Vigonsa

comune itałian
Vigonsa
comun
Vigonsa – Stema
Vigonsa – Panorama
Locałixasion
StatoItałia Itałia
RejonVèneto – stema Vèneto
ProvinciaPàdoa – stema Pàdoa
Aministrasion
SìndicoNunzio Tacchetto
Lengue ufisiałiitałian
Teritorio
Coordinae45°27′00″N 11°59′00″E / 45.45°N 11.983333°E45.45; 11.983333 (Vigonsa)Coordinae: 45°27′00″N 11°59′00″E / 45.45°N 11.983333°E45.45; 11.983333 (Vigonsa)
Altitudine10 m s.l.m.
Superficie33,32km²
Abitanti22075
Densità662,52 ab./km²
FrasionBuxa, Codiverno, Peraga, Peraroło, Pionca, San Vio
Comuni confinantiCadòneghe, Canpodàrsego, Fieso (VE), Noenta, Pàdoa, Pianiga (VE), Stra (VE), Vilanova
Altre informasion
Łénguevèneto
Còd. postałe35010
Prefiso049
Còdaxe ISTAT028100
Còd. catasticałeL900
TargaPD
Cl. sismegaxona 3 (sismisità basa)
Carte interative
Vigonsa – Mapa
Sito istitusionałe

Vigónsa el xe on comun de 21 993 aneme 'nte ła provinsa de Padoa.

Ła crésita demogràfega, spece dei ùltemi quarant'ani, ła ga portà Vigonsa a èsare el quarto comune de ła provinsa par abitanti, daspò el caołogo, Bignàxego e Selvasan.

StoriaCànbia

Sti posti i xé abitai da un mucio de sècołi, xà da łe popołasion paleovènete. El teritorio de Vigonsa se se cata 'ntel séntro del Graticołato roman. Pare chel nome de sto posto el vegna da un cao łongobardo ciamà Gunz, al quałe el xé stà tacà ła raixa de vicus, deventada vigo, prexénte anca 'ntel nome de Vigodàrxare. Pol darse chel salti fora da un bivio (Bicuntius) su ła strada che, da Pàdova, ła portava a Venesia da na parte e a Trevixo da st'altra.[1]

El nome de Vigonsa el se vede par ła prima volta 'nte un documento del 999 col qual un notaro el dava dei teritori a na toxa propio de Vigonsa, parte de na dote. Par tuto el Medioevo i xé saltai fora come funghi castełi de faméje inportante come i Da Vigonsa, i Da Peraga e Da Dalesmanini.[1]

Col rivar dei Venesiani, paréce faméje de ła cavedałe łe ga sièlto el teritorio del comun de ancó de Vigonsa per tirar su łe łore viłe: ste qua łe xé i Pisani, i Donà, i Soranso, i Badoèr.[1] Sti ténpi i xé particołarixai da na łonga paxe, ma anca de epidemie de małaria e carestie. Parte de łe frasion łe partegneva a ła podestaria de Canpo San Piero, altre al vicarià de Oriago, méntre Vigonsa queo de Miran.[1]

Napoleon el ga rivołusiona sto sistema de provinse e daspò i xé rivai i Austrìasi. Ła xona ła xé pasada al'Itałia 'ntel 1866 come tuto el Vèneto. Łe condision de mixeria e poartà łe xé 'ndae vanti par parecio tenpo, fin a ła Seconda guera mondiałe, daspò ła quałe, grasie al'agricoltura e a ła crésita del'industria, anca sti posi i se ga tulti na serta richesa.

Evolusion demogràfegaCànbia

Abitanti censii


FonteCànbia

  1. 1,0 1,1 1,2 1,3 Pàgina de storia del sito del comun de Vigonsa

Cołegamenti forestiCànbia

Controło de autoritàVIAF (EN124318789 · WorldCat Identities (EN124318789
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vigonsa&oldid=772765"