Max Pezzali


Max Pezzali, a l'anagrafe Massimo Pezzali (Pavia, 14 de novenbre 1967), el ze un cantaudor itałian.

Infotaula de personaMax Pezzali

Cànbia el vałor in Wikidata
Biografia
Nasimènto(it) Massimo Pezzali Cànbia el vałor in Wikidata
Eror Lua: callParserFunction: function "

[[Categoria" was not found.

(56 ani)
Miłan (Itàlia) Cànbia el vałor in Wikidata
Atività
Ocupasion
Eror Lua: callParserFunction: function "

[[Categoria" was not found.

Atività 1989 - in atività
ZènarePop Cànbia el vałor in Wikidata
Influense
Instrumento muxegałeVoze Cànbia el vałor in Wikidata
Targheta discogràfega
Àlbun11 (883) + 11 (sołista)
Àlbun stùdio6 (883) + 5 (sołista)
Àlbun dal vivo2 (sołista)
Àlbun compilation5 (883) + 4 (sołista)
Repertòrio
Pop Rock, Pop

Sito webmaxpezzali.it →  Cànbia el vałor in Wikidata
IMDB: nm0679089










Facebook place: maxpezzaliofficial
Twitter: MaxPezzali



MySpace: maxpezzali


Youtube: UCgednYguYgGbuK_kGp6QCbA














Musicbrainz: b76f7323-183e-4b90-83b1-5111d04d6665
Songkick: 23366
Discogs: 630296


Allmusic: mn0000214648














Deventà famoxo come ła voze dei 883, grupo fondà insenbre a l'amigo Mauro Repetto inte'l 1991, dal 2004 Pezzali el ga intraprendesto na cariera da sołista, abandonando definitivamente el marchio "883".

El só primo àlbun sołista el ze stà Il mondo insieme a te, seguìo inte'l 2005 da ła rancura de gran suceso (disco de diamante in Itałia) TuttoMax, contenjente i singołi de'l presedente disco e i pì grandi sucesi dei 883. Tra i àlbun de inediti Time Out (2007) e Terraferma (2011) vien publegà l'ùlbun da'l vivo Max Live 2008, mentre inte'l 2012 e inte'l 2013 ese Hanno ucciso l'Uomo Ragno 2012 e Max 20, àlbun che'l revizita i veci sucesi dei 883 in algune nove varsion in doot co vari artisti de ła mùzega itałiana. El 2015 el vede l'usìda de'l cuarto àlbun de inediti, Astronave Max. Inte'l 2017, par sełebrar i 25 ani de cariera A vien publegà ła rancura Le canzoni alla radio, mentre inte'l 2018 A vien fora l'àlbun da'l vivo Max Nek Renga, il disco in cołaborasion co Nek e Francesco Renga. Inte'l 2020, daspò 5 ani da'l presedente, vien fora el cuinto àlbun de inediti Qualcosa di nuovo.

El ze uno dei cantaudori pì seguìi de'l panorama muzegałe itałian co pì de 7 miłion de dischi vendùi(conprezi cuełi dei 883)[1] inte'l corso de ła só cariera, inte ła cuała el ga publegà conplesivamente 21 àlbun e 61 singołi e el ga resevùo racuanti premi, incluzi trèdeze Telegatti, tre Festivalbar so dòdeze partesipasion, un reconosimento ad Un disco par l'estate so do partesipasion, dieze Italian e Wind Music Awards, un Premio Lunezia, tre partesipasion a'l Summer Festival, cuatro Premi Italiani della Musica, tre Venice Music Awards, sete Premi Roma Videoclip, do TRL Awards e tre World Music Awards.

Biografia canbia

Nasùo a Pavia, fioło de na copia de fioreri (Sergio Pezzali e Alba Scanavini)[2], Max Pezzali el ze fin da zòvane un pasionà de moto, de mùzega e di rock, spesialmente inte i ani de'l łiceo. Dopo na bociadura in tersa łiceo (a'l Łiceo Sientifego Niccolò Copernico de Pavia), tra i banchi di scoła el conose Mauro Repetto[3]. Dopo èsarse diplomà, Max Pezzali el se iscrive a ła facoltà de siense połiteghe, sostenjendo un soło ezame (in soçiołoxia) ndà a bon fin[4].

I 883 (1989-2004) canbia

  Par savèrghene de pì, vardarse ła voxe 883 (grupo muzegałe).

Daspò i inisi co'l nome provizorio I Pop e l'aparision inte'l programa tełevizivo 1, 2, 3 Jovanotti inte'l cuało i do i propone el brano Live in the Music cantà par intièro in ingleze[5], inte'l 1991 i partesipa a'l Festival de Castrocaro co'l brano Non me la menare[6]. In 'sti ani, Max el se fa apresar sia par łe só doti vocałi che par i testi scrivesti insenbre a Mauro Repetto, scrivesti in un łenguajo senplise ma direto ed eficase. Grandi sucesi i ze stai Hanno ucciso l'Uomo Ragno (trazesta da l'omonimo disco), Con un deca, Sei un mito (che'l łi ga consacrà come grupo de suceso), Nord sud ovest est e Come mai (co'l cuało i vinse el Festival itałian 1993). L'àlbun Nord sud ovest est el vendarà pì de 1.300.000 copie. Cuando inte'l 1994 Repetto abandona el grupo par łe só anbision sinematogràfeghe, Max deventa el leader e prinsipałe conpozidor de'l grupo[6].

