Quentin Tarantino



Quentin Jerome Tarantino, (Knoxville, 27 de marso, 1963) el ze un regista, senejador, ator e produtor sinematogràfego statunitense.

Infotaula de personaQuentin Tarantino

Cànbia el vałor in Wikidata
Biografia
Nasimènto(en) Quentin Jerome Tarantino Cànbia el vałor in Wikidata
Eror Lua: callParserFunction: function "

[[Categoria" was not found.

(60 ani)
Knoxville (Tennessee) Cànbia el vałor in Wikidata
Presidente de ła Giùrea al Festival de Cannes
2004 – 2004
← Patrice Chéreau (it) TraduziEmir Kusturica → Cànbia el vałor in Wikidata
Dati personałi
Grupo ètnegoItaloamericani (it) Traduzi e Irlandesi americani (it) Traduzi Cànbia el vałor in Wikidata
RełijonAgnosticismo (it) Traduzi Cànbia el vałor in Wikidata
FormasionEror Lua: callParserFunction: function " [[Categoria" was not found.
Atività
Ocupasion
Eror Lua: callParserFunction: function "

[[Categoria" was not found.

Atività 1983 Cànbia el vałor in Wikidata –
Menbro de
Eror Lua: callParserFunction: function "

[[Categoria" was not found.

ZènareFilm indipendente (it) Traduzi, film d'asion e postmodernismo (it) Traduzi Cànbia el vałor in Wikidata
Influense
Fameja
SpoxaEror Lua: callParserFunction: function " [[Categoria" was not found.
ConviventeEror Lua: callParserFunction: function " [[Categoria" was not found.
PareTony Tarantino (it) Traduzi Cànbia el vałor in Wikidata
Segno
Cànbia el vałor in Wikidata

IMDB: nm0000233


Allocine: 15570

Rottentomatoes: celebrity/quentin_tarantino


Allmovie: p113658

TCM: 189032
Metacritic: person/quentin-tarantino
TV.com: people/quentin-tarantino

IBDB: 61848

























Musicbrainz: 7e323fa7-14b3-42fd-a569-488fb3f386c1
Songkick: 295871
Discogs: 258993

















El ga scominsià ła so carièra cofà regista a l'inisio dei ani nonanta, razonzendo el suceso co'l film de debuto Le iene. Co'l sucesivo Pulp Fiction ze rivà ła consacrasion, vinsendo ła Palma d'oro al Festival de Cannes e concuistando l'Oscar par ła mejo senejadura orizenałelior ai Premi Oscar 1995 condividesto co Roger Avary, oltre a sete nomination. Inte'l 2004 el ze stà presidente de ła zuria a ła 57ª edision del Festival de Cannes e inte'l 2010 a ła 67ª Mostra internasionałe d'arte sinematografega de Venesia.[1] El 24 de febraro 2013 el se ga azudegà ła so segonda statueta par ła mejo senejadrua orizenałe par el film Django Unchained ai Premi Oscar 2013. Dal 21 de disenbre 2015, el so nome ze prezente tra łe çełebrità de ła Hollywood Walk of Fame.[2]

Tarantino ze stà definio un regista DJ» par ła so capaçità de riusir a conbinar stiłi desconapnji fondendołi insenbre in una nova ópara[3]. El regista e stòrego del sinema Peter Bogdanovich ło ga definio «el regista pì influente de ła so zenerasion»[4].

Biografia canbia

Łe orizene canbia

Tarantino ze nasesto a Knoxville, inte'l Tennessee, el 27 de marso del 1963,[5] da Tony Tarantino, un muzicante a ator statunitense de orizeni itałiane, e Connie McHugh, na infermiera statunitense de orizeni irlandezi e inglezi, restà gravia del futuro cineasta co ła gaveva sèdeze ani. Quentin no ga mai conosùo so pare, dao che'l gaveva łasà ła mare prima che łu nasese. Co'l ga avùo do ani el se ga trasferìo co so mare a Torrance, in Całifornia, indove in chel steso pariodo ła mare ga conosùo e ga spozà el muzicante Curt Zastoupil, co cui el zovane Quentin ga instaurà un forte łigame; intrà l'altro, ze stà propio co'l parénjo che Tarantino ze andà a védar al sinema Bambi, l'únego film che ło ga fazesto spazemar in vita soa. Infati, el regista ga afermà de aver pianzesto par ore e ore dopo aver vedesto sto carton anemà a l'età de sìe ani[6] .

Inte'l 1971 ła fameja se ga trasferìa a El Segundo, inte l'area de South Bay de Los Angeles, indove Quentin ga frecuentà ła Hawthorne Christian School. Do ani drio ła mare ga divorsià. In sti ani Tarantino se ga pasionà ai spagheti-western, deventando gran fan de Sergio Leone. Inte'l 1977, a sołi cuatòrdeze ani, Tarantino ga scrivesto ła so prima senejadura, intitołà Captain Peachfuzz and the Anchovy Bandit. Inte'l fratenpo el ze pasà a ła Narbonne High School de Harbor City, Całifornia, che parò el ga abandonà presto par tacar łaorar cofà màscara al Pussycat, un sinema porno de Torrance. Inte'l 1981 el ga tacà ciapar łesion de resitasion entrando a far parte de ła Theatre Company de James Best.

Inte'l 1983 el ga łaorà par calche tenpo par Jan Bohusch, el novo parénjo, afitando stand a łe fiere. L'ano drio el ze pasà a l'inpiego, prima saltuario e drioman fiso, al videonołezo Manhattan Beach Video Archives, inte l'area de Manhattan Beach a Los Angeles, indove el ga strenzesto na granda amisisia co tanti cołeghi e soratuto co Roger Avary, co cui el ga cołaborà durante ła so sucesiva carièra sinematografega.[7] El ga sevità studiar resitasion al Actors' Shelter de Allen Garfield, a Beverly Hills, ma i so intaresi i se ga spostà gradualmente da ła resitasion a ła scritura de senejadure a ła regia. Co i so cołeghi de łaoro el pasava el tenpo parlando de film, inprofondindo ła so cultura sinematogràfega e fornindo conseji ai clienti, tra cui el futuro ator Danny Strong, nasùo e rezidente a Manhattan Beach.

Ani otanta canbia

My Best Friend's Birthday canbia

Revardo al pariodoi inte i cuałi, ancora bòcia el łaorava ai Video Archives del so paeze, el regista ga spesifegà che: «No so deventà un sinefiło parchè łaoravo łì. Ze el contrario: i me tołesto a łaorar in chel posto parchè jero tanto pasionà de sinema e savevo tuto so l'argomento».

Inte'l 1986, mentre ancora el łavorava ai Video Archives, Tarantino ga proà par ła prima volta de vestir i pani del regista inisiando a zirar un film che gavarìa dovesto intitołarse My Best Friend's Birthday, so na senejadura scrivesta da łu insenbre a l'amigo e cołega Craig Hamann. Alcuni menbri del cast e de ła troupe jera anca łori dependenti dei Video Archives e i ga partesipà al projeto finansiandoło co 6.000 dołari cavai dai so stipendi, a l'epoca sirca 7 dołari a l'ora.

Il film ze stà zirà so tełarina 16 miłimetri in bianco e nero uzando come location vèci bar sbandonai e ła caza de ła mare de Tarantino. Ła reałizasion del film, rałentada da numarozi contratenpi, se ga zlongà par ben tre ani e ga pericołà definitivamente cuando parte de ła tełarina zirada ze stà desfà par un eror del łaboratorio de zviłupo. El film ze ancùo vizibiłe so YouTube inte ła varsion inconpìa de 36 minuti.

