Wikipedia

John Travolta

Ła version stabiłe ła xe stà verifegà el 15 luj 2024. Ghe xe canbiamenti a modèłi e/o file in sta version in atexa de revixion.


John Travolta, (Englewood, 18 de febraro, 1954) el ze un ator, cantante e bałarin statunitense.

Infotaula de personaJohn Travolta
Biografia
Nasimènto(en) John Joseph Travolta Cànbia el vałor in Wikidata
18 de febraro del 1954 Cànbia el vałor in Wikidata (70 ani)
Englewood (New Jersey) (it) Traduzi Cànbia el vałor in Wikidata
Dati personałi
RełijonCeza catòłega e Scientology (it) Traduzi Cànbia el vałor in Wikidata
FormasionDwight Morrow High School (en) Traduzi Cànbia el vałor in Wikidata
Cołor dei ociCełeste Cànbia el vałor in Wikidata
Cołor de cavejiCavejo nero Cànbia el vałor in Wikidata
Atività
Laóro
ator, ator de tełevixion, ator, ator de teatro, bałarin, produtor de cine, scritor, cantante, dopiador Cànbia el vałor in Wikidata
Atività1969 - in atività
Instrumento muxegałeVoze Cànbia el vałor in Wikidata
Àlbun10
Repertòrio
pop rock, R&B, disco, soft rock
Fameja
SpoxaKelly Preston (it) Traduzi (1991–2020), morte del coniuge (it) Traduzi Cànbia el vałor in Wikidata
Fiołi
ZenitoriSalvatore Travolta (en) Traduzi Cànbia el vałor in Wikidata  e Helen Cecilia Travolta (en) Traduzi Cànbia el vałor in Wikidata
Fradełi
Joey Travolta (it) Traduzi, Ellen Travolta (it) Traduzi e Margaret Travolta (it) Traduzi Cànbia el vałor in Wikidata
Segno
Cànbia el vałor in Wikidata
Sito webtravolta.com Cànbia el vałor in Wikidata
IMDB: nm0000237 Allocine: 1844 Rottentomatoes: celebrity/john_travolta Allmovie: p71670 TCM: 193826 Metacritic: person/john-travolta TV.com: people/john-travolta IBDB: 79824
Facebook place: johntravolta Instagram: johntravolta Vimeo: johntravolta Spotify: 4hKkEHkaqCsyxNxXEsszVH Last fm: John+Travolta Musicbrainz: 94f4c61e-5cf3-4cba-ab3e-9bd5be99f6ab Songkick: 520527 Discogs: 195173 Allmusic: mn0000192840

El ga otenjesto ła fama internasionałe co i film La febbre del sabato sera (1977), par el cuało el ga risevesto na candidatura par l'Oscar al mejo ator, e Grease (1978). Inte el 1994 el ga intarpretà Vincent Vega inte el film Pulp Fiction, risevendo na segonda candidatura al Premio Oscar al mejo ator. Inte el 1995 el se ga azudegà el Golden Globe par el mejo ator in un film comedia o muzegałe par ła so intarpretasion in Get Shorty. El ga risevùo nantre do candidature ai Golden Globe (oltre a cuełi za minsonai) par i film I colori della vittoria (1998) e Hairspray - Grasso ze bello (2007).

In canpo tełevizivo, el ze conosuo par ła so intarpretasion de Robert Shapiro inte ła serie antołozega American Crime Story (2016), par ła cuała el otenjuo el plauzo de ła critica e na candidatura al Premio Emmy come mejo ator non protagonista.