Drioman i 883 i publegarà La donna il sogno & il grande incubo inte'l 1995, La dura legge del gol! inte'l 1997, ła fortunada rancura Gli anni inte'l 1998, Grazie mille inte'l 1999 e Uno in più inte'l 2001. Da recordar ze el suceso de'l conserto de'l 21 de łujo 1998 a Miłan in Piasa Duomo, a'l cuało ga partesipà sirca 100.000 persone[7]. Oltra a l'atività de'l grupo, inte'l 1998 Max Pezzali el se dedega a ła scritura e el pùblega Stessa storia, stesso posto, stesso bar (da l'incipit de Gli anni, uno dei brani pì séłebri dei 883), un łibro inte'l cuało Max el recołega łe propie espariense de vita ai testi de łe só canson. Inazonta el ze stà protagonista de Jolly Blu, film bazà so łe canson dei 883, che'l ga avesto un scarso suceso a'l sinema ma bon riscontro in TV. Inte'l 1995, tra l'altro, el se dedega a l'atività de autor par altri cantanti (el scrive Aeroplano par l'ałora sedezene Caterina Rappoccio e L'ultimo bicchiere par Nikki), e el proa par ła prima volta in cariera ła partesipasion a'l Festival de Sanremo. El ghe partesipa sia come cantante in gara co ła canson Senza averti qui, sia come coautor, insieme a Repetto, de ła canson Finalmente tu, interpretada da Fiorello.

Inte'l 2002 A vien publegà ła rancura Love/Life (sototitołà L'amore e la vita al tempo degli 883). Ła rancura ła contien łe pì famoze bałade de'l grupo co ła zonta de do inediti, Ci sono anch'io (cołona sonora itałiana de'l film Disney Il pianeta del tesoro) e Quello che capita. El se firma co'l nome Max Pezzali/883, come a prezagir ła fin de l'era 883 e l'abandon de'l marchio par l'inisio de na cariera sołista. Tuti do i inediti i zera venjùi fora come singołi. Inte'l 2003 A vien fora el novo àlbun de Elio e le Storie Tese da'l titoło Cicciput, inte'l cuało tra i vari artisti che i ga cołaborà partesipa anca Max Pezzali inte ła canson Shpalman®, singoło de zlanso co'l cuało el vinsarà ai Italian Music Awards el premio a'l mejo videoclip.

Cariera sołista (2004-presente) canbia

Il mondo insieme a te (2004) canbia

Inte'l 2004 Max el deside, donca, de zbandonar el stòrego marchio. Inte'l 2004 el reałiza l'àlbun Il mondo insieme a te, che'l vien publegà in do varsion: ła varsion normałe, contenjente noma che el CD, e ła varsion spesiałe co DVD, in edision łimitada, de cui ze stàe publegàe soło che 30.000 copie numaràe. L'àlbun el zeun suceso e el reseve do dischi de platino par łe só 200.000 copie vendùe. Da st'altro A vien estrazesti sincue singołi: Lo strano percorso, Il mondo insieme a te, Fai come ti pare, Eccoti e Me la caverò. A Lanpeduza el partesipa inte'l meze de setenbre, a'l festival O' Scià, ciamà da Claudio Baglioni co'l cuało el dota in Come mai. In 'sto parìodo Max Pezzali el ze tanto visin ai só fan e asè ativo so Internet. El verze infati el photoblog "Una al dì", inte'l cuało el insarise 365 someje (cuindi un ano) scatàe da eło isteso, na idèa orizenałe, mai utiłizada prima da un cantante itałian[8]. Inte'l łujo de'l 2004 el inisia el Max Live Tour 2004. Inte'l 2005 Max el otien anca do premi a'l Premio Roma Videoclip par i video de Lo strano percorso e Il mondo insieme a te.

El suceso de TuttoMax (2005-2006) canbia

Inte el 2005 vien fora na cołesion de sucesi sui e dei 883, intitołada TuttoMax. Nisun brano inedito, ma soło el riarangiamento de Eccoti (contenjùa inte'l àlbun presedente e primo singoło), e l'insarimento de n'altro brano de'l presedente àlbun, Me la caverò, venjesot fora come segondo singoło. Ciò nonostante, el dopio cd el resta par ben 12 setemane consecutive in sìma a łe clasifeghe itałiane inte'l parìodo estivo, e resevendo ben cuatro dischi de platino par łe oltra 350.000 copie vendeste e vinsendo a'l Festivalbar el premio come mejo àlbun de l'ano. El 2 de avril Pezzali el se spoza e łe imàjini de'l matrimonio łe carateriza el finałe de'l video de Eccoti. El 21 de otobre 2005 vien fora el segondo singoło de ła rancura inte na spesiałe edision Digipak contenjente i do singołi Eccoti e Me la caverò pì i live de Bella vera, Come mai e Nessun rimpianto. El 25 de novenbre de'l steso ano vien fora anca TuttoMax Video, un DVD che'l contien 34 dei video de łe canson reałizàe da'l cantante co ła zonta de łe domande poneste pì frecuentemente a Max Pezzali. El 24 de desenbre 2005 A vien mandà in onda so Italia 1 un special de un'ora de'l conserto de'l cantante tenjùo a'l Forum de Asago el 31 de otobre 2005. El verze anca un podcast inte'l cuało el inserise picołi filmati de'l tour, a dispozision de tuti i fans. El 2005 el ze nca l'ano inte'l cuało Max Pezzali el torna a'l Festival de Sanremo, dopo 10 ani, inte ła zornada dei doti, cantando co DJ Francesco el brano Francesca. De'l steso doto A vien fora anca ła varsion studio inte l'àlbun de DJ Francesco co el titoło Il mondo di Francesca. Na ultarior cołaborasion ła ło vede partesipar a l'àlbun La fantastica storia del pifferaio magico de Edoardo Bennato, co'l cuało el dota inte ła canson La televisione, che felicità. A otobre el taca el Max Live Tour 2005. Inte'l 2005 Max el otien anca do premi a'l Premio Roma Videoclip par i video de Eccoti, Fai come ti pare e Me la caverò.

El 2006 el ze un ano de pauza par l'artista, anca se'l partesipa a l'àlbun de cover de Lucio Battisti Innocenti evasion 2006 interpretando La metro eccetera co Stylophonic e el cołabora co i Flaminio Maphia inte'l singoło de zlanso de'l só àlbun, La mia banda suona il rap, partesipando sia come autor che come interprete de'l ritorneło de'l brano. Max Pezzali el partesipa anca ai Venice Music Awards, indove el reseve el premio par el mejo àlbun par TuttoMax. Drioman el reseve, par el steso àlbun anca el premio Telegatto.

