Mecànega cuantìstega
rimandamento da Mecanica cuantistegaLa mecanega cuantistega la xe la teoria de la mecanega atualmente pì conpleta, in grado de descrivare el conportamento de la materia, de la radiasion e le resiproche interasion con partegolare riguardo ai fenomeni carateristeghi de la scala de lunghesa o de enerxia atòmega e subatòmega, 'ndo che le presedenti teorie claseghe le risulta inadeguade.
.jpg)
Come carateristega fondamentale, la mecanega cuantistega descrive la radiasion[2] e la materia sia come fenomeno ondulatorio che come entità partiselare, al contrario de la mecanega clasega, dove par esenpio la luxe la xe descrita solo come un'onda o l'eletron solo come na partisela. Cuesta inaspetata e controintuitiva proprietà de la realtà fixega, ciamada dualismo onda-partisela, la xe la prinsipale rajon del falimento de le teorie svilupae fin al XIX secolo inte la descrision dei àtomi e de le molecole. La relasion tra natura ondulatoria e corpuscolare la xe enuncià inte el prinçipio de complementarità e formalixada inte el prinçipio de indeterminasion de Heisenberg[3]. A la fin del XIX secolo la mecanega no la pareva bona de descrivare el conportamento de la materia e de la radiasion eletromagnetega a la scala de lunghesa del'ordine del'àtomo o a la scala di energia de le interasion interatòmeghe; in partegolare risultava inspiegàbiłe la realtà sperimentale de la luxe e del'eletron. Tale limite de le lexi claseghe xe sta la motivazion prinsipale che ga portà inte la prima metà del XX secolo a lo svilupo de na nova fixega del tuto difarente rispeto a cuela svilupà fin ad alora, atraverso na teoria otegnua unendo e elaborando un insieme de teorie formulade a cavalo tra el XIX e el XX secolo, de caratare de frecuente enpirego, baxae so el fato che serte grandese a livelo microscopego, come l'energia o el momento angolare, le poe variare soltanto de valori discreti ciamadi "cuanti" (da cui el nome "teoria dei cuanti" introdoto da Max Planck al'inisio del Novesento[1].)
Efeti cuantìsteghi
canbia
Existe numaroxi esperimenti che li ga confermà o che li ga permeso de intuire la natura de la materia e da la radiasion a scale microscopeghe descrita da la mecanega cuantistega. Tanti de cuesti esperimenti i ga portà a la scoperta de efeti cuantisteghi, de frecuente controintuitivi rispeto a la mecanega clasega. Dal punto de vista storego, l'efeto fotoeletrego e lo studio de lo spetro del corpo nero i xe stai intrà i primi esperimenti a mostrar la natura cuantistega del campo eletromagnetego, che ga portà a la descoverta e a la formulasion teorega del foton e a la verifega de la lexe de Planck, che a dixe che l'enerxia dei fotoni la xe proporsionale a la frecuensa che li ga. Lo spetro del'àtomo de idrogeno ga invese portà prima a lo svilupo del modelo àtomego di Bohr-Sommerfeld, dopo ga permeso de formulare e verifegare l'ecuasion de Schrödinger.
El corpo nero
canbiaUn corpo nero, ogeto in grado de asorbir tuta la radiasion insidente, poe esar idealixà come na cavità nera co un buxeto. Secondo la previxion clasega, cuesto corpo gavaria dovesto emetare na intensità infinida de radiasion eletromagnetega ad alta frecuensa (catastrofe ultravioleta).
Aplegasion
canbiaBona parte de le tecnoloxie moderne le xe baxade, parché le funsione, so la mecanica cuantistega. Par exenpio el làxer, el microscopio eletronego e la risonansa magnetega nucleare. Inoltre, tanti calcoli de chimega conputazionale, li se baxa so cuesta teoria.
Bibliografia
canbia- L. Pauling ed E. B. Wilson Introduction To cuantum Mechanics With Applications To Chemistry (McGrawHill, New York, 1935)
- S. Dushman The Elements of cuantum Mechanics (John Wiley & Sons, New York, 1938)
- M. Planck, L. Silberstein e H. T. Clarke The origin and development of the cuantum theory (Clarendon Press, Oxford, 1922)
- F. Reiche, H. Hatfield, e L. Henry The cuantum theory (E. P. Dutton & co., New York, 1922)
- J. F. Frenkel Wave Mechanics: Advanced General Theory (Clarendon Press, Oxford, 1934)
- N. F. Mott Elements of Wave Mechanics (Cambridge University Press, 1958)
- Manjit Kumar, cuantum. Da Einstein a Bohr, la teoria dei cuanti, una nuova idea della realtà, Mondadori, 2010, ISBN 978-8804526605
- V. Moretti Teoria Spettrale e Meccanica cuantistica.Operatori in Spazi di Hilbert (Springer-Verlag, 2010)
- A. Amadori, L. Lussardi, Meccanica cuantistica non Relativistica, edizioni Matematicamente.it, 2009, [1]
- W. Heisenberg, Fisica e filosofia, (il Saggiatore, 1958)
Varda anca
canbia
Nòte
canbia- ↑ 1,0 1,1 Max Planck, "Ueber die Elementarcuanta der Materie und der Eletricität", in Annalen der Physik, vol. 2, 1900.
- ↑ A. Einstein, "Über einen die Erzeugung und Verwandlung des Lichtes betreffenden heuristischen Gesichtspunkt" (Su un punto di vista euristego riguardo alla produzione e alla trasformazione della luce), 1905.
- ↑ Modeło:Cita publegasion