Wikipedia:Ciàcołe/Archivio/2011

Ocio: Qua ghe xe łe ciacołade fate par tuto el 2011. Se te vui inserir na nova discussion struca qua.

Wikipedia

Ciao, secondo mi, sora in alto co' uno xe logga, te cati a scrita pagine tegnùe d'ocio; non saria mejio adopèrar pajine tegnùe d'ocio o anca paxine tegnùe d'ocio??--frigotoni^{(dime tuto queo che te vui)} 17:41, 15 dis 2010 (CET)

A dire el vero pagine ła saria una de łe do pronunse posibiłi de pajine, quindi no sarià propio sbałià. D'ogni modo me par che de resente i gapia canbià ła tradusion de'l MediaWiki (par exenpio indove che ghe jera modifega deso ghe xe canbia), no so chi che sia sta (e no go gnanca idea de come che'l gapia fato). Mi preferivo come che jera prima, ma come che go xa dito no so come che se fa a canbiar (e po vujo rispetar el laoro de chi che ga fato ste modifeghe). Vedemo se 'l audor de sti canbiamenti el se fa vivo e 'l ne spiega łe so modivasion... --GatoSelvadego 13:23, 16 dis 2010 (CET)

Ecolo qua, so' mi el colpevole! ;-) Un meseto fa, quando ghemo verto vec.wikisource.org, gò ripassà tuti i messagi de l'interfacia par adatarli anca al novo progeto. In zenerale gò sercà na tradussion pi direta, un lenguajo pi ciaro e s-ceto, sensa giri de parole. Par far questo gò ritradoto molti messagi diretamente da l'inglese, sensa passar da l'italian, che xe na lengua pi aulica e manco tera-tera. Confrontè par esempio See also con Voci correlate e col nostro Voxi corelae che me fa vegner i sgrisoloni longo la schena ogni volta che lo cato in giro... no se poe scrivar, molto pi semplisemente, Varda anca? Per cui cronologia xe deventà storia, modifega (che in veneto no credo gnanca esista) xe deventà canbia e via de sto passo. Gò eliminà inoltre molte ł: qua su wikipedia le ghe podarìa anca star, ma su wikisource le farìa a bote coi testi presenti là, che in nissun caso i dopara ł. Gò sielto pagine sempre par sto motivo, parché la grafia storica la xe quela. Spero de averve convinto... naturalmente par critiche o sugerimenti son qua ;-) Candalua 00:42, 21 dis 2010 (CET)

Varda, par mi çerte robe xe mejo deso de prima (tipo Varda anca), çerte altre łe jera mejo prima ma deso che te ne ghe spiegà capiso łe to modivasion (credo che ła majoransa de i testi so wikisource i sie in venesian, e łori i mete ła gi). Ad exenpio me piaxe che par łe modifeghe picołe ghe sia ła p (de picinin) inveçe de ła m, go fato un peło de fadiga a 'bituarme al inisio ma deso so contento de sto canbiamento. Pa modifega el problema el saria che ghevo xa fato łe pajine de juto e deso saria da canbiarle co canbia :-) (e po co canbia me vien inamente "canbiar pajina" pì che "modifegarla")... Altri picołi problemi: no połe esarghe da par tuto pagina e dopo ver ła Pajina prinsipałe; canbiamenti ligà a sta pagina (no saria mia da scrivar ligai ?); Varda la storia (de cosa?), comunque no saria istoria (o 'storia)?; a sto punto ghe voria anca Agiuto, Ciàcole, Pagina prinsipale...--GatoSelvadego 13:08, 21 dis 2010 (CET)

Gavio raxòn!--frigotoni^{(dime tuto queo che te vui)} 18:09, 31 dis 2010 (CET)

Intanto scusème se rispondo solo desso. Con tuti i messagi che gò passà, gavarò sicuramente sbalià tante picole robete. Ligà esiste anca sensa i, ma forse te ghè rason che in venessian puro la ghe 'ndarìa. Certi messagi molto doparà, come Pajina prinsipałe e Ciàcołe, solo su vec.pedia li gò lassà come che i era, senpre par la quistion che ve disevo che Wikipedia pole anca usare la Ł, se cussì se decide, ma Wikisource no. Se disì, posso uniformarli a Wikisource. In zenerale, tuti i messagi che catè in giro e i ve pare mia giusti, scrivìme qua la vostra proposta de tradussion che vedemo se se pole mejorarli. Tegnì presente però che la tradussion atuale la xe in veneto generico, quindi par forsa un conpromesso. Me piasarìa catar qualche brao venessian che tradusesse MediaWiki in veneto-venessian puro, e magari anca in altre varianti in modo da verghe la scelta. Intanto bon ano novo a tuti! :-) Candalua 21:18, 5 zen 2011 (CET)

Oro! Ma ałora se połe ver mesaji difarenti da Wikisource (łà xe Pagina prinsipale e cuà Pajina prinsipałe). In sto caxo saria mejo un peło de uniformità (fra i mesaji, ma anca fra i mesaji e łe voxi) so i mesaji de vec.pedia... Bon ano anca a ti.--GatoSelvadego 15:10, 8 zen 2011 (CET)

Namespace Portałe...

Visto quanto dito poco sora a propoxito de'l namespace modèl no saria el caxo de itervegnere anca pa'l namespace Portałe? Mi de sołito no go problemi co i carateri speçałi ma doparando par caxo Windows me so rexo conto che no par gnente façiłe scrivar çerti carateri (si ło so, ghe saria el codice ma no tuti ło sa o se ło ricorda). Quindi proporia de pasare da Portałe a Portal (o Portàl). Cosa ghin dixio?--GatoSelvadego 18:26, 20 dis 2010 (CET)

Par mi, xe on fià pì corèto dir Portałe, infàti ła L no ła se fà mia sentir... Però se ghe xè on pròblèma de çerti carateri, ełora son d'acòrdo!--frigotoni^{(dime tuto queo che te vui)} 18:57, 4 zen 2011 (CET)

Gheto leto quanto scrito qua? Lexi e dopo dime cosa che te ghin pensi. D'ogni modo a propoxito de ła Ł: noaltri magna L (i veneto çentrałi) nó ła femo sentir, altri i ła dixe (i veneto ocidentałi... e quindi se uxa sta L speçiałe al posto de cheła normałe pa' incontentar tuti do... fuse par noaltri se podaria scrivare portae). Po ghe xe anca quei che tronca łe parołe (i veneti orientałi) e quindi in sto caxo i diria portal. --GatoSelvadego 19:29, 4 zen 2011 (CET)

Bon, ora go capìo. Mi saria par utiłixar Portal. --frigotoni^{(dime tuto queo che te vui)} 21:59, 4 zen 2011 (CET)

A proposito de portali, certi come Portałe:Axia o Portałe:Merica i xe lì sbandonà da tenpo... se aceta volontari che li meta a posto... :) Candalua 21:37, 5 zen 2011 (CET)

Co ghevo rifato el portałe Africa (canbià un peło ła grafega e canbià el cołor) ghevo ciapà l'ocaxion pa' far anca che altri... Però i ghevo soło abosai... L'idea ła jera cheła de ver i portałi continentałi co i cołori de ła bandiera ołinpega (cuindi blu pa ł'Eoropa, roso pa ła Mèrica, verde pa l'Oçeania, xało par l'Àxia e nero pa l'Africa) e ła go reałixada, ma dopo me so fermà. Vedarò de darghe na sistemada (el projeto giografia el xe de me conpetensa :-) )--GatoSelvadego 15:20, 8 zen 2011 (CET)

Wiki-raduno a Vicensa e presentaxion de no studio su ła Wikipedia en łéngua vèneta

Sabo 26 de febraro se tien a Vicensa un wiki-raduno de wikipediani (del Veneto e anca da fora). Qua ghe se el programa de ła jornata. Nel pomerigio ghe sarà ła presentaxion de na ricerca fata sora ła Wikipedia en łéngua vèneta. Si tuti invità (basta iscrivarse). --Marcok 10:00, 16 feb 2011 (CET)

Vetrina

Toxi, sia par inaugurar na pajina prinsipałe futura, sia parchè me piaxeva ła voxe, come gavarè visto gò inserire ła voxe Aqua, 'nte ła Vetrina. Se nò ve va ben, savio come far ;)--frigotoni^{(dime tuto queo che te vui)} 11:45, 18 feb 2011 (CET)

Ma nó ghe xe na prosedura un fià pì conplesa pa' metare łe voxi in vetrina? Dimando parché nó so che regołe che ghe sia cuà, me par che so it.wiki ghe sia na prosedura de segnałasion-elesion, xe difarente cuà so vec.wiki?--GatoSelvadego 16:41, 18 feb 2011 (CET)

La storia de it.wiki la dixe che partendo dala "bel prosa" se pasa par la "definision de parametri" su lo stile de en.wiki, par rivar a far de manco de votar, usando solo el consenso.

Gh'e el problema de la partecipasion e de l'utilità de sto lavoro. Se la vetrina serve par dar de i exempi ben: Le voxi come le entra le usirà quando se deventarà più tachenti, dixemo che finché no se decide de seguir le regole de le wikipedie con tanti utenti, l'e meio usar el bonsenso e no puntar masa baso, po el tenpo el darà rexon a le voi pi valide. - εΔω 15:37, 24 feb 2011 (CET)

Nova estenxion de MediaWiki par nialtri?

