Liga Santa (1684)
La Liga Santa promovesta da papa Inocenso XI ła ze sta ła cuarta de na sèrie de coałision de prìnsipi in defeza de l'Eoropa cristiana.
(la) Sacra Ligua (it) Lega Santa 
| |
| Dati | |
|---|---|
| Sorte | liansa |
| Istòria | |
| Creasion | 1684 |
| Desołusion | 1699 |
| Formà da | |
Inte el 1683, i otomani, al màsimo de ła so espansion teritoriałe, i ghea atacà l'inpero asbùrzego e i ghea asedià Viena (inte el 14 de lujo), tacando cusita na nova guera austro-turca.
La formasion de na liansa cristiana ła ze sta invocada da papa Inocenso XI. El Portèfeze el ghea incargà el so pare capucin Marco de Aviano de reconponer ła Liga Santa, mision che el frate el ghea portà a bon èzito e inte el 5 de marso del 1684 el pato intrà i conponenti de ła Liga el ze sta siglà. I ghea aderio i regni de Spagna, Portogało e Połaco-Lituan, łe Repùbleghe de Zènoa e Venèsia, el Grandogado de Toscana, el Dogado de Savoja. Tuti i ghea mandà juti e grandi continzenti miłitari. La coałision, comandada da Joani III Sobieski, ła ghea dezemà i Otomani inte ła Bataja de Viena e ła ghea cavà l'asèdio a ła capitałe.
De sevente ła ghea libarà tuta l'Ungaria e ła pì granda parte de l'atuałe Croàsia.
La Liga Santa ła ghea conbatesto contro de l'Inpero Otoman anca inte ła seconda bataja de Mohács, inte el 1687. Guidada dal prìnsipe Euzènio de Savoja, ła Liga Santa ła ghea conseguio ła vitòria definitiva contro de l'ezèrsito turco inte ła Bataja de Zenta (1697) e costrenzesto l'Inpero Otoman a firmare el Tratà de Carlowitz inte el 26 de zenaro del 1699.
Notasion
canbia
Altri projeti
canbia
el detien schemi gràfeghi so
Linganbi foresti
canbia- (IT, DE, FR) Liga Santa (1684)hls-dhs-dss.ch, Disionàrio stòrego de ła Svìsara.
- (EN) Holy LeagueEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85061575 |
|---|