Verxi el menu prinsipałe
Squola SVG.svg
Sta voxe o sesion ła contien erori ortografisi o de sintasi opur ła xe scrita inte un veneto mia tanto s-ceto
Contribuisi a corejerla secondo ła gramatica, l'ortografia e ła sintasi de ła lengua veneta rispetando ła grafia e ła variansa veneta doparae 'nte ła voxe
Squola SVG.svg
Mapa del mondo, i paexi co'l blè pì scuro i xe cueli co pì imigrati (2005)

L'imigrasion xe el trasferirse par tenpo o par senpre de singole individui o de un grupo de anime n'te on paexe o logo difarente da chelo de orixene. Sto fenomano xe el contraro de l'emigrasion. I pendolari, toristi e altri sojorni de curta durada, no i xe ciapai drento a la difinision de migrasion, ma a 'olte i vien ciapai drento n'tela de la migrasion stajonale de mandopara.

StatistegheModìfega

Segondo on raporto del 2006 che provien da l'ONU so l'imigrasion a livel mondial, ghe xé sirca 200 milion de migranti in jiro pal mondo.

Sto qua che vien, el xé la persentuale e la proeniensa de imigrai, tolta sù n'tel 2014, che ghè, n'tei paexi sotoscrivesti:

Stato Persentual La major parte dei paexi de proeniensa
Lusenburgo 45,28 % Portugal, Fransa, Italia
Spagna 10,06 % Romania, Maroco, Ecuador
Austria 12,42 % Xermania, Serbia, Turchia
Belxo 11,29 % Italia, Fransa, Paexi basi
Xermania 8,68 % Turchia, Italia, Polonia
Regno Unio 7,77 % Irlanda, India, Pakistan
Italia 8,1 % Romania, Albania, Maroco
Xvesia 7,12 % Filandia, Irak, Polonia
Fransa 6,31 % Alxeria, Maroco, Portugal
Paexi Basi 4,37 % Turchia, Maroco, Indonexia

Pulitega de imigrasion n'te l'Union EoropeaModìfega

La libara sircolasion de le anime, l'imigrasion e l'axilo pulitego, i xé i aspeti fondanti de la prosedura lejixlatia n'te l'Union Eoropea. La libarta de movarse xé on dirito fondamentale e l'Union, ghin tien conto n'tei so tratai.

  • L'imigrasion de tipo legale: L'Union Eoropea la dixe, n'tei so tratai, le so condision par entrar e usir dai paexi menbri de st'ultima. I stati de l'Union i pole desidare la persentual de imigrai che i pole vegner drento. L'Union Eoropea ga el dirito de sostegnere nove riforme par sostegnere na integrasion favorevole da parte dei stati menbri n'tei confronti dei migrai.
  • L'imigrasion iregolare xe una de le pì grande preocupasion de l'Union Eoropea. On imigrà iregolare xe na persona che riva n'te l'UE sensa algun permeso o visto. In sti caxi, l'UE ga l'oblego de prevardare e scursar i numari de sto tipo de imigrasion, seguendo na pulitega de rinpatrii, n'tel rispeto dei diriti fondamentali de l'omo e de la libara sircolasion.

L'UE ga el fine de balansar l'equilibrio tra imigrasion legale e ilegale, dando e asigurando la parità de tratamento de le anime proenienti da fora de l'Union, penalixando calsiasi ato rasista e ofensivo, oltre a promovare relasion senpre pì ligae tra i stati membri e i paexi da andove i imigrai pronjien. Segondo el Tratà de Lixbona, le puliteghe de imigrasion le sarà fate dal prinsipio de solidariedà e da l'equa distribusion n'tei Stati membri, anca soto el profilo economego.

CauxeModìfega

La cauxa del fenomano de l'imigrasion le pole esar tante e difarenti fra de lore:

  • economeghe: (par scanpare a la poartà, par sercar condision de vita mejori e de conseguensa dasar el so paexe par catarghine uno mejo.);
  • de magnare: (par esar sensa magnar cusì tanto da no poer pì dar vanti a vivar);
  • climateghe: (a cauxa de caxini anbientali come co na tera taca vegner seca.);
  • puliteghe: (ditadure, persecusion, sopruxi, guere, xenosidi, pulisia etnega);
  • relijoxe: (se no xé pusibile tegnerse e pregar la so relijion.);
  • sanitarie: (el s-ciopar de on epidemia o de na pandemia);
  • che le vien da pastroci naturali: (tsunami, alluvion, teremoti, carestie);
  • personali: (sielta ideoloxica, imoroxamento co on partner che stà n'te n'altro paexe);
  • sentimentale: (riunificasion familiare);
  • criminale: (1) scanpare: (per scanpar a la xustisia del so paexe, par no esar inprixonà); (2) atrasion: (par conbinarghene de pì grose, no esendo sta contento del so laoro n'te la so malavita);
  • par scola: (par nàr in na scola e otegnere on titolo de studio, par eser sicuro che i so fioi i vaga scola.).
  • in maniera forsada: (chi che migra, xe vitima de na trata de esari omàni).