Co sta discuxion vojo portare a ła vostra atenxion na utiłisima estenxion disponibiłe pal software MediaWiki che parmete de fare łe coxe che podì vedare so strategy:Talk:Main Page. Ła pajina de descrixion de sta nova estenxion e a se trova a sto indirixo. Voialtri cossa ne penseo? Sì favorevołi a chiedare so Bugzilla l'instałaxion de sta estenxion anca so VEC wiki? Speto pareri. Graxie --Vajotwo (posta) 14:12, 17 mar 2011 (CET)

Spiegate mejo... Cossa xèo sto softuér in più? Cosa xè che podaremo far? Parchè 'nte l link, nò gò capio mia tanto ben...--frigotoni^{(dime tuto queo che te vui)} 14:22, 17 mar 2011 (CET)

Sicuramente beło da vedare, ma par deso no me par esensiałe par noaltri. Cuindi no perdaria tenpo a dimandarghe che i ne ła instałe (par deso).--GatoSelvadego 15:35, 17 mar 2011 (CET)

En pratica el serve par mandare vanti dinamicamente na discuxion indentando el testo so baxe cronołoxica e creando anca n'indexe pì ordinà en çima a ła pajina co tute łe discuxion prexenti. Par quanto riguarda ła so instałaxion da nialtri o gavevo proposto soło par gavere na roba en pì che tuti i altri no i gà, par dare el bon esenpio. --Vajotwo (posta) 18:33, 17 mar 2011 (CET)

LiquidThreads no la pol ancora esar ativà ne le wiki de la Wikimedia Foundation parché la xé ancora en fase de test. Xé instalà solo su MediaWiki e n'altro par de wiki "de servisio".--Marco 27 16:57, 22 mar 2011 (CET)

Modèło pa' i obsołeti/nò dopàrai

Ve pol piaxer sto modèło? Se podaria dopararlo 'nte ła pajina de ło Switch e in cuèła de i modèłi de łe varianse venete (cusì desidemo cossa bexogna far con quełi modèłi). El tipo de aviso (de informasion, o del tipo Ocio! se pol canbiar a seconda de łe nostre prefarense).--frigotoni^{(dime tuto queo che te vui)} 13:03, 22 mar 2011 (CET)

Diria che doparar un modèl xa existente cofà Avixo połe esar na bona sołusion. Senpre se desidemo de tegner i veci e no scansełarli.--GatoSelvadego 18:30, 22 mar 2011 (CET)

A mi, piaxeva a to idea de i novi modèłi pa' łe varianse...--frigotoni^{(dime tuto queo che te vui)} 18:32, 22 mar 2011 (CET)

? Vara che parlavo de sto modeło pa' i obsoleti. De i modełi pa' łe varianse parlemo sora ;-) --GatoSelvadego 19:16, 22 mar 2011 (CET)

Toxi... Me son acorto che esisteva zà el modèło che dixevo mi (Storica)...--frigotoni^{(dime tuto queo che te vui)} 21:29, 29 avr 2011 (CEST)

Vuto che prove a far in modo che se ła pajina storica ła xe un modeło łora vegne fora un avixo difarente? D'ogni modo no me piaxe tanto el nome de sto modèl: proporia de spostarlo a vecia...--GatoSelvadego 09:45, 30 avr 2011 (CEST)

+1

par spostare a vecia --Vajotwo (posta) 13:42, 30 avr 2011 (CEST)

Fato

d'acordo co ło spostamento. Vajo pensarà lu se xè mejo eliminar ło {{Storica}}

.--frigotoni^{(dime tuto queo che te vui)} 13:59, 30 avr 2011 (CEST)

Ençiclopedisità de łe voxe so i xogadori de bałon

Ma so soło che mi mi soło a 'ver de i grosi dubi so'l ençiclopedisità de serte voxe? Me par che semo drio deventar WikiBałonPadova...--GatoSelvadego 16:14, 21 avr 2011 (CEST)

Par desso l'inportante xè gavere nove voxe, anca de riłevanxa locałe. Del resto semo ła Wikipedia Veneta ... --Vajotwo (posta) 19:46, 21 avr 2011 (CEST)

Ło so. Xe che mi saria pa' criteri bastansa rigoroxi: no me piaxe 'ver 100 biografie de nati inte el novesento e 10 de chèi nati inte i secułi prima. D'ogni modo par deso saremo un ocio.--GatoSelvadego 10:16, 22 avr 2011 (CEST)

Mi blocaria l'Ip che el continua a scrivare quełe voxi; tra l'altro nò łe xè gnanca in diałeto...--frigotoni^{(dime tuto queo che te vui)} 10:26, 22 avr 2011 (CEST)

Ła unica saria fare on range block chel conprenda tuti i so indirixi IP ma nol me senbra el caxo visto che fin desso el ga soło contribuio a zontare nove voxe so VEC wiki. Comunque se proprio insistì vedrò de farlo. --Vajotwo (posta) 12:21, 22 avr 2011 (CEST)

No, no sta blocar gnente. Cuando che faremo un portałe spor fato pułito metaremo de łe regołe rigoroxe pa' łe voxe ma intanto saremo un ocio (e limitemose a metarghe un bel {{E}} , el {{T}}

ghe ło mete xà eło).--GatoSelvadego 13:36, 22 avr 2011 (CEST)

Par mi nò ghè xè problema, però voaria ricordave che anca se metemo el {{T}}

'nte ła categoria nò 'l vien fora in automatego che ła pajina nò ła xè in diałeto. Morałe de ła storia: come faxemo noaltri a saver quałe łe xè łe voxi da tradure e sistemar?--frigotoni(dime tuto queo che te vui) 21:26, 23 avr 2011 (CEST)

Par cheła saria bastà ndar so ła pajina del modeło e strucar su Punta qua... D'ogni modo go meso na categorixasion automatega in vełosità, ła setimana prosima riciaparò in man el modeło ma par deso me par chel funsione. PS: lengua Toni, no diałeto. Se no sarisimo su roa-vec.wiki invese che su vec.wiki ;-)--GatoSelvadego 22:44, 23 avr 2011 (CEST)

Un minuto: e se doparassimo un Bot che fa tuto eo cioè che el traduse eo tute łe pajine sportive restà semi-tradote?--frigotoni^{(dime tuto queo che te vui)} 11:30, 26 avr 2011 (CEST)

Creare on bot chel sia en grado de tradure intere pajine da na łengua a n'altra? Credo che par fare na roba del zenare te dovarè spetare l'avento de ł'intełigenxa artifisiałe parché par desso xè tecnicamente inposibiłe o comunque massa conplicà da fare. Al masimo se podaria tradure calche singola paroła ma nuła de pì --Vajotwo (posta) 17:06, 26 avr 2011 (CEST)

Mi dixevo par na roba pì senplise: doparar uno come queło che L.V. el gheva (cioè che te fa de łe senplisi sostitusioni de łe letere: Nello el saria divegnesto 'Nte ło).--frigotoni^{(dime tuto queo che te vui)} 21:25, 29 avr 2011 (CEST)

Varie

Riconferma anuałe (qui łe proposte)

Cò questa sesion vołevo versar łe vostre menti so do cose: ła prima ła xè che mi, pensavo de tacar a uxare el modèło queło che 'l Gato ghèva preparà ben 'nte ła so Sandbox (queło de łe varianse); l'altra xè questa (no so se ła xè na bona idea, mi a propongo isteso): queła de ativar ła Riconferma anuałe, ocio però: łe nostre riconferme łe saria tacite, osia 'nte'l momento de ła riconferma parlemo de come xè sta svolto l'operato, cossa te ghè fato de bon e cossa no, cossa te ghè inamente de far, o comunque discutare e/o parlar cò l'aministrador (e soło se sarà el caso, queła de togliere i botoni). Ve propongo questo parchè proprio de resente stano faxendo anca łori de łe riforme (proprio su questo). N'altra alternativa (che però me piaxe de men) saria queła de versar na sorta de WP:Richiesta de pareri. Dixime pure come a pensè voaltri.--frigotoni^{(dime tuto queo che te vui)} 22:00, 29 avr 2011 (CEST)

Modifiche verifigae (qui łe proposte)

El modeło de łe varianse go ncora da finirlo... So ła riconferma ła pol esar na bona idea. Visto che'l argomento el xe "varie" (saria mejo che'l fuse pì spesifego) faso anca mi na proposta: me piaxaria 'ver anca cuà da noaltri el "segna modifega come verifegà" e el ponto esclamativo so łe no verifegae... però voria che na 'olta che ła modifega ła xe sta verifegà vegna fora el nick de chi che ła ga verifegà (come so ru.wiki). Xe fatibiłe?--GatoSelvadego 09:53, 30 avr 2011 (CEST)

+1

Ghè pensavo da tenpo anca mi. Però se poteva far cussì: noaltri autorixai gavemo łe modifighe già verificae mentre i IP/novi utenti co el coso: !.--frigotoni(dime tuto queo che te vui) 14:23, 30 avr 2011 (CEST)

Par sta roba quà vardè ben sta pajina MediaWiki e anca sta pajina IT Wikipedia. Al limite podarissimo ativare sta estenxion co łe stesse inpostaxion fate da ru.wikipedia en modo da evitarce de desidare tute quełe inpostaxion una par una parché e xè trope par poderle discutere tute ... --Vajotwo (posta) 14:26, 30 avr 2011 (CEST)

Bona idea!--frigotoni^{(dime tuto queo che te vui)} 14:28, 30 avr 2011 (CEST)

Me par ovio che i utenti co pì de tot modifeghe i ga da esar "auto-convałidai" (come anca so it.wiki). Me piaxaria però che vegnese fora el nick de chi che ga verifegà ła modifega: inte el caxo de i utenti auto-convałidai vegnarà fora "utente autoconvałidà", inte i altri caxi vegnarà fora el nick de chi che gà verifegà (goi da spiegarve el parché?). Cuesta ła saria una de łe do difarense rispeto a it.wiki, chealtra difarensa ła saria so ła 'storia de ła voxe: so it.wiki vardando ła cronołoxia no se capise se łe modifeghe łe xe stae verificae o no. Eco saria sufisente ste do robe, no serve ła posibiłità de segnar ła cuałità de ła modifega o altre robe avansae.--GatoSelvadego 11:55, 2 maj 2011 (CEST)

Par poder inpostare alcune inpostaxion come te vui tì te me dovarissi riportare qua ne ło spesifego (vardando ła pajina so MediaWiki) ła serie de inpostaxion da canbiare co anca i rełativi vałori che pì te va comodo. Questo parché al momento de scrivare so Bugzilla dovarò esare en grado de dirghe cossa metare exatamente da noialtri ... Graxie --Vajotwo (posta) 13:11, 2 maj 2011 (CEST)

Segnało a tuti che go verto so bugzilla:28837 na richiesta par ativare sta enstenxion anca da nialtri co łe stesse inpostaxion (par desso) de ru.wiki, soło che i xè lenti come no so cossa --Vajotwo (posta) 16:52, 9 maj 2011 (CEST)

(rientro)Ma xè on problema del me modem o anca par voaltri xè cusì lento versar el sito?--frigotoni^{(dime tuto queo che te vui)} 15:12, 10 maj 2011 (CEST)

Gnente mi xè tuta on cò che provo a versar el sito ma nò rieso a entrar...--frigotoni^{(dime tuto queo che te vui)} 20:31, 10 maj 2011 (CEST)

Beh, se te si riusìo a comentar vol dir che te si riusìo a vegner drento... D'ogni modo efetivamente ieri e anca ieri 'l altro el sito el jera lento fà 'l ano de ła fame (no soło che vec.wiki, ma anca el resto de łe wiki). No savaria dir par cosa, magari i ga fato de i laori... Pa' fortuna deso funsiona tuto pułito.--GatoSelvadego 11:48, 11 maj 2011 (CEST)

Ma cossa gheto capìo Gato ;-))? Mi parlavo del sito de Bugzilla scrito da Vajotwo! Nò riesso a versarlo!--frigotoni^{(dime tuto queo che te vui)} 21:11, 11 maj 2011 (CEST)

Beh, deso el se verxe. D'ogni modo credo che i problemi a verxar el sito i sia ligai a chèi par verxare ła wiki...--GatoSelvadego 12:49, 12 maj 2011 (CEST)

Vodaxion par richiedare l'estenxion FlaggedRevs

• +1

--Vajotwo (posta) 18:15, 30 avr 2011 (CEST)

• +1

--frigotoni^{(dime tuto queo che te vui)} 10:17, 1 maj 2011 (CEST)

• +1

--GatoSelvadego 11:55, 2 maj 2011 (CEST)

Multilingual Challenge

Please help: replace this red text with a translation of the English message below. Thank you!