Tanti dei personazi e de łe situasion de My Best Friend's Birthday ze stà reciapà da Tarantino inte łe so senejadure sucesive; infati, el personazo de Clarence ze tornà a ła rebalta inte'l 1993 in Una vita al massimo, direto da Tony Scott. Par Le iene, el so debuto sinematogràfego, Tarantino ze restà invese indesizo fin a l'ùltemo so l'utiłizar o manco na canson de ła Cołona sonora che jera stà utiłizà in My Best Friend's Birthday, sensa pagar i deriti de autor.

Łe prime senejadure canbia

 
Quentin Tarantino ad Austin par ła prima de Grindhouse - A prova di morte (2007)

Tarantino ga otenjesto par ła prima volta un gran suceso vendendo par 50.000 dołari ła senejadura de Una vita al massimo (True Romance), scrivesta inte'l 1987 insenbre a Roger Avary, da cui ze stà reałizà inte'l 1993 el film co Patricia Arquette e Christian Slater, par ła regia de Tony Scott.

Inte'l 1989 el ga scrivesto ła senejadura orizenałe de Assassini nati - Natural Born Killers, vendùa par 400.000 dołari e portada so'l grando schermo inte'l 1994 da Oliver Stone, co cui Tarantino ga avùo na viołenta barufa par i ecesivi rimanezamenti fazesti a ła so varsion de ła storaia, spesialmente so'l finałe. A cauza de ste diverzense, drioman el ga domandà de èsar cavà dai titołi de coa del film, aparindo soło come autor del sojeto.

Inte'l 1990 el ga scrivesto Dal tramonto all'alba (From Dusk Till Dawn), drioman direto inte'l 1995 da Robert Rodriguez, in cui Tarantino ga avesto anca un ròło da ator protagonista al fianco de George Clooney e Harvey Keitel.

In cuełi ani inazonta el ga tacà łaorar come script doctor, revizionando senejadure de vari film, tra cui Le mani della notte (Past Midnight), de cui el fegura anca cofà produtor asosià.[8]

Ani nonanta canbia

Le iene canbia

Ła vendita de łe so prime ópare ło ga metesto soto ła łuze dei rifletori. A un party a Hollywood el ga incontrà el produtor Lawrence Bender, che ga incorajà Quentin Tarantino a continuar a scrivar senejadure. El rezultado de cuel'incontro ze stà Le iene (Reservoir Dogs). Ła senejadura, scrivesta da Tarantino, ła ze stà łezesta dal regista Monte Hellman che ło ga jutà a catar finansiamenti da ła Live Entertainment e ad asicurarghe ła regia del film.

El film ze stà zirà in sołe sincue setemane inte l'istà del 1991, dopo che Tarantino ze stà ameso al workshop del Sundance Institute de Robert Redford, e'l ze stà po' prezentà al Sundance Film Festival, a cueło de Montréal e a cueło de Toronto, otenjendo dapartuto un gran suceso de pùblego e critica. Ze nasesto un film orizinałe, cinico e sanguinozo, da cui traspariva in modo evidente ła sinefiłia del regista, ełemento devenjesto inte i ani un so marchio de fàrbrega. El łongo diałogo co cui se verze el film jera za stremamente sintomàtego e identifegadivo del so stiłe.[9] Inte'l film ze prezenti varie pecułiarità del sinema de Tarantino: l'uzo dizinvolto de ła tècnega de l'Anałesi, l'anbiguità morałe dei personaji, i diałoghi da łe osenità ełaborae e dal humour devastante, ła viołensa come inte ła secuensa de ła tortura del połisioto in ostazo, che parò cui aparise non "estetizada", bensì reałìstega.

Pulp Fiction canbia

El suceso de Le iene gaveva portà Tarantino a łe atension dei produtori de Hollywood: ghe zera stà ofrii numarozi projeti, tra cui Speed e Men in Black. Invese Tarantino ga prefarìo ritirarse ad Amsterdam par łaorar a ła senejadura de un novo film.

El suceso de Pulp Fiction, el so segondo film, l'è stà ancora pì eclatante del debuto. El film se ga azudegà ła Palma d'oro al Festival de Cannes 1994 e a ła serimonia dei Premi Oscar 1995 ga vinsesto ła statueta par ła mejo senejadura orizinałe, anca sta volta scrivesta insenbre a Roger Avary. Pulp Fiction ga risevesto anca ła candidatura a mejo film. Ze stà na rivołusion par el sinema indipendente.

Ła trama dE Pulp Fiction ze un intreso de storie desconpanje e aparentemente scołegae, remisiae da l'autor co numaroze prołesi e anałesi. Par contenjùi ła ze sìmiłe inte ła brutałità al presedente.[9] Inte'l cast, richisimo de nomi iłustri, numaroze ze stae łe grande prove aclamae da ła critica. In partegołar el film ga permetesto de riłansar ła cariera de John Travolta, grasie sia a ła so intarpretasion del gangster pulp Vincent Vega sia a ła sena del bało al łocałe Jack Rabbit Slim's, in cui Travolta ze tornà a bałar so'l gran schermo, sia pur in maniera parodistega, ad ani de distansa dai musical che ło ga rendesto çełebre. Fra i altri atori che ga partesipà al film ghe zera sta Uma Thurman, Samuel L. Jackson, Tim Roth, Ving Rhames, Rosanna Arquette, Bruce Willis, Christopher Walken e Harvey Keitel, oltre a un cameo de Steve Buscemi.

E.R., Killing Zoe, Mister Destiny e Four Rooms canbia

Dopo el suceso de Pulp Fiction, el 1994 e'l 1995 ze stà do ani densi e pieni de inpenji par Tarantino.

Inte'l 1994 el ga direzesto un epizodio de ła çełebre serie tełeviziva E.R. - Medici in prima linea, intitołà Maternità, e'l ga produzesto Killing Zoe, un thriller pulp viołento, scrivesto e direto da Roger Avary, ziarà in sołi sincue zorni.

Inte'l 1995 el ga interpretà come ator protagonista Mister Destiny (Destiny Turns on the Radio) e el ga avùo na picoła parte in Desperado de Robert Rodriguez, grando amigo e conpanjo de studi al Sundance Film Institute.

Inte 'l steso ano el ga sernìo tre registi tra i so ex-conpanji de corso al Sundance Film Institute. Oltre a Rodriguez, Allison Anders e Alexandre Rockwell, par zirar Four Rooms, un film dividesto in cuatro epizodi paròmo scrivesto e direto da un regista difarente, ma tuti łigai tra de łori, come omajo a ła Nouvelle Vague franseze. L'uomo di Hollywood, l'epizodio finałe del film, direto da Tarantino, ze ispirà a na pontada de ła serie tełeviziva Alfred Hitchcock Presents, in onda inte'l 1960, intitołà L'uomo del Sud. Nonostante l'anbision del projeto, Four Rooms no ga otenjùo el suceso sperà.

