Oselaž


Al oselas (Buteo buteo, Linnaeus 1758) o pojana, al ze an osel da preda tipico de l'Europa. Al ga na longhesa tipica tra i 51 e i 57 schei co na verta de ale da i 110 a i 130 cm, rendendolo an predator de mèdie dimension. Al so habitat al quata la gran part de la Europa e al se sìestende in Asia. Al viu ten tute le zone fora che ten quele pì frede. In todesco se dixe Mäusebussard, in inglexe common buzzard, in tałjan poiana.

Oselas
[[File:Poster Buteo buteo.jpg|frameless|center|260x300px]]Oselas
Stato de conservasion
Status iucn3.1 LC.svg
ris-cio mìnemo
Clasifegasion sientìfega
DomìnioEukaryota
SotoregnoEumetazoa
SuperphylumDeuterostomia
PhylumChordata
SubphylumVertebrata
ClaseAves
SotoclaseNeornithes
FamejaAccipitridae
SotofamejaButeoninae
ZènaroButeo
SpeceB. buteo
Nomenclatura binomenałe
Buteo buteo
Linnaeus, 1758
Sottospecie
* Buteo buteo buteo
  • Buteo buteo vulpinus
  • Buteo buteo menetriesi
  • Buteo buteo arrigonii
  • Buteo buteo bannermani
  • Buteo buteo rothschildi
  • Buteo buteo insularum
  • Buteo buteo bannermani
  • Buteo buteo japonicus
Buteo buteo distribution map.png


Al frequenta pì che sia bosch, ma al va a casa te i teritori verti. Al magna mamiferi pisoi, bisse e pite. Se al ze ciapà da la fan al magna anca animai morti.

Par al passà i oselas i ze stati tra i osei pì pì invelenadi e che se ghe ga dat de pì la casa proprio parchè i ciapea le pite e altri animai mesteghi. Dess i gnen proteti da la leje e i ze drio a ingenerarse senpre de pì.

De solito no i se mou mai in grupo ma i pol esser visti insieme durante qualche migrasion o 'te un bon habitat. Al scritor vitorian William Crossing al diss de erghen vist ten serti posti grupi de 15 o pì tanti ancora.

Al richiamo al ze un querulo pii-eeh.

MorfołoziaCànbia

Al ze an rapace de sagoma conpata co ale grande e arotondade e na coda pitost curta. Al color al ze maron scur par sora e variabile par sot; de solito la superficie inferjor de le ale la ze maron e an stciantenin striada de negro co na macia scura su el polso e area ciara sfumada in mes, e la coda la ga tante strisse fin e negre. Co el vola la testa la par incassada te le spale e le ale le gnen ceneste al pel rialsade (profilo frontal a "V" verta).

RiprodusionCànbia

Al oselas al fa sù an unico nit su alberi o su crode. La mastcia de solito la fa 2 o 3 ovi (qualche olta 1 o 4) te el nit tra mars e zugno. I ovi i ze bianchi co mace bise o negre. La coa la dura de solito 34 dì, e se alterna al mastcio e la mastcia. I cei i sta te el nit par i 40-50 dì che gnen dopo.[1]

EcołoziaCànbia

Al oselas al ze an genere poco esigente. Al sta ben te le siese de la canpagna in modo da er zone co na prevalensa de alberi aonde far i nit e una co na prevalensa de pra aonde ndar a casa. Inte le rejon montagnoze come la Val d'Aosta al fa al nit da spess anca te i cogoi, restando comunque entro te el limite dei bosch.

ConportamentoCànbia

Le esigense ecologiche limitade le lo rende al rapace diurno che se cata pì da spess su le Alpi a quote medio-basse, co teritori de riprodusion grandi anca solche pochi chilometri quadri. Se el cata da spess apostà su pai o alberi isoladi da i quai al ghe tende a le prede. Al sa sfrutar le corenti assensionai roteando par diverso tenpo sensa bater le lae. I voli teritoriai i ze caraterizadi da na alternansa de pichiade a ale semi-ciuse e risalite svelte.

Specie che le ghe somejaCànbia

Al Pernis apivorus, presente in Itàlia solche da majo a setenber, al se diferensia dal oselas par le ale e la coda na s-cianta pì longhe e par la testa cea. In volo le ale le gnen ceneste orizontai. Al color al ze variabile, ma la coda la ga senper 2-3 bande basai e una terminal scure.
Al magna inseti grandi e par la gran part imenoteri sociai (al scava al teren par catar i nit de vespe e moscoi), pì raramente de vertebradi de dimension pisole.

DistribusionCànbia

 
Distribusion del oselas: le aree verde scure le indica le zone aonde che al oselas al viu tut al an, quele verde ciare e blu le zone de distribusion estiva e invernal.

NoteCànbia

  1. Einhard Bezzel. Uccelli Vol. 2°. Zanichelli, pagg 56-60. ISBN 88-08-14972-2

BibliografiaCànbia

  • BirdLife International 2004. Oselaž. In: 2008 IUCN Red List of Threatened Species. IUCN 2008.

Altri progetiCànbia

Łigadure foresteCànbia

(IT)(EN)(FR)(DE)

  • Oselaž su Avibase, database dei osei 'ntel mondo

Galeria inmaginiCànbia

Controło de autoritàGND (DE4168489-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Oselaž&oldid=1070933"