Sebastian Ziani
Sebastian Ziani (1102 a ocio – Venesia, 13 de avril 1178) el xe stà el trentanovèximo doxe de ła Repùblica de Venesia, dal 1172 al 1178. El xe stà el pare del quarantadoèximo doxe.
  | |
| Nome orizenałe | (it) Sebastiano Ziani |
|---|---|
| Biografia | |
| Nasimènto | 1102 (Gregorian) Venèsia (Itàlia) |
| Mòrte | 13 de apriłe del 1178 (Gregorian) (75/76 ani) Venèsia (Itàlia) |
| Liogo de sepełimento | San Zorzi Mazor |
| 39o Doxe | |
| 29 de setenbre del 1172 – 28 de majo del 1178 ← Vitale II Michele – Orio Matropiero → | |
| Atività | |
| Ocupasion | |
| Fameja | |
| Fiołi | |
 | |
|
| |
El gera fio de Marino Ziani. El ga spoxà na fia de Tancredi de Siciłia, Costanza. El gera davèro rico, avendo trafegà col'oriénte anca daspò ła sóa ełesion a doxe, e prima de èser doxe el gera stà xùdexe, diplomàtego a Costantinopoli, retor de Sebenico.
Ełesion
canbiaEl xe stà el primo doxe ełeto da n'asenblea streta de nòbiłi e miga dal'asenblea de tuto el pòpoło. Ła sóa ełesion ła xe capitada durante i sie méxi daspò ła morte del doxe prima, daspò un conclave de tre xórni. El xe stà ełeto el 29 de setenbre 1172, al'età de setant'ani, in concorénsa co Orio Mastropiero. Par chel sia stà el primo doxe a dar in giro schei al pòpoło daspò l'ełesion, verxendo n'usansa che ła saria soravisùa fin a ła caxùa de ła repùblica col'ùltemo doxe Lodovico Manin.
El dogado
canbiaŁa sóa prima asion ła xe stada ła condana a morte del'asasin del doxe prima.
L'evénto più inportante el xe stà l'incontro intrà Federico Barbarossa e'l papa Lisandro III chel xe capità a Venesia, signifegando ła fin par almanco un fià de ténpo de łe dìspute intrà el papato e l'inpero.
Secondo ła tradision, inte el 1172 łe xe stae tirae su, par òpera de Nicolò Barattieri, łe dó cołone de ła piaseta San Marco, co sóra l'una el leon ałà e l'altra San Teodoro. Sénpre secondo ła tradision, ghe gera na tersa cołona che ła xe finìa inte el basin de San Marco (vanti a ła piasa) durante el sbarco e che no i ga più posùo tirar indrio.
Sebastian Ziani el ga abandonà ła carga el 12 de avril 1178 e'l se ga tirà indrio inte el monestièr de San Zorzi Magior, indove el xe morto el xórno daspò e indove el xe stà sepełìo. Có, daspò, ła sóa tonba ła xe stada destruta co ła vecia Ceza ła xe stada tirada xó (1611), i sói resti i xe stai portai inte ła capeła dei morti inte ła nova Ceza e ghe xe stà tirà su un monumento in piera d'Istria a sanca de ła fasada de ła céxa.
Altri progeti
canbia
Wikimedia Commons el detien imàjini o altri file so Sebastian Ziani
el detien schemi gràfeghi so
| Controło de autorità | VIAF (EN) 40200014 · ISNI (EN) 0000 0000 1639 1799 · GND (DE) 120056100 · CERL cnp00407761 · WorldCat Identities (EN) 40200014 |
|---|