Time Out (2007) canbia

 
Max Pezzali in concerto inte el 2007

El 25 de magio 2007 el publica un novo album, Time Out, el primo disco de canson mai publicae dal 2004, deventà disco de platino prima de l'usida inte i negosi par łe 80.000 prenotasion registrae. L'album xe entàr diretamente al primo posto inte ła clasifega itałiana dei dischi pì vendùi. El sìngoło de łanso, Torno subito, xe stà uno dei tormentoni de l'istà del 2007. Inte' sìngoło, come in tuto l'album, Max sviłupa e consołida el tema, ricorente in tuta ła so discografia, de ła vixion de ła vita come "viaxo". El steso Pezzali ga dito[9]: L'imàjine de'l viazo ła ze xe uno dei temi che traversa tuto l'àlbun e che pì go zviłupà durando ła me cariera: vivemo inte n'època senpre pì vełose, inte łe cuałe A beonja senrpe córer, łaorar e prodùzer, in cui A ze nesesario móverse da'l ponto A a'l ponto B el pì vełose posibiłe. Sia inte'l viazo fìzego che inte ła vita in zenerałe. Par mi invese inte'l viazo no inporta ła destinasion da razónxzr ma el parcorso in sè, el fato de góderse ła strada, ła conpanjìa, onji singoło profùmego. "Time Out" el senjifega propio cuesto: ciapémose na sosta godemose el viazo independentemente da ła destinasion., op. cit.


Pròpio col sìngoło de łanso de'l novo àlbun Max Pezzali el partesipa a'l Festivalbar 2007. Ai inisi de setenbre (dal 7 in rodasion inte łe radio) A vien zlansà el segondo singoło, Sei fantastica. El brano el vede ła partesipasion de Eros Ramazzotti, ezecudor de l'asoło de ghitara concluzivo. Inte l'àlbun A ze prezenti anca altre cołaborasion, co Syria e Tiziano Ferro.

El 12 de otobre parte el Max Pezzali 2007 Tour, in ziro par i pałaseti d'Itałia. Łe date de Cuneo, Bołonja, Miłan, Turin, Trevizo e altre oncora łe ga rezistrà el tuto ezaurìo e a Roma A ze stàe organizàe do date par łe ecesive rechieste.

Inte'l 2007 Max el otien anca do premi a'l Premio Roma Videoclip par i video de Torno subito e Sei fantastica. Senpre inte'l steso ano Max Pezzali el partesipa anca ai Venice Music Awards 2007 indove el reseve el premio par el mejo àlbun.

Max Live 2008 e ła pauza (2008-2010) canbia

El cantante el ze ativo anca so Internet grasie a'l só novo photoblog "Qualcuna al dì"(Calcuna al dì) so piataforma tumblr. El cantante el posta link, someje da łu scatàe e video par condividerle co i só fan. L'8 de apriłe 2008 A ze venjùo fora in tute łe łibrarie el primo romanzo de Max Pezzali Par prendersi una vita, publegà da Baldini Castoldi Dalai. A ze ła storia de cuatro tozi de'l 1988 e de come i avenjimenti de na istà i gabia canbià par senpre łe só vite: a l'inpensàda i deventa adulti a cauza de na sielta difisiłe da tor. L'artista el ga prezentà el łibro co un minitour par numaroze łibrarìe d'Itałia otenjendo tanto suceso. A zunjo el ga retirà el premio a ła cariera "TRL History" ai TRL Awards de MTV cofà artista che ła ga senjà ła storia de Total Request Live, senjando ła zenerasion dei spetadori de'l popołar show. Daspò oltra 17 ani de cariera e drioman a 13 ani de tour, ła discografia de Max Pezzali ła ze stà inpresiozìa da un àlbun Live. El 23 de majo A ze venjìo fora infati Max Live 2008, el primo CD+DVD Live de ła só cariera. El CD el ciapa rento 17 brani de grando suceso cantài inte'l Max 2007 Tour co ła zonta de do inediti, Mezzo pieno o mezzo vuoto e Ritornerò. El DVD invese el contien el video de'l conserto de Trevizo de'l tour 2007 (tuto ezaurio). El primo singoło inedito estrazesto Mezzo pieno o mezzo vuoto el ze in rodasion radiofonega da'l 2 de majo, e ła ze una de łe hit pì trazmetùe da ła radio de tuta l'Itałia e ła ze deventà un tormenton par l'istà. El segondo inedito el se intitoła Ritornerò, na bałada in rodasion radiofonega da'l 29 de agosto. Inte l'istà 2008 inisia el Max Live Tour 2008: el tour el parte a zunjo e pasa par pì de 25 sità itałiane. Spica i conserti a Monza (Villa Reale) par ła prima tapa el 14 de zunjo, a Settimo Torinese el 24 de zunjo, a Roma al RockFestival el 19 de łujo, a Lignano Sabbiadoróóo el 28 de agosto, a Firense el 30 de agosto, a l'Idroscało de Segrate el 5 de setenbre, a Pavia el 7 de setenbre, a Verona el 15 de setenbre, e racuante altre par finir dopo pì de 3 mezi a Padoa el 5 de otobre. Inte ła stesa istà el reseve ai Venice Music Awards el premio Assomela Mela d'oro. A setenbre 2008, in ocazion de l'MTV Day 2008, Max el ze protagonista de na serada spesiałe de Mtv Storytellers, el show indove i artisti i conta ła zenezi de łe propie canson e el propio metodo de scritura, fazendo i só clàseghi in un'inedita version semiacustega co ła zonta de'l cuarteto de archi Solis String Quartet. El 14 novenbre 2008 A vien fora ShowTime h. 21.30, un DVD che, in sirca 110 minuti, el conta el backstage de'l Max Tour Live 2007.

