Carpenèo

Carpenèo ła xe na locałità de ła Sità de Venesia, catada inte ła teraferma.

Carpenèo

Pozision
45°30′18″N 12°15′02″E45°30′18″N, 12°15′02″E
Stato	Itàłia
Rejon	Vèneto
Sità metropułitana	Sità metropułitana de Venèsia
Comuni de l'Itałia	Venèsia
Zeografia
Altitùdene	3 m
Còdazi de identifegasion
Còdaze postałe	30174
Fuzo oràrio	UTC+1 UTC+2
Prefiso tełefònego	041

In orìxene viła rural co storia e particołarià sóe, dal secondo daspò guera ła xe stada tolta drénto al slargarse de ła conurbasion de Mestre de ła qual ancuo ła xe na parte. Deso Carpenèo ła fa parte de ła Munisipałità de Mestre-Carpenèo, istitusion che ła ga ciapà drénto i quartièri de prima n.9 Carpeneo-Bisoła e n.10 Mestre Séntro.

Storia

Un primo séntro de Carpenèo el gaveva da èser nasùo xà verso ła fin del'età romana (V sècoło). L'insediamento forse el gaveva come magior atività el tor legno de carpeni chel costixava ła via Claudia Augusta Altinate fin a Dexe. Soravisùa, co łe altre viłe datorno, a łe destrusion dei bàrbari, ła xe stada de novo colpìa da guere e svałixade soratuto a cauxa del visin casteło de Mestre, fortifegasion de Trevixo al séntro de ła lota contro ła rival Pàdova. Ła gà seguìo łe sorte de tuta ła Marca có, inte el 1337, sta qua ła se ga data a ła Repùblica de Venesia. Daspò altri conbatimenti, dal XVI sècoło el ga scomensà, a ła fin un ténpo, de bastansa paxe e benèser. Łe camnpagne de Carpenèo łe xe piaxue ai patrisi Venesiani che qua i ga tirà su qualche viła.

Caxua inte el 1797 ła Serenìsima, el paxe el xe pasà co tuto el Vèneto ai Franséxi e daspò ai Austrìasi. I xe stai istituii i comuni e anca Carpenèo ła xe deventada un de sti qua. Tornà a ła Fransa, el xe deventà dónca parte del Regno Lonbardo-Vèneto ('ntel 1818 el comune el xe stà anułà e'l xe deventà frasion de Mestre) fin al 1866, ano del'anesion al Regno d'Itałia.

Verso ła fin del'Otoxento el xe stà stabiłio de far na granda strada par cołigar diretamente Piasa Fereto a ła Cexa dei Santi Gervasio e Protasio (vial Garibaldi de ancuo) co anca na lìnea tranviaria, e par far sta qua ła xe stada butada xó l'ùltemo tóco del Casteło de Mestre łóngo via Spalti, indove non ghe gera mai stada na porta. Prima de ła reałixasion de Vial Garibaldi existeva łe vie Trezzo e San Donà, che łe cołigava el Teragio a Fàvaro, Via Ca' Rossa e Via Casona che ła rivava dai Cavergnaghi. Altra strada de na serta inportansa ła gera Via Vallon, che ła 'ndava a finir inte ła canpagna a nord.

Łigami da fora

• Sito della Municipalità di Mestre e Carpenedo Sito de ła munisipałità de Mestre e Carpenèo Archivià il 14 de otobre 2006 in Internet Archive.
• el detien schemi gràfeghi so