I Scorpions i xe un grupo muxicałe heavy metal de gran suceso, fondà inte el 1965 inte ła sità de Hannover (a l'epoca Xermania Ovest) dal chiarista Rudolf Schenker.

Scorpions
Photo 31469201-2.jpg
Scorpions - 01.jpg
In atività dal1965 - in atività
Xènaro muxicałeHeavy metal, Pop metal, Hair metal
Eticheta discografegaBrain Records
Rhino Entertainment
RCA
Polydor Records
EMI
Mercury Records
PolyGram
BMG
Discografia
Albun56
Stùdio18
En vivo7
Racolte31
Sito webhttp://www.the-scorpions.com/english
IMDB: nm1070263
Facebook place: Scorpions Twitter: scorpions Instagram: scorpions MySpace: officialscorpions Youtube: UCcvnDgwSH5Dl2b3Bxfz4OCQ Spotify: 27T030eWyCQRmDyuvr1kxY Musicbrainz: c3cceeed-3332-4cf0-8c4c-bbde425147b6 Songkick: 295329 Discogs: 63552 Allmusic: mn0000299471

Influensai łargamente da l'atmosfera dei ani sesanta, i Scorpions xe deventà famoxi inte i ani otanta co i brani Still Loving You, Rock You Like a Hurricane, No One Like You e Wind of Change, che ga raprexentà un inportante ponto de refarimento par i sucesivi grupi de sto xenere muxicałe. Dopo çirca un desenio de declino el grupo ga tacà da novo a produxer album de granda cuałità cofà Unbreakable (2004), Humanity - Hour 1 publegà in tuto el mondo inte el 2007 e Sting in the Tail, publegà inte el 2010.

Tra i masimi esponenti storeghi del heavy metal, el grupo ga vendesto in pì de sincuant'ani de atività pì de 100 miłion de dischi inte el mondo[1] ed ła xe considerada come una de łe maxori reałtà muxicałi inte ła storia muxicałe todesca, europea e mondiałe par i xeneri hard rock ed heavy metal.

BiografiaCànbia

I exordi (1965 - 1973)Cànbia

 
Michael Schenker, so fradeło del fondador Rudolf

Rudolf Schenker, chitarista ritmico e maxor conpoxidor del grupo, el ga fondà el so primo grupo muxicałe inte el 1965. Sto grupo el xe restà anonemà par sìrca cuatro ani fin a cuando inte el 1969 Schenker, dopo aver renomenà definitivamente el grupo Scorpions, ga ingagià so fradeło minor Michael Schenker e el cantante Klaus Meine e ga tacà parfesionar i so canoni muxicałi. inte el 1972 el grupo, ormai pronto par l'exordio ofisiałe inte łe sene muxicałi, ga publegà el so album de debuto, intitołà Lonesome Crow, co Lothar Heimberg al baso e Wolfgang Dziony a ła bateria. Durante el Lonesome Crow tour, i Scorpions ga sonà numaroxe tape al fianco del grupo britanega UFO. Sto grupo ga ofrìo un inportante ingagio come chitarista prinsipałe a Michael Schenker che ga desidesto perciò de łasar el grupo vegnendo sostituìo tenporaneamente da Ulrich Roth.

Ła partensa de Schenker ga faxesto sì che i Scorpions se desfase. inte el 1973 Ulrich Roth ga otegnesto na proposta da Rudolf de rifondar el grupo ma'l chitarista ga preferìo restar fedełe al so grupo, denomenà Dawn Road. Roth, che parò vołeva łaorar co Schenker, ga invità el muxicista a unìrse al so grupo. Co un poco de exitasion, Rudolf ga asetà e conpletà ła formasion del grupo afiacandose al basista Francis Buchholz e al baterista Jürgen Rosenthal. Dopo poche settimane il cantante Klaus Meine fu inserito nella band e la formazione decise di rinominarsi nuovamente Scorpions, essendo ormai un nome celebre inte ła underground hard rock todesco grasie a ła presedente publicasion.

I primi album (1974 - 1978)Cànbia

inte el 1974 ła nova formasion dei Scorpions el ga publegà Fly to the Rainbow, album che ga otegnesto maxor suceso respeto a Lonesome Crow grasie anca a çełebri trase come "Speedy's Coming" e "Fly to the Rainbow". Poco dopo l'usìda del disco, Jurgen Rosenthal ga łasà el grupo par arołarse inte l'armàda e el xe stà sostituìo dal baterista belga Rudy Lenners.

