Francesco Loredan

Francesco Loredan (Venesia, 9 de febraro 1685 – Venesia, 19 de majo 1762) xe stà un [[doge |doge]] [[Republica de Venesia |venesian]].

Francesco Loredan

Biografia
Nasimènto	9 de febraro del 1685 Venèsia (Itàlia)
Mòrte	19 de majo del 1762 (77 ani) Venèsia (Itàlia)
Liogo de sepełimento	Baxéłega de San Zanipoło
116o Doxe
18 de marso del 1752 – 19 de majo del 1762 ← Pietro Grimani – Marco Foscarini →
Atività
Laóro	pułìtego
Fameja
Fameja	Loredan
Rosa d'Oro (it)

Fioło de Andrea e Caterina Grimani, el xe sta el centosedexeximo doxe de ła Republica de Venesia dal 18 de marso 1752 a ła morte. Omo de mediocre cultura, el ga vivesto pasivamente quełi pochi avegnimenti importanti ca xe capità soto el so dogado.

Vita

Proveniente da na fameja siòra e oncora da maridare, Loredan el se zera dedicà pì al comercio che a ła cariera publica; rifiutando continuamente łe ambasarìe che łe gavarìa podesto portarlo distante da Venesia, el ga preferìo esar ełeto come savio del consejo o in incarichi do poca inportansa. Sensa na grande cultura e poca esperiensa internasionałe, no el godeva de grande considerasion. Ała morte de Piero Grimani, el doxe – poeta, a ghe xe sta pareci componimenti satireghi e operete schersose sora ła figura del doxe e ło sviłimento de ła carica ła ga fato in modo che tanti posìbiłi pretendenti i rinunciase. Sercandose on omo de rapresentansa a se ga pensà sùbito a lù.

Dogado

El Loredan el xe sta subito ełeto el 18 de marso 1752 ma, esendo ormai soto Pasqua, i ga decixo de avisarlo soło el 6 de apriłe. Ormai ła figura dogałe ła gaveva perso quasi tuto el so poder e Loredan el se ga adatà in prèsia a sto novo andaso. Uno dei ponti prinsipałi de połitega interna el xe sta ło scontro tra conservadori e riformisti che, desideroxi de riforme sostansiałi drento ła Republica, i ga sercà de riformarla dal de drento. I grupi de presion conservadori i xe riusìi a blocar el piano e i leader riformisti, tra cui Angelo Querini, inportante iłuminista venesian, i xe sta mesi in prexon o bandii. El doxe, pur podendo inporse a favor de l'uno o de l'altro, el se ga mostrà totalmente pasivo, łimitandose a apozar par conveniensa ła parte ghe ła gheva vinto e perdendo cusì ła posibiłità de canbiare łe sorti de ła Republica morente. Forse, a inpedir ło sviłupo de łe idee riformiste, a se ghe ga meso on picoło boom econòmego che a ghe xe sta a partir dal 1756, quando ca xe s-ciopà ła guera dei Sete ani, che ła ga permeso ai marcanti, grasie a ła neutrałità de ła Republica, de comerciare in pareci marcà sensa concorenti. Ła sconfita fransexe ła ga parfin permesso a Venesia di tornar a primezar inte i mercà de pèvaro orientałi. A on serto punto el doxe, ormai vecio e małandà, el pareva sol punto de morir ma po' el se ga ristabiłio e el ga rexistìo 'n'antro ano, sin a ła morte in data 19 de majo 1762. Ł'ansia de alcuni nobiłi, cuałi Marco Foscarini, che i sperava che el morese presto par ciaparne el posto, el xe el sintomo de come Loredan no el fuse rispetà e, ansi, de frecuente cojonà anca in publico.

Altri progetti

• Wikimedia Commons

• Wikimedia Commons el detien imàjini o altri file so Francesco Loredan
• el detien schemi gràfeghi so