Announcing the Derby Multilingual Challenge This is the first multilingual Wikipedia collaboration. All Wikipedians can take part, in any Wikipedia language. The challenge runs from 1 May until 3 September 2011. Sign up now! " Wikipedia is particularly pleased to see that Derby Museums are encouraging the creation of articles in languages other than English." (Jimmy Wales, 14 January 2011)

Andrew Dalby 16:31, 2 maj 2011 (CEST)

Plurale dei nomi terminanti in -l

Nella formazione del plurale dei sostantivi quali, cambia la "l" a "li" o solo per "i"?

Per esempio, "parol" => "paroli" oppure "paroi", "barcarol" => "barcaroli" oppure "barcaroi"? SemperBlotto 19:59, 5 giu 2011 (CEST)

Visto che sei vec-0 rispondo in it. Nelle varianti orientali (veneziano, trevisano e bellunese) si tende a troncare le parole e quindi trovi parole come quelle che hai portato come esempio. Nelle altri varianti invece si tende a non troncare e quindi trovi i corrispettivi paroło e barcaroło per il veneto centrale e parolo e barcarolo per il veneto occidentale (il carattere ł si usa per indicare la elle evanescente - tecnicamente una "semiconsonante dorsopalatale rilassata" - che, in pratica, si legge come una e. Quindi "paroło -> paroeo" e "barcaroło -> barcaroeo". In alcune convenzioni di scrittura si usa questo carattere in modo che possa essere letto come elle evanescente dai parlanti delle varianti veneto centrali e come elle normale dai veneto occidentali. Tornando ai tuoi esempi, usando queste convenzioni di scrittura "unitarie", si troverà scritto solamente "paroło" e verrà letto "paroeo" dai veneti centrali e "parolo" dai veneti occidentali). Veniamo ora al plurale, sia per le varianti orientali (quelle che troncano) che per le varianti centrali si avrà: parol/paroło -> paroi; barcarol/barcaroło -> barcaroi (in presenza di vocali palatali, "e, i", la elle evanescente sparisce completamente). Per le varianti occidentali invece si avrà: parolo -> paroli; barcarolo -> barcaroli. In caso di uso delle convenzioni di scrittura che prima ho definito "unitarie" il plurale sarà: parołi (doppia lettura: paroi, paroli); barcarołi (baracaroi, barcaroli). Questa dovrebbe essere la regola "generale", nello specifico non so se i termini da te usati come esempio vengano usati in tutto il veneto. Se sui plurali del veneto orientale e del veneto occidentale ho scritto delle castronerie invito altri wikipediani locali a correggermi.--GatoSelvadego 17:09, 6 giu 2011 (CEST)

Grazie Gato. Ho cominciato ad aggiungere parole veneziano al Wikizionario inglese e, pertanto, pregherò più domande "soonish". SemperBlotto 23:43, 6 giu 2011 (CEST)

Prego. Mi pare che sul Wikizionario in italiano ci siano un paio di utenti attivi sul fronte parole in veneziano (tanto che a volte si pensa di aprire un Wikizionario veneziano, completerebbe un bel trio con questa wiki e la Wikisource veneta) magari potrebbero esserti utili anche loro.--GatoSelvadego 00:19, 7 giu 2011 (CEST)

Pajine nove, Ska-J... & Co.

Ciò toxi, va ben aumentare el numero de łe pajine, parò par primo noaltri gavemo el conpito de vedar se na pajina a xè ensiclopedica opùr no, e donca desidare se tegnerla su 'pedia o no. Sio tuti d'acordo che łe ulteme pajine łe pol restar?--Toni (msg) 17:01, 16 giu 2011 (CEST)

Vara, su serte go meso aposta el modèl E... Parché fin cuando che no ghemo de i criteri de ençiclopedisità ben definìi no podemo scansełar serta roba, ma gnanca podemo łasar che i ła meta drento sensa segnałar in calche modo che ła voxe la xe da verifegare co gavaremo i criteri. Mi saria pa' na ençiclopedia co criteri de ençiclopedisità duri, pì de chèi de it.wiki (tanto de pì, cavaria sentenari de voxe da it.wiki, soratuto biografie)... So łe ulteme pajine: i Ska-J i ga de sicuro na riłevansa almanco rejonal e se gavesimo de i criteri ispirai a chèi de it.wiki me sa che i podaria starghe (pa' i me criteri "ideałi" invese no, che in pratica i saria i criteri minimi se fusimo so "carta" invese che so internet), i Radiofiera sinseramente no i go mai sentii e me sa da autopromosionałe (anca se vedo che su it.wiki ła pajina ła ghe xe da un bel toco)... Pa' autocitarme diria che no bixogna diventar WikiMuxegaVeneto...--GatoSelvadego 17:41, 16 giu 2011 (CEST)

Ocio a no scriar da "bacani"

Salve a tutti, volevo far notare come in certe pagine ci sia un modo di scrivere e di esprimersi che secondo me degrada le pagine in veneto, ora sappiamo tutti che la nostra BELLA lingua (scusate se non scrivo in Veneto ma devo ancora prenderci la mano con la grafia) è usata sia da contadini sia da medici, avvocati ecc.. insomma è usata da tutti, quindi perchè in certe pagine trovo che la metodologia di scrittura usata sembra o da bambini o da appunto "bacani", se vogliamo che la gente che cerca una pagina in veneto la apprezzi secondo me bisogna che questa sia A LIVELLO delle altre lingue per non permettere a chicchesia di avere un qualch appiglio per definirla "dialetto" o comunque lingua "grezza", cosa che spero tutti noi sappiamo non essere. Quindi la mia critica, che spero sia presa come tale e costruttiva e non come un attacco, è di stare tutti più attenti al linguaggio usato, cominciando dalle parole usate. Tutti noi sappiamo quante parole esistano in veneto ma dovremmo capire che CERTE sono adatte solo in certi ambiti magari meno "importanti", e una pagina su wikipedia per me è importante, mentre altre sono utilizzabili a 360 gradi. Così come accade in italiano in fondo, se leggo wikipedia non voglio avere la sensazione che a scrivere sia stato il "Bepi da Pol" o simile, per questo secondo me bisognerebbe tenere il più elevato possibile il livello del linguaggio utilizzato, semplicemente per rendere anche più BELLE le pagine scritte in Veneto, cosicchè non venga mai la voglia di tornare all'italiano sapendo che in quella lingua le informazioni vengon date in modo più BELLO, tutto qui. Faccio un esempio: usare "na mucia/on mucio" invece magari di usare "na s-cianta"(capite bene che siamo su due livelli lessicali differenti). Questa critica la faccio perchè credo nel Veneto come lingua vera propria e quindi in grado di esprimere concetti di un certo livello con un lessico conseguentemente di un certo livello. Saluti... Tommaso.— El preçedente comento no firmà el xé stà scrivesto da TomVR (discusion • contribusion), in data 14:13, 17 giu 2011.

So d'acordo se te dixi che esendo na ençiclopedia cogna tegner un registro pì elevà de cheło del parlar comun, ma no capiso 'l exenpio. Un mucio e na s·cianta no i xe sinonimi, se doparo uno invese de st'altro el senso de ła fraxe el canbia. Capiria se te me faxesi 'l exenpio co na s·cianta, un fià, un ninìn e un poco (anca se in verità i saria tuti cuantitivi difarenti)... Ah, te gavarisi podesto łasar el comento in veneto, come che te ło ghevi scrito al inisio (no jera mal come grafia). ps: ricordate de firmare i to interventi, pa' saver come fare lexi cuà--GatoSelvadego 15:46, 17 giu 2011 (CEST)

Riforma de i modełi de łe varianse venete

Me riferiso a i modełi che se cata drento sta categoria. Nó saria el caxo de riformarli (ad exenpio sostituendo el termine diałeto có variansa)? Magari unendoghe a ła variansa anca el tipo de grafia uxà? Forsi ghe saria anca da canbiare łe varianse in veneto sentrałe, veneto lagunare, veneto oçidentałe, alto vixentin, etc..--GatoSelvadego 19:36, 10 feb 2011 (CET)

D'acordo co' Gato. D'altra parte i modèłi de i diałeti i xè là butai; nò pì revixionai da un bel toco. Oltre a variansa, mi xontarìa anca na cosa che ła spesifega el liveło de'l diałeto (par exenpio se se parla un diałeto streto o un diałeto conpagno al'tajian), anca parchè in molte locałità venète ghè xè sta diferensa.--frigotoni^{(dime tuto queo che te vui)} 22:19, 10 feb 2011 (CET)

El liveło de conosensa del veneto el xe xà spesifegà inte el babel de łe pajine utente de i autori (xe anca vero che i babel nó i xe tanto onesti). 'L obietivo el ga da esar cheło de fornir pajine scrite in veneto (lengua veneta), nó pajine in diałeto italo-veneto (itałian venetixà o veneto itałianixà). Dal ponto de vista gramaticałe e lesicałe fra i do (łengua veneta e diałeto it-vec) ghe xe na beła difarensa... Nó me par che so altre wiki ghe sia ła posibiłità de scrivar có difarenti livełi de conosensa de ła lengua: se uno el scrive sbałià calchedun altro el pasa a corejere. O femo simple vec?--GatoSelvadego 13:15, 11 feb 2011 (CET)

In sti caxi el babel nò 'l spesifegà el liveło de conosensa de na persona, pitosto uno ło mete se xè nato in Veneto, o comunque ritien de parlar el venèto ben co' i amisi. Molti utenti i parla un diałeto 'ndove xè dopàra Inte 'l invese de Ne ła (ciapo sti do cofà exenpi). Nò xè na cuestion cunidi de Simple vec, ma pitosto na cuestion de paexe, locàłità e tradisioni. El venèto xè tramanda da zenerasion a zenerasion, pol capitare che uno nò utiłixi verbi streti (cofà crìare, piangere) e cussì gnanca serte proposisioni e congiunsioni. Xè proprio par sto modivo che penso sia justo far na revixion su cuèłi modèłi.--frigotoni^{(dime tuto queo che te vui)} 14:29, 11 feb 2011 (CET)

Xe vero cheło che te dixi so'l babel. Mi par exenpio forsi dovaria metare vec-4 e it-4 e gnanca na lengua mare... D'ogni modo farò na pajineta so i me scaraboci pa' spiegar mejo el discorso su'l veneto itałianixà.--GatoSelvadego 19:42, 11 feb 2011 (CET)

Go fato un aboso de modeło de łe varianse inte ła me pajina de test modełi. Uno de i obietivi de sto novo modeło el xe cheło de far un modeło unico al posto de i tanti modełi existenti. Par deso el modeło el aceta do parametri: ła variansa e ła convension de scritura. Par deso se połe scrivare cheło che se vołe, forsi sarà el caxo de definir un tot numaro de varianti posibiłi... Magari se podaria metarghe anca ła categorixasion automatega, cusita se ritrovaremo łe pajine scrite inte łe varie varianse... D'ogni modo ve faso un exenpio del so funsionamento: ła sintasi xe cuesta {{nome modeło|variansa|scritura}}, deso ve pico un exenpio (co'l subst visto che'l modèl el xe provixorio e ospità inte na sandbox de test. Cusita có scansełerò ła pajina de test nó 'l se cava da cuà).

