Col tèrmano suca i vien ciamai i fruti de difarenti piante che fa parte de ła fameja de łe Cucurbitaceae, in partegolare racuante spece del zènare Cucurbita (Cucurbita maxima, Cucurbita pepo e Cucurbita moschata) ma anca spece che fa parte de altri zènari, cofà par ezénpio ła Lagenaria vulgaris o suca paribon. El perìodo de rancura de łe suche in Vèneto ła va da Setenbre a Novenbre. Rancurarle da Zunjo a Setenbre invese ze pusìbiłe, magnàndosełe cofà sucateło.

Suche

StòriaCànbia

Ła suca ła xe orixeària de ła Amèrica Sentrałe. In Mèsego a xe sta catà samese de suca del 6 - 7000 vanti Cristo. Ła suca ła xera el magnar baxe dei pełerosa finmente i ani prima che rivase i pełegrini dal'Eoropa so ła costa atlantega.

ProdusionCànbia

I 10 mejo produtori de suca inte el 2018[1]
Stato Produsion (tonełae)
  Cina 8.133.734
  Ìndia 5.569.809
  Ucràina 1.338.000
  Rùsia 1.189.539
  Mèsego 776.073
  Spagna 717.645
  Stati Unii 683.038
  Turchia 616.777
  Itàlia 596.397
  Malawi 480.233

ProverbiCànbia

  • Łe suche vode vien senpre a gała vol dir "ła ignoransa no ła se sconde, se uno no sa łe robe, no el xe informà, no el sa ben cheło che el dixe, prima o dopo salta fora".
  • o prima o dopo se fa anca łe suche vol dir "co ła xente bexogna ver pasiensa: prima o dopo i ghe riva anca łori a inténdare chel che ghe xe da inténdare".
 
Na suca

ProprietàCànbia

Ła suca ła ga tanta vitamina A, C, calcio, potàsio e fòsforo. I so anti-osidanti nadurałi i fa ben par ła prevension del cancro.

Par 100 g de suca ghe xe:

  • 0,60 g de proteine totałi
  • 0 g de lipidi totałi
  • 3,40 g de glucidi totałi
  • 0,70 g de amido
  • 2,70 g de glucidi sołubiłi
  • 1,30 g de fibra
  • 20 mg de calcio
  • 0,90 mg de fero
  • 1 mg de sodio
  • 202 mg de potasio
  • 40 mg de fosforo
  • 0,03 mg de vitamina B1
  • 0,02 mg de vitamina B2
  • 599 mcg de vitamina A
  • 0,50 mg de vitamina PP
  • 9 mg de vitamina C
  • 94 g de acua

Magnari co ła sucaCànbia

Rixi e sucaCànbia

Par 4 persone ghe vol:

  • 500 g de polpa de suca
  • 240 g de rixo Vialone nano de Grumoło de łe Badese
  • 1 sioła picoła
  • 50 g de buro
  • 4 cuciari de ojo de oliva veneto
  • 3 cuciari deformajo grana padano gratà
  • sałe
  • pevare

Tritare fina fina ła sioła e desfrisarla in na farsora dove gavemo xa scaldà ł'ojo. Tajare a tocheti ła suca cavando łe semense e versarli 'nteła farsora, xontando 2 - 3 cuciari de aqua, sałe e pevare. Dopo 15 minuti versare drento el rixo e mis-ciare de continuo, xontando aqua sałada quando che el rixo se suga masa. Quando che el xe coto el rixo, se xonta, al bisogno oncora sałe e pevare e dopo el buro e el formajo gratà, mis-ciando tuto. Vin che ghe va ben insieme: Custoza, Pinot bianco dei Cołi Berici.

Subioti co ła sucaCànbia

Par 4 persone ghe vol:

Metare in na pignata ł'ojo e ła sioła trità scaldando finchè no ła diventa bionda. Xontare metà de ła suca tajà a cubeti, mis-ciare pian pian bagnando co vin bianco. Far sfumare e versarghe sora mexo minestro de aqua calda e regołare de sałe e pevare. cuxinare par altri 10 - 15 minuti. con un mixer frułare el paston finchè no'l diventa beło fiso. Ł'altra metà de ła suca vien tajà a bastonsini e fata desfrizare in na farsora col buro, ł'ojo e łe foje de salvia, prima co fogo alto e dopo baso, par 10 minuti e dopo spolverare de timo fresco, regołare de sałe e stuare el fogo. Intanto se ga coto i subioti e i se versa 'nteła farsora. Se fa saltar tuto versàndoghe sora el paston de suca fato prima. servire co na gratada de formajo Axiago stravecio.

Védarse ancaCànbia

NotasionCànbia

  1. (EN) Food and Agriculture Organization of The United Nations, FAOSTATfao.org. entrada il 7 agosto 2020.

Altri projetiCànbia

Linganbi forestiCànbia


Controło de autoritàNDL (ENJA00564366
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Suca&oldid=1061697"