che i ze drio de presa sostituir i netbook. I ultrabook i raprezenta l'evołusion, soto dei tèrmani de dimension e conpatamento, dei netbook e li ze drio sostituir inte el marcà.

Tablet PC

Un tablet PC el ze un personal computer dotà de un schermo a toco cofà prinsipałe dispozitivo de input. El schermo a toco el consente a l'utensa de doparar el computer co na peneta dizitałe o co un deo, invese de na tastiera o mouse. El ze caraterizà da na longa durada de ła bataria e cofà par i subnotebook el detien poche porte input e el ga prestasion pì base in confronto de un normałe desktop.

Computer palmare, palmtop o PDA

El computer palmare o palmtop el ze un personal computer de dimension contegneste, i ze projetai par vegner tegnesti inte ła palma de na man. El ze in pì dotà de un schermo a toco che el permete el dòparo co na peneta dizitałe. El ze caraterizà da l'asensa del disco fredo, el ga programi e sistemi oparativi ezeguii su mezura e el ga prestasion pì base in confronto a un notebook.

Stasion de lavoro

Na workstation el ze un personal computer de fasa alta projetà prinsipalmente par aplicasion tècneghe e sientìfeghe e altri conpiti co fini altamente profesionałi. El ze caraterizà da prestasion pì erlevae in confronto dei normałi computer desktop.

Altri projeti

Altri progetti

• Wikimedia Commons

• Wikimedia Commons el detien imàjini o altri file so personal computer
• el detien schemi gràfeghi so

Linganbi foresti

• (EN) personal computerEnçiclopedia Britannica, Encyclopædia Britannica, Inc.

Controło de autorità	GND (DE) 4115533-6