Teatro Fiłarmonego
El Teatro Fiłarmonego ze el prinsipałe teatro de l'opera de Verona. Ze de proprietà de l'Academia Fiłarmonega de Verona fin dała so fondasion e ze utilizà dała Fondasion Arena de Verona come sede deła stazon invernal.
 Teatro Fiłarmonego | ||
| ||
| Dati | ||
|---|---|---|
| Sorte | Teatro de òpara  | |
| Architeto | Francesco Galli da Bibbiena (it)  | |
| Vertura | 1732 | |
| Istòrego | ||
| 1749 | inséndio | |
| 1945 | inséndio | |
| Pozision | ||
| Rejon aministrativa | Verona (Itàlia) | |
| ||
| Atività | ||
| Capasità màsema | 1 200 | |
| Ligo web | accademiafilarmonica.org | |
|
| ||
(VEC)come nesun l'eguałia neła nobiltà dełi annesi»
«Un teatro che el vien credùo pochi aver che il paregino, par cuanto speta ała perfesion deła strutura;— Scipione Maffei
Istòria
canbiaVerona gavèa bisogno da l'inisio del setecento de on novo e stabiłe teatro lirico, e fu così decizo de costruirne ono a l'altesa de la cità, su inisiativa del marchese Scipione Maffei che prezentò a el senato veneto ła richiesta de l'edificasion del novo teatro. Se scelse ła strutura a l'itałiana, co na vasta platea e palchi sovraposti. Par la progetasion fu convocà l'architeto teatral piassè famozo a l'epoca: Francesco Galli da Bibbiena. I laori inisiaron intè'l 1716 e duraron cuatro ani. Da tuta Eoropa arivaron incizori e pitori par riprodurlo, parchè a l'epoca zera tra i piassè moderni e inovativi. Fu inaugurà ła sera del 6 de zenaro 1732, co el drama pastoral Ła Fida Ninfa de Antonio Vivaldi, so libreto de Scipione Maffei.
Ła stazon operistica divene celeberima e łe rapresentasioni i portava afar d'oro, pur non esendo Verona cavedal de no stato o sede de na corte o de on principe. Tutavia el 21 de zenaro 1749 se propagò n'incendio nel teatro. Ricostruìo co alcuni canbiamenti, ze stà inaugurà par la seconda olta intè'l 1754 co l'opera Lucio Vero de Davide Perez. L'opera parò ebe no scarso suceso. Intè'l corso del XIX secoło se ebero intè'l teatro na longa serie de festegiamenti, come ła Cantata Il Vero Omaggio de Gioachino Rossi, raprezentà co el secondo ato de l'opera Tebaldo e Isolina de Francesco Morlacchi in na serata de gala organizà ała presensa de l'imperador Francesco II e dełi altri regnanti eoropei prezenti in cità dopo el Congresso de l'autuno del 1822. El teatro ospitò anca molti cantanti internasionali, e nel so repertorio comparivan łe opere itałiane o straniere piassè inportanti e famoze.
Intè'l 23 de febraro 1945 el teatro crolò dopo el bonbardamento anglo-americano. L'academia fiłarmonega anunciò che el teatro serèa stà ricostruìo ezatamente come prima del bonbardamento. I laori duraron molto tenpo e el tearo fu inaugurà de novo nel 1975 co l'opera Falstaff, ossia Le tre Burle de Antonio Salieri. Anca ora el teatro ospita neła stazon invernal opere, baleti e concerti. Intè'l 1978 ve fu n'inportante prima esecusion in età moderna de l'Orlando Furioso de Antonio Vivaldi, co Marilyn Horne intè'l ruoło de Orlando, ła regia de Pier Luigi Pizzi e la diresion de Claudio Scimone. L'opera ze stà rezistrà par la prima olta, soto ła bacheta de Scimone, l'ano prima, e l'alestimento de Pizzi sarea stà poi esportà in tuto el mondo (Nancy, Parize, San Francisco) e anca videorezistrà.
Da el 1991 l'Academia Fiłarmonega de Verona organiza el Setenbre de l'Academia: na rasegna sinfonica tenuta nel meze de setenbre. Durante łi ani '90 el teatro ga operà n'inportante ripresa de alcune opere dimenticate del baroco (come Teresa e Claudio de Farinelli, Axur de Salieri, Tamerlano de Vivaldi). Nel 2008 ga ospità ła prima itałiana de Nixon in China, mentre intè ła stazon sucesiva se apre co na prima asoluta: Il Maestro di Go de Alessandro Melchiorre. Intè'l 2009 se tien la prima rapresentasion in epoca moderna de Il mondo alla rovescia de Antonio Salieri. Dal 2010 in poi se decise de utilizar el 13 de dicenbre (giorno de Santa Łusia) come data de inaugurasion dełe stagioni. El 10 de otobre 2013 vene eseguìo, in prima esecusion asoluta, par celebrar anca l'entrata de ła Croasia intè l'Union Eoropea, Poem of Dawn de Boris Pigovat co Anna Serova ała viola e Nicola Guerini ała diresion deła Zagreb - HRT Symphony Orchestra, Intè l'anbito del Setenbre de l'Academia.
