Piasa San Marco

	Piasa San Marco
	Piasa San Marco de nòte
Nome inte ła łéngua orizenałe	(it) Piazza San Marco
Epònemo	Bazéłega de San Marco
Dati
Sorte	Piasa
Costrusion	seculo IX
Caraterìsteghe
Stiłe architetònego	architetura renasimentałe
Mezurasion	82 () × 175 () m ;
Àrea	8 000 483,8999 m²
Pozision
Rejon aministrativa	Venèsia (Itàlia)
Pozision	San Marco
	45°26′02.4″N 12°20′16.8″E
Piantina
	;

Piasa San Marco ^[1]xe la prinsipałe e soła piasa de Venesia (tute staltre struture che ghe someja łe se ciama canpi). Cofà che dixe el nome, ła piaza ła xe dedicada a San Marco, l'evangelista. Xe dal sinboło de San Marco che Venesia ga ciapà el suo, che xe el Leon de San Marco.

Descrision

Cor de la sità lagunare e logo sinbolo del Stato veneto, la xona monumental de Piasa San Marco la se conpone de tri setori:

la piasa propriamente dita, o sia la xona sarà su tra le Procuratie Vece e Nove e quele Novissime, co un svilupo architetonego de rara sugestion sul conplesso monumental de la omonima baxełega e del canpanil de San Marco.
la piaseta o piaseta San Marco, propagine meridionale davanti al Pałaso Dogal e a la Biblioteca Marciana, ponto de entrada monumental a l'area marciana par chi che vien dal mar traverso le do famose Colone de San Marco e San Todaro frontegianti el Basin de San Marco, sul cuale se afacia l'unega riva de Venesia che porta el nome de Molo.
la piazeta dei Leonzini, propagine osidental a rente de la baxełega e prospicente el Pałaso Patriarcal, ciamà cusita par via de le do statue de leoni cucià che delimita l'area sentral sopraelevà.

Storia e evolusion

La forma che ga la piasa deso la xe vegnù fora a seguito de sucesive modifeghe e espansion che le ga interesà l'area. In origine la xona la jera destinà a brolo e traversà dal rio Batario, che tacava insieme i atuali rii de la Zecca e del Cavalletto. El palazo dogal, vero castel munìo de tori e difese el jera zircondà par intiero da un canal e frontegià ne la xona de la piazeta de desso da un bacino par cargar e descargar le merci.

Co xe rivà a Venesia el corpo de San Marco ne l'828, xe sta edificà la prima baxełega de San Marco' e l'area la ga scuminsià a assumar la so carateristica de cor monumentale de la sità.
Inte el 976 l'intiera xona, con la baxełega e el palazo, la xe sta brusà da un furioso incendio, ma zà inte el 978 xe sta costruìa na seconda baxełega e ricostruìo el palazo. La baxełega de desso la risale ai anni 1050-1094, con la terza fondazion de l'edificio.
In sta epoca la piaza la risultava oncora limità dal rio Batario (al delà del quale ghe jera na Ceza dedicà a San Geminiano) e dal bacino de Palazo: a testimonianza del quale ne restà oncora desso, sul lato de la baxełega rivolto verso la piazeta, na vecia porta d'aqua murà, o sia l'entrada rivolta su l'aqua tipica dei edifici venexiani.

Inte el 1156, soto Vitale II Michiel, i ga interà prima el rio Batario e po anca el bacino antistante el Palazo Dogal, dove i ga realizà la Piazeta.
Inte el 1172, soto el dogado de Sebastiano Ziani, la piaza la xe sta slargà oncora de pi par farghe posto a novi edifici monumentali: la Ceza de San Geminiano i la ga spostà al limitare de la nova piaza San Marco e i ga inoltre tirà su le do grande colone frontegianti el molo, come entrada monumental a l'area marciana.
Inte el 1204 la conquista de Costantinopoli con la Quarta Crociata la ga fornìo ai venexiani un mucio de marmi e opere d'arte con cui decorar la baxełega e la piaza. In sta ocasion qua xe rivà i Cavai de San Marco', sistemà a coronamento de la baxełega, e la statua dei Tetrarchi, che desso xe a l'entrada del palazo.
Inte el 1264 i ga infine pavimentà la piaza con quarei messi zo a spina de pésse.

Tra el 1301 e el 1442, co na continua e massicia serie de laori, Palazo Dogal el ga perso progresivamente el so aspetto militare fin a assumar la conformazion de desso.
Tra el 1495 e el 1517 i ga inveze costruìo le Procuratie Vece e la Tore de l'Orologio, mentre contenporaneamente se procedea al sgónbaro de tuti i broli e i magazini oncora presenti ne l'area de la piaza. Tra el 1536 e el 1540 el Sansovino el ga realizà l'edificio de la Libreria e la Logeta ai pié del canpanil. Tra el 1582 e el 1640 xe sta la olta de le Procuratie Nove.

Inte el 1722 i ga sistemà le do statue de la Piaseta dei Leonzini. Del 1723 xe inveze la pavimentazion de desso in trachite euganea a fasce laterali in marmo bianco.
Xe infine inte el 1807 che la dominazion napoleonica la ga procedùo a butar zo la Ceza de San Geminiano e a costruir l' Ala Napoleonica (dita anca Palazo Reale o Procuratie Novissime), dàndoghe al conplesso de l'area marciana l'aspeto definitivo.

A le prime ore de la matina de luni 14 de lujo 1902 el canpanil de San Marco, zà tacà da na vistosa crepa, el xe ruinà inprovisamente demolendo la Logeta e un canton de la Libreria e ris-ciando de investir la stessa baxełega (i ruinazi i xe sta fortunosamente fermà da la Piera del Bando posta al canton tra la Ceza e el palazo). In poco tenpo la tore la xe sta ricostruìa e i danni giustà, fasendo anpio ricorso ai materiali originali oncora doparabili.

Utilizo de l'area

Cor, come dito, de la Repùblega de Venèsia, la piasa la ga senpre seguìo la vita e i costumi de la sità. El Palaso Dogal el xera sede del goerno e de le supreme magistradure de la Repùblega, nonché prexon. Tra le do colone de Marco e Todaro i fasea inveze le esecuzion caitali, mentre da la Piera del Bando vegnea anunzià le leggi e i decreti, che dopo i tacava via su la Porta de la Carta. La baxełega la jera inveze el sentro de le cerimonie religiose de Stato grazie a la presenza de le preziose reliquie e de la so funzion de cappella dogal, in un sistema inte el quale el Doxe el jera el cao de la Ceza venexiana e el se riservava el dirito a nominar i vescovi. El potere e la richeza de la Ceza de San Marco i xera tali che la gavea un so vescovo, distinto da quel de la sità e dal patriarca, el Primicerio de la baxełega de San Marco' e che dei magistrati aposta, i Procuradori de San Marco' i 'ministrava con carica vitalizia el patrimonio, risiedendo ne le Procuratie. La Logeta la xera el posto de guardia dei arsenalotti durante le sedute del Maggior Consiglio, mentre l'atuale Palazo Patriarcal el jera sede del salone par i pranzi e le feste del Senato.

La granda piasa la ospitava procesion e tornei, fiere e marcà, ne la corte del palazo se tegnea le cacce ai tori. Inte el Setezento xe conparso el carneval e i cafè, po dopo la caduta de la Republica xe rivà la sede patriarcale e el Palaso Reale, prima de Napoleon, dopo dei Asburgo e infine dei Re d'Italia. Infine la musealixasion co l'apertura del Muzeo Correr.