Vogałonga

Ła Vogałonga ła ze na regata de inbarcasión a remi "non conpetitiva" che ła se dezvòlze a Venesia inte'l meze de Magio.

Ła Vogałonga 2010 ła ze drìo scominsiar

Storia

Durante na regata che se ga dezvolzesto l'11 novenbre 1974 infrà un grupo de venesiani, sia diłetànti che profesionìsti, nase l'idèa de istituir na regata dedicàda a tuti i pasionài de ła voga veneta, par rełansar 'sta antiga tradision e par sostenjir na canpanja contro el degrado e el moto ondozo inte ła Łaguna de Venesia.

De sti propoziti, s'a fato promotóri prensipalmente Lauro Bergamo, a l'época diretór de Il Gazzettino, oltra a Toni Rosa Salva e Bèpo Rosa Salva, de frecuente inpenjài in prima parsona par ła salvaguardia de Venesia.

El 26 zenaro 1975 'sti propoziti i se traduze in un bando ofisiałe par l'istitusión de ła Vogałonga, che ła vien prezentàda a ła sitadinansa e a ła stanpa, promovesta da un apozito comitato. El parcorso, łongo sirca 30 km, el zera stà studià par tocar dei łòghi sinjifegadivi e sentrałi de Venesia, cofà el Basin de San Marco e el Canal Grando, e par razonzer łe zone a st'altra łimitrofe, infrà łe cuałe Buran e Muran, par rientrar a Venesia da'l Canal de Canaregio, che'l imete inte'l Canal Grando e po' fenìr davanti a ła Ponta de ła Sałute.

Ła prima Vogałonga ła se desvòlze l'8 magio 1975, dì de ła "Sensa", co ła partensa de tute łe inbarcasion sunàe davanti a Pałaso Dogal, senjada da un colpo de canon.

Za da st'altra prima edisión ga partesipà 1 500 regatanti, co ben 500 inbarcasion, che łe venjiva da Venesia, da tante altre łocałità de'l Veneto e co calche equipàgio che'l rivava anca da altre region.

Co łe edisión drìo, ła Vogałonga ła vede créser par scałinasión el só consenso e partesipasion, rivando a sorpasàr łe 1 600 inbarcasión e oltra 6 000 iscriti inte'l 2008, co regatanti rivài oramai da tuto'l mondo e co onji zènare d'inbarcasión, basta che ła sia a remi.

Tuti i partesipanti rivài a'l traguardo, escluzi i equipàgi scuałifegài, i reseve na medàgia comemorativa e un sertifegado de partesipasión. Talfiè, inazonta, ze sortegiài premi suplementari, zlarghizài da asosiasión o istitusión.

Gałarìe de imàzene

• 
  Vogałonga 2010 - Muran
• 
  Vogałonga 2010 - Muran

Voze łigàe

• Voga veneta
• Inbarcasion venesiane
• Regata Storica

Linganbi foresti

• (IT, inglezo, FR, DE) Sito ufisałevogalonga.com.

• Sito Uficiałe de ła manifestasión
• Vogałonga, ła Venesia dei remi (ligo ronpesto dispunìbiłe in Internet Archive; védarse el istòrego, la prima version e ła ùltema).