Drio el Cao de l'ano in Sardenja a La Pianedda de Castelsardo, Max anunsia che'l metarà in segondo piano i so inpenji muzegałi par incurarse de só fio Hilo, nasùo inte'l setenbre 2008.

A marso el cołabora co i dARI, zàvane grupo emo de Aosta, a'l singoło Non pensavo. Ła varsion orizinałe de ła canson, cantada dai dARI, ła fa parte de'l só àlbun de debuto; inte ła nova varsion Max el canta algune strofe e el partesipa come coprotagonista a'l video, zirà par intièro a Turin a metà marso. El 3 de apriłe ła canson ła vien difuzesta in tute łe radio e el video el ze in rodasion so łe redi muzegałi, e el se ezibise (co ła canson) insieme ai dARI ai TRL Awards vinsendo el premio "Best Cartello".

El 21 de apriłe Max el ga partesipà a ła rezistrasion de'l singoło Domani 21/04.2009, inisiativa de Jovanotti e dei Negramaro par sostenjer ła ricostrusion de l'Aquila drioman a'l taremoto de cheł'ano.

Max inte'l meze de zunjo el partesipa anca ai Wind Music Awards, durando i cuałi el reseve el disco de platino par łe vendite de Max Live 2008. Inazonta, inte'l steso parìodo, vien fora el video ofisiałe de Il meglio, canson contenjùa inte l'àlbun Time Out de'l 2007. Partegołarità de 'sto video ła ze che'l ze stà reałizà da un zòvane fan che, notà da Pezzali e Claudio Cecchetto, el ga avùo l'oportunità de utiłizar el só łaor cofà video ofisiałe[10].

Inte i mezi de łujo e agosto, smentndo parsialmente i propoziti de na pazua artìstega dovùa a ła padernità, Max xe inpegnà in una tournée "a ranghi ridoti" respeto al grupo che ło segue in maniera fisa da un paro de ani. Inte ła stesa istà el riseva ai Venice Music Awards el premio a ła carièra.

El 2 de disenbre Max dota co łe Yavanna inte ła finałe de X Factor co ła canson Come mai. Inazonta, el 31 de disenbre, el se ga ezibìo a Rimini insenbre ad altri cantanti par el programa tełevizivo L'anno che verrà, andà in onda so Rai Uno par festejar el novo ano. Suito daspò Pezzali ga desidesto de torse un ano de pauza par dedicarse a ła scritura del novo àlbun, łontan dai palchi.

El 19 de marso 2010 Max aparise in un breve cameo inte ła cuarta stajon de ła serie tełeviziva L'ispettore Coliandro che ła ze stà trasmetesta in prima vizion in Italia da Rai 2.

El ritorno a Sanremo e 'l projeto Terraferma (2011) canbia

Max Pezzali partesipa in gara al Festival de Sanremo co ła canson Il mio secondo tempo[11], mentre inte ła serada dedicà al 150º de l'unidà Nasionałe, el propone el canto popołar Mamma mia dammi cento lire łigà al tema de l'emigrasion italiana, e'l ło esegue co Arisa. Inte ła serada dei doti el ezegue da novo ła canson in gara, insenbre a na ezibision comico/canora de Lillo e Greg. Inte ła cuarta serada el vien ełiminà. Drìoman in te i ani sucesivi el ga dichiarà de no aver nisun recordo łigà a ła gara gara.

Contestualmente al Festival, el 16 de febraro 2011, vien fora el so terso àlbun in studio da sołista, intitołà Terraferma. El 31 de majo de l'isteso ano vien fora na varsion "Deluxe" del disco co ła zonta de 3 trase bonus. Drìo l'usida de l'àlbun Max informa i so fan che'l Terraferma Tour 2011 gavarà inisio el 30 de apriłe a Roma par po' zirar tuta Italia.

El 25 de marso Max anuncia a ła radio che'l segondo sìngoło de l'àlbun Terraferma a vegnir fora sarà Credi, publegà po' el 30 de apriłe.

Max inte'l meze de apriłe el ga ciapà parte ai TRL Awards indove el ga prezentà el sìngoło Credi, venjùo fora inte łe radio a ła fin del steso meze. Verso fin de majo, Terraferma riseve el disco d'oro par łe oltre 30 000 copie vendùe, e Pezzali ze ciamà a ritirar el sìngoło premio ai Wind Music Awards. Max ze anca uno dei sincue finałisti par el Premio Mogol co Il mio secondo tempo. Max Pezzali partesipa ai MTV Days a ła fin de zunjo.

El 1º de łujo vien fora el terso sìngoło Quello che comunemente noi chiamiamo amore, par conpanjar ła parte estiva del tour de Pezzali, che si zvolze intrà łujo e agosto co nove date che, al contrario de cuanto avenjùo in primavera, si zvolze al sud d'Italia. Max se ezibirà a Note italiane nel mondo a Trento. A Łanpeduza el partesipa inte'l meze de setenbre, al festival O' Scià, ciamà da Claudio Baglioni. Max ze anca uno dei ospiti inte ła prima pontada de Star Academy, indove el se ezibise co i partesipanti co alcune so vecie canson e da soło co'l brano Quello che comunemente noi chiamiamo amore.

El 19 de marso 2011 vien fora el CD de Non smettere di sognare - La colonna sonora, distribuìo da Universal Music Italia, contenjente Ti vorrei amare de Lidia Schillaci, brano scrivesto da Max Pezzali.

Hanno ucciso l'Uomo Ragno 2012 (2012) canbia

 
Max Pezzali in concerto inte'l 2012

El 31 de zenaro 2012 el ze ospite de ła festa par i 30 ani de Radio Deejay tenjùa al Mediolanum Forum de Miłan davanti a 15 000 persone. A febraro Max cołabora co Irene Fornaciari conponendo el testo del brano Come ti è venuto in mente. Max ze anca ospite inte ła prima pontada de Non sparate sul pianista.