Biografia

canbia

Travolta nase ad Englewood, inte el New Jersey, ultemozenito dei sie fiołi de Salvatore "Sam" Travolta (1912-1995), copropietario de na dita de pneumadeghi, ła Travolta Tyre Exchange, ed ex zogador semiprofesionista de football merican de orizeni itałiane (ła fameja de Sam ła jera orizenaria de Godrano, comune de l'odierna Sità metropułitana de Pałermo), e de Helen Cecilia Burke (1912-1978), na dosente de angleze e de arte dramatega de orizeni irlandeze, in pasà na atora e cantante col grupo muzegałe radiofonego de łe The Sunshine Sisters; ze stà par merito de ła mare, infati, che i picołi Travolta ga avuo modo de creser e formarse a contato co ła muzega e l'arte. Travolta crese so un cuartier de ła sità scuazi escluzivamente irlandezo-merican, venjendo, par so stesa amision, mazormente a contato co łe so raìze irlandeze che co cuełe itałiane a caza. Educà in fameja come catołego, inte el 1975 el deventa menbro ativo de Scientology.

Travolta e i so fradełi i zera uzi ezibirse onji setemana in recite, co łe cuałe łori intratenjiva amighi e visini de caza. A dodeze ani, el vien incorajà dai zenitori a ciapar łesion de tip-tap da Fred Kelly, so fradeło del çełebre Gene. Drioman, el ricita in alcuni musical de cuartier. Inte el 1971, dopo aver frecuentà ła Dwight Morrow High School, el abanda i studi par poderse dedegar a ła propia cariera artistega a tenpo pien.

L'ezordio a Broadway e i primi rołi

canbia
 
John Travolta inte I ragazzi del sabato sera (1976)

A ła reserca de un łaoro inte el teatro, Travolta otien un roło inte ła conpanja itinerante del musical Grease (1971) e'l seita calcando łe sene de Broadway col spetacoło Rain; el gran suceso teatrałe otenjesto co Grease ło mena in ziro par tuti i Stati Unii, e drioman a trasferirse a Los Angeles par seitar ła so cariera da ator. Ła ze so mare Helen a spronarlo a frecuentar corsi de recitasion a New York.

Inte el 1975 el riese farse notar inte el film Il maligno, andove el otien el so primo roło di rimarco.

Inte el 1976, a l'età de sołi 22 ani, Travolta ga el so primo roło da protagonista, entrando a far parte del cast de ła çełebre serie TV I ragazzi del sabato sera, indove el interpreta Vinnie Barbarino, un studente itałian da ła vena poetega, che el se diverte a insołentar el prosimo in rima. In chel steso ano el veste anca i pani de Billy Nolan inte el film horror Carrie - Lo sguardo di Satana, adatamento sinematografego del romanzo d'ezordio de Stephen King Carrie.

El suceso mondiałe

canbia
 
John Travolta inte el 1983

El rejista John Badham resta inpresionà da ła prestasion teatrałe de Travolta, el traze sponto da ła so intarpretasion e'l ło sernise cofà protagonista par el so sucesivo film.

Travolta incontra el suceso col ze protagonista del cult La febbre del sabato sera (1977), inte el roło de Tony Manero, un comeso itało-meregan, che el serca el so riscato el sabo de sera inte łe discoteche newyorkezi. Co sto film, l'ator ze bon de incrementar ulteriormente ła so notorietà, otenjendo anca ła so prima candidatura ai Oscar del 1977. El film se reveła un grandisimo suceso in tuto el mondo, e'l deventa na icona dei ani de ła disco music; grasie a sto film, John Travolta el deventa un divo de fama mondiałe.

El suceso se ripete anca inte el 1978, col vien contatà da Randal Kleiser par intarpretar el roło de Danny Zuko inte el film Grease, traspozisoon sinematografega de l'omonemo musical, e indove el recita insenbre a Olivia Newton-John. El suceso el ze sensa presedenti: el film, anbientà inte i Stati Unii dei ani sincuanta, otien sincue candidature ai Golden Globe inte el 1979 e ła cołona sonora ła vende pì de 25 milion de copie inte el mondo, deventando ła pì vendua inte ła storia de ła muzega. El brano You're the One That I Want, un doto tra Travolta e ła Newton-John, el vende pì de 7 milion de copie globalmente, e'l sta in sima a ła clasifeghe muzegałe de Stati Unii e Renjo Unìo.