Dopo un tour el grupo xe tornà in studio de registrasion afiancada dal çełebre produtor Dieter Dierks e inte el 1975 el ga publegà un novo album, intitołà In Trance. El disco el ga prexentà un son rinovà conpletamente e i Scorpions ga podesto fermamente stabiłixar el so sound hard rock, vadagnando senpre de pì l'aporto dei fans. Trase cofà "Dark Lady", "Robot Man" e "In Trance" xe restàe çełebri inte ła storai del grupo.

Inte el 1976 i Scorpions ga publegà un novo album, intitołà Virgin Killer, che ga faxesto vadagnar al grupo el so primo disco d'oro el cuało ga risevsto pexanti criteghe a cauxa de ła so coertina, ła cuałe mostrava na toxa preadołesente nùa patòca. Nonostante łe controversie, l'album ga vendesto un bon nùmaro de copie e ga otegnesto òteme parołe da parte dei critisi. Inte el 1977 Rudy Lenners ga łasà el grupo a cauxa de problemi de sałute e el xe stà sostituìo da Herman Rarebell.

El seguito de 'Virgin Killer, intitołà Taken by Force, xe stà el primo album dei Scorpions ad èsar publegà inte i Stati Unii da ła RCA Records, l'eticheta internasionałe del grupo. El sìngoło "Steamrock Fever" ga otegnùo un òtemo suceso radio e ga permetesto al'album de véndar na bona cuantità de copie. Roth non zera parò contento del łaor de l'eticheta discogràfega e, in dexacordo co i altri menbri, ga desidesto de łasar el grupo durante el tour japonexo par unìrse al so novo grupo, i Electric Sun. Dal concerto oltreoseano xe stà comuncue reałixà un albm in vivo (live) intitołà Tokyo Tapes che xe stà publegà in tuto el mondo. Inte el 1978, dopo na łonga serie de audision, Matthias Jabs xe deventà el novo chitarista dei Scorpions.

In sima al suceso (1979 - 1990)Cànbia

 
Rudolf Schenker, ła cołonna portante del grupo.

Inte el 1979 i Scorpions ga łasà ła RCA par firmar un contrato co ła Mercury Records. Inaxonta Michael Schenker, che el jera stà calche setemana prima parà via dai UFO a cauxa de ła so bała, el xe tornà inte el grupo par un breve periodo e el ga partesipà a łe rejistrasion de un novo album. El disco, usìo l'isteso ano co titoło Lovedrive, xe considerà uno dei mejo prodoti del grupo. L'album, che gavarìa dovesto èsar (in te i obietivi del grupo) el pì grando suceso Hard Rock mai reałixà in caxa Scorpions, ga çentrà in pien l'obietivo, e resta (dopo aver riçevesto el premio par el mejo disco de l'ano, davanti ad adiritura Highway to Hell degli AC/DC) tutora uno dei mejo album de senpre del cuinteto teutonego. Grasie a trase imortałi come "Loving You Sunday Morning", "Holiday" e ła strumentale "Coast to Coast". L'album fu provocatoriamente votato "Best album sleeve of 1979" dalla rivista Playboy grasie a ła so provocante coertina, inte ła cuała un omo oserva el seno nuo de na dona coverto solchè da na sòrta de goma da mastegàr che se va a cołegar diretamente a ła so man. Lovedrive xe montà a ła poxision n. 55 de łe clasifeghe mericane e el ga vendesto un gran nùmaro de copie in tuto el mondo.

Finìe łe registrasion Michael xe stà convinto a restar inte el grupo e Matthias Jabs xe stà łiçensià. Dopo poche setemane de tour, Michael xe stà łiçensià da novo a cauxa del so alcołismo e Jabs xe tornà inte el grupo. Inte el 1980 el grupo ga publegà l'album Animal Magnetism, oncora co na cover provocante inte ła cuała na dona xe rafegurada in xenòcio de fronte al peto de un omo. El disco raprexenta ła virada verso el pop metal, anca se xa inte i ani setanta alcune canson ricalcava sto xenere. Nonostante òtime trase come "The Zoo" e "Make It Real", l'album no stà xe stà ben acoliesto da ła critica. Poco dopo sta usida, Meine ga dovesto abandonar momentaneamente a cauxa de problemi a łe corde vocałi.