Inazonta el 27 de apriłe 2012 el ze ospite a MTV Spit come zùdeze spesiałe. El 14 de majo el se ezibise a ła festa par i 30 ani de Radio Italia tenjùa in piasa Duomo a Miłan. In chel steso pariodo vien fora anca Con due deca, ła prima compilation ofisiałe de cover dedicae ai 883 descargabiłe a maca so Rockit.

El 12 de zugno ze vengnesto fora Hanno ucciso l'Uomo Ragno 2012, riłetura in ciave rap de l'àlbun d'ezordio dei 883 Hanno ucciso l'Uomo Ragno in ocazion dei vinti ani de cariera de Pezzali. L'àlbun el ga l'inedito Sempre noi (co ła partesipasion de J-Ax), oltre a varsion riaranzae de łe trase che conponevano l'àlbun del 1992 ricantae co'i rapper Club Dogo, Entics, J-Ax, Two Fingerz, Fedez, Emis Killa, Ensi, Baby K e Dargen D'Amico[12]. L'àlbun monta suìto in tèsta a ła clasifega come non capitava da cuatro anni, cuando zera stà publegà Time Out. L'ùtema setimana del 2012 el vien sertifegà disco d'oro. El 18 de agosto 2012 a Riccione el tien un concerto insieme a l'amigo e cołega J-Ax par festejar i 30 ani de Radio Deejay, i 90 ani del comun de Riccione e i 20 ani de Hanno ucciso l'Uomo Ragno.

Pezzali ze prezenta anca inte l'àlbun dei Two Fingerz in un doto a tre voze co łori e J-Ax inte'l brano Non capisco cosa vuoi, rifasimento del brano dei 883 Non me la menare. Dopo Sempre noi, vien ciapà fora come sìngoło da l'àlbun anca 6/1/sfigato 2012, in radio dal 20 de łujo. Verso el finir del 2012 Max vien candidà al Premio Videoclip Italiano co'l video de Sempre noi e ai MTV Hip Hop Awards inte ła categoria Best Collaboration.

Inte'l disenbre 2012 el conpone el testo del brano 100.000 parole d'amore, inedito de Davide Merlini, finałista de X Factor. Drìoman el cołabora co i Club Dogo inte'l so àlbun Noi siamo il club Reloaded Edition cantando in L'erba del diavolo e Con un deca. Dal 19 de febraro 2013 Max conduze el programa tełevizivo Le strade di Max.

Max 20 (2013-2014) canbia

El 24 de febraro Pier Paolo Peroni anuncia che se ze drìo łaorar par un novo àlbun, non spesifegando se A se trate de un remake de un presedente àlbun o de un àlbun de inediti. Ad avriłe, vien confarmà che'l de zugno vengnarà fora un novo àlbun, Max 20, contegnente 14 brani dei 883 e di Pezzali reałizài in doto co altri famozi artisti italiani[13] e 5 inediti[14][15]. El 10 de majo ze stà publegà el primo sìngoło ciapà fora da Max 20, intitołà L'universo tranne noi, che otien un gran suceso in Italia. Drìoman vien anunsiae łe 22 date del novo tour[16], de łe cuałe 10 deventae soldout pochi zorni drìoman el scominsio de łe vendite. El cołabora po' co Dargen D'Amico inte'l so àlbun Vivere aiuta a non morire co Due come noi e Emis Killa inte l'àlbun Mercurio co La testa vuota. Sénpre inte'l steso pariodo el apare al sìnema cofà dopiador: el presta infati ła propia voze al personajo Jack Taggert inte'l sètemo film del Marvel Cinematic Universe, Iron Man 3.[17]

A majo 2013 el partesipa in cuałità de zurà a ła segonda stajon de MTV Spit, conduzesto da Marracash. Verso el fenir del meze Pezzali dichiara durante na intarvista a Rockol che'l prosimo àlbun de inediti el sarà l'ùltemo prevedesto inte'l so contrato co ła Warner, e che despò ła so publegasion el podarìa selier de ritirarse [18]. Tutavia, inte'l 2015 el produtor Claudio Cecchetto anuncia de aver rinovà el contrato par n'altri tre ani[19]. A inisio de zugno el partesipa ai Wind Music Awards 2013, durante i cuałi el riseve el disco d'oro par łe vendite de Hanno ucciso l'Uomo Ragno 2012 e canta el sìngoło L'universo tranne noi[20] come durante el Summer Festival 2013 e i MTV Awards. Durante i mezi estivi el se dedica ai incontri co i fan a łe łibrarìe e i sentri comersiałi e a partir dal 22 de łujo el conduze insenbre a Jake La Furia e Paola Iezzi ła nova trasmision de Italia 1 Nord sud ovest est - Tormentoni on the road, ricordando i vari tormentoni de łe istà pasàe.

 
Max Pezzali se ezibise a Turin co Il presidente di tutto il mondo nel 2013

A setenbre el torna in radio co Ragazzo inadeguato, el segondo sìngoło estraesto da Max 20. Inte l'isteso pariodo el vien par zonta nomenà inte ła categoria Best Italian Act ai MTV Europe Music Awards 2013[21]. El 10 de otobre A ze stà publegà ła só autobiografia I cowboy non mollano mai - La mia storia[21]. Senpre ad otobre vien fora el videoclip de Ragazzo inadeguato, zirà insenbre a Paolo Ruffini, Frank Matano, Andrea Pisani, Luca Peracino e Guglielmo Scilla. Ła canson, tra l'altro, ła vien anca insarìa come cołona sonora inte'l film Fuga di cervelli co ła rezìa de Paolo Ruffini, vegnesto fora inte i sìnema itałiani inte'l novenbre 2013. A novenbr cominsia el Max 20 Live Tour, che si reveła un gran suceso de pùblego co ła mazor parte de łe date rezultàe tuto ezaurìo e co bis a Miłan, Roma, Turin, Mantoa e Firense[22]. Finìo el tour, concludesto el 22 de febraro 2014, el tour el pol vantar oltra 200 000 spetadori in 30 concerti tuti ezaurìi come vendite de bilieti[23].