Sto articolo 'l 'è scrito in veneto variante połexana uxando łe convension de scritura GVU.

Go meso come primo parametro połexana e come secondo GVU pa' farghe un omajo a Achillu. Ve piaxeło?--GatoSelvadego 20:01, 22 feb 2011 (CET)

Go xontà ła categorixasion automatega, me par che'l funsione pułito.--GatoSelvadego 22:34, 28 mar 2011 (CEST)

Da deso se pol scominsiar a doparar sto modeło. Par deso el xe ncora da sistemar un fià (go da far in modo che el nome de ła variansa el rimande a ła voxe che ła parla de ła variansa: tipo belumat ga da mandar a veneto setentrional). Pian pian i veci i vegnarà sostituìi.--GatoSelvadego 16:25, 20 giu 2011 (CEST)

Go creà un fià de categorie che ghe serviva. Deso me vołe na roba tipo cheła che ghe xe so'l modèl bio pa' ła nasionałidà che me rimande i vari feltrin, belumat, alto trevixan a diałeto veneto setentrionałe... Pa' le categorie preferio che łe sia xeneriche tipo Voxe scrite in veneto sentrałe o pì detaliae tipo Voxe scrite in padoan? Cuesto fermo restando che padoan scrito inte el modèl el rimanda a diałeto veneto sentrałe. Me spiego mejo: ła scrita che ła conpare so'l modeło ła rimandarà a ła voxe de ła macroarea prexente so'l wiki (ghe xe diałeto veneto sentrałe e no diałeto padoan), ła categoria se pol farla baxà so ste macroaree o pì detałiae (vidi dimanda sora). Forsi xe mejo farle pì detałiae łe categorie (cusita el polexan no perde tenpo a far inutiłi coresion so'l vicentin...). Un ultema roba: pa'l problema del liveło del veneto, meso in luse da Toni poco sora, farò un senplise modeło che'l ndarà meso so łe voxe scrite inte un bruto veneto (anca sto modèl el gavarà oviamente el parametro variansa). Sto modeło el servirà pa' un projeto de coresion ortografega (projeto:veneto s·ceto?) a cui partesiparà chi che scrive mejo inte łe varie varianse. Come ło ciamarisi sto model?--GatoSelvadego 18:03, 20 giu 2011 (CEST)

Vada par łe categorie detajae tipo Voxe scrite in padoan e par quanto riguarda el novo modeło mì o ciamaria Venetixare o calcossa del zenere. --Vajotwo (posta) 20:40, 20 giu 2011 (CEST)

Pa'l novo modèl go visto che so it.wiki i ga el modèl "da correggere" (el xe un modèl de avixo)... cuindi na idea ła podaria esar "da corejere".--GatoSelvadego 21:55, 20 giu 2011 (CEST)

Files e license, cossa faxemo?

Me trovo a verzare na discussion on pocheto spinoxa ma fondamentałe par el futuro de VEC Wikipedia e cioè ea question de i files e de łe łoro rełative license. Esenso nialtri soto ła giurisdixion itałiana en quanto veneti, teoricamente dovarissimo attenerse a łe stesse diretive che i segue so IT Wikipedia e xè par questo che tenpo fa gavevo creà quaxi tuti i modełi riguardanti łe license de i files. Soło che, da quanto me rixulta, ghe xè oncora na marea de files senxa l'indicaxion de ła licensa d'uxo e sti qua, secondo quanto i fa so IT Wikipedia, i dovaria esare scansełai quaxi subito opure agiornai al pì presto. Atualmente gavemo 768 files cargà da nialtri en locałe. Gavì calche idea sol da farse? --Vajotwo (posta) 19:03, 19 giu 2011 (CEST)

Ma ła major parte de i file i xè cargai anca su Common...--Toni (msg) 19:40, 19 giu 2011 (CEST)

Se se podesse far na lista cussida da poder scansełare stì files en locałe saria na beła roba. Anca se no credo mia che i sia poi cussì tanti quełi zà prexenti so Commons e oncora da scansełare qua da nialtri. --Vajotwo (posta) 20:05, 19 giu 2011 (CEST)

No ło so. I server no i xe al estaro? D'ogni modo xe mejo no ris·ciar e seguir a normativa 'tałiana. Donca cogna ciapar tuti sti fiłe e vardar se i ghe xe anca so commons. Po chèi che no ghe xe sercar de verifegar ła licensa e de conseguensa scartarli o cargarli so commons o altro... Femo che sto cuà el xe el "projeto del mexe" de i partecipanti al projeto coordinamento?--GatoSelvadego 20:18, 19 giu 2011 (CEST)

E vada par sto novo projeto del mexe e dato che ce semo diria de metare a posto anca tute łe categorie so i files che oncora e xè rimaste da fare dopo el me pasagio de qualche mexe fa ... --Vajotwo (posta) 20:44, 19 giu 2011 (CEST)

Poito lanciar ti el projeto so Projeto:Coordinamento? (te scrivi de cosa che se trata, cosa che se ga da far, e 'ndove che se cata sti file)--GatoSelvadego 21:54, 20 giu 2011 (CEST)

Ok. Me ocupo de tuto mì. --Vajotwo (posta) 22:05, 20 giu 2011 (CEST)

Linee guida de i Burocrati e Sysop

Dato che, come gavemo ripetùo pì 'olte, nò podemo esar paragonai a quełi de .it, nò se pol canbiar alcune coxe su Wikipedia:Aministradori/Candidai/Requixiti e su Wikipedia:Burocrati/Mecanismo_de_elesion? Parchè se gavemo bixogno de un burocrate... Come faxemo che anca Marco 'l xè in ferie (su .it)?--Toni (msg) 19:52, 20 giu 2011 (CEST)

Par mì no ghe xè mai sta problemi co ste robe, tanto semo in pochi e podemo desidare come mejo voemo quaxi tute łe regole da seguire. Metate pure a scrivare e nove regołe come mejo te credi ... noialtri łe seguiremo senxa problemi :) --Vajotwo (posta) 20:31, 20 giu 2011 (CEST)

Come femo? Te me fe un fis·cio a mi che dopo ciamo Nick1915...--GatoSelvadego 21:51, 20 giu 2011 (CEST)

Gato: Te ło ciamito col tełefono o 'nte ła discusion?--Toni (msg) 10:10, 21 giu 2011 (CEST)

GMail o Skype.--GatoSelvadego 10:26, 21 giu 2011 (CEST)

Oro. L'idea ła xè questa: dato che nò ghè xè nè Nick nè Marco, par sistemar varie coxe, (tra cui e linee guida), sto conpito 'l gà da farlo in teoria (cussì xè anca su .it) el burocrate. Inoltre, se par caxo gavemo da far de łe operasioni da burocrate, l'unega saria ciamare uno steward. Donca, mi pensavo de candidar Vajo cofà burocrate. Pol esar na bona idea?--Toni (msg) 12:53, 21 giu 2011 (CEST)

Se ghe fuse l'urgensa de 'ver un burocrate soto man no ghe saria problemi. Però saria de l'idea che łe linee guida podemo farle anca noaltri no-burocrati, sensa star là a scomodar burocrati o steward. PS: Ma che fine gało fato Marco?--GatoSelvadego 14:37, 21 giu 2011 (CEST)

Nò ło so. Xè da tenpo che no'l vien gnanca su .it... D'ogni modo par ora semo sensa burocrati, donca łe regołe podemo canbiarli anca noaltri. Gavio inamente calcosa?--Toni (msg) 11:17, 22 giu 2011 (CEST)

Xe apunto parché no'l ghe xe gnanca so it.wiki che xe strano (no'l ga meso nisun avixo de wikipauxa)... D'ogni modo che regołe vuto canbiar? Toca a ti fare ła proposta.--GatoSelvadego 15:41, 22 giu 2011 (CEST)

Anca se no fasso modifeghe no son mìa sparìo, do un'ociada ogni tanto e se xé qualcosa da far la fasso. :) --Marco 27 16:31, 3 luj 2011 (CEST)

'Areo cuà! N'altra s·cianta te contataìno pa' mail scrivendote: "se te ghe si bati un colpo!" :)--GatoSelvadego 11:53, 4 luj 2011 (CEST)

Nova regoła

Se un aministrador nò 'l conpie operasion da aministrador par un periodo de 5 mexi, el decade automatigamente da ła carega. (Ocio: nò ła xè a sedia! :)). Pareri?--Toni (msg) 12:44, 27 giu 2011 (CEST)

Ma, ła me par un fià masa dura come regoła. Va a finir che restemo sensa i burocrati (va ben che Nick1915 se no me sbałio el xe steward donca anca sensa cariche el pol far isteso). Deso cuanto xe? Ghe xe un tenpo?--GatoSelvadego 13:09, 27 giu 2011 (CEST)

Nick sensa cariche no'l pode mìa far niente qua su vecwiki, parché par regola li steward no poson mìa operar su la loro home wiki, che par Nick l'è questa.--Marco 27 16:31, 3 luj 2011 (CEST)

Ah, cuesta no ła savevo. Na raxon in pì pa' no metar regołe masa dure.--GatoSelvadego 11:53, 4 luj 2011 (CEST)