 
I Scorpions.
 
I Scorpions in Concerto e el rełativo łogo sol sfondo.

El suceso de BlackoutCànbia

Inte el 1981 Meine ga perdesto ła voxe cusì gravemente che ghe xe stà anuncià che no'l gavarìa podesto più parlar coretamente. Durante ła convałesensa di Meine, el grupo band ga tacà łaorar a un novo album col contributo del cantante Don Dokken, ma ła riprexa de Meine xe stada straordenaria e, rientrà inte el grupo, ga conpletà łe registrasion de Blackout co ła voxe in perfeto órdene. Inte el disco Don Dokken ga cołaborà notevolmente a łe parti corałi par parmeter a Meine di no sforsarse masa e de conpletar cuindi łe so cure.

Blackout xe devegnesto uno dei best selling del grupo; el se ga poxisionà undexexemo in Inghiltera, primo in Xermania, inte i Stati Unii, in Fransa, in Japon, Austria, Svesia e Svizera. L'è devegnesto Disco de Platino grasie a łe canson come Dynamite, Can't Live Without You, When the Smoke Is Going Down, Arizona, Blackout e No One Like You.; xera stà prexentà durante el so segondo tour inte i Stati Unii d'America (suportai par l'ocaxion dai xovani Iron Maiden).

Inte el Blackout World Tour i Scorpions uxarà par ła prima e únega volta na mascotte inte i so concerti: xera ła cover de ła covertina de Blackout. Da Blackout fin pì tardi, inte i so concerti i Scorpions ga creà "ła piramida": tuti i conponenti formava na piramida umana, altre volte ła piramide ła xera formà noma che da Rudolf Schenker (senpre a ła sanca), Matthias Jabs (senpre a ła drèta) e Klaus Meine che el stava senpre so łe ganbe dei conpagni.

El 29 de majo 1983 el grupo l'a parteçipà al US Festival che se ga tegnesto al Glen Helen park a San Bernadino, Całifornia, in cuałità de co-headliners co i Van Halen davanti a ben 300.000 persone. In so conpagnia ga sonà anca altri famoxi grupi tra i cuałi: Judas Priest, Ozzy Osbourne, U2, The Clash e altri.

Ła sima: Love at First StingCànbia

Inte el 1984 el novo album, intitołà Love at First Sting, uno dei album pì vendesti de ła storia del rock, ga catapultà i Scorpions inte l'enpireo del Rock e łi ga trasformà in star internasionałi.

El disco ga scałà łe clasifeghe e xe deventà dopio platino ma xera stà da novo criticà a cauxa de ła so covertina che mostrava un omo baxar na dona faxéndoghe al steso tenpo un tatuajo so łe łache.

Tanti negosi ga refudà de vendar sto disco, e el fato xe deventà na gag del film satirico This Is Spinal Tap. MTV ga fato anca a łongo xirar i video de Rock You Like a Hurricane, Bad Boys Running Wild, Big City Nights e Still Loving You, contribuindo de fato al suceso del disco.

Inte el 1985 i Scorpions ga rejistrà el live album World Wide Live, che xe xonxesto a ła poxision n. 17 de łe clasifeghe mericane. Senpre inte el 1985 i Scorpions ga sonà al famoxo Rock in Rio tegnùo a Rio de Janeiro in conpagnia de altri storeghi grupi cuałi AC/DC, Iron Maiden, Queen, Whitesnake, Yes e Ozzy Osbourne.

Inte el 1986 i se ga exibio al Monsters of Rock, par ła prima volta in un paexe oltra ła cusìdita cortina de fèro, in un periodo inte el cuało i do blochi orientałe e ocidentałe xera oncora contraponesti da ła guera freda.

Savage Amusement e Crazy WorldCànbia

 
I Scorpions al Gods of Metal el 2 de xugno 2007

Inte el 1988 el grupo ga rejistrà un novo album, intitołà Savage Amusement. L'album se ga piasà al nùmaro tre de łe clasifeghe anuałi statunitensi e al primo in cuełe Europee, e'l xe stà seguìo da enexemo tour mondiałe. El disco anca se'l prexentava un sound a trati pì visin a łe sonorità pop che se polo aconparar al stiłe dei Def Leppard, se ga rivełà un bon suceso e'l ga vendesto ben.