El 10 de zenaro 2014 A vien in zonta publegà el terso sìngoło ciapà fora da Max 20, intitołà I cowboy non mollano, conpagnà da un video muzegałe anbientà inte'l vecio west[24], seguìo el 18 de marso drìoman dal video ofisiałe de Il presidente di tutto il mondo, n'altro dei brani mai publegà contegnesti in Max 20, in regało ai fan dopo ła concluzion del Max 20 Live Tour[23]. Drìoman el partesipa ai Music Awards 2014 ndove che'l riseve el premio "Disco Multiplatino" par łe vendite de Max 20 e el "Disco Platino" par cuełe del sìngoło L'universo tranne noi. Inte l'istà del 2014 el partesipa anca al Summer Festival cantando L'universo tranne noi da soło e Sei fantastica co Emis Killa, e el vien premià co el "Premio Lunezia Pop par el vałor Musical-Letterario" par el brano Il presidente di tutto il mondo[25].

El 1º de desenbre 2014 el pùblega, in cołaborasion co Radio Deejay, el sìngoło de nadałe Natale con Deejay[26].

Astronave Max (2015-2016) canbia

El 10 de apriłe 2015 A vien anunsià, tramite un Tweet de'l produtor Claudio Cecchetto, che un novo àlbun de Max Pezzali el ze in via de mixaggio e che'l venjarà presto publegà[27]. El disco, da'l titoło Astronave Max e publegà el 1º de zunjo[28], el vien antisipà dai singołi È venerdì e Sopravviverai, publegài respetivamente el 24 apriłe[29] e el 29 de majo[30]. El 28 de majo, a cuatro zorni da l'usida de'l novo àlbun, Pezzali el partesipa a ła cuarta edision de RadioItaliaLive - Il concerto in Piasa del Domo a Miłan[27]. El 25 de setenbre A vien fora el terso singoło ciapà da'l novo àlbun, Niente di grave, mentre a desenbre A vien anunsià che Pezzali el farà parte dei coach de l'edision 2016 de The Voice of Italy.

El 13 de majo 2016 A ze stà publegà Astronave Max - New Mission 2016, na nova varsion de l'àlbun Astronave Max co do brani novi (Due anime e Non lo so) e un àlbun da'l vivo intitołà Max Best Live[31].

Inte'l setenbre 2016 Pezzali el vien sernìo cofà testimonial de ła McDonald's.[32] Inte'l steso parìodo el canałe tełevizivo DMAX, in ocazion de ła trasmision in Itałia de ła serie TV intitołada Harley and the Davidsons, ła ciama el cantante a introdùzer i tre epizodi de ła serie, contando anca come che ła ze nasesta ła só pasion par łe moto e par ła stòrega marca Harley-Davidson.[33][34][35] Senpre inte'l setenbre 2016 Benji & Fede i anunsia ła partesipasion de Max Pezzali a ła canson Traccia numero 3 de'l só novo àlbun 0+, definindo 'sta cołaborasion “un sogno” parché i ze cresésti scoltando łe canson de Max e dei 883.Eror: </ref> de chiusura mancante par el marcador <ref> El 2 de zugno A vien fora Le canzoni alla radio in cołaborasion co Nile Rodgers, primo singoło de'l novo àlbun che gavarìa da vegnir fora entro l'ano, seguìo dal segondo singoło vegnesto fora l'11 de setenbre in cołaborasion co Nek e Francesco Renga, dal titoło Duri da battere.[36] A setenbre A vien anca anuncià che da zenaro 2018 partirà el novo tour in cołaborasion co Nek e Francesco Renga, dal nome Max Nek Renga, il tour.[37] El 18 de otobre Max Pezzali anuncia che'l sełebrarà i 25 ani de cariera co ła publegasion, el 17 de novenbre, del novo àlbun Le canzoni alla radio,[38] che'l sarà na rancura de sucesi de'l cantante da sołista e altri dei 883, co ła zonta de 7 inediti (includesti Le canzoni alla radio e Duri da battere) e un novo remix de'l brano Tutto ciò che ho.

El 28 de setenbre 2017 A vien fora inte łe sałe sinematogràfeghe itałiane Chi m'ha visto che'l vede anca ła partesipasion de Max Pezzali.

Le canzoni alla radio e ła cołaborasion co Nek e Francesco Renga (2017-2018) canbia

El 25 de marso 2017 Pezzali el reveła, in ocazion de na intarvista rełasà durando l'Open Day de ła só concesionaria Harley-Davidson a Pavia, che el ze drio łaorar a un novo àlbun e che'l gavarìa da èsar publegà daspò l'istà.[39]

El 2 de zugno A vien fora Le canzoni alla radio in cołaborasion co Nile Rodgers, primo singoło de'l novo àlbun che dovarìa venjìr fora entro l'ano, seguìo da'l segondo singoło venjesto fora l'11 de setenbre in cołaborasion co Nek e Francesco Renga, da'l titoło Duri da battere.[36] A setenbre vien anca anunsià che da zenaro 2018 partirà el novo tour in cołaborasion co Nek e Francesco Renga, da'l nome Max Nek Renga, el tour.[37] El 18 de otobre Max Pezzali anunsia che'l sełebrarà i 25 ani de cariera co ła publegasion, el 17 de novenbre, de'l novo àlbun Le canzoni alla radio,[38] che ła sarà na rancura de sucesi de'l cantante da sołista e altri dei 883, co ła zonta de 7 inediti (includesti Le canzoni alla radio e Duri da battere) e un novo remix de'l brano Tutto ciò che ho.

El 28 de setenbre 2017 A vien fora inte łe sałe sinematogràfeghe itałiane Chi m'ha visto che vede anca ła partesipasion de Max Pezzali.

