Papafava

Co Papafava (tal olta anca Pappafava, pi precixamente Papafava dei Cararesi) se fa riferimento a na fameja aristocràtega padovana. Ła xe sta iscrita al patrisiato venesian intrà łe cussia ciamade Caxe fate par soldo.

Storia

I Disiende da un ramo dei pi cełebri Cararesi: el primo a portar il soranome Papafava xe sta un Giacomino da Carara, visudo inte el Doxento. El ramo orijinario, dei Papafava dei Cararesi, se stabiłise a Venesia, indove, pa i schei donadi a ła Republica ne ła guera de Candia contro i Otomani, i xe stai inte el 1652 iscriti al patrisiato venezian.

Un ramo secondario, ma no manco riłevante, xe sta queło dei Papafava Antonini, rexidenti a Padova. Sti chi, menbri del Consejo nòbiłe de Padova, i ga ricoerto inportanti carghe munisipałi. Dopo el periodo de ła Serenissima, Viena ghe ga riconosudo ła nobiltà co Sovrana Risolusion de el 4 de setembre 1818 e 19 de otobre 1823.

Menbri

Pałaso Papafava a ła Mixericordia (Canaregio)

Noveło Papafava dei Cararesi (1899 - 1973), scritor, prexidente de ła Rai da el 1961 al 1964.

Loghi e architeture

Pałaso Pesaro Papafava, a Canaregio;
Pałaso Papafava Schiesari Bergonzini, a Conselve;
Pałaso Tasca Papafava, a Casteło;
Villa Papafava, a Rovołon;
Villa Papafava, visin łe Terme Euganee, rimane soło ła barchesa.

Existe anca na Fondamenta Tasca o Papafava in sestier Casteło, a Venesia.