Durante el Savage Amusement touri Scorpions xera stai tra i primi grupi de l'ovest a sonar inte l' Union Sovietega co un concerto a San Pietroburgo. Inte el 1988 i Scorpions xe andai al Monster of Rock par ła segonda volta fasendo da headliner insieme ai Van Halen.

L'ano drìo ła band xe tornà da novo in Rusia par na aparision al Moscow Music Peace Festival e, come rexultado, ga otegnesto na otima popołarità in sta area: jera l'agosto 1989 e in conpagnia de altri grupi oçidentałi, cuałi Bon Jovi, Mötley Crüe, Skid Row, Cinderella e Ozzy Osbourne, se ga exibìo davnati a 260 miłe rock fan rusi, al Moscow's Lenin Stadium. Durante sta serie de exibision Meine sostegnerà de aver vedesto i soldai de l'Armada Rosa piànxer a łe note de Holiday e cuesto ghe chiede l'ispirasion che ło portarà a scrivar drìoman ła famoxa hit Wind of Change. Par seràr el contrato co ła caxa discografega EMI, i Scorpions i publega inte el 1989 un album antołoxego intitołà Best of Rockers 'n' Ballads in cui spica el brano inedito Can't Explain (cover dei The Who) e alcune version remixae dei so sucesi. L'album otien un inaspetà suceso vinçendo el disco d'oro (el sètemo de ła band) inte i States e ceusto parmete ai Scorpions de parteçipar al megaconcerto organixà da Roger Waters inte el 1990 e ciamà aponto "The Wall" par çełebrar ła caxùa del muro de Berlin cantando ła canson "In the Flesh". El grupo ga un ròło inportante tra i artisti ospiti, faxendo e conpagnando cuatro canson.

Vołendose definitivamente destacar dal son produxesto inte l'ùltemo album, i Scorpions ga łiçensià Dieter Dierks e i ga asumesto come nuovo manager Keith Olsen. Tornai in studio, drìo el trionfante tour europeo el grupo ga inçidesto Crazy World, disco che, grasie a un novo sound e a testi più parteçipi a ła travajada sena połitega del periodo, xe devegenesto un suceso de vendite: co ła soła Wind of Change, che xe stà publegà come sìngoło, el grupo xe riusìo a incasar na mostruoxa soma de danaro, sìrca 7 milion de dołari.

Ła bałàdaWind of Change xe stà ła canson hit del 1991 in tuto el mondo, ocupando ła poxision nùmaro 1 de łe hit parade de 11 nasion e riçevendo el World Music Award come mejo canson che un grupo todesco gabia mai fato.

I ani novantaCànbia

 
I Scorpions in concerto a Ankkarock in Finlandia el 3 de agosto 2003

Inte el 1992 Francis Buchholz xe stà łicensià dal grupo a cauxa dei so grosi problemi col fisco todesco e'l xe stà sostituio da Ralph Rieckermann. El basista el conparise tutavi os ła covertina de l'album antołozego Still Loving You usio sol marcà in istà e contegnente na cołesion de ballads più l'inedito Living for Tomorrow.

Inte el 1993 i Scorpions i ga publegà Face the Heat col novo produtor Bruce Fairbairn. El sound del disco se ga rivełà pì metałego e ga fato sì che molti fans, insodisfai, sbandonase el grupo. Nonostante sto fato i sìngołi Alien Nation e Under the Same Sun ga otegnuo un bon suceso, che no se pol aconparar parò a cueło razonzesot dal presedente Wind of Change.

 
Klaus Meine

In un'intervista so Face the Heat, Klaus Meine ga dizesto :

Klaus Meine
Go conponesto sta canson (Under the Same Sun) insenbre a Mark Hudson, un conpozidor statunitense; Bruce Fairbairn me ga dito «Klaus parcosa no ti conponi na canson insenbre a calchedun altro, par védar cosa che nase». Cusì A me so catà co Mark Hudson che el gaveva conponesto un paro de canson sol nostro ùltemo album. Łu el ze un gran pasionà dei Beatles come mi, co sta otega semo andai so un restorante itałian cantando canson dei Beatles, una drio chealtra. El paron del restorante ne ga dito «...A gavì da tornar doman de sera e cantar par nualtri, ve dazeremo da magnar a maca». El dì drio Mark el ze vegnuo catarme co na chitara da 30 dołari e el me ga fato sentir ła canson Under the Same Sun; gavevo ła me Video-camara e ghe go dito «Speta Mark che faso un video». Ła stesa sera semo andai in studio a Vancouver e ghemo sonà ła canson; cueło che se sente sol disco xe ła sesion orixinałe.