Da zenaro 2018 Pezzali entra a far parte de'l cast fiso de Che fuori tempo che fa.[40]

El 10 febraro 2018 el partesipa come super ospite a ła cuinta serada de'l 68º Festival de Sanremo, cantando insieme a Claudio Baglioni, Francesco Renga e Nek, ła canson Strada facendo. L'isteso zorno A vien anunsià che'l brano inte na inedita varsione a tre voze el sarà contenjùo in Max Nek Renga, il disco, dopio CD da'l vivo in usida el 9 marso, che'l rancurarà tuti i pì grandi sucesi de Max Pezzali, Nek e Francesco Renga reintarpretài a tre voze.[41][42]

El 15 zunjo 2018 A vien fora el novo singoło Un'estate ci salverà, terso estrato da l'àlbun Le canzoni alla radio.[43]

El 23 otobre 2018 vien anunsià che Pezzali el sarà fra i protagonisti de'l gran conserto da'l titoło "Un Concerto per Genova", in programa el 17 e el 18 novenbre a l'RDS Stadium de Sampierdarena a Genova e dedicà a łe vitime de'l croło de'l viadoto autostradałe Polcevera, avenjùo el 14 agosto de'l mèdemo ano, el cui recavà el ghe venjarà devołùo a l'"Associazione degli sfollati di Via Porro e Via Del Campasso".[44]

El 30 otobre 2018 vien anunsià che el 23 novenbre venjarà fora l'àlbun Duets Forever - Tutti cantano Cristina de Cristina D'Avena: par l'ocazion Max el dotarà co l’artista bołonjeze in Robin Hood, sigla de l'omonimo anime.[45]

El 2 zenaro 2019 l'àlbun Le canzoni alla radio el vien sertifegà disco d'oro.

Qualcosa di nuovo, el dopio conserto a San Siro e i 30 ani de cariera a'l Circo Massimo (2019-prezente) canbia

Ad apriłe 2019 A vien anunsià che Max Pezzali el sarà el testimonial de ła canpanja par donar el 5x1000 a ła reserca inte'l canpo de łe siense biomèdeghe so łe małatie cardiovascołare promosa da GSD Foundation, l'organizasion no profit de'l Gruppo Ospedaliero San Donato.[46]

El 21 zunjo 2019 A vien fora el singoło de istà Welcome to Miami (South Beach), che'l antisipa un novo àlbun de inediti previsto par l'ano sucesivo.[47]