Revixion modèłi pa' ła gestion del vandałismo

Ełora toxi, gò proa a farr na prima inpostasion col modèl {{Test}} , nò so se funsiona perfetamente, proè ad inserirlo i na talk de un IP. El punto xè: gò pena visto su Meta che ghè xè de łe varie inpostasion par far sta roba. Daxi 'n ociada qua. Cussì a saria l'ideale parchè te ghè a "lingueta" 'ndove te puito scegliere ła łengua, però propio nò capisso come xè che ła se fa a far vegner fora sta lingueta (qui ghè xè scrite de łe robe, ma mi nò gò capio gnente). Altro modo xè queło che jero drio fare, cioè metar na striscia cò łe varie łengue... Ma anca lì ghè xè oncora da laorare... N'altra idea (e ultema) ła xè queła de far dopàrar sto modèło.--Toni (msg) 13:03, 22 giu 2011 (CEST)

Ghe sarà sicuramente del codaxe CSS o JS da inportar. Podaria esar cuesto...--GatoSelvadego 16:09, 22 giu 2011 (CEST)

Sì, l'è queło, ma oltre ad inportar queło, bixognaria riportar anca qualcos'altro...--Toni (msg) 16:21, 22 giu 2011 (CEST)

Pitura Stail

So cołù che gà creà el cołegamento par la pagina dei Pitura Stail. Me pareva de averla scrita in modo ençiclopedico ma pol darse che invesse somegiasse de più ad una publiçità e di fati xe stà tacà l'avixo. Mi no go esperiensa a riguardo e me so iscrito da poco però se pensé che sia mejo scansełarla mi so' d'acordo e ve dago raxon. Grassie

Enrico— El preçedente comento no firmà el xé stà scrivesto da Enrico (discusion • contribusion).

So sta mi a metar 'l avixo: no xe un problema de come che xe sta scrita ła pajina ma se'l grupo in cuestion el xe o no ençiclopedego. Ła cuestion del autopromosionałe ła xe dovua al fato che co riva un IP anonemo a inserir na voxe so un grupo o na persona che no se cognose se ga senpre el sospeto che se trate de na inisiativa publisitaria. D'ogni modo intanto diria de tegner 'l avixo e sospendare ła cuestion. Pa' na decixion definitiva ghe voria un projeto muxega co tanto de criteri de ençiclopedisità...--GatoSelvadego 17:08, 28 giu 2011 (CEST)

Va ben d'acordo, go capìo grasie...Enrico— El preçedente comento no firmà el xé stà scrivesto da Enrico (discusion • contribusion), in data 21:13, 28 giu 2011.

Ricordate de firmare strucando el boton! :-)--GatoSelvadego 17:16, 29 giu 2011 (CEST)

Lo go strucà ma co' vien fora i tratini bixognarà scrivar el proprio nome, vero ?— El preçedente comento no firmà el xé stà scrivesto da Enrico (discusion • contribusion), in data 23:14, 29 giu 2011.

No, no te ghe da scrivere el nome, el vien fora in automatego. Vedi cuà.--GatoSelvadego 12:26, 30 giu 2011 (CEST)

Va ben, d'acordo, scuxème, staro più atento... grasie --Enrico 12:47, 30 giu 2011 (CEST)

Call for image filter referendum

The Wikimedia Foundation, at the direction of the Board of Trustees, will be holding a vote to determine whether members of the community support the creation and usage of an opt-in personal image filter, which would allow readers to voluntarily screen particular types of images strictly for their own account.

Further details and educational materials will be available shortly. The referendum is scheduled for 12-27 August, 2011, and will be conducted on servers hosted by a neutral third party. Referendum details, officials, voting requirements, and supporting materials will be posted at Meta:Image filter referendum shortly.

Sorry for delivering you a message in English. Please help translate the pages on the referendum on Meta and join the translators mailing list.

For the coordinating committee,
Philippe (WMF)
Cbrown1023
Risker
Mardetanha
PeterSymonds
Robert Harris

Wikizionario

Non esiste un affidabile dizionario veneziano. Quindi, non c'è un posto per controllare l'ortografia, il significato e traduzione italiana delle parole trovate qui, e in Wikisource. La soluzione più ovvia è un Wikizionario, ma non c'è un Wikizionario venziano (vec.wikizionario). Mi sembra che non sia persone sufficiente per popolare questo wiki. Quindi, una seconda soluzione è di fare uso del Wikizionario italiana che esiste già.

Questo è un appello ai volontari. Se avete il tempo e l'abilità, si prega di prendere in considerazione l'aggiunta di parole veneziano al Wikizionario italiano (oppure al Wiktionary inglese). SemperBlotto 18:59, 5 luj 2011 (CEST) (vec-0)

Parole veneziano nel Wiktionaries italiano e inglese (le statistiche correnti)

	it	en
aggettivi	41	300
congiunzioni	2	6
interiezioni	5	6
nomi propri	14	58
preposizioni	3	14
pronomi	18	25
sostantivi	182	1166
verbi	40	400

Già servirebbe un wikizionario vec, credo che per molta gente sarebbe anche più facile contribuire al wikizionario che alla wiki. Secondo me possiamo provarci.--GatoSelvadego 13:35, 6 luj 2011 (CEST)

Favorevole al wikizionario, ma fin dal principio! Avevo già fatto notare anni fa che manca. --Achillu 14:19, 28 set 2011 (CEST)

Novi modełi pa' teritori, insediaminti evc..

Go leto na interesante discusion, che la va vanti da calche ano, so it.wiki so l'oportunidà de doparar un modèl infobox ugnoło pa' tute łe çità (invese de verghine uno pa' stato, pì un par de xenerisi). So en.wiki ghe xe el modèl infobox settlement che'l serve apunto a sta roba. Mi diria, dato che no ghemo gnancora tuti i modełi "personałixai" par stato, e che chèi che ghemo i xe da rifar, che se podaria far sto infobox ugnoło. El sarà uno de i laori che farò prosimamente (almanco proo, de seguro ghe metarò un bel toco de tenpo...). Voaltri cosa dixìo?--GatoSelvadego 20:33, 21 luj 2011 (CEST)

Brao. Xè n'otima idea visto che gavemo comunque da rifar tuto. Ma me racomando, fa co comodo :) --Vajotwo (posta) 20:50, 21 luj 2011 (CEST)

Se no i ga gnancora risolto so it.wiki che i xe in tanti, e suparesperti, a ndarghe drio a sta roba me sa si che ghe metarò un bel toco... a parte i schersi un par de robe łe go xà inamente, par exenpio me piaxe ła mapa a sielta (pułitega o fixica, co cheła fixica de default) che i ga so fr.wiki...--GatoSelvadego 11:44, 22 luj 2011 (CEST)

Obietivo diexemiła!

No so se ve si inacorti ma ghemo pasà cuota 9.000 voxe, ghi ne manca poco manco de miłe, mi diria che entro st'ano podemo fargheła. Pa' proar a raxunxer sto obietivo pì fasilmente prosimamente proarò contatar calche vec.wikipedian 'storego par vedare se ghe vien voja de tornar darne na man (farò na speçe de operasion tamixo ma sta 'olta co i utenti normałi). D'ogni modo noaltri gavaremo da inpegnarse a far almanco tot pajine nove a ła setimana/mexe (ognun el fa chel che'l połe), no xe dito che sta xente ła torne.--GatoSelvadego 20:40, 21 luj 2011 (CEST)

Bona idea queła de ciamare a racolta i veci utenti, speremo solo che calcheduno gabia voja de tornare a scrivare nove voxe da nialtri. --Vajotwo (posta) 20:52, 21 luj 2011 (CEST)

A go visto, vardando vece discusion, che serti i gheva mołà par colpa de łe vece convension. Deso che da sto ponto de vista semo pì liberałi no i dovaria 'ver problemi.... Speremo in ben, se femo un bel grupeto se podaria far partir anca el wikisionario (là se scrivarà escluxivamente in GVU, al inisio magari ło tegnaremo so incubator)... Intanto so drio pensar a cosa scrivar so'l mesajo, serte robe łe go xa in testa (robe che xe mejo metare in ciaro da suito)...--GatoSelvadego 11:53, 22 luj 2011 (CEST)

Ecome, ghe so anca mi (xè che in sti zorni so in vacansa)! PS: Pa ła storia de łe modifighe verificae, cossa i gà dito quełi de Bugzilla?--Toni (msg) 20:03, 22 luj 2011 (CEST)

So Bugzilla i ga blocà tuto parché ła Wikimedia Foundation ga desixo de sospendare tute łe instałaxion de l'estenxion FlaggedRevs so tuti i so projeti fino a quando no i garà discusso serte robe che no go oncora capio ... vardè qua :( --Vajotwo (posta) 20:09, 22 luj 2011 (CEST)

A go fato partir ła faxe uno (no esendo cuà dal inisio go contatà, in privà, calche vecio aministrador... savì, no vujo ris·ciar de riciamar calche utente che in pasà el ga portà rogne pì che benefisi)... deso speto un fià pa' vedar se calchedun el me risponde, dopo (che i risponda o no) faso partir ła faxe do. PS: Speremo che ła fondasion ła desida in presa, a xe un toco che speton (scuxeme el belumat, ma 'l ghe stava ben) sta benedeta FlaggedRevs...--GatoSelvadego 12:32, 24 luj 2011 (CEST)

Che ineficensa, varda ti gavemo aspeta mexi pà sto FlaggedRevs, e deso nò ło gavemo gnanche. D'ogni modo cò che arivemo a diexemiła quałe logo doparemo? A dire el vero, a mi questo nò xè che me entusiasmi cussì tanto... Mi o faria pì cò ła skin Vector 2.0 (oltre a logo de Wikipedia anca el numaro). Par fare un exenpio gavevo inamente uno cofà questo (naturalmente saria da canbiar el numaro e ła scrita).--Frigotoni (msg) 14:40, 26 luj 2011 (CEST)

Intanto ora de rivar a 10 miła ghemo un bel laoro da far, in pì ghe xe da dir che tante voxe che ghemo cuà łe xe ncora de i abosi (co ła va ben, el pì de łe volte ciamarghe abosi ła xe dura parché in realtà łe saria voxe da jutar, masa picinine pa' esar ciamae abosi) e saria mejo metarghe man, se no no semo tanto difarenti da chèi che ga i bot che crea voxe... e pa' metarghe man xe utiłisimi, se no indispensabiłi, i projeti (par exenpio i comuni itałiani se no sbałio i xe sirca otomiła, se i gavesimo tuti a sta ora gavarisimo xà pasà cuota 10miła).--GatoSelvadego 16:24, 26 luj 2011 (CEST)

a.C. o v.C?