Inte el 1994 i Scorpions ga vinsesto par ła segonda volta el World Music Award, suceso anplifegà da un concerto in tributo a Elvis Presley, insenbre a Michael Jackson, tegnuo a Memphis. Inte el 1995 xe stà publegà un novo live album, Live Bites, el cuało ga documentà łe exibision dal Savage Amusement Tour del 1988 al Face the Heat Tour del 1994. Xe prexenti anca do brani inediti in version studio: White Dove e Heroes Don't Cry.

Prima de l'usida del tredezezemo disco da studio, Pure Instinct del 1996, el baterista Herman Rarebell ga łasà el grupo par fondar na caza discografega. Curt Cress ga sonà so l'album prima che James Kottak devengnese el sostituto permanente. Pure Instinct ga prezentà na notevołe cuantità de bałate e i sìngołi Wild Child e You and I ga otegnesto un suceso moderà.

Inte el 1999 xe stà publegà Eye II Eye che ga prexentà un canbio stiłistego del grupo, el cuałe ga utiłizà ełementi mixai de derivasion pop e techno.

El disco xe stà mal acoliesto dai fan e'l video del sìngoło To Be No. 1, ispirà a ła storia de Monica Lewinsky, xe restà sìnboło da l'insuceso de sto album. So ła cover de Eye to Eye jera prezenti solchè i menbri storeghi, o sia Jabs, Meine e Schenker.

Co ła cołaborasion de ła Berlin Philharmonic, el grupo ga publegà un novo album, Moment of Glory, che ga fato riaforir łe critiche so ła band, acuzà de aver imità l'idea de ła thrash metal band Metallica prezentada inte l'album live S&M, conponesto co ła cołaborasion de ła San Francisco Symphony.

I Scorpions se ga defendesto sostegnendo che sto projeto jera za nasesto inte el 1995 ma no i gaveva mai catà modo de reałizarse, ma comuncue el disco se ga rivełà scarso in cuałità e'l ga venduo poche copie.

Inte el 2001 i Scorpions ga publegà Acoustica, album live co revizitasion in ciave acustega dei so brani pì sełebri. Gnanca sto album, scarsamente prezià dai fan, xe riusìo a resołevar łe sorte del grupo[2][3][4][5][6].

Unbreakable (2004-2006)Cànbia

Inte el 2004 i Scorpions i ga desidesto de tornar al son dei veci tenpi e i ga publegà Unbreakable, disco che ga prezentà un son pì pezante e ben zestìo da trase come New Generation, Love 'em Or Leave 'em e Deep and Dark, che ga vendesto pì dei presedenti. L'album (che vede l'entrada in sena del novo basista Pavel Maciwoda) ga portà a un tour mondiałe intra el 2005 e el 2006 (fato in conpagnia dei Judas Priest): de sto tour spica ła data del concerto al Wacken Open Air Festival de l'edision 2006, concerto che se tien anualmente a Wacken, visin a Anburgo in Zermania. Intitołà A Night To Remember el concerto ga durà scuazi 3 ore co un totałe de 62.000 fans. Cheła sera al de fora de ła line-up corente de ła band (Rudolf Schenker, Klaus Meine, Matthias Jabs, James Kottak, Paweł Mąciwoda) jera prezenti anca Uli Jon Roth (chitarista del grupo intra el 1973 e el 1978), Michael Schenker (anca łu chitarista, inte el grupo intra el 1969 e el 1972 e 1979, fradèło minro de Rudolf Schenker), Herman Rarebell (baterista dal 1977 al 1995). Come ospite ghe xe stà anca Tyson Schenker, so fio de Michael e chitarista de otimo łiveło che ga sonà el famozo Bolero di Ravel. Sto concerto xe stà filmà. El DVD el xe stà meso in comersio ofisialmente el 10 de disenbre in tuto el mondo. L'altro grando momento de sto tour ga avùo łogo durante l'istà del 2006 (8 de łujo), co i Scorpions ga dazesto un gran concerto in Canada, a Québec par el Quebec City Summer Festival, davanti a pì de 80.000 persone. Senpre int'el 2006 i Scorpions ga publegà el DVD 1 Night in Vienna che ga prezentà 14 trase live e un documentario conpleto so'l grupo.

