Colonp


Al colonp al ze una de le specie de colunbidi pì comuni in Itàlia.

Colonp
[[File:Columba livia.jpg|frameless|center|260x300px]]Columba livia
Stato de conservasion
Status iucn3.1 LC.svg
ris-cio mìnemo
Clasifegasion sientìfega
DomìnioEukaryota
SotoregnoEumetazoa
SuperphylumDeuterostomia
PhylumChordata
SubphylumVertebrata
ClaseAves
SotoclaseCarinatae
InfraclaseNeornithes
FamejaColumbidae
SotofamejaColumbinae
ZènaroColumba
SpeceC. livia
Nomenclatura binomenałe
Columba livia
Gmelin, 1789
Sottospecie
* C. l. atlantis
  • C. l. butleri
  • C. l. canariensis
  • C. l. dakhlae
  • C. l. gaddi
  • C. l. gymnocycla
  • C. l. intermedia
  • C. l. livia
  • C. l. lividior
  • C. l. neglecta
  • C. l. nigricans
  • C. l. palaestinae
  • C. l. schimperi
  • C. l. targia
Columba livia distribution map.png


Columba livia

Al colonop al ze longo 30–35 cm co na verta alar de 62–68 cm. La part bianca da drio sot le la ze la pì gran carateristica identificativa del colonp, ma anca le do strisse negre che le cor te le ale bise. la coda la ze bordada de bianch. la testa e el col i ze biso blu te el adulto co riflessi de smeraldo. I oci i ze arancioi e i pol esser circondadi da anei biso-bianchi. Le sate le ze rossastre.

Al ze fort e svelto a volar. la vita de un colonp la va da 3 a 5 ani al stato salvarech, ma la pol donder anca 15 ani par le rase mesteghe.

No el ze facile destinguer i do sessi, solche co i ze insieme se pol ignacorderse del conportament del mastcio che al corteja la mastcia sgionfando al col, girando dintorn diverse olte e subiando; se pol anca destinguer la mastcia da la altesa, an pel pì pisola, e dal fato ceh a olte la se assa corer drio dal pretendente.

Durante al acopiament, al mastcio e la mastcia i se ciapa par al bech e i piega al col a turno par tante olte, infin a quando che la mastcia no la se cucia do te le sate e al mastcio no el ghe salta te la schena par meterla piena.

la copia la coa do ovi de color bianch. par 21 dì i se alterna la mastcia de dì e al mastcio de not. I nassituri i gnen alimentadi da la copia par i primi 5 dì co na specie de lat che la gnen dal goss dei genitori e par i dì sucessivi la alimentasion la sarà an missiot tra lat, siess de forment, garnei de sorch e altro che i genitori i pol reperir facilmente.

te un mese i pisoi i ze pronti par volar e abandonar al nit e dopo pena 6 mesi i pol reproduserse.

HabitatCànbia

Al colonp al ze tipico del Europa meridional, del nord Africa, e del Medio Oriente. Te le cità italjane e ten tante altre europee al ze presente in gran numero, pì che sia te le piase e te i parchi. Al ze fastidioss parchè al schita e al ze in part responsàbiłe del degrado de monumenti. Na voce che parò no la ze uficial la diss che an colonp a Venesia al coste mediamente 25 euro par an.

AlevamentoCànbia

La ze na specie che no la ze migratrice, e la ze bona de orientarse polito par catar la so colonbaia: sto tanto al ga permetest de inmestegarla (sta qualità la ze stata miljorada da na selesion forta fata da i arlevador).

Te la antichità i colonp viagiadori i gnea doperadi costantemente par portar messagi i mancansa de altre tecnologie. La inportansa de sti animai la ze diminuida co el uso del telegrafo e de le tecniche de comunicasion. Dinstess al on no el ga mai assà là de arlevarli tanto par pasion (in Itàlia esiste diversi centri colombofili validi) fa par al studio de le so capacità de orientamento a opera dei ricercador universitari. i gnen doperadi anca dal om te la casa al colonp salvarech come riciamo. le capacità de volo de un colonp le ze inpressionanti: in condision de bon tenpo al pol far anca 800 km a na mèdia de 70 km/h par tornar a la colonbaia de origine a la qual al ghe resta ligà par tuta la vita.

RaseCànbia

 
Un Colonp

Esiste tante rase, co diversi color e conformasion de diverse parti del corpo.

Povia al ga scrit na canson su el colonp.

  • 'Colombo Triganino Modenese'

BibliografiaCànbia

  • BirdLife International 2007. Colonp. In: 2008 IUCN Red List of Threatened Species. IUCN 2008.

Altri progetiCànbia

 
Colonp davant l'Angelika de Cervia

Linganbi forestiCànbia

  • Colonp su Avibase, database dei osei 'ntel mondo
Controło de autoritàLCCN (ENsh2004001401 · GND (DE4153975-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Colonp&oldid=1084477"