Prima de far partir un eventuałe sondajo cogna che verxemo na discusion... donca, visto che avanti in veneto no se dixe: xe mejo canbiar in v.C. (vanti Cristo), dato che vanti xe pì comun, o tegnemo a.C. e ło justifeghemo co'l venesian anànsi (anànsi Cristo)?--GatoSelvadego 12:40, 24 luj 2011 (CEST)

Mi saria par lasiar el a.C nò tanto pà a question venesiana (che nò savevo gnanche), ma parchè cussita anca quei foresti i pol capire (che xè uguae al'itajan)--93.137.129.55 14:16, 24 luj 2011 (CEST)

Beh, capise soło che i itałiani e pochi altri... in inglexe i dixe BC (Before Christ), i fransexi i dopara av. J.-C. (e pa' i ani i dopara el segno meno!), i todeschi v. Chr.... Se tende senpre a pensar che cogna far in modo che capisa chi che sta in Itałia, in verità gavarisimo da preocuparse se capise o no chèi che sta in Braxil (potensialmente là ghe xe tanti che podaria partesipar a sta wiki... saria da xontar Wikimedia Braxil cuà), in sto caxo no canbia gnente parché anca da łori ghe xe a.C.. D'ogni modo, vołendo fare i laisi, pa' łe categorie de i ani se podaria doparar anca łe varie varianse de era volgar... PS: ah, e comuncue par capire de cosa che se trata basta che uno varde i interwiki...--GatoSelvadego 17:29, 24 luj 2011 (CEST)

El problema xé ła consueta mancansa de un referimento lenguìstego stàbiłe. Go provà a far na reserca e v.C. se cata sì, ma gnanca cusì tanto (su forum, par exénpio). No ła xé na bruta idea, ansi, mi ła sostegno squaxi, però ghe 'ndaria sóło un fià cauto, perché'l saria un groso canbiamento (un bel toco de pàgine!). Quanto al'era volgar, bloco l'idea sul nàser: xé na roba cusì poco doparada e contro el bon sénso, che méterse a scrìver a.e.V. o somegianti a mi me par un fià forsatamente anticristian. Laico e neutral i xé tèrmini che i sa, drio mi, da utopia: podemo sóło provar a visinàrghese, ma sénsa exagerar in quel sénso. :-) Spostàndome un fià de argomento, go slargà ła voxe de ła Vèrxene, ma'l tìtoło el me fa gomitar co queła paréntexi più granda del resto: mi spostaria a Vèrxene Maria, in lìnea co commons e no co paréce wikipedie (anca queła itałiana): no so miga che sielte ghe sia drio a sti tìtołi strani, ma preferirìa giutar chi che'l serca sul'ensiclopedia piutosto che 'ndar drio a ła dea neutrałità che mai raxonxaremo... Bona note! --Giovanni parléme co libertà 23:50, 29 luj 2011 (CEST)

Beh, se'l problema el xe soło che el numaro de łe pajine da canbiar bastaria doparar un bot. So ła verxene: be bold, ma ocio che Verxene el xe un PVnN grando fa na caxa. A parte i schersi, ma gnanca tanto (ansi, te invito seriamente a spostar cheła pajina se te ło ritien oportuno), deso go verto un fià de projeti (vidi discusion soto) cusì metemo nero so bianco un par de convension.--GatoSelvadego 18:59, 30 luj 2011 (CEST)

Nove pajine de projeto

Segnało che go dato na prima sistemada a ła pajina del projeto giografia e che go verto na discusion so'l nome da darghe a ła pajina de discusion del portałe.--GatoSelvadego 18:50, 26 luj 2011 (CEST)

Segnało che go verto anca i projeti: Enformàdega, Istòria e Spòr, co rełativa pajina de discusion. Anca so chesti xe verta ła discusion so'l nome da darghe a ła pajina de łe ciacołe.--GatoSelvadego 16:05, 27 luj 2011 (CEST)

Stamatina go verto anca el projeto Pułitega, co rełativa pajina de discusion: oviamente go verto anca ła discusion so'l nome da darghe a ła pajina de łe ciàcołe. Poco fa go verto anca el famoxo Projeto:Coresion (nome provixorio), co rełativa pajina de discusion e go xa verto ła discusion sia so'l nome da darghe a ła pajina de łe ciàcołe sia su come rinominar el projeto. Se calchedun el ga voja de verxare altri projeti (muxega? arte?) el fasa pure, mi par deso sistemo cuesti.--GatoSelvadego 15:15, 28 luj 2011 (CEST)

Autofocus so vec.WP

Stavo pensando se ła jera na bona idea inserir l'autofocus so vec.WP, osia cò che te vè so ła pajina prinsipałe de vien fora in automategò ła bara par scrivare diretamente sol box Riserca. Pareri?

• Favorevołe me meto qua parchè podaria esar na bona idea.--Frigotoni (msg) 14:21, 29 luj 2011 (CEST)
• Favorevołe anca mi, soło che no credo sia n'estenxion de MediaWiki, credo invexe che sia na modifega manuałe al codexe javascript de ła Wikipedia itałiana. --Vajotwo (posta) 20:59, 29 luj 2011 (CEST)

Nissun problema, go za catà el codaxe da inportare.--Frigotoni (msg) 22:16, 29 luj 2011 (CEST)

Go leto anca ła discusion so it.wiki, no ło so se ne serve sta roba (e no ło digo soło che parché mi de sołito doparo ła riserca de firefox e donca no paso scuaxi mai da ła pajina prinsipal). Ne convien che uno pena che'l riva el sia xa pronto a sercar o xe mejo chel se perda via co ła pajina prinsipałe? Cuałe de ste do robe ła xe mejo pa' rancurar utenti che contribuisa?--GatoSelvadego 19:11, 30 luj 2011 (CEST)

Bè, mi par exenpio nò ła penso cussì. Uno, cò che entra 'nte ła pajina prinsipałe el pol desidare se fermarse lì n'atimo opùr scominsiare a sercar calcosa. Mi gò doparà do tre volte l'autofocus su .it e el me gà fato na bona impresion. Chiaro che poi te ło utiłixito in maniera proporsionałe a ciò che te ghè da sercare e soratuto se par prima coxa de entrito 'nte ła p. p.--Frigotoni (msg) 14:08, 8 ago 2011 (CEST)

So chesto te ghe raxon. Mi no entro scuaxi mai so ła pajina prinsipałe, donca ve łaso desidare a voaltri.--GatoSelvadego 16:49, 11 ago 2011 (CEST)

In verità vułevo anca el to parere. A jera soło na proposta, donca se nò te si favorevołe o comunque te ritienito che nò serva pì de tanto, aeora nò se fa gnente.--Frigotoni (msg) 10:34, 12 ago 2011 (CEST)

Par mi me xe isteso. De seguro mal no'l fa.--GatoSelvadego 11:46, 12 ago 2011 (CEST)

Fato

da Vajotwo.--Frigotoni (msg) 13:46, 13 ago 2011 (CEST)

Grafica de łe prefarense

So VEC Wikipedia

So IT Wikipedia

No so voialtri, ma mì continuo a vedare łe prefarense de VEC Wikipedia come riportà ne ła prima imasine quà a drita, mentre so tute łe altre Wikipedie łe vedo normałi, come podì vedare ne ła seconda imasine. Go provà a dare n'ociada a i foji de stiłe CSS ma no ghe so mia venuo a capo. Idee? --Vajotwo (posta) 12:26, 19 ago 2011 (CEST)

Me capita ła 'stesa roba anca a mi. Però no me par un groso problema: no łe funsiona isteso? D'ogni modo deso no go tenpo de proar a capir par cosa che'l fa cusì. Magari co go tenpo ghe dago na ociada.--GatoSelvadego 19:27, 20 ago 2011 (CEST)

Par risolvare el problema go verto el bugzilla:30484. --Vajotwo (posta) 12:02, 21 ago 2011 (CEST)

Risolto anca sto problema grasie a l'juto de Bugzilla, desso xè tuto a posto :-) --Vajotwo (posta) 15:24, 21 ago 2011 (CEST)

So i spostamenti de łe voxe de i comuni

canbiatien d'ociostoria

Se ła voxe rivarda el comune no dovarisimo tegner come titoło el nome uficiałe del comune?

Ła discussion ła prosegue in Discussion projeto:Giografia#So i spostamenti de łe voxe de i comuni. Segnałasion de GatoSelvadego

Wikizionario Vèneto

Riciapo a prima discussion circa el Wikizionario. Gò visto che anca scn.wikipedia ła gà a corispondente in Wikizionario e francamente nò i par cussì tanto 'vanti de noaltri. So drio, donca proporve (par prima, però discutarne) cossa ghin pensè sirca na apertura par vec.wiktionary. Podaria esar molto utiłe secondo mi, in quanto Wikipedia ła gà el conpito de portarte de i articołi de natura ensiclopedica, mentre ghè saria oncora on cò de łe parołe venete che łe pol esar utiłi (metemo par tore on exenpio, na letura de Carlo Goldoni). Cossa ghin pensè?--Frigotoni (msg) 21:51, 15 set 2011 (CEST)

Par mì, come del resto digo senpre, no ghe xè problemi. Basta soło che ghe sia utenti disposti a 'ndarghe drio a sto novo projeto. Altrimenti saria mejo łassar stare. Ma no credo ghe sia de sti problemi, viste łe numarose discussion sol tema :-) --Vajotwo (posta) 22:48, 15 set 2011 (CEST)

Mi faria partir el tuto so Incubator. Se dopo ghe xe un bel giro de utenti che cołabora e un bon numaro de voxe se pol dimandar el trasferimento uficiałe a vec.wikitionary. Intanto provo contatar Achillu che'l xe pratico de wikisionari... Intanto el nostro wikigrafego Vajo el podaria pareciar el logo, ła scrita ła podaria esar: "Wikisionario, El galepìn libaro"...--GatoSelvadego 13:32, 16 set 2011 (CEST)

@Vajotwo: Sì xè vero, penso che prima de tuto bixogna che ghè sia qualchedun libaro par el projeto. E mi digò xà che pa ła parte tecnica podaria esar disponibiłe. @Gato: Cossa che jentra Incubator co i novi projeti? I saria pitosto da chiedare so meta:Requests_for_new_languages :)--Frigotoni (msg) 18:25, 16 set 2011 (CEST)