Descrision
canbiaL'architetura orizenałe del teatro ze andà persa dopo łe distrusioni del teatro del 1749 e del 1945, ma co l'ultema ristruturasion son stà recuperà łi ełementi principałi de Bibbiena. Soło la Sała Maffeiana non fu danezà da l'incendio del 1749 e dal bonbardamento de ła Seconda Guera Mondiałe.
Ła sala
canbia
Ła strutura atual del teatro ze el rizultato de la ristuturasion avenùa dopo ła seconda guera mondiałe. Łe linee atuali son el fruto de la ripreza dei dizegni de Francesco Galli da Bibbiena. El teatro zera conposto in orizene da na sala a l'itałiana a sincue ordeni de palchi decoradi da foje e conchije dorate a oro fino digradanti verso el palco par dar na bona vizuałe a tuti łi spetatori. El palcoscenico gavea na apertura lateral del proscenio cozì da èsar divizo in tri parti (ripetùo dopo intè'l teatro de Imoła). Dopo l'incendio del 1749 se aportaron alcune modifeghe: ła ridusion del proscenio, ła restrision dei bocascena e la zonta dei palchi de proscenio, mentre vene eliminada la digradasion dei palchi.
El teatro atual ze stà inaugurà intè'l 1966 e ze a tre ordeni de palchi (ognuno co na decorasion dorata diversa), na balconata e ona galeria. Ze stà ripreza anca ła sistemasion digradante dei palchi.
El foyer
canbia
El ridoto del Teatro Fiłarmonego ze ciamà anca "sała dełi speci" par le numeroze decorasioni dorate e łi speci che lo decoran. Al foyer se acede da l'entrate laterałi su via Roma e Via dei Mutilati o dała Sała Mafeiana.
Sała Maffeiana
canbiaŁa sała Maffeiana ze l'unica parte intata de l'edificio orizenałe del teatro: ze sopravisùa infati a tuti e do i dizastri che colpiron el Fiłsrmonego.
El 5 de zenaro 1770 ve se tene l'esibision de Wolfgang Amadeus Mozart, che sorpreze tuti łi academici de l'Academia Fiłarmonega al punto che el zoino musicista fu dichiarà Maestro de Capeła onorario.
Tra el 1777 ed el 1779, fu consolidà e abellìa co n'affresco e łe decorasioni del pittore bolognese Filippo Maccari (1725-1800), in cui intè l'Otosento, furon zontà el pavimento de legno e el lampadario.
A l'inisio el nome deła sała zera diverso, venìa infati ciamà "Gran Sala", e zera, co el pronao, parte de on prozeto antecedente pure a cueło de Bibiena. Zera dedicà poi a Scipione Maffei par i soi meriti verso el teatro, ła cultura e l'intera cità de Verona.
Prime asolute
canbia- 1732: La fida ninfa de Antonio Vivaldi
- 1735: L'Adelaide de Antonio Vivaldi
- 1735: Bajazet de Antonio Vivaldi
- 1737: Catone in Utica de Antonio Vivaldi
- 1741: Artaserse de Pietro Chiarini
- 1742: Amor fa l'uomo cieco de Pietro Chiarini
- 1743: Il Ciro riconosciuto de Pietro Chiarini
- 1743: I fratelli riconosciuti de Pietro Chiarini
- 1744: Tigrane de Daniel Dal Barba
- 1744: Meride e Salimunte de Pietro Chiarini
- 1744: Alessandro nelle Indie de Pietro Chiarini
- 1748: Lo starnuto d'Ercole de Daniel Dal Barba
- 1749: Il finto Cameriere de Daniel Dal Barba
- 1750: Ciro in Armenia de Daniel Dal Barba
- 1751: Artaserse de Daniel Dal Barba
- 1754: Lucio Vero de Davide Perez
- 1761: Alessandro nelle Indie de Daniel Dal Barba
- 1775: Isola di Calipso de Giuseppe Gazzaniga
- 1775: La contessina de Niccolò Piccinni
- 1822: Il vero omaggio de Gioacchino Rossini
- 1830: Malek-Adel de Giuseppe Nicolini
- 1901: Le maschere de Pietro Mascagni
- 1997: Il gatto con gli stivali de Marco Tutino
- 2008: Nixon in China de John Adams (prima itałiana)
- 2008: Il Maestro di Go de Alessandro Melchiorre.
Galerìa fotografega
canbia-
Sała Maffeiana -
Teatro Fiłaronego, 1731 -
Esterno del teatro, co l'entrata del muzeo Lapidario -
Proxeto de Bibiena
.jpg)
Lingambi foresti
canbia- Sito ufisałeaccademiafilarmonica.org.
