Rubus idaeus
El franbołaro o franbołer (Rubus idaeus L., 1753) el ze on àrboro da fruto apartegnente a ła fameja de łe Rosaceae e al zènaro Rubus. El so fruto, łe frànbołe (ła frànboła o el frànboło), el ze de cołor roso e on saor dolse-asidin el ze racuanto de bon gusto inte i dòpari ałimentari.
  | |
| Dati | |
|---|---|
| Fonte de | Franbołer, foglia di lampone rosso (it)  , raspberry seed oil (en) e raspberry juice (en) |
| Piante | |
| Tipo de fruta | polydrupe (en) |
| Tasonomia | |
| Superregno | Eukaryota |
| Regno | Plantae |
| Órdene | Rosales |
| Fameja | Rosaceae |
| Zènare | Rubus |
| Spece | Rubus idaeus L., 1753 |
| Vałori nutrisionałi par 100 g | |
| Enerzia | 47 kcal (196 kJ) |
|---|---|
| Proteine | 1.20 g |
| Carboidrai | 11.94 g |
| • Fibre | 6.5 g |
| • Sùcari | 4.42 g |
| Grasi | 0.65 g |
| Àcua | 85.75 g |
| Vitamina A | 2 μg |
| Tiamina (Vit. B1) | 0.032 mg |
| Riboflavina (Vit. B2) | 0.038 mg |
| Niasina (Vit. B3) | 0.598 mg |
| Vitamina B6 | 0.055 mg |
| Vitamina E | 0.87 mg |
| Vitamina K | 7.8 μg |
| Càlcio | 25 mg |
| Fero | 0.69 mg |
| Fòsforo | 29 mg |
| Magnèzio | 22 mg |
| Potàsio | 151 mg |
| Sòdio | 1 mg |
| Zinco | 0.4 mg |
Descrision
canbia.jpg)
La fioridura ła ghe ze de norma intrà majo e zugno, e el fruto, el madura inte ła tarda istà o el scumìsio de l'autuno. Ła crese tipegamente inte i spasi verti drento de on bosco o el cołoniza tochi de bosco che i ze stai posto de insendi o de sfrutamento forestałe. El ze fasilmente cultivàbiłe inte łe rejon tenperade e el ga na tendensa a difóndarse rapidamente. El fruto del franbołaro el ze na union de drupe. El ze on arbusto latifoja e caduzefoja e el produze on mùcio de połeoni bazałi. La pianta ła połe rivar a 1,8 metri de altura.
Habitat
canbiaEl crese anca selvàdego in zone de cołina e de montagna del sentro eoropa. El połon el preferise i posti in onbria e tereni sub-àsidi e freschi.
Cultivasion
canbiaIntrà i franbołari ghe ze de łe varietà bìfare, che łe produze fruti do volte a l'ano, e unìfare, che i łi produze na volta a l'ano. El produze połeoni da łe raize, ma ogniuno el vive du ani, el ze de consevensa na pianta bienałe. I połoni i produze fruti al segondo ano in lujo-agosto, dopo i se seca e i ga da èsar tajai. Inte el cazo i fuse bìfari, i produze fruti za inte el primo ano in setenbre-otobre. Ghe ze varietà de fruto cołor roso o zało.
Frànboło
canbiaEl frànboło el ze el come comune che ghe ze stà dato al sorozo (falso fruto etèrio) otegnesto da difarinti varietà del sotozènaro Idaeobatus del zènaro Rubus e includesto inte ła categoria dei fruti de bosco.
El pì difondesto inte ła Eoropa el ze par autonomàzia el frànboło roso, anca dito frànboło eoropeo, otegnesto dal Rubus idaeus.
I frànbołi i se difarénsia da łe more (fruti de łe piante che łe fa parte del isteso zènaro Rubus ma de on difarente sotozènaro) parché, co se va catar un frànboło, el risetàcoło el resta inte ła pianta, dasando na buzeta inte el fruto, difarentemente da łe more andove che invese el risetàcoło el resta picà sol fruto.[1]
Doparamenti
canbiaEl franbołaro el ze na pianta miełìfara e de intarese par łe ave; el ze doparà par recavàrghene el miełe, ma se produze cheło monoflorałe solché in serte zone andove el ze sufisentemente difondesto. Le franbole de solito le vien doparae inte el pareciamento de marmelate, siropi e zelatine. Ze da descantarse e incòrzarse del fato che ła majorparte de łe cultivar de frànboło comersałe no i ze costituii da Rubus idaeus s-ceti, bensì da ìbridi intrà rubus idaeus e rubus strigosus[2].
I prinsipi ativi contegnesti inte ła pianta i ze tanini, ła vitamina C, el flavon e àsidi orgàneghi. Cofà erba medizenałe le frànbołe łe połe vegner doparae cofà diurètego e cołagogo. El tè de foje el ze ùtiłe contra la schita. L'estraesto de le foje e dei ochi (buti) el ze consejà inte i ùltemi mezi de graviansa par tonifegar i mùscołi de l'ùtero e mejorar łe contrasion.
I principi ativi de la pianta i xe i tanini, la vitamina C, ell flavon e difarenti asidi organichi.
Le franbole fruti anti-cancaro
canbiaLe franbole, cusita cofà łe jasene, rose e more, łe fraghe e łe more, łe ga drento àsido àstego e difarenti polifenołi che i stìmoła l'eliminasion dei asenti canseròzeni , i bloca ła neoanzozèneze e i favorise l'apoptozi (autodistrusion) de łe sèłułe tumorałi, jutando el sistema imunitàrio de l'organismo inte ła bataja contro el càncaro e i vien consejai inte łe diete anti-càncaro.
Produsion
canbia| Mejo produtori de franbołi (2012)[3] (in tonełae) | |
|---|---|
 Rùsia |
133 000 |
 Połònia |
127 055 |
 Stati Unii de l'Amèrica |
100 775 |
 Sèrbia |
96 078 |
 Ucràina |
30 300 |
 Mèsego |
17 009 |
.svg){kind=small} Regno Unìo |
15 100 |
 Spagna |
13 100 |
 Azerbaijan |
11 600 |
 Cànada |
10 870 |
| Mondo | 597 917 |
Gałaria fotogràfega
canbia-
Detajo dei fruti -
Detajo de foje -
Detajo de fiuri -
Detajo del fruto -
.jpg)
Bibliografia
canbia- Seeram N., Adams L., Zhang Y. et al. "Blackberry, black raspberry, blueberry, cranberry, red raspberry and strawberry extracts inhibit growth and stimulate apoptosis of human cancer in vitro" in Journal of Agriculture and Food Chemistry (2006),54,pp 9329–39
- Servan-Schreiber D. "Anti cancro" edizioni Sperling & Kupfer, p 159
Notasion
canbia- ↑ (EN) Mark Rieger, Blackberries and Raspberries (Rubus spp.)uga.edu. entrada il 21 agosto 2019 (archivià dal URL orizenałe il 29 maggio 2010).
- ↑ Huxley, A., New RHS Dictionary of Gardening, Macmillan, 1992, ISBN 0-333-47494-5..
- ↑ (EN) Food and Agriculture Organization of The United Nations, FAOstatfaostat.fao.org. entrada il 7 de majo 2013.
Altri projeti
canbia
Wikimedia Commons el detien imàjini o altri file so Franbołer
Wikispecies el detien informasion so Franbołer
el detien schemi gràfeghi so
Linganbi foresti
canbia- lamponeTreccani.it – Enciclopedie on line, Istituto de ła Ençiclopedia Italiana.
- (EN) raspberryEnçiclopedia Britannica, Encyclopædia Britannica, Inc.
