Cuco (el fis-ceto)

El cuco xe un strumento a fià fato de teracota fato el pi de łe volte cołe somejanse de un gało o de naltro oxeło o de un muso o anca de un pese. El xe de origini antichisime (antico Egito e Axia); difati se dixe anca vecio come el cuco' par dire de uno o de na roba tanto tanto vecia.

El xe un fis-ceto de ła çiviltà contadina de tuto el mondo; inventà par imitare el canto dei oxełi, el xe diventà na rapresentasion del fià de ła vita, doparà dai contadini come ogeto scaramantego contro i spiriti małigni e i predatori dei canpi e diventà col tenpo xugatoło pai boce: dal Perù al Brasile al Mèsego, dała Turchia ał'India ała Cina al Giapon, dał'Inghiltera ała Francia ała Svisera ała Germania, ała Norvegia, ała Svezia, ała Finlandia, ała Rusia, ała Połonia, ała Romania, ała Bulgaria, ała Grecia, ała Serbia, ała Spagna e al Portogało. In Italia, el cuco xe na tradision soratuto in Veneto (ghe xe un Museo dei cuchi suł'Altopian dei sete comuni, in comun de Roana, a Cexuna, el 25 apriłe, festa de San Marco, a Canove se tien ła sagra dei cuchi), ma i cuchi xe prexenti anca in Emiłia, Toscana, Lazio, Umbria, Campania, Puglia,Abruzzo, Basilicata.