Francesco Casucci
Francesco Casucci mejo conosùo col nome d'arte Ciuke (Venesia, 1950 - 15 zenaro 2008), xe stà un musicista italian, ex bassista dei Pitura Freska, famoxo grupo reggae venesian.
| Francesco Casucci | |
| Nome vero | Francesco Casucci |
|---|---|
| Nasesto/a | 1950 Venesia |
| Mortesto/a | 15 de xenaro 2008 Mestre |
| Xènaro muxicałe | Pop Reggae Rock |
| Eticheta discografega | Ossigeno |
| Instrumento/i | baso |
| Atività prinsipałe | cantante, muxicista |
| Discografia | |
| Albun | 1 Na bruta Banda co i Pitura Freska, 1 coi Aquaraxa |
| En vivo | 2 |
 | |
BiografiaCànbia
El xe stà, co Sir Oliver Skardy, ch'el gà conosùo 'ntel 1977, co-fondador dei Pitura Freska. El partesipa ai primi tòchi dea band, esendo bassista in Na bruta banda, album che gà segnà el suceso del grupo venesian, co brani come Pin Floi e Marghera.
Nei primi ani novanti, a cauxa de na małatia łonga, el moła ła band, dedicandose comunque ała musica e mategnindo el sodałisio co Skardy che xe senpre so' vero amigo. Intra i maxori progeti musicałi, ghe xe la fondasion dei Aquarasa, band dove oltre che cantante gera anca chitarista, conpositor de un mucio de musiche e parołe. Ultima fadiga de Ciuke xe Cose buone dal mondo, album publicà 'ntel 2003.
El xe spirà al połiclinico San Marco de Mestre el 15 xenaro 2008 e 'l 18 xenaro, neła ciexa de del Cristo Lavoratore de Marghera, s'a svolto i funerałi. In so memoria s'a tegnùo concerti che gà visto i Pitura Freska sonar da novo insieme.
Linganbi forestiCànbia
- (EN) Francesco Casucci, so Discogs, Zink Media.
