Sauris

comune itałian
Sauris
comun
(BAR) Zahre
Sauris – Panorama
Locałixasion
StatoItałia Itałia
RejonFriul-Venesia Julia – stema Friul-Venesia Julia
ProvinsaÙdine – stema Ùdine
Aministrasion
SìndicoStefano Lucchini
Lengue ufisiałiitalian
Teritorio
Coordinae46°28′05″N 12°41′03″E / 46.468056°N 12.684167°E46.468056; 12.684167 (Sauris)Coordinae: 46°28′05″N 12°41′03″E / 46.468056°N 12.684167°E46.468056; 12.684167 (Sauris)
Altitudine1 212 m s.l.m.
Superficie41,52km²
Abitanti429
Densità10,33 ab./km²
FrasionLateis, Sauris de Sora
Comuni confinantiAnpezo, Forni de Sora, Forni de Sot, Ovaro, Prato Carnico, Vigo de Cador (BL)
Altre informasion
ŁéngueSauran, furlàn
Còd. postałe33020
Prefiso0433
Còdaxe ISTAT030107
Còdaxe catastałeI464
TargaUD
Cl. sismegaxona 2 (sismisità mèdia)
Nome abitantisaurani
Patronosant'Osvaldo re e martire
Dì de festa5 de Agòst
Carte interative
Sauris – Mapa
Sito istitusionałe

Sauris (Sauris in furlàn[1], Zahre tel dialeto germanico del posto[2]) l'é un comun de 426 anime dela provincia de Ùdine in Friul-Venesia Julia. L'é el comun pì alt dela region (1212 m s.l.m.) e l'é na isola lenguistica germanofona.

GiografiaCànbia

 
La cesa de San Lorenẑ a Sauris de Sora

El se cata tela regione montana dela Carnia in Val Lumiei, el vanta tel so taren la presenẑa de en lach artifiẑial.

Le ẑime pì importanti che ghe n'é intorno a Sauris e le so fraẑion l'é: el Col Gentile (2.075 m), el Monte Tarondon (2.019 m), el Monte Pieltinis (2.027 m), el Crodon de Tiarfin (2.413 m), el Monte Bìvera (2.474 m), el Monte Zauf (2.245 m), el Monte Tinisa (2.080 m).

StorgiaCànbia

La legenda la ol che la comunità de Sauris la sie stada fondađa intorno al XIII-XIV secolo de doi soldađi todeschi che, strachi dela guera, i é scampađi del so paes rifugiandose ten sta val isolađa e imparvia.[3]. Par che la imigraẑion la sie in verità vegnesta dala val austriaca de Lessach e dela Pusteria tel XIII secolo.

El prim document che el atesta l'esistenẑa, en at de eredità perdest, del 1280. Se à conservà solche en document del 1318 tel quale se parla de Sauris, ten na investitura feudal.[3]

Tra el 1941 e el 1948 l'é stat costruì el impanto idroeletrico dela Val Lumiei e la relativa diga, anca se se era tela piena guerra. Propio par la scarsità de omeni i à usà anca 300 prigionieri de guera neozelandesi. La località La Maina la è stata somersa del lach artifiẑial, e ghen resta i ruderi sotacqua.[3]

Monumenti e posti de interèsCànbia

  • Ẑentro Etnografico 's haus van der Zahre, de Sauris de Sora
  • Ẑentro Storgiografico Museo de S. Osvaldo, tela canonega de Sauris de Sot

I ẑentri i fa part del sistema museal dela Carnia.

SoẑietàCànbia

Evoluẑion demograficaCànbia

Abitanti censii


Lengue e dialetiCànbia

La comunità la fa na isola lenguistica de sort germanica, na vera enclave germanofona in taren furlàn, che la à durà, de la so fondaẑion, graẑie al isolamento durà tei secoli.

El tipico dialeto del posto, el "sauran", el cen trati veci rispeto ai dialeti tirolesi ai quali el é ligà, ma la popolaẑion la é trilingue, parlando ben anca el talgian e meio anca el furlàn.

CulturaCànbia

EventiCànbia

  • 5 de đegnèr - Der orsh van der Belin - El sentar dela Belin
  • feorèr - Zahrar Vorschank - Carneval sauran
  • lujo - tel secont e terẑ fin de stemana de lujo se fa la Festa del parsuto
  • agóst - Festa del formai salà a Lateis
  • agóst - Festival internaẑional de musica www.zahrarmonie.it
  • agóst - Fra le nuvole Progeto teatral co laboratori e spetacoli
  • deẑembre - Mercatini de Nađàl

Giografia antropicaCànbia

El comun el é fat de Sauris de Sot (sede del muniẑipio), Sauris de Sora e dale fraẑion de Lateis, La Maina e Field. Sauris de Sora i lo ciama Plotsn, e Sauris de Sot Dörf. Par che el nom el vegne dal prelàtin savira (corso de àcua). Zahre inveẑe par che el cegne el significà de zahre, cioè làgrema.

Aministraẑion comunalCànbia

Sìndico: Stefano Lucchini (Primavera Saurana) dal 2004
Sentrałin comunal: 0433 86245
Posta eletronica: protocollo@sauris.com


EconomiaCànbia

Anca se l'é un dei comuni pì nèsi del Friul-Venesia Julia, Sauris l'é na rinomata località turistica par l'istà e l'inverno, conosesta par la produẑion de en parsuto crudo, el Parsuto de Sauris I.G.P., el cioce de Sauris ed na bira artesànal asei famosa: la Zahre Beer.

Galeria fotograficaCànbia

NoteCànbia

  1. Toponomastica: denominazioni ufficiali in lingua friulana.
  2. AA. VV., Dizionario di toponomastica. Storia e significato dei nomi geografici italiani , Milano, GARZANTI, 1996 . p. 608
  3. 3,0 3,1 3,2 Zahre - Sauris. Storia della Comunità su www.isolelinguistiche.it, a cura del Comitato unitario isole linguistiche storiche germaniche in Italia.

BibliografiaCànbia

  • Barbara Cinausero, La toponomastica di Sauris. Un'isola tedescofona in terra di Carnia, [in collaborazione con Ermanno Dentesano], Udine, Società Filologica Friulana / Comune di Sauris, 2007, 352 p.
  • Donatella Cozzi - Domenico Isabella - Elisabetta Navarra (a cura di -), Sauris/Zahre. Una comunità delle Alpi Carniche, Udine, Forum - Editrice Universitaria Udinese, 1998-1999, due voll., 516 p. compl.

Ligamenti forèstiCànbia

Controło de autoritàVIAF (EN149134679 · LCCN (ENn2005036591 · WorldCat Identities (ENn2005-036591
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sauris&oldid=772518"