Inte i ani drio ła so cariera ła subise na brusca frenada. Intrà i film intarpretai, che no i otien el suceso de publego e critica sperà, se recorda Urban Cowboy (1980), Blow Out (1981), el seguito de La febbre del sabato sera, Staying Alive (1983) di Sylvester Stallone, nonché Due come noi (1983), che ło vede da novo in cubia co Olivia Newton-John dopo Grease. Inte el steso periodo l'ator refuda alcune proposte che pezarà so ła so cariera, tra cui American Gigolò (1980) e Ufficiale e gentiluomo (1982), film che rende famozo Richard Gere.

Ła rinasita co Pulp Fiction e altre cołaborasion

canbia
 
John Travolta al Festival del sinema meregan de Deauville 1991

Inte el 1989 el recita in Senti chi parla darente a Kirstie Alley; el film el otien un gran suceso e incasa pì de 297 milion de dołari in tuto el mondo, devenjendo el segondo mazor suceso inte ła cariera de Travolta dai tenpi de Grease; drioamn el recita inte i do seguiti del film: Senti chi parla 2 (1990) e Senti chi parla adesso (1993). Inte el 1989 el partesipa, inazonta, al video muzegałe del sìngoło Liberian Girl di Michael Jackson.

 
John Travolta inte el 1997

Ła so cariera ła ga na nova inportante zvolta inte el 1994, cuando che Quentin Tarantino ło vol par el sorprendente roło del gangster Vincent Vega in Pulp Fiction, un cult movie che regała a Travolta na segonda zoventù artistega, frutàndoghe anca ła so segonda candidatura ai Oscar.

El roło insołito inte el film de Tarantino ofre l'oportunità a Travolta de tornar a otenjer granda popołarità e de venjir scriturà par i film Get Shorty (1995) e Phenomenon (1996). Co el suceso de sti film, Travolta torna a esar uno dei atori pì rechiesti, come ai tenpi de La febbre del sabato sera. Drioman el partesipa ad altri inportanti film come Mad City - Assalto alla notizia (1997) insenbre a Dustin Hoffman, Face/Off - Due facce di un assassino (1997), a fianco de Nicolas Cage, La figlia del generale (1998), altro sostansiozo suceso al boteghin e di critica, e A Civil Action (1998), de fianco a Robert Duvall.

El novo miłenio e altri projeti

canbia

Inte el 2000 el vinse el Razzie Awards par ła pezo intarpretasion de l'ano in do film, Battaglia par la Terra e Magic Numbers - Numeri fortunati. Par el primo, el riseve anca el Razzie Awards a ła pezo copia, un premio singołare vinsesto, come spiegà inte ła motivasion, da l'ator e da chisesipia el gapie recità co eło inte el film[1].

Inte el 2007 el torna al musical recitando inte el film Hairspray - Grasso ze bello, inte el roło de Edna Turnblad, na formoza dona mare de ła protagonista; anca sto film el se reveła un gran suceso al botehgin. Inte el 2010 el ze protagonista co Jonathan Rhys Meyers in From Paris with Love, del rejista Pierre Morel.

Inte el 2016 el ze tra i protagonisti de American Crime Story, spin-off de ła serie horror antołozega American Horror Story.

Vita privà

canbia
 
John Travolta co ła mujer Kelly Preston al Festival de Cannes 2014

So'l set del film tełevizivo The Boy in the Plastic Bubble (1976), Travolta conose l'atora Diana Hyland, a cui el resta łigà fin al 1977, cuando che ła more par un cancro al sen.