Jackie Brown canbia

Inte'l 1997 el ga dirizesto Jackie Brown, el so primo film bazà so na trama non orizinałe, adatada al romanzo Punch al rum (Rum Punch) de Elmore Leonard, uno dei scritori preferìi del regista.[9]

Ze stà un film inedito par Tarantino che, non esedendo in ezibisionizmi cofà i film presedenti , ga spiasà un fià tuti a ła so usida. Se trata de un omajo al zènare sinematogràfego de ła blaxploitation co Pam Grier, una de łe piasè famoze interpreti del zènare, inte'l ròło de ła protagonista. Infati l'atora gaveva reçità in numarozi film del zènare inte i ani setanta e ze stà ripescà da Tarantino, so grandisimo fan de l'epoca.[9]

A ła so usida ze stà un insuceso, incasando 'pena 39 miłion de dołari inte i Stati Unìi, e ze stà considerà come un paso falso de Tarantino. Drioman el ze stà rivałutà, ciapando ato ch'el terso łongometrajo del regista statunitense, sepur łontan dai so canoni estetici tìpeghi, ze un film rico de stiłe, zirà co na regia pì clàsega e risercada. Vien considarà da tanti come uno dei so mejo film. El mensiłe Movie Insider ło ga inserìo inte'l so ełenco dei 100 film che merita mazor amor.

Ani domiłe canbia

Kill Bill canbia

Dopo Jackie Brown, Tarantino se ga ciapà na pauza da ła regia durada sìe ani. Inte'l fratenpo inte'l 1998 el ga debutà a Broadway inte ła comedia Wait Until Dark e inte'l 2000 el ga reçità in un picoło ròło inte'l film Little Nicky - Un diavolo a Manhattan (Little Nicky) de Steven Brill. Inte'l 2002 el ze aparìo cofà ator in cuatro epizodi de ła serie tełeviziva Alias, inte'l ròło de McKenas Cole.

El novo projeto a chel ponto gavarìa dovesto èsar Inglourious Basterds, un film de guera, ma el regista ga deçidesto de postisipar ła produsion par poderse dedicar a Kill Bill, un so altro grando projeto, film ła cui senejadura ze stà el regało de conpleano che Tarantino ga fazesto a Uma Thurman par i so 30 ani.[10] Drioman el ga ametesto de aver remandà ła produsion del film, usìa inte'l 2009 co'l titoło Bastardi senza gloria (Inglourious Basterds), perché non riusciva a smettere de scrivar, ma el saveva de dover ełiminar alcune sototrame in modo che ła storia ła funsionase.

Łe ripreze de Kill Bill, che gavaarìa dovesto inisiar un ano prima, ga inisià inte'l 2002 a cauza de ła graviànsa de Thurman. In corimento de łaorasion ga sforà sia el budget sia ła łonghesa. Ła Miramax ga chiedesto a Tarantino de scursar el film, ma el regista se ga oponesto e ga deçidesto de dividarlo in do parte: Kill Bill: Volume 1 e Kill Bill: Volume 2. L'ópara ze stiłistegamente baliante e derivativa respeto a łe fonti pì disparae, dai film de kung fu de Hong Kong a łe serie tełevizive, dai revenge movies ai chambara movies, ai spagheti-western. El film pol èsar considarà un conpleso ed ełaborà omajo a tuti i so miti e ispiradori.

Inte'l 2004 ze tornà al Festival de Cannes, sta volta cofà presidente de ła zuria,[11] premiando co ła Palma d'oro el documentario de Michael Moore Fahrenheit 9/11.[12] Kill Bill no'l ze stà inserìo inte'l concorso, ma zera stà proietà ła varsion orizinałe de oltre tre ore.[13]

Sin City canbia

 
Quentin Tarantino e l'amigo Robert Rodriguez ai Scream Awards 2007

El so grando amigo e cołega Robert Rodriguez ga asetà de conponer alcune mùzeghe par Kill Bill par el sinbòłego conpenso de 1 dołaro. Par ła stesa suma Tarantino ga restituìo el favor zirado na sena de Sin City, film direto da Rodriguez e Frank Miller, traesto da ła serie a fumeti de sto ùltemo. Tarantino, che ga fegurà cofà special guest director, ga direzesto ła secuensa in machina co Clive Owen e Benicio del Toro de l'epizodio Un'abbuffata di morte.

CSI: Sepolto vivo canbia

El 24 de febraro 2005 ze stà anunsà che Tarantino gaveva risevùo l'incargo de dirizer l'epizodio finałe de ła cuinta stajon de ła çełebre serie tełeviziva CSI - Scena del crimine, de cui el regista se ga dichiarà un fan.

A metà de łe ripreze i autori se ga rendesti conto de aver masa materiałe da inserir in un soło epizodio, cuindi par evitar de tajar de łe sene i ga deçidesto de montar do epizodi da 45 minuti l'uno. L'epizodio Sepolto vivo (titoło orizinałe Grave Danger, 5x23), andà in onda inte i Stati Unìi el 19 de majo e in Itałia el 28 de łujo, ga otenjesto un nùmaro record de tełespetadori e 'l ze stà acoliesto co entuziasmo sia dai fan che dai critici. L'epizodio roda datorno a na situasion tanto sìmiłe a una de cuełe che conparise in Kill Bill vol. 2: l'agente Nick Stokes (George Eads) vien caturà e sepełìo vivo in una bara de plexiglas, mentre na webcam trazmete cueło che avien in direta al cuartier zenerałe de ła CSI.[14] In cuel'ocazion Tarantino se ga ocupà soło de ła regia e non de ła senejadura de l'epizodio.

Grindhouse canbia

Drio el suceso de Kill Bill Tarantino, spronà da l'amigo Robert Rodriguez, ga deçidesto de dar vita a un film horror in do epizodi, ópara che reciapase i fasti dei film che gaveva amà durante l'adołesensa: l'estetica e łe trame dełiranti de l'exploitation, co efeti spesiałi vołutamente grosołani. El rezultado ze stà Grindhouse, dividesto in do epizodi: A prova di morte, co Kurt Russell, scrivesto e direto da Tarantino, un slasher che conta ła storia de un misogino schisofrenego che ełimina łe so vitime presieleste a bordo de un'auto trucà e potentisima; Planet Terror, co Rose McGowan, direto da Rodriguez, un splatter narante de na epidemia in cui i infeti devien na sòrte de mostri-zombie.

Tarantino ga prezentà A prova di morte al Festival de Cannes 2007, ma nonostante łe otime aspetative par el film no'l ga otenjesto el suceso sperà. L'intension dei registi ze stà cueła de ricrear l'atmosfera dei grindhouse, i picoli sinema a baso costo dei Stati Unìi dei ani setanta. Indipendentemente dai incasi, l'obietivo zera stà sentrà, co apocałitici e vołutamente grosołani efeti spesiałi e situasion e diałoghi tìpeghi dei film a baso costo de l'epoca, che inte'l conpleso fa dei do epizodi de Grindhouse do film apresai dai amanti del zènare.

A setenbre 2007, Tarantino viene coinvolzesto inte'l projeto de Takashi Miike, Sukiyaki Western Django, un film che unise i ełementi del chambara movie e cuełi del spagheti-western.

Bastardi senza gloria canbia

 
Quentin Tarantino al Festival intarnasionałe del sinema de Berlin 2009

Concludesto Grindhouse, Tarantino ze tornà a dedicarse a un projeto de łunga data, el film Inglourious Basterds (traduzesto in itałian co Bastardi senza gloria), ispirà a Quel maledetto treno blindato de Enzo G. Castellari, usìo inte i Stati Unìi co'l titoło The Inglorious Bastards. Tarantino gaveva scominsià a łaorar a ła senejadura del film inte i ani de pauza tra Jackie Brown e Kill Bill, ma el ga tacà zirar soło inte l'otobre del 2008.[15] Inte'l cast del film ze anoverai Brad Pitt, B. J. Novak, Mélanie Laurent, Eli Roth, Diane Kruger e l'ałora sconosùo Christoph Waltz. Inte'l film ze prezenti anca un cameo de Enzo G. Castellari e un cameo del steso Tarantino.

