Ponte dei Sospiri

	Ponte dei Sospiri
Epònemo	sospiro
Dati
Sorte	Ponte pedonałe e atrasion turìstega
Architeto	Antonio Contin
Costrusion	1614
Caraterìsteghe
Materiałe	piera d'Istria
Mezurasion	11 m ()
Traversa	rio de Pałaso
Pozision
	Venesia
Pozision	centro storico di Venezia (it)
	45°26′02.6″N 12°20′27.1″E

El Ponte dei Sospiri, xe un ponte che se cata a Venesia visin a Piasa San Marco ma in realtà xa inte el sestièr de Castèło afasandose su Riva dei S-ciavoni.

Ancora ancùo una de łe maxor atrasion turisteghe de ła sità de Venesia. El termine sospiri podarìa riferirse ai sospiri che i turisti fa quando in gondoła i ghe pasa soto, in realtà se riferise ai prixonieri^[*].

Sto ponte pasa par el Rio de Pałaso cołegando col canal el Pałaso Dogal co łe prexóni Pionbi.

Descrision e Storia

El Ponte dei Sospiri xe costruìo in piera d'Istria, in stiłe baroco, e xe stà reałixà sul scominsio del XVI secoło su progeto de l'architeto Antonio Contin fio de Bernardo Contin par ordene del doxe Marino Grimani, el cui stèma xe scolpìo.

Sto caratirestego ponte de Venesia, situà a poca distansa da Piasa San Marco, strabàlsa el Rio de Pałaso cołegando co un dopio pasagio el Pałaso Dogal a łe Prexon Nove, el primo edificio al mondo par esar postataménte na prexón. Serviva da pasagio par i recluxi da łe dite Prexón ai ufici dei Inquixidori de Stado par esar xudegài.

Conosùo in tuto el mondo, el xe tirà xo dai foresti de ogni parte, dai sołi do posti dai cuałi el xe oservabiłe, (oltra che da łe gondołe) o sia dal Ponte de ła Canonica e dal Ponte de ła Pagia. Ghe xe stà atribuìo sto nome parchè ła legénda vol che, ai tenpi de ła Serenissima, i prixonieri, atraversandoło, i sospirase davanti a ła prospetiva de vedar par l'ultima volta el mondo fora da queła prexón. Ła legénda parò no ga fondaménto, anca parchè da l'interno del ponte ła vixuałe verso l'esterno squaxi no ła ghe xe. El termine sospiri sta a indicar soło l'ultimo sospiro che i condanài emetéva parché na volta condanài ne ła Republica dei Doxi no se podeva tornar indrìo.

Ponte dei Sopiri inte el mondo

Ghe xe alcune struture ciamàe Ponte dei Sospiri sia a Cambridge che ad Oxford, in Inghiltera che mostra cussì dapartuto ła notorietà de sta strutura. Curioxamente, ła segonda reciama in modo più significativo el Ponte de Rialto, e tute do ste struture apartien a college ciamài St.John's. Inaxonta, inte el Distretto di Barranco in Lima (cavedàl del Perù), ghe xe un Puente de los Suspiros, ponto enblematego de sto tegnér e un dei łoghi più romanteghi de ła sità.

Anca a New York existe na copia, o, par megio dir, na citasion modernixàda, che serve da cołegamento intra do edifici del conpleso de ła Metropolitan Life Insurance Company Tower gratacieło dichiaratamente ispirà al Canpaniel de San Marco.