Ciò Toni, gheto leto ła language proposal policy? Xe scrito ciaro e tondo, soto i requisites for final approval, al ponto 1: There is an active test project on the Multilingual Wikisource (Wikisource only), Beta Wikiversity (Wikiversity only), or the Incubator (all other projects)... Difati ła wikisource veneta ła jera drento ła vecia wikisource... Se ti te fe ła dimanda deso i te dirà che te si elegibiłe, ma fin cuando che no te ghe dimostri su incubator che ła roba ła pol star in pie łora łori no i te da l'aprovasion finałe. Mi dirìa intanto de inviarse so incubator e vedar come che ła va. Overo spetar a far ła dimanda, in modo che cuando che ła femo i me da suito el via libara.--GatoSelvadego 09:08, 17 set 2011 (CEST)

Bon, intanto go invià ła prosedura so Incubator: vedì cuà. Pena che i risponde partimo, ve tegno informai. Deso vago dirgheło anca a chèi de vec.wikisource.--GatoSelvadego 15:45, 17 set 2011 (CEST)

Toxi, i ne ga dato el via libara. Go xà creà un fià de modełi e tre voxe. Ste tenti che cogna senpre metarghe Wt/vec/ prima de ogni pajina.--GatoSelvadego 18:31, 17 set 2011 (CEST)

Pardon, jero convinto che i se faxesse là. D'ogni modo se pol vedare dove xè che i te gà dato e varie autorixasion?--Frigotoni (msg) 15:20, 19 set 2011 (CEST)

Sì va ben (gò visto soło deso) el link sora. Però no capisso parchè xè su incubator. Nò dovaria vegnere fora xà vec.wiktionary.org?--Frigotoni (msg) 15:24, 19 set 2011 (CEST)

Na roba a ła volta. Prima se fa dimanda so incubator e se taca el test, dopo se fa dimanda so meta (vołendo se pol far łe robe in contenporanea ma fin cuando che no te tachi far funsionare cheła de test so incubator no i te da el via libara so meta, donca ga pì senso prima tacar so incubator). Na volta che i te da el ok anca so meta i te verxe vec.wikt e i te inporta là cheło che te ghe fato so incubator. Capìo? Deso vołendo podarisimo far dimanda so meta, ma par mi sarìa mejo che xontemo un fià de roba so ła test wiki prima de far dimanda so meta.--GatoSelvadego 15:42, 19 set 2011 (CEST)

Ciao! Ve gò za risposto de là su Wikisource, se posso zontarghe un par de consigli:

1. no xe mai massa presto par far la richiesta, tanto i ghe mete assè a vardarla;
2. se nissuni ve dà na risposta (come xe probabile), l'unica xe de scrivarghe a tuta sta gente qua uno a uno, domandandoghe co' creansa a che punto xe la richiesta e quanto manca da far secondo lori;
3. comunque se volì che i la aprova bisogna metarse d'inpegno e far veder che ghe xe più persone che laora in maniera continuativa al progeto almanco par qualche mese. Candalua 17:48, 19 set 2011 (CEST)

So d'acordo co'l Can. Soratuto so'l ponto 3, tanto no'l xe laoro perso parché dopo vien portà tuto so vec.wikt. Pa' ła dimanda so meta ghe łaso far a Toni.--GatoSelvadego 19:42, 19 set 2011 (CEST)

Va bon, d'ogni modo, riprendendo łe parołe de Candalua, xè mejo fare łe coxe par ben prima de dimandar so Meta. Jero drio far na bossa de ła pajina prinsipałe... Poso metare łe mani 'nte ła pajina prinsipałe?--Frigotoni (msg) 21:20, 19 set 2011 (CEST)

E cossa ghi ne penséo de caricar su Wikisource un disionario vecio da usare come base par el Wikisionario? Bisogna che me informa da quei de l'Incubador, ma credo che se possa, na olta caricà tuto o in parte el testo su Wikisource, tirar fora ogni definision e caricarla de là con un bot, creando in automatico tute le pagine. Insoma se farìa el laoro na olta sola, anzi credo che se farìa ben prima (xe molto più facile copiare na pagina con 20 voci za scrite, che creare 20 pagine dovendo slanbicarse par pensar ben le parole e el significato...). Se pol catar fora un disionario che no sia massa voluminoso (el mejo sarìa el Boerio, ma xe 800 pagine...), e son sicuro che qualchedun dei tosi de Wikisource italian i ne darìa volentieri na man. E in sta maniera se gavarìa za qualche migliaio de pagine che dopo con calma se pol slargar e mejorar. Candalua 23:23, 19 set 2011 (CEST)

@Toni:serto! Sta tento a i prefisi però. @Candalua: Si se faria prima, ma i disionari veci no i xe in GVU, e po tuti i disionari che go visto in xiro i xe vec-it e nisun xe vec-vec come che ne servaria a noaltri, gavarisimo isteo da riscrivare łe definision.--GatoSelvadego 11:59, 20 set 2011 (CEST)

Sì, ma comunque anca la tradussion italiana la ghe vole, no la sarìa par gnente inutile. Cossa vol dire che no i xe in GVU? Intanto no xe del tuto vero, la GVU la xe anpiamente conpatibile con la grafia "storica" del venessian. E un disionario el ga comunque da registrar tute le parole, conprese le grafie alternative. Inoltre, roba più inportante, se ghe guadagnarìa assè come autorevolezza, conpletezza e afidabilità, tri robe che xe fadiga rivarghe con una comunità picenina come la nostra. La me idea sarìa che su ogni pagina ghe sia un riquadro con la definision tolta pari pari da sto vecio disionario, che sarìa anca interessante come curiosità storica, e dopo el resto de la pagina el sarà fato dai utenti come de consueto, ma avendoghe soto ocio la definision del riquadro sarà più facile scrivar la definision veneta e catar fora sinonimi, contrari ecc. Candalua 12:36, 20 set 2011 (CEST)

Ła tradusion itałiana ła va infondo soto tradusion, insieme co chealtre tradusion, e se traduxe soło che ła paroła e no ła definision. El Boerio no'l xe conpatibiłe co ła GVU (vedi SCHI). Pa' łe grafie alternative mi pensavo a un modèl drento la voxe che łe elenche (se no ne toca far na voxe par grafia). Pa'l resto OK.--GatoSelvadego 13:54, 20 set 2011 (CEST)

E dove xe el problema? Se sul disionario xe registrà "SCHIOPAR: scoppiare", intanto gavaresene la pagina e la definision italiana, e xe un punto de partensa; dopo se fa senpre in tenpo a spostar la voce a "s-ciopar", zontar la definision veneta e così via. Me par che la definision italiana te la ritegni un "de più" quasi inutile; ma, oltre a darghe un riferimento autorevole ai letori, vien anca comodo verghela sotoman par conpilar el resto de la pagina. Certo però che se tachemo za a far le pìtime, che la tradussion la va in fondo e no de sora, e che certe parole no le xe in GVU... a go paura che no 'ndemo mia tanto distante. Comunque parlemoghene anca su Incubator, così vedemo anca lori se i ne dà qualche consiglio. Candalua 16:19, 20 set 2011 (CEST)

Beh, che sia comodo 'ver ła definision sotoman no ghe xe dubi. Ghevo xà visto ła discusion scominsià da ti so łe ciàcołe de Incubator, come che ga dito el primo che te ga risposto łori i vol vedare se ghe xe comunidà, e 'l bot no fa comunidà. De seguro co gavaremo el projeto el bot el servirà a rivar suìto a un numaro decente de parołe però me sa che xe apunto mejo spetar de 'ver vec.wikt pa' far sta operasion.--GatoSelvadego 16:38, 20 set 2011 (CEST)

A prima che me desmentighi... Pajine cofà Cagnon, nò saria da portarle sol wikizionario (sia parchè łe xè pajine picenine, sia parchè nò łe proprio ensiclopediche...)--Frigotoni (msg) 18:54, 20 set 2011 (CEST)

Si, però łe inportaremo co gavaremo vec.wikt.--GatoSelvadego 19:36, 20 set 2011 (CEST)

Go abosà na trentina de parołe. Faxì calcosa anca voaltri che ghemo da dar l'idea che ghe sia na comunità che ghe laora. Se voì ła papa pronta: so ła me pajina utente so incubator catè na serie de link rosi: łe xe parole da inserir (ghe xe de che boca vuto). Struché e inserì el schemeto minimo (che catè senpre inte ła me pajina utente soto "pa' far prima") e ło conpilè. Ah, na roba, par deso go meso tuto co i acenti... co i ne verxarà vec.wikt eventualmente spostaremo.--GatoSelvadego 17:05, 21 set 2011 (CEST)

Dó pìcołi pensieri. Prima de tuto ocio ai asénti, se voé méterli ocio a indove che i va: se dixe vèneto (tension a indove ghe casca ła vóxe 'nte ła paroła) e miga venèto! Sta roba no ła xé na monada prima de scomensar un disionario. Secóndo, el sototìtoło el galepin lìbaro el xé carin, perché el dòpara un tèrmine tuto de nialtri vèneti. El problema xé che ghe xé xa un progeto ciamà El galepin e in sta maniera sto sototìtoło qua fórsi el podaria crear rogne (un fià remota come ipòtexi, ma chi ło sa...), perché visto che'l sénbra squaxi na spesifegasion che el nostro galepin el xé lìbaro méntre quéło de st'altri no ło xé miga. Sò ben che no xé miga sta qua l'intension, però vardàndoło coi oci da foresto... boh sarò mi. --Giovanni parléme co libertà 18:49, 21 set 2011 (CEST)

E ło so co i asenti xe fadiga, soratuto so łe E (no ghe ne inbroco uno, parlo de è-é e no de ła poxision, la poxision del acento ła inbroco, difati ła discusion ła ga verta Toni che savemo che co i asenti :-P ). Co A I e U xe pì fasiłe dato che ghe soło che un asento. E anca łe O no xe difisiłi come łe E. Pa' cuanto rivarda el galepìn: 1) jera par no doparar el termine disionario (anca par no ripetarse) 2) elgalepin.com no'l xe un galepin vec-vec, ma un vec-it + vec-en. Łe xe do robe difarenti, no in concorensa 3) el nostro projeto se ciama Wikisionario, ła paroła galepin ła xe soło che so'l sototitoło. Xe mejo forsi "Wikigalepin, el disionario libaro"?

