Gualtiero Bertelli

Gualtiero Bertelli (Venessia, 1944) el xe un musicista e cantautor.

Gualtiero Bertelli
Nasesto/a16 de febraro 1944 Venesia
In atività dal1964
Xènaro muxicałemuxica popołare
Eticheta discografegaI dischi del sole, Nota
Instrumento/ichitara, pianoforte, fixarmonica
Atività prinsipałecantautore
Discografia
Albun79
Stùdio7
En vivo2
Sito webhttp://www.gualtierobertelli.it/
IMDB: nm3436922
Last fm: Gualtiero+Bertelli Musicbrainz: e8e508b1-66a3-4302-b660-ad06cf7add59 Discogs: 2050141 Allmusic: mn0002180799

BiografiaCànbia

Cressuo in na famegia de operai, se mete presto a far politica. Studia ale magistrałi e po va a insegnar. Intanto xe drio studiar musica e sona anca in un grupo de musica "esiera".

Deside po de meterse a far riserche suła musica popołar veneta, anca influensà dai dischi del "Cantacronache" che el gaveva scoltà. De solito 'l scrive anca łe parołe, ma qualche volta scrive ła musica anca par i versi de Mario Isnenghi. I so primi testi xe in venexian: Bertelli xe fortemente łigà, infati, al so ambiente social e politico. La łengua venexiana, però, no xe de ostacolo par difonder łe so canson. Ałe volte se mete anca a scrìver in itałiàn, specie co che vol slargar el discorso o vol parlar de robe e persone che no xełe stretamente łigae ała so cità. La so łengua, che xe queła deła classe operaia, vorla esprimer na cultura de łota e oposission.

Nel 1964 conose Luisa Ronchini: con eła e con altri forma el "Cansonier Popolar Veneto" (trad:Canzoniere Popolare Veneto). Sto grupo ciaparà parte ałe łote operaie, ałe occupasion dełe fabriche de Malghera, ałe łote par ła casa e cussì via. Sti tosi vołi far vèder łe situassion de soferensa, de sfrutamento, de łota, e anca l’oppression de na serta moral da basabanchi. De sto periodo ricordemo ła so canson "Ma sti signori" che xe stada scrita proprio co che 'l gera de fassa ałe fabriche.

Nel 1967 col Cansonier fa ło spetacoło "Tera e Aqua". Sempre in sto periodo scrive una dełe so canson più famose: "Nina".

Nel 1968 incide Addio Venezia addio ("Adio Venexia adio"), dove che se parla deła morte de Venexia dovua al fato che ai so poitici no ghe ne importa gnente dei problemi deła zente. Nel 1970 vien fora I giorni della lotta ("I zorni deła łota"): qua se vede ben el tema social e połitico e infati Bertelli in sto periodo partecipa a tanti spetacołi fortemente połitici, compagnando łe prime łote dei studenti e dei operai dei ani '70.

Łavora anca co ła Compagnie teatral Nuova scena n. 5. Nel 1971 el Cansonier Popolar Veneto se divide e łora Bertelli fonda el Nuovo Canzoniere Veneto (Novo Cansonier) e co staltro grupo va anca a cantar ała quinta rassegna L’altra Italia dove presenta i problemi e ła società de Malghera.

Nel 1975 fa el disco Mi voria saver e invense nel 1977, nel disco Nina, mete assieme łe so canson più famose.

Nel 1980 se presenta ałe elession comunali de Mira (dove adesso 'l vive), come indipendente, par el Partito Comunista Italiàn, el vien eleto e po deventa anca assessor ała cultura e ała pubblica istrussion. Łavora all’IRRSAE del Veneto dirisendo un progeto par ła formassion dei insegnanti ała musica.

Nel 2007 se candida de novo a Mira par łe comunali, par na łista civica ciamada "Vivi Mira", de centrosinistra, ma sto giro no el vien ełeto.

DiscografiaCànbia

  Sta sesion ła xe oncora voda. Jùtane scrìvarla!

Voxe corełaeCànbia

Colegamenti esterniCànbia

Controło de autoritàVIAF (EN121198092 · ISNI (EN0000 0001 1701 6293 · SBN (ITIT\ICCU\RAVV\053120 · LCCN (ENno2010074212 · WorldCat Identities (ENno2010-074212
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gualtiero_Bertelli&oldid=956386"