Football Club Internazionale Milano

Football Club Internazionale Milano
	;
Vestiàrio
Bomò	Fratelli del Mondo
Ino	C'è solo l'Inter (it)
Epònemo	internasionałe
Dati
Nome scursà	Inter e Inter
Soranome	Nerazzurri, La Beneamata e Il Biscione
Sorte	club de bałon
Forma zurìdega	S.p.A.
Creasion	9 de marso del 1908
Atività
Spor	bałon
Liga	Serie A (1929–)
Stàdio	stadio Giuseppe Meazza (it) : Miłan (Itàlia) . 75 817
Ecuipajamento	Nike
Spònsor	Pirelli ; Volvo (it) ; Lyoness (it) ; Suning.com (it) ; Caffè Motta (it) ; ManpowerGroup ; Radio Italia ; Frecciarossa (it) ; La Molisana ; A2A ; Technogym ; Radio Dimensione Suono ; Beretta ; Midea ; EA Sports (it) ; Norda ; Sangemini (it) ; Crédit Agricole (it) ; Sky Group ; Konami (it) ; Mastercard ; Brooks Brothers ; Gatorade (it) ; DAZN (it) ; Linkem ; Samsung ; Lenovo ; Hugo Boss (it) ; Acronis (it) ; eFootball (it) ; Inno-Hit (it)
Governo d'impresa
Presidènsa	Giuseppe Marotta (it) (2024–)
Ałenador	Simone Inzaghi (it) (2021–)
Propietàrio	Oaktree Capital Management (2024–)
Filiałi	Football Club Internazionale Milano (it) ; Football Club Internazionale Milano Elite Academy (it) ; Inter Campus (it)
Altri
	Premi UEFA Club Football Awards (it) ; squadra dell'anno UEFA (it) ;
Sito web	inter.it
	Pozision

El Football Club Internazionale Milano, de sołito ciamà soło Inter, el xe na scuadra de bałon de Miłan. Ła xe stada fondà inte el 1908, la ga vinto 18 canpionai itałiani, 3 Cope Canpioni, 2 Cope Intercontinentałi, 1 Copa del Mondo par club, 3 Cope UEFA, 7 Cope Itałiane e 5 Supercope Itałiane. La xe tut'ora una de łe scuadre pì forti in Itàlia e in Europa. La xe ałenà da Antonio Conte e el sò capitan ne ła stajon 2019/2020 el xe Handanovic.

Ła storia

El Football Club Internazionale Milano el xe nato al Ristorante Orologio ła sira del 9 de marso 1908 da 44 disidenti del preesistente AC Milan, el cuałe el gavea inposto de non far xugare xugadori de bałon foresti e el gaveva decixo de non partesipar a nisun torneo nasional. El nome sèlto par ła nova scuadra el ga vołesto sinbołexàr ła vołontà cardine de ła sossietà: dare ła posibiłità a xugadori foresti de vestire sta maja: "Questa notte splendida darà i colori al nostro stemma: il nero e l'azzurro sullo sfondo d'oro delle stelle. Si chiamerà Internazionale, perché noi siamo fratelli del mondo."
Ła prima vitoria rìva ne ła stajon 1909/1910, cò che ła vinse el canpionato.
Dopo el scudeto del 1920, l'Inter ła vinse anca ła prima Serie A cossida ciamà (a xiron ùnego 'ndoe che ogni scuadra xuga cò łe altre dò volte, una inte el sò stadio e una fòra) inte el 1930.
Inte el 1959, ciamà dal presidente de ałora Angelo Moratti, riva dal Barsełona l'ałenator Helenio Herrera. Tàca cussita i ani de ła Grande Inter, che inte el quatro stajoni (1962/63 - 1965/66) riesse a vinsare tre scudeti (l'ultimo el xe el desimo de ła sò storia), dò Cope dei Canpioni e dò Cope Intercontinentałi.
Ne ła stajon 1988/1989 l'Inter vinse el Scudeto dei record: su disdoto scuadre la riva prima cò 58 punti (26 partie vinte, 6 parejà e 2 perse). Mai nisuna scuadra jera riussia a fare cussita tanti punti cò che ła vitoria ghi ne dava dò.
Nei ani '90 l'Inter vinse 3 Cope UEFA, ma lo scudeto dopo el riva inte el 2006: l'è el primo de xinque scudeti uno drio che ł'altro. Inte el 2010, soto ła presidensa de Massimo Moratti (fioło de ł'Angelo de sora) e cò ałenatore Jose Mourinho, ła fa el triplete vinsendo, inte el xiro de 20 dì scarsi, ła Copa Italia (in finałe contro ła Roma), lo scudeto (dò punti sòra de ła seconda, che ła jera oncora ła Roma) e la Copa Canpioni (in finałe contro el Bayern de Monaco). A xe ła prima, e fin desso l'ùnega, scuadra itałiana bona de vinsere 'ste tre competision ne ła stessa stajon. A l'inissio de ła stajon dopo ła vinse anca ła Supercopa Itałiana e la Copa del Mondo par club.