Notasion canbia

  1. Max Pezzali al Gff, così sono rinato, ANSA, 27 luglio 2013. entrada il 13 dicembre 2013 (archivià il 13 dicembre 2013).
  2. Max Pezzali racconta in un libro la sua storia (e quella degli 883), La stampa, 11 ottobre 2013. entrada il 13 ottobre 2013 (archivià il 14 ottobre 2013).
  3. Max Pezzali, Albanesi.it. entrada il 4 zugno 2013 (archivià dal URL orizenałe il 28 settembre 2013).
  4. Copia archiviatacinquantamila.corriere.it. entrada il 3 aprile 2015 (archivià il 5 aprile 2015).
  5. Reunion 883: Max Pezzali e Mauro Repetto ci pensano, Allsongs.tv, 9 zugno 2012. entrada il 4 zugno 2013 (archivià il 20 ottobre 2013).
  6. 6,0 6,1 Biografia - Max Pezzali, Maxpezzali.it. entrada il 4 zugno 2013 (archivià dal URL orizenałe il 29 aprile 2013).
  7. Concerto degli "883", stasera centomila in piazza Duomo, Corriere della Sera, 21 luglio 1998. entrada il 31 ottobre 2013 (archivià dal URL orizenałe il 19 ottobre 2013).
  8. Una al dì, il photoblog di Max Pezzalimaxpezzalinetwork.com. entrada il 31 marzo 2013 (archivià il 1º febbraio 2013). .
  9. L'intervista a Max Pezzaliangolomusica.blogspot.it. entrada l'11 novembre 2016 (archivià il 13 novembre 2016).
  10. Da fan a collaboratore di Max Pezzali, manda una clip sul brano del suo idolo e viene assunto Archivià il 12 ottobre 2013 Data inte l'URL no conbazante: 12 de otobre 2013 in Internet Archive. adnkronos.com
  11. Festival di Sanremo 2011. Max Pezzali: «Il mio secondo tempo», Mentelocale.it, 17 febbraio 2011. entrada il 31 ottobre 2013 (archivià dal URL orizenałe il 27 maggio 2012).
  12. Max Pezzali: L'Uomo Ragno vent'anni dopo, Loudvision.it, 14 maggio 2012. entrada il 25 giugno 2012 (archivià il 16 giugno 2012).
  13. Max Pezzali nell'occasione torna a cantare con Fiorello nel nuovo disco "Max 20", it.ibtimes.com, 8 maggio 2013. entrada il 9 maggio 2013 (archivià dal URL orizenałe il 12 agosto 2013).
  14. Max Pezzali, a fine maggio nuovo album, Ansa.it, 11 aprile 2013. entrada il 18 aprile 2013 (archivià il 23 ottobre 2013).
  15. Cecchetto twitta: “#MAX20”, nuovo CD di Max Pezzali, Radio Italia, 8 aprile 2013. entrada il 18 aprile 2013 (archivià dal URL orizenałe il 16 aprile 2013).
  16. L'universo tranne noi: il nuovo singolo di Max Pezzali, Radio Italia, 3 maggio 2013. entrada il 6 maggio 2013 (archivià dal URL orizenałe il 18 marzo 2014).
  17. Iron Man 3 al cinema: l’intervista a Max Pezzali, voce di Jack Taggert, Teamworld.it, 24 aprile 2013. entrada il 10 dicembre 2013 (archivià il 12 dicembre 2013).
  18. Pezzali presenta 'Max 20' (e pensa al ritiro): la videointervista, Rockol.it, 28 maggio 2013. entrada il 28 maggio 2013 (archivià il 7 giugno 2013).
  19. Pezzali sale sull'Astronave Max: “A una certa età il capitano diventi tu”, La Stampa, 27 maggio 2015. entrada il 27 maggio 2015 (archivià dal URL orizenałe il 27 maggio 2015).
  20. Wind Music Awards 2013, le premiazioni, Concertionline.com, 4 giugno 2013. entrada l'8 giugno 2013 (archivià l'11 novembre 2014).
  21. 21,0 21,1 Max Pezzali, Ragazzo inadeguato: testo del nuovo singolo da Max 20, Musicroom.it, 19 settembre 2013. entrada il 19 settembre 2013 (archivià dal URL orizenałe il 20 settembre 2013).
  22. Aggiunta nuova data a Torino, Maxpezzali.it, 28 agosto 2013. entrada il 10 dicembre 2013 (archivià dal URL orizenałe il 13 dicembre 2013).
  23. 23,0 23,1 Max Pezzali, “Il Presidente di tutto il mondo” [VIDEO UFFICIALE], Velvetmusic.it, 18 marzo 2014. entrada il 18 marzo 2014 (archivià il 18 marzo 2014).
  24. Nuovo Anno ...nuovo Singolo e nuovo Video!!!, Facebook, 1º gennaio 2014. entrada il 2 gennaio 2014.
  25. Elisa, Nek, Pezzali... Tutti i vincitori del Premio Lunezia 2014, Radio Italia, 9 luglio 2014. entrada il 19 luglio 2014 (archivià dal URL orizenałe il 27 luglio 2014).
  26. Natale con Deejay: Max Pezzali canta la canzone di Natale 2014 di Radio Deejay, Radiomusik.it, 1º dicembre 2014. entrada il 1º dicembre 2014 (archivià il 6 dicembre 2014).
  27. 27,0 27,1 Max Pezzali: il nuovo album è al mixaggio finale, Radio Italia, 10 aprile 2015. entrada il 19 aprile 2015 (archivià il 19 aprile 2015).
  28. È Venerdì di Max Pezzali anticipa l'album Astronave Max e il tour 2015, Optimaitalia.com, 24 aprile 2015. entrada il 24 aprile 2015 (archivià dal URL orizenałe il 25 aprile 2015).
  29. Max Pezzali: l'inedito sta arrivando, nuova hit dell'estate?, Velvetmusic.it, 18 aprile 2015. entrada il 18 aprile 2015 (archivià il 18 aprile 2015).
  30. Max Pezzali: in radio dal 29 maggio con “Sopravviverai”, Allmusicitalia.it, 25 maggio 2015. entrada il 25 maggio 2015 (archivià il 28 maggio 2015).
  31. Due Anime è il nuovo singolo di Max Pezzali: anticipa l'album Astronave Max New Mission 2016, Optimagazine, 28 aprile 2016. entrada il 28 aprile 2016 (archivià il 23 settembre 2016).
  32. Max Pezzali diventa un ‘Crispy lover’ per McDonald’s. Firma Leo Burnettpubblicitaitalia.it. entrada il 1º ottobre 2016 (archivià il 1º ottobre 2016).
  33. Harley e Davidsons e le moto, la storiaansa.it. entrada il 7 gennaio 2017 (archivià l'8 gennaio 2017).
  34. “Harley and the Davidsons”, su Dmax una miniserie sull’origine del mito a due ruotelastampa.it. entrada il 7 gennaio 2017 (archivià l'8 gennaio 2017).
  35. Max Pezzali : “I miei diari della motocicletta sul mito Harley-Davidson”lastampa.it. entrada il 7 gennaio 2017 (archivià il 13 ottobre 2016).
  36. 36,0 36,1 Max Pezzali è tornato con Nile Rodgersrollingstone.it. entrada il 3 giugno 2017 (archivià il 5 giugno 2017).
  37. 37,0 37,1 Copia archiviatatgcom24.mediaset.it. entrada il 12 settembre 2017 (archivià il 12 settembre 2017).
  38. 38,0 38,1 Max Pezzali, ecco l’album Le canzoni alla radio: 7 inediti, 1 remix, 30 hitradioitalia.it. entrada il 18 ottobre 2017.
  39. Eror: <ref> nisun testo par el marcador talkymusic.it
  40. 'Che fuori tempo che fa', nel cast fisso entra Max Pezzaliadnkronos.com. entrada l'8 gennaio 2018 (archivià il 7 gennaio 2018).
  41. Max Pezzali, Nek e Francesco Renga: in arrivo l’album. Stasera al Festival con "Strada facendo"rockol.it. entrada l'11 febbraio 2018 (archivià il 12 febbraio 2018).
  42. Max Pezzali, Nek e Renga: «Ora siamo diventati una vera band»sorrisi.com. entrada il 10 marzo 2018 (archivià l'11 marzo 2018).
  43. Max Pezzali: da solo per il nuovo singolo Un'estate ci salverà... anche senza i Mondiali, in All Music Italia, 14 giugno 2018. entrada il 14 giugno 2018 (archivià il 14 giugno 2018).
  44. Pezzali, Ex-Otago ma non solo al “Concerto per Genova”, 23 ottobre 2018. entrada il 31 ottobre 2018 (archivià il 10 gennaio 2019).
  45. Cristina D'Avena: svelata la tracklist e i duetti di "Duets Forever - Tutti Cantano Cristina" in uscita il 23 novembre, 30 ottobre 2018. entrada il 31 ottobre 2018 (archivià il 1º novembre 2018).
  46. Max Pezzali va dritto al cuore. Testimonial di GSD Foundation a sostegno della ricerca sulle malattie cardiovascolari.. entrada il 29 giugno 2019 (archivià il 29 giugno 2019).
  47. Max Pezzali: guarda il video ufficiale di Welcome to Miami (South Beach). entrada il 29 giugno 2019 (archivià il 29 giugno 2019).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Max_Pezzali&oldid=1151961"