El film ze stà prezentà el 20 de majo al Festival de Cannes 2009[16] e'l ze usìo inte i Stati Unìi el 21 de agosto de l'isteso ano. Invese in gran parte d'Europa l'usida ze stà scajonà tra l'ùltema setemana de agosto e łe prime de otobre), otenjendo un otimo consenso de critica, sia de cheła ofisiałe sia de cheła del pùblego. Ze devenjesto el pì grando suceso comersałe de Tarantino fin a chel momento, co pì de 313 miłion de dołari incasai in tuto el mondo.[17] El film ga risevesto oto candidature ai Premi Oscar 2010: mejo film, mejo regia, mejo ator non protagonista, mejo senejadura orizinałe, mejo someja, mejo montajo, mejo sonoro e mejo montajo sonoro, vinsendo el premio par el mejo ator non protagonista, andà a Christoph Waltz.

Ani domiłedieze canbia

Django Unchained canbia

 
Quentin Tarantino a ła prima de Django Unchained (2012)

El projeto drio de Quentin Tarantino ze stà Django Unchained,[18] un spagheti-western ispirà a Django, el famozo film dei ani sesanta co protagonista Franco Nero. El film conta ła storia de Django, interpretà da Jamie Foxx, un s-ciàvo de cołor che deventa un casador de taje soto ła guida de un ex cavadenti (Christoph Waltz). Dopo aver łaorà insenbre par tuto l'inverno, ła copia va a ła riserca de ła mujer de l'oramai omo łibaro Django, Broomhilda (Kerry Washington), s-ciàva del crudełe propietario terier Calvin Candie (Leonardo DiCaprio).

El film ze stà zlansà inte łe sałe mericane el 25 de disenbre 2012 e se ga rivełà el pì grando suceso de Tarantino al boteghin,[19] incassando oltre 30 milioni di dollari negli Stati Uniti durante il primo weekend[20] e sfondando el teto dei 100 miłioni pochi zorni dopo l'inisio del novo ano.[21] Secondo le stime il film ha incassato complessivamente più di 425 milioni di dollari.[22] In Itałia el ze venjùo fora el 17 de zenaro 2013 e ga suparà i record presedenti del regista e incasando 400.000 euro inte'l primo zorno de proiesion,[23] par po' suparar i 3 miłion e mezo durante el primo weekend[24] e i 9 miłion e mezo inte łe prime do setemane.[25]

Candidà a sincue statuete ai Premi Oscar 2013, Django Unchained ne ga concuistà do: una vinsesta da Christoph Waltz come mejo ator non protagonista e una asenjada a Tarantino par ła mejo senejadura, reconosimento che'l regista gavea za otenjùo ai tenpi de Pulp Fiction.[26]

The Hateful Eight canbia

A zenaro 2014 ze stae diramae inte'l web alcune indiscresion so un altro projeto del regista, un western dal titoło The Hateful Eight de cui Tarantino gaveva 'pena termenà ła stezura de ła senejadura.[27] El regista, rabià par ła fuga de notisie avenjesta daspò che'l gaveva destribuìo ła senejadura a un ristreto grupo de persone, el ga desidesto de remandar el projeto.[27] Gli attori coinvolti da Tarantino nel nuovo progetto erano Bruce Dern, Michael Madsen e Tim Roth.[27]

A łujo 2014 l'ator Kurt Russell, ospite al programa tełevizivo Extra, el ga anuncià che łe ripreze de The Hateful Eight sarìa inisiae probabilmente inte i primi mezi del 2015.[28] El 27 de łujo 2014, al San Diego Comic-Con International, Tarantino ga anuncià che The Hateful Eight sarìa stà el so prosimo film.[29] Ła caza sinemaotografega The Weinstein Company ga anuncià el 23 de zenaro 2015 che łe ripreze de The Hateful Eight ze inisiae a Telluride, inte'l Colorado.[30]

Inte'l zugno 2015 ze stà anuncià da ła Weinstein Company che ła proiesion de The Hateful Eight inte i sinema statunitensi jera prevedesta in distribusion łimitada ed escluzivamente inte'l formà 70 miłimetri el 25 de disenbre 2015, par po' èsar estendesta in varsion dizitałe a tuto el teritorio a partir da l'8 de zenaro 2016.[31] Inte'l 2016 el film ga vinsesto un Golden Globe e un Oscar par ła mejo cołona sonora, conponesta da Ennio Morricone.

C'era una volta a... Hollywood canbia

Ai inisi de łujo 2017 zera stà anuncià che Tarantino jera al łaoro so un novo film. Ai inisi del 2018 zera stà anuncià i atori protagonisti: Leonardo DiCaprio inte ła parte de Rick Dalton, Brad Pitt inte ła parte de Cliff Booth e Margot Robbie inte ła parte de Sharon Tate. El film dal titoło C'era una volta a... Hollywood (Once Upon a Time in... Hollywood) ze stà zirà inte l'istà 2018 e ze usìo el 26 de łujo 2019. El film conprende un cast asae grando e, oltre ai soramensonai atori inte i ròłi dei protagonisti, ze prezenti anca Al Pacino, Dakota Fanning, Zoë Bell, Timothy Olyphant, James Marsden, Emile Hirsch, Kurt Russell, Damian Lewis, Bruce Dern, Luke Perry, Clifton Collins Jr., Michael Madsen, Scoot McNairy e Nicholas Hammond[32]. El film otien grando suceso de pùblego, ma na parte de ła critica contesta a Tarantino l'ecesiva łonghesa e'l finałe del film che vede salvar Sharon Tate da ła fameja Manson grasie ai do protagonisti[33][34][35]. El film ze vinsidor de do premi Oscar del 2020 (mejo ator non protagonista a Brad Pitt e mejo senografia).[36][37]

Projeti inconpìi canbia

Tra i projeti inconpìi che Tarantino ga pì volte mensonà ghe ze Vega Brothers, so i fradełi Vic e Vincent Vega (che aparise respetivamente in Le iene, intarpretà da Michael Madsen, e Pulp Fiction, intarpreàt da John Travolta), e un film de ła serie de James Bond, de cui Tarantino ze un fan, e del cuałe da tenpo el sonja de dirizer un epizodio, al ponto da ofrirse par Casino Royale, venjesto fora inte'l 2006, el primo film co Daniel Craig inte'l ròło de James Bond.