Sìnbołi

I cołori de ł'Inter i xe da senpre el nero e l'axùro. Ło stèma xe canbià pì volte inte i ani, ma dal 2007 el xe tornà simiłe a queło de sento ani prima: vàri sèrci nèri e blu cò ło steso sentro e in mexo e letare F, C, I e M scrìte una sòra de che ł'altra. A difarenxa de ł'orijinałe ghe xe na s-ciànta de sèrci cołor oro e, sòra de tuto, na steła dorà che ła xe stà s-giontà dopo ła vitòria del scudeto numaro diese.
Ła maja da dòparare nełe partìe a Miłàn la xe senpre stà a strisse nère e axure (o nère e blò) verticałi, qualche ano un fià pì grose e qualche altro un fià pì cee. L'ùnega ecesion la xe queła doparà inte el 1929 dopo che Mussolini e i sò omani gavea voesto che l'Inter ła canbiasse nome Società Sportiva Ambrosiana e che anca la majèta riciamasse a sò sità: maja bianca cò de sòra na crose rossa, sinbòło de Miłàn. Sta majèta ła xe stà doparà de novo nełe stajoni 2007/2008, par festejare i sento ani de storia de ła scuadra, 2008/2009 e 2009/2010, ma in sti casi ła jera soło ła secònda o la terxa maja.
L'ino ofisiałe de ł'inter el xe C'è solo l'Inter, scrita da Elio di Elio e le Storie Tese e cantà da Graziano Romani. N'altra canson de ł'Inter, doparà anca inte el stadio inte łe partìe, xe Pazza Inter amala; ła version cantà dai xugadori stesi ła xe fòrse ła pì famosa.

Rosa

Rosa, numerasion e ruoli i xe ajornai al 31 de xenaro 2014.^[1]

N.	Ruolo	Xugador
1	P	Samir Handanovič
2	D	Jonathan
4	D	Javier Zanetti (capitàn)
5	D	Juan Jesus
6	D	Marco Andreolli
8	A	Rodrigo Palacio
9	A	Mauro Icardi
10	C	Mateo Kovačić
11	C	Ricky Álvarez
12	P	Luca Castellazzi
13	C	Fredy Guarín
14	D	Hugo Campagnaro
16	C	Gaby Mudingayi
17	C	Zdravko Kuzmanović

N.	Ruolo	Xugador
18	D	Wallace
19	C	Esteban Cambiasso (vixe-capitàn)
20	A	Rubén Botta
21	C	Saphir Taïder
23	D	Andrea Ranocchia
25	D	Walter Samuel
30	P	Juan Pablo Carrizo
33	D	Danilo D'Ambrosio
35	D	Rolando
55	D	Yuto Nagatomo
77	C	McDonald Mariga
88	C	Hernanes
-	C	Rene Krhin

Staff tecnico

Staff attuale dell'area sportiva

Ałenatore: Luciano Spalletti.
Vice-ałenatore: Nicolò Frustalupi.
Preparatòr dei portieri: Nunzio Papale.
'Preparatòr atletico: Giuseppe Pondrelli.
Cołaboratòri tecnici: Giuseppe Baresi, Luca Vigiani.
Match Analyst: Michele Salzarulo.
'Responsàbiłe del setòre medico: Franco Combi.
'Medico: dr. Giorgio Panico.
Preparatore de recuparo: Andrea Scanavino, Maurizio Fanchino.
Massofisioterapisti: Marco Dellacasa, Massimo Dellacasa, Luigi Sessolo.
Riabijitaxiòn: Andrea Galli, Alberto Galbiati.

Note

↑ Squadra, inter.it. entrada il 31 gennaio 2014.

Wikimedia Commons el detien imàjini o altri file so Football Club Internazionale Milano
Scholia el detien schemi gràfeghi so Football Club Internazionale Milano

Controło de autorità	VIAF (EN) 12144648209701125775 · ISNI (EN) 0000 0004 1762 6675 · LCCN (EN) n85101849 · GND (DE) 4710043-6 · BNF (FR) cb16556223j (data) · WorldCat Identities (EN) n85-101849

[1] Squadra, inter.it. entrada il 31 gennaio 2014.

[1]