Grande Bidello

Grande Bidello xe el primo album sołista de Sir Oliver Skardy, publicà inte el 2004.

Grande Bidello

Tipo	àlbun
Artista	Sir Oliver Skardy
Publegà	2004
Zènare	rock
Istòrego
← nisun vałore Piragna (it) (2010) →

El disco

El primo łavoro sołista de Skardy vol continùar co l'esperiensa muxicalmente reggae e in łengua venesiana, anca se qui tanto contaminàda da łonghe escursion ne ła łengua itałiana, fata dal muxicista dei Pitura Freska^[1].

Se rimarca, óltra al tòn ironico, queło połemico contro na realtà dominàda dai mass media a cui se ghe referìse el titoło e ła covertina (anca queła progetàda da Skardy) de l'album co ciàro riferimento al reality show Grande Fratello^[2].

Ła tràsa più sełebre, Bideo, title track del disco, xe queła più autobiografica: parla de ła profesión de Skardy, inpiegà cofà bidèło inte el Istituto Statàłe d'Arte de Mestre; no manca i consueti trati de połemica sociałe, qui inte el spesifego contro el stàto de degrado de łe scòłe statałi e i stipéndi dei diretóri.

Połemica sociałe che deventa più agùa in Nord Est, retràto de ła società veneta contenporanea che da ła ristretésa de na tradisionàłe economia agricoła xe pasàda a na richésa inprenditoriałe fordemexùra exaltàda, che sòto par sconder vòdi culturałi: eco che inte el ritorneło se trovava versi cofà : sono l'uomo della foresta / al piantatuberi che s'ha montà ła testa . El tema de l'aparénsa, qui tocà, se interna in Sex Symbol.

El rimàrco al podér połitego cata spasio in Super Skank (canson escluxa dal festival de San Remo, ma anca in Ah mi no so miga, che riciapa el tema de ła più famoxa Marghera (Na bruta banda, 1991) dei Pitura Freska: ła łibarałixasiòn de łe droghe łixiere; in sto brano Skardy mensòna na serie de proibisión drìo łe cuałe se ghe scondarìa soło che na asion regresiva del podér, ocupà a sconder i pròpi più grevi małani: i veri dełinquenti stà bei stravacài / par rompere il tedio perseguitemo i s-ciopài.

Trova spasio anca temateghe più dixinpegnàe e łicensioxe: queła sesuałe se pol trovar in brani cofà Lap dance e Tettakiller. El tema amoroxo invese xe queło de Stella, el capitoło più lirico de l'album, a łe cui atmosfere contribuise łe voxe de Farida e de Sara Montanari.

Trase

1. Radio Maranza - 3:02
2. Bideo - 3:52
3. Super Skank - 3:45
4. Bluff - 4:23
5. Nord Est - 3:29
6. Ah mi no so miga - 4:24
7. Break deca - 0:22
8. Sex symbol - 3:16
9. Lap dance - 3:13
10. Tetta killer - 3:33
11. Break tandui - 0:11
12. El xe U (Brek on through) - 2:35
13. Do mie - 4:07
14. Brek tanka - 0:20
15. Ketchup - 3:55
16. Stella - 3:44
17. Competition generation - 1:37

Artisti e muxicisti

• Muxiche e testi: Sir Oliver Skardy (foraché Radio maranza, co Ballarin e Di Angilla, ed El xe U (Break on through), tiràda xo da un brano dei Doors)
• Voxe: Sir Oliver Skardy

Muxicisti

• Chitare: Sir Oliver Skardy
• Programasión e tastiere: Gianluca Ballarin
• Programasión e percusión: Leonardo Di Angilla

Ospiti

• Carlo e Giorgio: voxe in Radio maranza
• Angela Milanese: voxe in Bluff
• Sara Montanari: cori in Stella
• Farida: cori in Super skank e Stella
• Teo & The Bombs horn section: fiati in Ah mi no so miga
• TheAlchemist Bebo Baldan: baso, percusión, tastadùre, dub, e programasión in Super Skank
• Giovanni Boscariol: tastadùre e programasión in Bideo e Stella

Note

1. Recensión de italianissima.net
2. Recensión de rockol.it
3. El testo de Bideo
4. Articoło su el Grande bideo del reggae venesian (ligo ronpesto dispunìbiłe in Internet Archive; védarse el istòrego, la prima version e ła ùltema).

1. Ła copertina del disco (ligo ronpesto dispunìbiłe in Internet Archive; védarse el istòrego, la prima version e ła ùltema).

Łigamenti foresti

• Scheda de l'album in skardy.it Archivià il 10 de novenbre 2011 in Internet Archive.

• Sir Oliver Skardy in almamusic.it
• el detien schemi gràfeghi so