Inte i ani novanta Travolta el se spoza du volte co l'atora Kelly Preston, conosua sol set del film Gli esperti americani. Ła cerimonia ła ga da esar ripetua: ła prima, ofisiada el 5 de setenbre 1991 da un ministro de ła ceza de Scientology, no ła ze riconosua vałida sol pian łegałe; ła segonda, sta volta łegalmente vałida, ła ze ofisiada durante el steso meze. Dal matrimonio nase tre fiołi: Jett (1992-2009), Ella Bleu (2000) e Benjamin (2010). Ła fioła Ella ła debuta inte el mondo del sinema inte el 2010, al fianco del pare inte el film Daddy Sitter.

El 12 de łujo 2020, tramite el so account Instagram, el anuncia ła morte de Kelly Preston par un cancro al sen.

El 9 de novenbre 1985 el vien invidà dal prezidente Ronald Reagan a na sena a ła Caza Bianca, durante ła cuała el bała co Diana Spencer, prinsipesa de Galles, in vizita ofisiałe inte i Stati Unii insenbre al mario Carlo.

Morte del fio Jett

canbia

El 2 de zenaro 2009 el fiol de sedeze ani, Jett, el mor col ze in vacansa co ła fameja a łe Bahamas par cauze non ben presizae (fursi un ataco cardiaco o na convulsion epiłetega[2]). Ła fameja ła dichiara che Jett el pativa de ła sindrome de Kawasaki, na małatia che ła provoca l'infiamasion dei vazi sanguinji inte i putełi e che, in forma grave, ła pol cauzar seri problemi al cuor. Tanti acuza Travolta di non aver mai ametesto che el fioło el fuse autistego, roba par cui in pasà el zera stà criticà anca dal Sunday Telegraph e da l'Hollywood Interrupted, ma l'ator el ga senpre zmentìo. El 10 de apriłe 2006 ła Hollywood Interrupted gaveva domandà publegamente a ła copia de curar el fioło privatamente e ła mujer Kelly Preston ła ga confermà l'autizmo del fioło. L'ano drio el fradeło Joey el ga produzesto un documentario so l'autizmo.

Morte de ła mujer Kelly

canbia

El 12 de łujo 2020 John Travolta anuncia ła morte de ła mujer, Kelly Preston, avenjesta drioman a na łonga bataja, durà 2 ani, contro el cancro al sen, co na nota: Co ła morte inte el cor A ve informo che ła me bełisima mujer Kelly ła ga perdesto ła so bataja de do ani col cancro al sen. Ła ga conbatùo na corajoza łota co l'amor e'l sostenjo de tante parsone. Ła me fameja e mi saremo par senpre grati ai so dotori e infermieri del MD Anderson Cancer Center, tuti i sentri medeghi che ła ga jutà, cusì come i so tanti amighi e łe parsone care che ze stae al so fianco. L'amor e ła vita de Kelly sarà senpre recordai. Me ciaparò un poco de tenpo par star co i me fiołi che i ga perdesto so mare, cuindi perdoneme in antisipo se no se sentiremo par na scianta. Ma sapié che sentirò el vostro amor inte łe setemane e inte i mezi che venjarà. Tuto el me amor, JT.

Pasion par l'aviasion

canbia

Travolta, grando pasionà de aviasion, el ga otenjuo l'abiłitasion de piłota de łinea e'l ze propietario de tre vełivołi che el piłota parsonalmente: un Gulfstream, un Learjet e un Boeing 707 conprà da ła conpanja aerea austrałiana Qantas.[3] Par sto motivo ła fameja Travolta ła resiede so na viła fazente parte de un viłajo rezidensiałe che el conprende anca na pista di decoło a uzo escluzivo dei rezidenti. Inte el 2010 el ga piłotà uno dei so aerei fin ad Haiti par portar ajuti umanidari a ła popołasion łocałe drioman al tarmoto de Haiti.