Inte ła pauza tra Grindhouse e Bastardi senza gloria se jera po' dizesto intaresà al remake de Le implacabili lame di rondine d'oro,[38] una pellicola dei fratelli Shaw che Tarantino ga dichiarà de amar da senpre e che'l sonja de zirar in sinezo co sototitołi in ingleze.[38][39]

Prima de inisiar łe ripreze de Bastardi senza gloria, arcuanti siti web gaveva reportà ła notisia segondo cui Tarantino jera drio łaorar a un biopic so'l chitarista Jimi Hendrix, fato drioman smentìo dal steso Tarantino.[40]

Tarantino ga contà in un'intervista a Entertainment Weekly inte l'avril 2004 de aver tołesto in considerasion l'idea de un sequel deKill Bill: «Sì, inisialmente pensavo che staltra sarìa stà ła mia "triłozìa del dołaro". Gavarìa vołesto reałizarghene uno onji dièze ani. Ma me serve almanco cuindeze ani prima de farlo ancora. Go za reałizà l'intièra "mitołozìa": Sofie Fatale ciaparà tuti i schèi de Bill. Ła tołerà Nikki, che ła se scontrarà co ła Sposa. Nikki merita ła so vendeta tanto cuanto ła Spoza meritava ła sua. A podarìa anca zirar un paro de sene suito, par poder otenjer łe atore co'l so aspeto atuałe». Inte'l 2009, intarvistà da Serena Dandini durante na pontada del programa Parla con me, andà in onda el 30 de setenbre,[41] Tarantino ga dichiarà che'l reałizarà el terso vołume del film. El vol che la Sposa se repoza par almanoc 10 ani e'l ga anca łasà intuir che ła fia de Vernita Green ła sercarà vendeta. Drioman ła morte de Bill inte'l segondo film, el terso capitoło no poderà èsar intitołà Kill Bill vol. 3.[42] Segondo el setimanałe Film TV el terso vołume vedarà na nova ałeansa tra l'orba Elle Driver, ła sonfa Sofie Fatale e ła fia de Vernita Green. Kill Bill Volume 3 sarà donca n'altra storia de vendeta al femeniłe, sta volta non de ła Sposa ma contro ła Sposa.

Drìoman l'usida de Django Unchained, Tarantino ga anuncià un film provizoriamente intitołà Killer Crow, inisialmente atezo par el 2014.[43] El regista ga dichiarà de aver za scrivesto gran parte de ła senejadura, antisipando che ła ze anbientada inte'l 1944, drìoman al sbarco in Normandia dei Ałeai[43], e che ga par protagonisti un grupo de soldai de cołor. In un'intervista conçedesta a ła rivista online The Root,[44] ga anca afermà che ła storai che ze deventada ła trama de Killer Crow doveva inisialmente èsar inserìa inte ła senejadura del film Bastardi senza gloria e di aver deçidesto soło in un segondo momento de farne un altro film.[43]

In un'intervista rełasà a Melbourne, dopo aver asistìo a ła proiesion del film The Hateful Eight in un sinema de Sydney, Tarantino ga afermà de vołer zirar un terso western, che andarìa cuindi a formar na spece de "Triłozìa del dołaro" in varsion tarantiniana. Tutavia, el regista ga schersozamente zontà che no'l pol dar detali revardo a l'idea poiché senò el finirìa co l'abandonar el projeto ancor prima de inisiarlo.

Prezentà da Quentin Tarantino canbia

 
Quentin Tarantino co Diane Kruger ai Premi Oscar 2010

Tarantino ga pì volte uzà ła so influensa a Hollywood par portar inte'l marcà osidentałe film foresti o picołe produsion, al fin che cueste gavese na mazor difuzion. Sti film sołitamente vien prezentai inte i trailer e inte łe łocandine co ła disitura Prezentà da Quentin Tarantino, in modo da otenjer mazor atension rénte el pùblego.

Alcuni ezenpi ze i seguenti:

Ełementi ricorenti e stiłe canbia

I film de Tarantino ze renomai par i diałoghi, ła viołensa, i salti tenporałi inte ła narasion e łe osesion de ła cultura pop.[45][46] Alcuni elementi sono ricorrenti nelle sue opere.[47][48] Proprio i dialoghi, sempre sopra le righe, sono il suo "marchio di fabbrica".[49] Non a cazo Tarantino ze un fan del scritor statunitense Elmore Leonard, romanzier noir çełebre par i diałoghi sureałi e par i so groteschi personazi.[50]

Alcune sene se repete sìmiłi in tanti film de Tarantino:

  • ła "trunk shot", ła ripreza dal bagajaro o dal cofano de ła machina.[46] Ła tełecamera riprende ła sena da l'interno, revolzesta verso i atori. Tałe ripreza ze stà uzà in tanti dei so film, come Le iene, Pulp Fiction, Dal tramonto all'alba (soło senejadura), Jackie Brown, Kill Bill: Volume 1, Kill Bill: Volume 2, Grindhouse - A prova di morte, Bastardi senza gloria (non dal bagajaro, ma soło dal baso, incuadrando i atori).
  • el mexican standoff ła ze naltra pasion de Tarantino: se trata de un "triello"inte'l cuało tre personazi amrai de pistoła i se tien soto tiro l'un l'altro. L'orizene de ła sena ze el "triello" finałe de Il buono, il brutto, il cattivo de Sergio Leone. Alcuni film de Tarantino indove se pol védar un ezénpio de stało a ła mesegana ze ła so triłozìa Pulp (Le iene, Una vita al massimo e Pulp Fiction), masime a ła fin dei suditi film insieme ad uno stało tra Mr. White e Mr. Pink in Le Iene a metà film; o anca in Bastardi senza gloria in modo evidente, indove i personazi, in pì, ciarise el conceto de stało a ła mesegana.[51]
  • i łonghi pian secuensa, prezenti inte ła mazor parte dei so film.[52] Speso un personazo ze seguìo da ła tełecamara par un periodo bastansa łongo, sensa stachi, in partegołar in Grindhouse, indove el pian secuensa al ristorante dura debòto 8 minuti.

Altra so fisasion ze łe ripreze efetuae rigorozamente so tełarìna, suporto che'l regista statunitense, in sto pariodo de tranzision del sìnema da l'anałòzego al dizitałe, serca de defender ed utiłozar più che pol. L'isteso New Beverly Sìnema de Los Angeles, de so propietà, proietada ancora ancò escluzivamente so cełułoide. So cuesto, famoza ze ła dichiarasion del regista: «As long as I'm alive, and as long as I'm rich, the New Beverly will be there, showing double features in 35mm»[53] («Fin cuando sarò vivo e fin o cuando che sarò rico, el New Beverly restarà łì, sevitando a proietar double feature in tełarìna 35mm»).

Conosùo almanco cofà łe so ópare par ła so bàtoła sensa freni e par ła so sterminada cinefilia ençiclopedega, sia de film d'autor che popołar,[46] Tarantino ze famozo anca par el so amor par i çereałi da cołasion,[45] e molte de łe so reałizasion ne mostra diverse marche, vere o inventae. Marchi inventai cofà łe sigarete Red Apple.[54] Altre costanti dei film de Tarantino ze el fumo (scuazi tuti i so personazi fuma), i hamburger (cuełi de ła "Big Kahuna" de Pulp Fiction conparise anca in Le iene, Four Rooms, Dal tramonto all'alba e Grindhouse[55]) e i pìe femeniłi,[45] speso ojeto de incuadrature e de refarimenti inte i diałoghi.

Da notar anca el fato che i titołi dei film in cui Tarantino conparise cofà regista, senejador o produtor, i ze speso formai da do parołe; in órdene cronołozego: Reservoir Dogs (in itałian Le iene), True Romance (in itałian Una vita al massimo), Pulp Fiction, Four Rooms, Jackie Brown, Kill Bill, Sin City, Death Proof (in itałian Grindhouse - A prova di morte), Planet Terror (in itałian Grindhouse - Planet Terror), Inglourious Basterds (in itałian Bastardi senza gloria), Django Unchained.