D'ogni modo, se dixì, podaria contatar chèi del galepin par saver se ghe xe problemi co'l nome.--GatoSelvadego 19:54, 21 set 2011 (CEST)

LOL, "Wikigalepin, el disionario libaro", cusì faxémo i alternativi! :-D In ogni caxo, sì, provar a domandarghe n'opinon saria ła megio sołusion. Revardo i asénti, ło sò, no'l xé fàsiłe: mi deso so bituà che par é basta shift+è e par ó funsiona alt+162. Sénbra ténpo butà, ne so consapévołe. N'altra conplicansa xé che łe e e łe o verte/serade łe canbia da xona a xona. El galepin (.com par capirse) el pol dar na man e ła só idea dei cołóri de łe varianse ła me piaxe da mati. Se podaria far qualcosa de somegiante, anca sóło co łe categorie, sénpre che'l no'l domandi masa fadiga! --Giovanni parléme co libertà 20:51, 21 set 2011 (CEST)

Par mi no xe un problema de carateri: i go tuti so ła tastiera (conprexa ła Ł, se vujo go anca ła Ð) a parte ła ó... El problema xe capir cuando che go da metar é e cuando che go da metar è (e si che i sarià do soni difarenti). Pa' ła gestion de łe varianse anca a mi me piaxe ła mapa del galepin... diria che come minimo dovarisimo far tipo so i disionari che i scrive "rejonałe", par exenpiose pol scrivar feltrin prima de ła definision... però preferirìa na raprexentasion grafega. D'ogni modo desidaremo co sarà ora.--GatoSelvadego 17:59, 22 set 2011 (CEST)

Toxi, no par dir, ma fin deso ghe ghemo laorà mi e un utente merican... Vardè che fin che no riva calchedun a darme na man mi no faso dimanda so meta.--GatoSelvadego 19:53, 27 oto 2011 (CEST)

Ve segnalo sto bel laoro pal wikizionario http://pt.wiktionary.org/wiki/Utilizador_Discussão:Talianeto --Marisol 03:34, 19 feb 2012 (CET)

Ghe xé na roba...

che no sarò bon de soportar ancora par ténpo. Quéła fenestreła "Caràteri speciałi" sora de ła caxeła de modìfega no ła più vogia de vèrxerse e mi so drio 'ndar via de testa perché xé masa ùtiłe. Par el caràtere ł no ghé xé problema perché ło tegno copià co ctrl+C, ma a mi i serve anca Ł, ó, È, É, Ò e Ó e no go vogia de 'ndar a catarli łà soto! Podéo far qualcosa vialtri? --Giovanni parléme co libertà 18:39, 16 set 2011 (CEST)

Varda che da mì e a funsiona :-) quałe browser ti si drio usare? Forse xè soło on problema tecnico che se poe fasilmente risolvare. Fame savere --Vajotwo (posta) 19:45, 16 set 2011 (CEST)

Anca mi no go problemi. Funsiona tuto. PS fora tema par Vajo: scuxame 'n atimo, ma co vedo serte robe... par cosa xe che te scrivi "e a"?? Cheła E là, xeła forsi na congiunsion? No, ła xe un toco del pronome o del articoło, donca ła va scrita tacà. Łora va ben scrivar ea? No, parché no ła xe na E ma na ele evanesente! Donca fame un piaser, scrivi ła invese de e a. O par caxo scrivito gondoea invese che gondoła?.--GatoSelvadego 09:18, 17 set 2011 (CEST)

Va bon. Sercarò de ricordarmeło pal futuro. --Vajotwo (posta) 13:11, 17 set 2011 (CEST)

Go capio, el problema el xé só de Explorer, me gero insospetìo perché xé capità cusì d'un cólpo e me senbrava che'l fuse general. Me ranxarò co łe conbinasion de alt+ascii, xé più còmodo. Ciao e grasie, --Giovanni parléme co libertà 13:31, 17 set 2011 (CEST)

Google e publisità

Gero drio pensar a come che se podria incoragiar uténti de internet a pasar par sto sito. Nialtri parlanti vèneto sémo bastansa in nùmaro total e anca tendensialmnte incurioxidi a ła nostra łéngua. Anca i xóveni, anca se'l só liveło de parlada xé generalmente inferior, par via de maxor influénse dal'itałian, respeto a quéło dei più veci, no se pol dir che i sia indiferénti a st'inportante raixa cultural e xé na beła roba in ogni caxo, perché el vecio pregiudisio de vèneto=diałeto da gnorante el rexiste ancóra. Sarò exigénte, ma me speto na maxor vivasità de uténti. No digo che sémo mési mal: da có ła xé stada creata, ła wikipedia vèneta no ła ga mai cognosùo un sìngoło méxe de abandon, sémo grandi! ^_^ In ogni caxo no me fermo qua, più sémo megio xé. E cosa podémo far? Na roba sénplise e posibilménte eficase, par gnénte fadigóxa, ła saria modifegar ła nostra vixibiłità su internet. Ancuo có ti sérchi su internet 'wikipedia vèneto' (Par onor de crònaca se ti sérchi 'wikipedia veneto' (sénsa asénto) ła nostra wiki ła xé al secóndo posto, daspò ła vóxe su ła region 'nte ła wikipedia itałiana.) ti cati puntualmente:

Wikipedia

vec.wikipedia.org

Wikipedia ła xe n'ensiclopedia łibara e scrita in tante łéngoe. El progeto en vèneto el xe scominsià inte l'istà del 2005. Qua soto łe xe elencae łe altre version...

Na roba no me convénse: ła didascałia o come òstrega ła se ciama quéła descrision. Bixogna canbiarlo e no'l xé inposìbiłe: basta aportar i canbi giusti 'ntei posti giusti de ła pàgina prinsipal. Qualcosa de più atrativo podrìa scrìver robe come diaeto veneto (perché par paréci el xé ancóra un diałeto: giusto o sbałià che'l sia el nostro fin el saria de farne publisità!) e, più inportante, spesifegar, par exénpio co dialeto triestin. Nòmino i triestini perché el só diałeto el ga na vitałità maravegióxa e'l siłénsio dei triestini qua el crea un rumor sordante (scuxéme l'osìmoro). El problema xé che sercando 'wikipedia triestin' co google un rimando a ła nostra wikipedia ła se cata sóło che 'nte ła secónda pàgina, e no'l pónta gnanca a ła pàgina prinsipal. I triestini da ła so parte, i saria anca interesadi, ma i no ne cognose! Altro exénpio ciaro xé sta domanda su meta. Sintetixando tuto: provémo a méter łe man su ła pàgina prinsipal in maniera che có ti sérchi robe come 'dialetto veneto', 'diaeto veneto', 'dialetto triestino', 'belumat', ecc... ła nostra wikipedia ła se cata sénpre sóra a ła lista. Par vialtri xéło posìbiłe? --Giovanni parléme co libertà 21:47, 22 set 2011 (CEST)

Si, ghe vorìa pì xente (magari che ła sapia anca scrivare, e parlare... va ben che deso che ghe xe el model corejere no xe un problema ma se me riva na scaretà de bociase che i scrive mexo in itałian no semo boni starghe drio... beh, però podemo senpre insegnarghe). De seguro sarìa da far calcosa, ma no me convinse tanto sta roba da far par google (magari se podaria metar del testo sconto inte ła pajina prinsipałe?). Speto altri pareri.--GatoSelvadego 12:57, 23 set 2011 (CEST)

Pajina prinsipałe

The homepage does not include a link to the English version in the "language bar" on the left.

Done. We apologize for the inconvenience :-) --Vajotwo (posta) 15:05, 12 oto 2011 (CEST)

Terms of Use update

I apologize that you are receiving this message in English. Please help translate it.

Hello,

The Wikimedia Foundation is discussing changes to its Terms of Use. The discussion can be found at Talk:Terms of use. Everyone is invited to join in. Because the new version of Terms of use is not in final form, we are not able to present official translations of it. Volunteers are welcome to translate it, as German volunteers have done at m:Terms of use/de, but we ask that you note at the top that the translation is unofficial and may become outdated as the English version is changed. The translation request can be found at m:Translation requests/WMF/Terms of Use 2 -- Maggie Dennis, Community Liaison 03:23, 27 oto 2011 (CEST)

Segnalazione: Dizionario triestino in it.wikisource

Segnalo it:s:Indice:Dizionario triestino (1890).djvu, su cui ci sono lavori in corso di verifica, rilettura e trasporto in ns0. Il lavoro comunque è ben avviato, se vi va date un'occhiata, e magari linkatelo alla voce Triestin (io odio gli interwiki e la loro sintassi... :-) ).

Sull'opera abbiamo "dato il meglio" della nota complessità wikisourciana, sono individuati e linkati singolarmente i lemmi e le loro definizioni. --Alex brollo 12:40, 11 nov 2011 (CET)

Grazie per la segnalazione, provvedo subito. PS: come mai l'avete messo su it.s invece che su vec.s?--GatoSelvadego 19:27, 15 nov 2011 (CET)

Projeti sitadini

Go inisià a crear łe pajine de projeto par łe sità venetofone. Par deso go tacà co Venesia, Verona, Pàdoa e Vicensa. Pì vanti vedo se rieso a tacar anca chealtre (par exenpio me piaxaria 'ver el projeto Trieste). Da deso in vanti par coordinar i laori so łe voxe de ste sità ghe xe łe pajine de progeto co rełative discusion, serchemo de dopararle.--GatoSelvadego 17:12, 16 nov 2011 (CET)

Convension de scritura

Ciò toxi, credo che sia ora de mandar in pension łe vecie convension de scritura. De fato no łe doparemo pì xà da un toco, ma fin deso łe xe rimaste là e se uno novo el riva cuà el va finir so łe convension vecie (e magari ghe pasa ła voja de darne na man). Me so parmeso de spostarle so na sotopajina e penso de scominsiar a scrivar calcosa de novo. Oviamente ghe sarà da discutare, e ło faremo inte ła pajina de discusion apoxita. Bon, intanto ve go avixà, deso vago a sistemar un fià de wikilink a łe convension vecie.--GatoSelvadego 12:53, 17 dis 2011 (CET)

Open Call for 2012 Wikimedia Fellowship Applicants

I apologize that you are receiving this message in English. Please help translate it.

• Do you want to help attract new contributors to Wikimedia projects?
• Do you want to improve retention of our existing editors?
• Do you want to strengthen our community by diversifying its base and increasing the overall number of excellent participants around the world?

The Wikimedia Foundation is seeking Community Fellows and project ideas for the Community Fellowship Program. A Fellowship is a temporary position at the Wikimedia Foundation in order to work on a specific project or set of projects. Submissions for 2012 are encouraged to focus on the theme of improving editor retention and increasing participation in Wikimedia projects. If interested, please submit a project idea or apply to be a fellow by January 15, 2012. Please visit https://meta.wikimedia.org/wiki/Wikimedia_Fellowships for more information.

Thanks!

--Siko Bouterse, Head of Community Fellowships, Wikimedia Foundation 04:10, 22 dis 2011 (CET)

Distributed via Global message delivery. (Wrong page? Fix here.)