Filmografia

canbia
 
John Travolta mentre che el bała co ła prinsipesa Diana Spencer in una sena a ła Caza Bianca inte el 1985
 
John Travolta inte el 2013

Ator

canbia

Sinema

canbia

Tełevizion

canbia

Dopiador

canbia

Senejador

canbia

Discografia

canbia
 
Łe pronte de John Travolta sol piasałe del Grauman's Chinese Theatre, Los Angeles (Całifornia)

Album

canbia
  • Over Here! (album orizinałe del cast) (1974)
  • John Travolta (1976)
  • Can't Let You Go (1977)
  • Travolta Fever (1978)
  • Grease (cołona sonora) (1978)
  • The Road to Freedom (album reałizà par Scientology) (1986)
  • Let Her In: The Best of John Travolta (1996)
  • The Collection (2003)

Singołi

canbia
  • You Set My Dreams To Music (1969)
  • Goodnight Mr. Moon (1969)
  • Rainbows (1969)
  • Settle Down (1970)
  • Moonlight Lady (1971)
  • Right Time Of The Night (1972)
  • Big Trouble (1972)
  • What Would They Say (1973)
  • Back Doors Crying (1973)
  • Dream Drummin' (1974)
  • Easy Evil (1975)
  • Can't Let You Go (1975)
  • Let Her In (1976)
  • Slow Dancin' (1976)
  • It Had To Be You (1976)
  • I Don't Know What I Like About You Baby (1976)
  • Let Her In (1976)
  • Baby, I Could Be So Good At Lovin' You (1977)
  • Razzamatazz (1977)
  • Sandy (1978)
  • Greased Lightnin' (1978)
  • Never Gonna Fall In Love Again (1980)
  • I Thought I Lost You (ft. Miley Cyrus) (2008)

Premi e reconosimenti

canbia
 
Steła de John Travolta so ła Hollywood Walk of Fame, Los Angeles (Całifornia)

Premio Oscar

Golden Globe

National Board of Review Awards

New York Film Critics Circle Awards

  • 1977 - Nomination Mejo ator protagonista par La febbre del sabato sera

National Society of Film Critics Awards

  • 1977 - Nomination Mejo ator protagonista par La febbre del sabato sera

BAFTA

  • 1995 - Nomination Mejo ator protagonista par Pulp Fiction

American Comedy Awards

  • 1996 - Mejo ator protagonista par Get Shorty

Chicago Film Critics Association Awards

  • 1995 - Nomination Mejo ator protagonista par Pulp Fiction

David di Donatello

  • 1995 - Mejo ator foresto par Pulp Fiction

London Critics Circle Film Awards

  • 1995 - Ator de l'ano par Pulp Fiction

Los Angeles Film Critics Association Awards

  • 1994 - Mejo ator par Pulp Fiction

Notasion

canbia
  1. ↑ 2000 RAZZIE Nominees & "Winners" - The Official RAZZIE Forum - Page 1 Archivià il 13 de majo 2013 in Internet Archive.
  2. ↑ Il Corriere della sera.it: Causa della morte attacco epilettico.
  3. ↑ John Travolta's Boeing 707 at Flightstory.net - Aviation Blog

Bibliografia

canbia
  • (EN) Irene Lamano. "John Travolta". In Italian Americans of the Twentieth Century, ed. George Carpetto and Diane M. Evanac (Tampa, FL: Loggia Press, 1999), pp. 378–379.
  • (EN) Rachel Simpson. John Travolta, Philadelphia: Chelsea House, 1997.

Altri projeti

canbia

Linganbi foresti

canbia


Controło de autoritàVIAF (EN) 117713609 · ISNI (EN) 0000 0001 2148 7581 · Europeana agent/base/147054 · LCCN (EN) n84006931 · GND (DE) 118623680 · BNF (FR) cb119397268 (data) · BNE (ES) XX4579561 (data) · NLA (EN) 35373991 · NDL (EN, JA) 00621572 · WorldCat Identities (EN) n84-006931
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=John_Travolta&oldid=1174008"