Tarantino speso el se retaja na picoła parte a l'interno dei pròpi film, e'l so personazo speso more. In Le iene el interpreta Mr. Brown, che venjarà copà inte'l corimento de ła rapina; in Pulp Fiction el ze Jimmie, l'amigo de Jules che juta i do protagonisti dopo che Vincent sbara a Marvin par sbalio; in Four Rooms el ze Chester Rush, rico e famozo rejista de Hollywood che ałoza al Monsignor Hotel; in Kill Bill el interpreta uno dei 88 mati, copà da ła spoza; in Grindhouse - A prova di morteel fa ła parte de Warren, el barista; in Bastardi senza gloria el primo scalpo nazista fato da ła conpanja de Aldo Raine ze un maneghìn co łe so somejanse (el tuto zirà sensa efeti vizivi); in Django Unchained el ze prima uno dei menbri del Ku Klux Klan (l'únego del grupo a no cavarse mai el capuso dal vizo) e drìoman Frank, uno dei tre cowboy incargai de trasportar Django al canpo de łaoro; infin, in C'era una volta a... Hollywood el conparise inte łe primisime sene sora de un schermo so'l sfondo cofà parsonajo de un film proietà al pub durante ła conversasion tra Rick Dalton (Leonardo DiCaprio) e Marvin Schwarzs (Al Pacino).

Łe influense e i miti canbia

Tarantino ze conosùo par ła so cinefilia maniacałe; anca grasie ai ani de łaoro in un videonołizo el ga zviłupà na conosensa ensiclopèdega de film e de ła storia del sinema. In partegołar modo el ga da senpre mostrà na grndisima conosensa de film foresti, de zènare e de nìcia. El se ga senpre dichiarà un amante dei film d'exploitation, del sìnema d'asion de Hong Kong, dei spagheti-western, del połisiotesto, de ła Nouvelle Vague franseze e del sìnema britanego. El so amor par sti zènari se specia in tante vie inte i so łaori: tuti i so film regołarmente reprota citasion, diałoghi, omaji e situasion che remanda sti zènari e al so stiłe. Trazuntando sta so fiłozofia, na volta el ga dichiarà: «No so mai andà a na scòła de sìnema; so andà véder film.»

Tra i registi preferìi da Tarantino fegura grandi nomi de ła storia del sìnema intarnasionałe cofà Brian De Palma (łu steso el definise ła secuensa de l'iniesion a ła spoza par man de Elle Driver, in Kill Bill, un "toco a ła Brian De Palma"),[56] John Woo, Roger Corman, Jean-Luc Godard, Martin Scorsese, William Friedkin, Jean-Pierre Melville, e tanti autori dezmentegai cofà André De Toth, Monte Hellman, Jack Hill darénte a tanti itałiani: Sergio Leone, Mario Bava, Fernando Di Leo, Sergio Corbucci, Lucio Fulci, Sergio Sollima, Enzo G. Castellari, Umberto Lenzi, Michele Soavi, Antonio Margheriti (mensonà tra l'altro in Bastardi senza gloria), Sergio Grieco (in Jackie Brown Robert De Niro e Samuel L. Jackson guardano in televisione La belva col mitra, direto proprio da Grieco), Carlo Lizzani.

Tra i contenporanei, i registi che pì el apresa ze David Fincher, Paul Thomas Anderson, Richard Linklater, Luc Besson, Sofia Coppola (co ła cuała el ga avesto na rełasion) e naturalmente l'amigo Robert Rodriguez, oltra ai japonezi Takeshi Kitano e Takashi Miike, el cuało, ga dichiarà l'isteso Tarantino, el riese continuamente a maravejarlo, e 'l corean Park Chan-wook, vinsidor co Old Boy del Grand Prix Spesiałe de ła Zurìa al Festival de Cannes 2004 (in cheła ocazion, Tarantino jera presidente de ła zurìa e'l ga definìo el film de Park Chan-wook come «el film che gavarìa vołesto far mi»).

Inte'l 2002, in un sondajo tra diversi registi de ła rivista Sight & Sound, Tarantino ga rivełà ła łista dei so 11 "film stòreghi" preferìi:

  1. Il buono, il brutto, il cattivo de Sergio Leone (1966)
  2. Un dollaro d'onore (Rio Bravo) de Howard Hawks (1959)
  3. Taxi Driver de Martin Scorsese (1976)
  4. His Girl Friday (La signora del venerdì) de Howard Hawks (1940)
  5. Rolling Thunder de John Flynn (1977)
  6. ''They All Laughed'' (...e tutti risero) de Peter Bogdanovich (1981)
  7. The Great Escape ( La grande fuga) de John Sturges (1963)
  8. Coffy de Jack Hill (1973)
  9. Dazed and Confused (La vita è un sogno (film 1993)|La vita è un sogno) di Richard Linklater (1993)
  10. Tian xia di yi quan, 天下第一拳 (Cinque dita di violenza) de Chang-hwa Jeong (1972)
  11. Hi Diddle Diddle de Andrew L. Stone (1944)

Na presedente łista de 10 film che Tarantino gaveva stiłà calche ano vanti conprendeva anca Blow Out, I due volti della vendetta, Per qualche dollaro in più, Bande à part, Fino all'ultimo respiro, Lo spione, La donna del bandito, Il lungo addio e Sonatine

Tra i film de granda influensa, viene speso mensonada Zombi de George A. Romero, ma anca Velluto blu de David Lynch: omaji al film se pol riscontrar in Le iene, in cui ła resizion de ła rècia de Marvin Nash (Kirk Baltz) reporta naturalmente al film, e in Jackie Brown, in cui el nome del personajo intarpretà da Chris Tucker è Beaumont, cioè el conjome del personajo intarpretà da Kyle MacLachlan in Velluto blu.

In un'intarvista del 2006 co ła rivista online EW, Tarantino ga rivełà ła łista de łe łocandine sinematogràfeghe da łu prefarìe:[57] Coffy de Jack Hill, únego parchè ze el «"el" poster d'exploitation par esełensa»,[57] Dove osano le aquile de Brian G. Hutton, un poster «splendidamente dezenjà»,[57] Buio oltre il sole de Jack Cardiff, Thriller (Thriller - en grym film) de Bo Arne Vibenius e Questo pazzo, pazzo, pazzo, pazzo mondo de Stanley Kramer, reałizò da Jack Davis.[57]

Inte'l 2009, in una breve intervista a Sky Movies in vista del rełaso de Inglourious Basterds, Tarantino ga formułà un ełenco dei so 20 film preferìi dal 1992, l'ano in cui el ga fazesto el so debuto a ła regia co Le iene.[58] Battle Royale de Kinji Fukasaku ze l'únego film pozisionà al primo posto dal regista, par i altri el se ga rifiutà de dar un órdene de riłevansa e'l łi ga ełencati in órdene alfabètego.

