Pietro II Orseolo
Pietro II Orseolo (Venesia, 961 - Venesia, 1009), xe stà el vintisìeximo doxe de ła Republica de Venesia dal 991 fìn a cuando ch'el xe morto. El zera fìo del vintitreeximo doxe Pietro I Orseolo.
El xe stà ełeto da ła senblèa popołàr col gavea 'péna trent'ani, e el xe considerà uno dei dosi più capasi e intraprendenti.
  | |
| Biografia | |
|---|---|
| Nasimènto | 961 (Gregorian) Venèsia (Itàlia) |
| Mòrte | setenbre 2UTC 1009 (47/48 ani) Venèsia (Itàlia) |
| Liogo de sepełimento | Venèsia |
| 26o Doxe | |
| 991 (Gregorian) – 1009 (Gregorian) ← Tribuno Memmo (it)  – Ottone Orseolo (it) → | |
| Dati personałi | |
| Rełijon | Ceza catòłega |
| Atività | |
| Ocupasion | |
| Fameja | |
| Fameja | Orseolo (it) |
| Cògnuze | Maria Candiano (it) |
| Fiołi | Giovanni Orseolo (it) , Vitale Orseolo (it) , Hicela Orseolo (en) , Orso Orseolo (it) , Ottone Orseolo (it) , Domenico Orseolo (it)
|
| Zenitori | Pietro I Orseolo (it) e Felicia Malipiero |
 | |
|
| |
El dogado
canbiaInte el marso del 992 el ga otegnùo dai inperadori d'oriente Basilio e Costantino na crixoboła che confermava precedenti priviłègi comerçiałi ed imunità; isteso ghe xe stà conceso da l'inperador d'oçidente Ottone III el 19 ługio 992, che a quel tenpo gaveva 'péna dodexe ani. El gaveva concludesto acordi de paxe e comerçiałi co i vescòvi de Bełùn, Caneda, Trevixo e co tanti stati saraceni.
Inte el 996 a Verona l'inperador ga batizà el terso fiòl del dose, che ga avùo come nome Ottone, senpre in quel'ano Pietro II Orseolo ga organezà na spedision navariòła, ła flota conponesta da trentaçinque navi, se ga scontrà co i pirati nareatani che zera insieme ai Croati che infestava l'Adriatico; i narentani, subìndo na sconfita, gavea scominsià a subisàr le popołasion dalmate, che gaveva dimandà agiuto a Venesia. Pietro II Orseolo ga armà da nòvo n'altra granda flota: inte el 997 i narentani xe stài desfài, ła Dalmasia e l'Istria xe stàe sotomese de conseguensa zera deventàe protetorati de Venesia. El dose gavea ciapà el titòło de dùca de ła Dalmasia (Dux Dalmatiae) e ga avùo orìxene ła festa del spoxałisio del mar (Sensa), che sarìa po' stàda codifegàda dal dose Sebastiano Ziani.
El 18 otobre del 1002 Pietro II Orseolo xe andà in socorso dei bixantini a Bari, asediàda dai Arabi. Inte el 1004 el nòvo inperador d'oçidente Enrico II ga confermà i priviłègi comerçiałi de Venesia, e ga tegnùo a batìzo, senpre a Verona, l'ultimo fiòl del dose, Enrico.
L'ano drìo Pietro xe riussìo a conbinàr el matrimonio intra el fìo de Zuane e Maria Argira, dama bizantina, a ła prexensa del steso Basileus dei RomaniBasilio II. Inte el 1004, a ła fìn, el ga asocià el steso Zuane al trono come co-regente, in muòdo che ghe sucedese ne ła carga, tentando el fìn de render reditàrio el dogado.
Ła morte inprovixa inte el 1007 de Giovanni e Maria, a cauxa de na giandùsa, ga spenzesto Pietro II a nominàr co-Dux naltro fìo, Ottone, che gaveva 'pena quatordexe ani. Debòto al tenpo steso el ghe segurava al fìo più grando, Orso, ła catedra de ła dioçexi de Torceło, segurando cussì ła continuità del poder par la pròpia famegia. In quel'epoca el dose se ga preocupà de fabricàr Grao e la catedral de Santa Maria a Torceło, sbełetando Eraclea, ła Baxełega de San Marco e el Pałaso Dogal.
Ła morte
canbiaNa epidemìa de giandùsa ga trusà sta serie de sucesi, xe morto el fiòl e co-regente Zuane. Al so posto zera stà ełeto so fìo de quatordexe ani Ottone. Naltro fìo, Orso, xe stà po' nominà inte el 1008 vescovo de Torceło. Pietro II Orseolo xe desconparso inte el setenbre del 1009 vegnindo sepełìo ne ła cexa de San Zacarìa
Altri progeti
canbia
Wikimedia Commons el detien imàjini o altri file so Pietro II Orseolo
el detien schemi gràfeghi so
| Controło de autorità | VIAF (EN) 170239495 · GND (DE) 144034093 · CERL cnp01285686 · WorldCat Identities (EN) 170239495 |
|---|