Repùblega Federałe del Sentroamèrica

La Repùblega Federałe del Sentro Amèrica (inte el prinsìpio ciamada Province Unie de l'Amèrica Sentrałe, conosesta anca cofà Federasion Sentroamericana o, soratuto par derivasion da ła termenołozia anglosàsone, anca co nome Stati Unii de l'Amèrica Sentrałe) ła ze sta un Stato de l'Amèrica Sentrałe dal lujo 1823 al 1840, nasesto co ła declarada intension de ispirarse al modeło de repùblega federałe dei Stati Unii de l'Amèrica.

Repùblega Federałe del Sentroamèrica

República Federal de Centroamérica (es)
Ino	La Grenadera
Pozision
14°37′N 90°31′W14°37′N, 90°31′W
Continente	amèrica sentrałe
Capitałe	Sità del Guatemala (1821–1834)   San Salvador (1834–1838) Sonsonate (it) (1834–1834)
Popołasion
Idioma	spanjoło
Zeografia
Àrea	520 000 km²
Rente a	Granda Cołónbia   Honduras Britannico (it)   Mèsego Costa dei Miskito
Dati istòreghi
Desolvimento	30 de zenaro del 1841
Prima mesion documentada	Granda Cołónbia, Primo Inpero Mesegan e capitaneria generale del Guatemala (it)
Organizasion pułìtega
Forma de goerno	repùblega presidensiałe e repùblega federałe
Òrgano ezecutivo	Federal Goerno de Federal Republic de Central America (en)
Òrgano lejislativo	Congreso de ła Repùblega Federałe de Sentro Amèrica
Presidente de ła Repùblega Federałe de Sentro Amèrica	Manuel José Arce (it) (29 de apriłe del 1825)
Màsema autorità zudisiałe	Corte Suprema de Zustìsia de ła Repùblega Federałe de l'America Sentrałe
Economia
Moneda	Real della Repubblica Federale del Centroamerica (it)
Istòrego
← Granda Cołónbia Primo Inpero Mesegan capitaneria generale del Guatemala (it) Repùblega Major de Sentroamèrica →

El stema inte ła bandiera el ghea inte el prinsìpio el nome de Province Unie de l'Amèrica Sentrałe. Dopo che ła costitusion del novenbre del 1824 ła ghea canbià el nome del Stato in Repùblega Federałe del Sentro Amèrica ("República Federal de Sentroamérica / Sentro América"), sto cuà el zera vegnesto modifegà anca inte el stema.

La capitałe, inte el prinsìpio ła zera ponesta a Sità del Guatemała e ła ze sta dopo spostada inte el 1834 a San Salvador.

Istòria

A ła federasion, che conprendeva inte el prinsìpio Guatemała, El Salvador, Honduras, Nicaragua e Costa Rica, se gavea zontà inte el 1830 un altro stato oncora, el Los Altos, che el gaveva par capitałe Quetzaltenango e che el ocupava ła zona montagnoza osidentałe de l'atuałe Guatemała e parte del Stato mesegan del Chiapas.

I libarałi sentroamericani i ghe ghea metesto granda speransa inte ła repùblega federałe che i sperava ła saria dopo evolvesta in na moderna nasion democràtega gràsie ai comerci intrà i du osèani, l'Atlàntego e el Pasìfego, in mezo ai cuałi el Stato che el se ghea costituio. Tutavia ła federasion ła ghea catà da suito problemi insormontàbiłi: el projeto ła ze sta fortamente ostacolà da na parte de łe élite. In pì el sistema dei trasporti interni e de łe comunicasion intrà i vari stai el zera rezultà scarso, ła major parte de ła popołasion no ła ghea mai tacà sentirse integrada finmente rivar a refudarla e ła burocrasia ła ghea tolto soravento. Da suito i zera partii numarévułi scontri intrà vàrie fasion, sia inte l'interior de ła federasion sia inte l'interior dei sìngułi stati. Le condision de estrema instabiłità pułìtega cusita cofà łe poche resorse e ła poaresa de ła rejon no łe ghea permetesto l'augurada costrusion de un canałe intrà i du osèani (el canałe de Panama el ze sta finio solché inte el 1914) che el garia portà invese notàbiłi benefisi econòmeghi.

Intrà el 1838 e el 1840 ła federasion, par colpa de na guera siviłe interna, ła se ghea separà. El primo Stato che el se ghea separà el ze sta l'Honduras che el ghea dasà ła federasion inte el 5 de novenbre 1838, seguio da ła sparision de ła federasion de fato nte el 1840, co che cuatro stati su sìncue i gaveva declarà l'indipendensa. La federasion ła ze sta parò ufisalmente declarada finia solché inte el febraro del 1841, co che El Salvador el ga proclamà a so volta ła costitusion de na pròpia repùblega indipendente. Inte el corso del XIX secoło, ghe ze sta vari tentativi par reunir i Stati del Sentro Amèrica inte un ùgnoło sojeto pułìtego, ma nisun de sti intenti el ga avesto èzito.

El senso de fradełansa el zera restà intrà łe nasion e unio al perìcuło, intrà el 1856 e el 1857, ła zera stada formada na liansa miłitare de defeza contro del tentativo de invazion de ła rejon portà dal statunitense William Walker.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Repùblega Federałe del Sentroamèrica
• el detien schemi gràfeghi so

Linganbi foresti

• (EN) United Provinces of Central AmericaEnçiclopedia Britannica, Encyclopædia Britannica, Inc.