Humanity - Hour 1 e Sting in the Tail (2007-2010)Cànbia

El 25 de majo 2007 xe vegnùo fora in tuto el mondo un novo album del grupo, intitołà Humanity - Hour 1, el 21º dei Scorpions, che ga prezentà sonorità inedite par el grupo e pì visine al nu metal. El 2 de zugno 2007 i Scorpions se ga ezibìi, dopo 8 ani e asensa, in Itałia par sonar al festival Gods of Metal a l'idroscało de Miłan.

Ghe sarà Humanity Hour II?, parołe del cantante Klaus Meine: Cuesto xe ciò che tuti se xe drio domandar. Podarìa èsar, chi ło sa?, deso nialtri ghemo tacà el novo tour, el beło xe che łe canson vècie sta ben co cuełe nove. Ghe xe tanti fans łà fora, tra staltri ghe xe cuełi de vècia data e anca tozi zovani. Fin deso A ghemo sonà a Łondra e a Parize e łì ghe jera un mucio de zovani, el beło xe che cantemo canson che xe stae scriveste prima che i nasese, e cuesto xe tanto beło. Xe tanto beło védar ła zente che gode sentindo sta nova mùzega., [[#CITEREFCuesto xe ciò che tuti se xe drio domandar. Podarìa èsar, chi ło sa?, deso nialtri ghemo tacà el novo tour, el beło xe che łe canson vècie sta ben co cuełe nove. Ghe xe tanti fans łà fora, tra staltri ghe xe cuełi de vècia data e anca tozi zovani. Fin deso A ghemo sonà a Łondra e a Parize e łì ghe jera un mucio de zovani, el beło xe che cantemo canson che xe stae scriveste prima che i nasese, e cuesto xe tanto beło. Xe tanto beło védar ła zente che gode sentindo sta nova mùzega.|op. cit.]], Klaus Meine

Inte'l zenaro 2010 vien reportada dal sito de ła band ła notisia che al termano de ła łonga tournée Get Your Sting and Blackout World Tour che seguirà el novo album Sting in the Tail el grupo se desfarà definitivamente, serando drio suazi 50 ani ła so storia[7].

"Sting in the Tail" xe stà publegà el 17 de marso 2010 (14 marso in Gresa), e'l raprezenta l'ùltemo album in studio dei Scorpions. El prezenta un son desconpagno dai suoi direti predesesori, in cuanto el se avisina tanto ai soni Hard rock/Hard n'Heavy dei ani otanta, co un son fresco e neto e donca moderno, na sorta de "regało de adio" ai fans, in partegołar a cuełi de łonga data.

El 27 de marso 2010 i se ga ezibìi inte'l programa "Wetten Dass..?" insenbre al sopran finlandezo Tarja Turunen inte'l primo sìngoło del novo album: "The Good Die Young"!

NotasionCànbia

  1. (EN) Scorpions Forsee Fantastic Future Following Farewell. billboard.com, 1º febbraio 2010. Lingambo vardà el 1º febbraio 2010.
  2. Recension di Acoustica su Truemetal.it
  3. Rudolf Schenker su Dinosaur Rock Guitar. Lingambo vardà el 20 ottobre 2019(archivià dal lingambo del prinsipio n'te ła data: 2 ottobre 2008)
  4. Schenker brother Rudy e Michael
  5. Gli Scorpions su All Music Guide
  6. The 100 greatest artist of Hard Rock
  7. Scorpions: "Disco, tour e poi ci sciogliamo"
Controło de autoritàVIAF (EN153545381 · ISNI (EN0000 0001 1091 6387 · LCCN (ENn92004348 · GND (DE5168096-8 · BNF (FRcb139064042 (data) · WorldCat Identities (ENn92-004348
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Scorpions&oldid=1035902"