  1. Battle Royale (Batoru rowaiaru, バトル・ロワイヤル, Kinji Fukasaku, 2000) (N.B.: i film a seguire sono in ordine alfabetico secondo il titolo inglese)
  2. Anything Else (Woody Allen, 2003)
  3. Audition (Ōdishon, オーディション, Takashi Miike, 1999)
  4. The Blade (Dāo, 刀, Tsui Hark, 1995)
  5. Boogie Nights - L'altra Hollywood (Boogie Nights, Paul Thomas Anderson, 1997)
  6. Dazed and Confused ( La vita è un sogno (film 1993)|La vita è un sogno, Richard Linklater, 1993)
  7. Dogville (Lars von Trier, 2003)
  8. Fight Club (David Fincher, 1999)
  9. Friday (Ci vediamo venerdì, F. Gary Gray, 1995)
  10. The Host (Gwoemul, 괴물, Bong Joon-ho, 2006)
  11. Insider (The Insider - Dietro la verità, Michael Mann, 1999)
  12. Gongdonggyeongbigu-yeok JSA (공동경비구역 JSA, Park Chan-wook, 2000)
  13. Lost in Translation (Lost in Translation - L'amore tradotto , Sofia Coppola, 2003)
  14. Matrix (The Matrix, Lana e Andy Wachowski, 1999)
  15. Memories of Murder (Salinui chueok, 살인의 추억, Bong Joon-ho, 2003)
  16. Police Story 3: Supercop (Ging chat goo si 3: Chiu kup ging chat, 警察故事3超級警察, Stanley Tong, 1992)
  17. Shaun of the Dead (L'alba dei morti dementi, Edgar Wright, 2004)
  18. Speed (Jan de Bont, 1994)
  19. Team America: World Police (Trey Parker, 2004)
  20. Unbreakable (Unbreakable - Il predestinato ), M. Night Shyamalan, 2000)

In un’intarvista del 2020 a ła rivista franseza Première, el regista ga invese rivełà che par łu el mejo film del desenio ze sensa dubio The Social Network de David Fincher. El film so ła nasita de Facebook ga “strasà ła concorensa” segondo Tarantino, che ga po' metesto in segonda pozision Dunkirk de Christopher Nolan e'l ga mostrà grando apresamento anca par Mad Max: Fury Road de George Miller.

Critiche canbia

Tarantino ze stà al sentro de racuante critiche e połemiche par el frecuente utiłizo de epiteti rasiałi, o almanco retenjui tałi, inte i so film, in partegołar modo ła paroła negro (nigger) in Le iene, Pulp Fiction, Una vita al massimo, Jackie Brown, Bastardi senza gloria, Django Unchained e The Hateful Eight. Tałe critiche łe jera stà moveste dal regista afro-meregan Spike Lee. In un'intarvista concedesto a łarivista Variety, Lee dichiarò: «Mi no so contro cheła paroła [...] e ła uso, ma Quentin ze strigà de cheła paroła. Cosa vorlo? Esar considerà un negro onorario?»[59] Tarantino ga difendesto el so uzo de ła paroła sostenjendo che'l pùblego apresa i so film influensai da ła blaxploitation e che Jackie Brown ze stà reałizà soratuto par un pùblego nero.[60]

Tarantino ze stà anca pì volte critegà par aver copià idee, sene, batùe e diałoghi dei so film da altri. Par ezénpio, alcune idee a ła baze de Le iene ze traeste łibaramente dal film Il colpo della metropolitana (Un ostaggio al minuto) (The Taking of Pelham One Two Three) e City on Fire, e i eventi de ła sena de l'iniesion de adrenałina in Pulp Fiction recorda na storia sìmiłe narà inte'l documentario Ragazzo americano (American Boy: A Profile of Steven Prince) de Martin Scorsese. In realtà ła tècnega citasionistega de Tarantino ła ze tìpega de alcuni movimenti artisteghi statunitensi de ła segonda metà del Novesento, come ła łetaradura postmoderna o l'Avantpop. A sto ùltemo, segondo diversi comentadori, Tarantino partenjarìa a pien tìtoło.

Un anpio dibatito se ga tenjùo so ła cuestion de cuało sia el łimite tra plagio e citasion. Tarantino, da parte soa, no'l ga mai negà tuti i so refarimenti ad altri film, afermando che «i grandi artisti no i copia, i roba.»[41][61]

