Stasion de Feltre

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Stažion de Feltre


La stasion de Feltre, al chilometro 54+560, ła xe la stasion feroviaria al servisio de la basa valada feltrina. ła xe inte ła linea Calalso-Padova, tra la stasion de cuero-Vas e chela de Busche.

Stasion de Feltre
Stazione di Feltre.JPG
Statoverta
Vertura1886
XestorRFI SpA
LìneaFerovia Calalso-Pàdoa
46°00′46.8″N 11°54′40.68″E / 46.013°N 11.9113°E46.013; 11.9113Coordinae: 46°00′46.8″N 11°54′40.68″E / 46.013°N 11.9113°E46.013; 11.9113

Cisterna e presa par ciapar acua inte el serbatoio de le locomotive

IstòregoCànbia

La stasion ła xe stata verta al 11 de novenber del 1886 insieme del toco Cornuda-Belun, che al conpletea al projeto de la ferovia belun-Feltre-Treviso[1].

Durante la ocupasion austro-todesca del 1917, ze stat fat na linea feroviaria a scartamento ridoto che la coleghea la stasion al comune tacà de Fondaso. Al scalo el xe stat dotà anca de on binario, senpre a scartamento ridoto, de tipo decauville, che al ndea drioghe a le vie del centro storego de Feltre infin in Piasa Major, in maniera da agevolar i rifornimenti de munision e magnar. Al trenin che al fea sto servisio al era alimentà a carbon e al era larch chel tanto che bastea parchè ghe stese sù do militar un de fianco de chelaltro. Ste do infrastruture le ze state eliminade a la fin de la Prima Guera Mondial. inte el piasal de le coriere de Feltre, col asfalto el xe fruà asei, se pol intraveder oncora on toco del binario che ndea verso al centro.

Par al pasà da sta stasion partia anca on binario de racordo che al ndea a la fabrega metalurxega de Feltre, des de proprietà de la dita Alcoa. Sto binario el xe stat cavà sù on pochi de ani fa par via de la costrusion del deposito novo de coriere de la dita Dolomitibus.

Struture e inpiantiCànbia

Al piasal del fer el xe conponest da tre binari pasanti a i cuai se donta on binario mort. inte ła stasion ghe xe oncora na presa, col so serbatoio, che la servia par tirar l'acua te le cisterne de le locomotive.

Inte el edifegà par i utenti ghe xe on bar-edicola, na biljeteria col personal e una automatega. la biljeteria col personal la prevede anca la posibilità de cronpar i biljeti par le corjere che parte dal piasal de fianco de la stasion.

 
Piasal de le corjere e, inte el sfondo, la scola de le Canosiane

InterscanbiCànbia

De fianco de la stasion ghe xe on piasal grant, aonde che se ferma le corjere de la Dolomitibus, de la Trentino trasporti, de La Marca, co diverse destinasion par la Provincia de Belun, chela de Treviso e chela autonoma de Trento. serte corse de le corjere le ga coincidense precise co i treni.

MovimentoCànbia

Al trafego de pasejeri el xe discreto,da' che la stasion ła xe al punto de riferiment feroviario de i comuni de la basa conca feltrina. El inpianto el xe servì da i treni rejonai co destinasion Belun, Calalso, Montebeluna, Padova, Treviso e Venesia.

Al trafego merci no el coinvolxe diretamente sta stasion.

NoteCànbia

  1. Trenidicarta.it - Prospetto cronologico dei tratti di ferrovia aperti all'esercizio dal 1839 al 31 dicembre 1926

Voxe coreładeCànbia

Altri projetiCànbia

Linganbi forestiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Stasion_de_Feltre&oldid=1014121"