Berto da Verona

Ciao Berto da Verona, ben rivà su Wikipedia, l'ensiclopedia libara!

Bon laoro e bon divertimento da tuti i wikipediani, --Giovanni (ghe xé qualcosa che podarìa far?) 20:34, 28 giu 2008 (UTC)

Par scominsiar ła to cołaborassion, varda par prima roba el tutorial e ła pàxena de aiuto.
Controła cosa métare e cosa no métare su Wikipedia e tiente in mente:

• no l'è mia consentio meter drento materiałe coverto da copyright
• łe vóxe łe ga da èsare in vèneto e rispetare un punto de vista neutrałe.

Se te ghè problemi, vien fare do ciàcołe, o domàndaghe a un aministrador o a qualsiasi wikipedian che te vedi cołegà vardando łe ultime modifiche.

right|Par firmare i to post usa el tasto indicà
Par firmare i to interventi 'nte łe pàxene de discussion lexi: uso de ła firma e dopara el boton che te vedi indicà da ła frecia.

Not Venetian?

Ciao. Te prego, se te vołi cavar via el zs, par piaxer pasa prima de qua e łasia na pìcena discusion par védare se ła comunità ła xé d'acordo. Xé tenpo che noialtri semo drio discutare sensa fin par catarne un sostituo, ma no trovemo consenso parché łe discusioni łe va perse en poco. No xé comunque el modo mejor de ciapar en man ła roba sta sfilzsa de modìfeghe, prima discutémone seriamente co tuti i utenti. --Giovanni (ghe xé qualcosa che podarìa far?) 20:34, 28 giu 2008 (UTC)

Grassie del benvenuto. Scolta, mi magari sarò sta un po' massa "bold" a modifegar tute ste paxine de me inissiativa. Però mi proprio no capisso che senso gavaria metarse a discutar. Saria come se in tela wiki inglese i decidesse, che so, se in tela tersa persona dei verbi ghe va la -s o no. No l'è na roba che i pol decidar lori. Ogni lingua, compreso el dialeto veneto, ga le so regole, e sicuramente la zs no la fa parte de ste regole, no la sa mai visto nè in cielo nè in tera. Quindi che senso ga discutar? Scrivar "zsinque" l'è un error e basta, l'è come se mi in italian me metesse a scrivar "acquilone" co la c. Se no te si bon de capir questo, podemo discutar fin a la nausea, ma no servirìa a un bel gnente. Berto da Verona 22:51, 28 giu 2008 (UTC)

Ciao Berto, e benvegnù! Son propio contento de védar che qualche persona de bon senso la ghe xe! Anca mi gò proà a discùtar par cavar sto zs maledeto, e son anca riussìo a convénzar alcuni utenti come Beppe, ma con altri come Giovanni e Groucho85 a no ghe xe verso de ragionar. Xe façile dire "discutemo", ma ogni volta che se verze na discussion, a no partèçipa mai nissuni! Par conto mio ti gà fato ben a intacar tute quele modifiche! Senò se spetemo lori... saludi Candalua 08:41, 29 giu 2008 (UTC)

Ła łéngoa vèneta vàrea da zona a zona, alcuni i dixe sinque, altri zinque, altri sinque. Tute łe łéngoe łe ga sostemi unifegai di scritura anca si ghe xé senpre difarenzse fra łe varianzse. El sistema de Brunelli adota tute se scriture par farghe sì che posa èsare łeto da un bełunexe che da un venezsian. Deso, podarìa anca dir che el zs xé bruto, anca mi ła penso cusì, ma xé funzsionałe. Se no femo come i emiłiani che i divide łe łore pàxene par i diałeti. Ełora Candalua, el GVU, che grafegamente sarìa anca mejor, no unise łe scriture ma propon na quantità di scriture (alcune poi asurde) inùdiłi se consideràe tute asieme. Sinque xé padovan, venezsian, veronexe, vizsentin; zinque trevixan, thinque bełunexe: zsinque unifegà en vèneto ła łengoa co ła cual voremo scrìvare sta enzsiclopedia, poi ognun scriva come vołe, ma en ogni caxo sarìa mejo spetar un periodo co pì xente par propore discusion o provar ste modìfeghe. Bon łavoro :-) --Giovanni (ghe xé qualcosa che podarìa far?) 08:24, 30 giu 2008 (UTC)

10!

Scuxa el disturbo, voƚevo soƚo che farte savere che in sti xorni semo drio festegiar i 10 ani de ƚa wiki in lengua veneta. Xe un toco che no te contribuisi, ma dato che in pasà te ghe contribuìo tanto a sto progeto a go pensà che te gavarisi vùo caro saver de ƚa ricorensa. Ciao!--GatoSelvadego (msj) 19:34, 29 oto 2015 (CET)