Congreso de Verona
(VEC)
«A no se gera mai visto in Eoropa tante corone e intełigense congiurae contro el dirito dei popołi. Łe robe in chel congreso, publicamente tratae, łe xe sta: ła trata dei nigri, ła rivołussion de ła Grecia, łla rivołussion de Spagna; ma in sostansa ło scopo el gera queło de rinforsar i vincołi de ła Santa Ałeansa, e de ciapar arcani concerti contro tuti i futuri movimenti posibiłi.»— Beltrame[1]
El Congreso de Verona (conosesto anca come Congreso dei Grandi) el se ga fato dal 9 al 14 de otobre 1822.
El Convegno el xe sta convocado da ła Santa Ałeansa (organizassion creada a Parigi el 26 de setenbre 1815 da Prusia, Russia e Austria, e ała qual a gaveva aderio anca Fransa, Piemonte, Paesi Basi e Svezia) al qualł a ga partesipà i governanti de quaxi tuti i Stati d'Eoropa.
Tra i partesipanti a ghe gera ł'Inperador d'Austria, ło Zar de Russia, i re de Prussia, de Napułi, de Sardegna, Parma, Toscana, Modena, i rapresentanti de ła Fransa, el duca de Wellington rapresentante ł'Inghiltera, el prinsipe de Metternich e monsignor Spina in rapresentansa del papa, e pareci altri rapresentanti.
Al Congreso a xe sta decixo sora i piasè gravi problemi, tra i cuałi, el commercio dei s'ciavi niri, el grave problema de ła pirateria inte ł'oçeano Atlantego, ła situassion itałiana, i problemi causai da ła rivołussion spagnoła e greca.
Una de łe decixion piasè inportanti ciapae da łe grandi potense, a xe sta el mandato dà ała Fransa de Luigi XVIII, a intervegnere par reprimare el goerno costitussional de Madrid e restaurare el governo asołudo del re Ferdinando VII: ciò che ga dà scuminsio ała sucesiva Spedission de Spagna.
Note
canbia- ↑ G. Solinas. Storia di Verona. Verona, Centro Rinascita, 1981. p.405
Varda anca
canbia
Wikimedia Commons el detien imàjini o altri file so Congreso de Verona
el detien schemi gràfeghi so