Notasion canbia

  1. La Biennale di Venezia - Le edizioni recenti: 2010-2012, labiennale.org. entrada il 10 ottobre 2014 (archivià dal URL orizenałe il 15 aprile 2013).
  2. (EN) Film maker Quentin Tarantino honored with star on the Hollywood Walk of Famewalkoffame.com, Hollywood Walk of Fame, 21 dicembre 2015. entrada il 23 dicembre 2015.
  3. (EN) Michael Rennett, Quentin Tarantino and the Director as DJ, in The Journal of Popular Culture, vol. 45, nº 2, onlinelibrary.wiley.com, aprile 2012, DOI:10.1111/j.1540-5931.2011.00918.x.
  4. (EN) Tarantino Unveils 'Django,' the Shortest Long Western, nytimes.com, 4 dicembre 2012. entrada il 10 ottobre 2014.
  5. Quentin Tarantino, mymovies.it. entrada il 10 ottobre 2014.
  6. Jackpot, 23 zugno 2008, Italia 1.
  7. (EN) An Interview with Danny Strong, ign.com, 19 maggio 2003. entrada il 10 ottobre 2014.
  8. (EN) Dale Sherman, Quentin Tarantino FAQ: Everything Left to Know About the Original Reservoir Dog, Hal Leonard Corporation, 1º febbraio 2015, ISBN 978-1-4950-2596-9. entrada il 22 marzo 2016.
  9. 9,0 9,1 9,2 9,3 Gerald Peary, Quentin Tarantino: Interviews, Boston, Roundhouse Publishing, 1998, ISBN 1-57806-051-6.
  10. Kill Bill Volume 1 - Curiosità, tarantinoitalia.altervista.org. entrada il 10 ottobre 2014.
  11. (EN) Festival de Cannes - Juries 2004, festival-cannes.fr. entrada il 10 ottobre 2014 (archivià dal URL orizenałe il 18 ottobre 2014).
  12. (EN) Festival de Cannes - Awards 2004, festival-cannes.fr. entrada il 10 ottobre 2014 (archivià dal URL orizenałe il 18 ottobre 2014).
  13. (EN) ‘Kill Bill: The Whole Bloody Affair' Has Small Changes That Produce Big Results, slashfilm.com, 8 aprile 2011. entrada il 10 ottobre 2014.
  14. In Kill Bill, la Sposa (Uma Thurman) veniva anch'essa catturata e sepolta viva da Budd (Michael Madsen).
  15. (EN) Quentin Tarantino's Inglourious Basterds Starts Shooting in Germany, firstshowing.net, 14 ottobre 2008. entrada il 10 ottobre 2014.
  16. (EN) Cannes 2009 Review: Quentin Tarantino's Inglourious Basterds, firstshowing.net, 20 maggio 2009. entrada il 10 ottobre 2014.
  17. (EN) Weekend Report: "Inglourious Basterds" Scalps the Box Office, boxofficemojo.com, 24 agosto 2009. entrada il 10 ottobre 2010.
  18. Il nuovo trailer di Django Unchained, il nuovo film di Quentin Tarantino, ilpost.it, 30 novembre 2012. entrada il 10 ottobre 2014.
  19. Django Unchained miglior incasso di sempre per Tarantino, movieplayer.it, 21 gennaio 2013. entrada il 10 ottobre 2014.
  20. L'ultimo boxoffice Usa del 2012 è vinto ancora da Lo Hobbit - Battuti Django Unchained e Les Misérables, it.paperblog.com, 30 dicembre 2012. entrada il 10 ottobre 2014.
  21. Texas Chainsaw 3D vince il weekend USA, Django e Les Miserables superano i 100 milioni, blog.screenweek.it, 6 gennaio 2013. entrada il 10 ottobre 2014.
  22. (EN) Box Office Mojo, boxofficemojo.com. entrada il 10 ottobre 2014.
  23. 1 milione di euro in 2 giorni per Django Unchained in Italia - Mama vola negli Usa, cineblog.it, 19 gennaio 2013. entrada il 10 ottobre 2014.
  24. Django Unchained boom in Italia: 3 milioni e mezzo di euro all'esordio, cineblog.it, 21 gennaio 2013. entrada il 10 ottobre 2014.
  25. Cinema: Quentin Tarantino insegue Neri Parenti, asca.it, 4 febbraio 2013. entrada il 10 ottobre 2014 (archivià dal URL orizenałe il 24 luglio 2014).
  26. Oscar 2013: Waltz e Tarantino vincono per Django Unchained, movieplayer.it, 25 febbraio 2013. entrada il 10 ottobre 2014.
  27. 27,0 27,1 27,2 (EN) Quentin Tarantino Shelves 'The Hateful Eight' After Betrayal Results In Script Leak, deadline.com, 21 gennaio 2014. entrada il 10 ottobre 2014.
  28. (EN) Kurt Russell reveals Quentin Tarantino's The Hateful Eight will begin production in 2015, dailymail.co.uk, 16 luglio 2014. entrada il 10 ottobre 2014.
  29. (EN) Mariecar Mendoza, Comic-Con 2014: Quentin Tarantino confirms ‘The Hateful Eight,' release of Django/Zorro comic series, in Los Angeles Daily News, 28 luglio 2014. entrada il 13 ottobre 2014.
  30. (EN) Filming Starts for Quentin Tarantino's The Hateful EightComingSoon.net, 23 gennaio 2015. entrada il 3 febbraio 2015.
  31. Mirko D'Alessio, The Hateful Eight di Quentin Tarantino a Natale negli Stati UnitiBadTaste.it, 12 zugno 2015. entrada il 16 zugno 2015.
  32. Once Upon A Time In Hollywood: ecco tutto il cast del filmnerdmovieproductions.it. entrada il 22 zugno 2018 (archivià dal URL orizenałe il 23 zugno 2018).
  33. (EN) Quentin Tarantino’s male gaze in 'Once Upon a Time... in Hollywood' isn’t just insulting – it’s profoundly boring, indipendent.uk, 16 agosto 2019. entrada il 14 zugno 2020.
  34. (EN) 18 Details ‘Once Upon a Time In Hollywood’ Got Right About the Manson Murders, rollingstone.com, 7 agosto 2019. entrada il 14 zugno 2020.
  35. (EN) Once Upon a Time in Hollywood’s many, many controversies, explained, vox.com, 15 agosto 2019. entrada il 14 zugno 2020.
  36. (EN) Oscars: How 'Once Upon a Time in Hollywood' Fared, hollywoodreporter.com, 9 febbraio 2020. entrada il 14 zugno 2020.
  37. Oscar 2020, il trionfo di Brad Pitt: «Figli miei, questo premio è per voi», vanityfair.it, 10 febbraio 2020. entrada il 14 zugno 2020.
  38. 38,0 38,1 La Weinstein Company produrrà i remake di alcuni classici cinesi, everyeye.it, 24 luglio 2013. entrada il 10 ottobre 2014.
  39. (EN) Quentin Tarantino to Remake Classic Chinese Kungfu Movie, english.cri.cn, 3 aprile 2007. entrada il 10 ottobre 2014.
  40. Tarantino smentisce il film su Jimi Hendrix, cineblog.it, 29 aprile 2006. entrada il 10 ottobre 2014.
  41. 41,0 41,1 Modeło:Cita TV
  42. Kill Bill 3 non sarà Kill Bill 3
  43. 43,0 43,1 43,2 Killer Crow sarà il nuovo film di Tarantino, cinematografo.it, 3 gennaio 2013. entrada il 10 ottobre 2014 (archivià dal URL orizenałe il 2 febbraio 2014).
  44. (EN) Django Unchained Trilogy and More: Tarantino Talks to Gates, theroot.com, 23 dicembre 2012. entrada il 10 ottobre 2014 (archivià dal URL orizenałe il 15 ottobre 2014).
  45. 45,0 45,1 45,2 8 cose su Quentin Tarantino, ilpost.it, 27 marzo 2013. entrada il 10 ottobre 2014.
  46. 46,0 46,1 46,2 Quentin Tarantino: 10 motivi per amarlo alla follia, wired.it, 18 gennaio 2013. entrada il 10 ottobre 2014.
  47. “Quentin Tarantino” (Moviement), sentieriselvaggi.it. entrada il 10 ottobre 2014.
  48. (EN) Every Pop Culture Reference from Tarantino Movies, collegehumor.com, 2 gennaio 2013. entrada il 10 ottobre 2014.
  49. Parole e grandi citazioni, virginiariva.wordpress.com, 4 luglio 2013. entrada il 10 ottobre 2014.
  50. Un romanzo del scritor, Punch al rum, ze 'l sojeto del film Jackie Brown.
  51. (EN) Mexican Standoffs - Tarantino Style, norwegianshooter.blogspot.ch, 12 settembre 2009. entrada il 10 ottobre 2014.
  52. Piano sequenza, diecifilm.blogspot.ch, 16 luglio 2013. entrada il 10 ottobre 2014.
  53. (EN) Quentin Tarantino Keeps A Classic Movie Theater Open; Who'll Save the Rest of the Country's Indie Theaters, slashfilm.com, 19 febbraio 2010. entrada il 10 ottobre 2014.
  54. (FR) Les marques fictives de Quentin Tarantino - Red Apple, tarantinofiction.com. entrada il 10 ottobre 2014 (archivià dal URL orizenałe il 15 ottobre 2014).
  55. (FR) Les marques fictives de Quentin Tarantino - Big Kahuna Burger, tarantinofiction.com. entrada il 10 ottobre 2014 (archivià dal URL orizenałe il 15 ottobre 2014).
  56. Kill Bill: Volume 1 - Making Of, disponibile so'l DVD italian de ła Miramax.
  57. 57,0 57,1 57,2 57,3 (EN) Poster Boys, ew.com, 23 marzo 2007. entrada il 10 ottobre 2014.
  58.   (EN) Quentin Tarantino's Favourite Movies from 1992 to 2009, youtube.com, 3 aprile 2011. entrada il 10 ottobre 2014.
  59. (EN) Quentin Tarantino accused of ‘Blaxploitation’ by Spike Lee... again, independent.co.uk, 26 dicembre 2012. entrada il 10 ottobre 2014.
  60. (EN) Quentin Tarantino interview (III) with Pam Grier, Robert Forster and Lawrence Bender, theguardian.com, 5 gennaio 1998. entrada il 10 ottobre 2014.
  61. (EN) Good Artists Copy; Great Artists Stealquoteinvestigator.com, Quote Investigator, 6 marzo 2013. entrada l'8 gennaio 2014.


Controło de autoritàVIAF (EN37054403 · ISNI (EN0000 0001 2128 3132 · El vałore LO1V141356 de SBN no el xe mija bon. · Europeana agent/base/146910 · LCCN (ENn94109244 · GND (DE119290685 · BNF (FRcb13167925h (data) · BNE (ESXX1133383 (data) · ULAN (EN500277851 · NLA (EN35388772 · NDL (ENJA00475947 · WorldCat Identities (ENn94-109244
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Quentin_Tarantino&oldid=1158722"