Verza

Ła verza o anca càvorlo verza, (Brassica oleracea var. sabauda L.,) el ze on cultivar de càvorlo simiłare al càvorlo capuso, ma difarentemente da st'ùltemo el prezenta foje rugae, increspae e co nervadure prominenti.

Verza
Verza
Vałori nutrisionałi par 100 g
Enerzia27 kcal (113 kJ)
Proteine2 g
Carboidrai6.1 g
 • Fibre3.1 g
 • Sùcari2.27 g
Grasi0.1 g
Àcua91 g
Vitamina A50 μg
 • β-caroteno600 μg
Tiamina (Vit. B1)0.07 mg
Riboflavina (Vit. B2)0.03 mg
Niasina (Vit. B3)0.3 mg
Àsido pantotènego (Vit. B5)0.187 mg
Vitamina B60.19 mg
Vitamina E0.17 mg
Vitamina K68.8 μg
Càlcio35 mg
Fero0.4 mg
Fòsforo42 mg
Magnèzio28 mg
Manganezo0.18 mg
Potàsio230 mg
Zinco0.27 mg

CaratarìstegheCànbia

Pianta bienałe co raiza fitonante mia tanto profonda, ła ga on fusto reto, de longhesa raramente sora ai 30 sentimetri. La bała, verda o roso-violàcea, no ła ze tanto conpatada; le foje interiori łe ze bianco-załastre. El njien cultivà in vàrie zone d'Itàlia e el ze on ortajo racuanto conosesto.

 
Partegołar conformasion fojar (parte sora)
 
Partegołar conformasion fojar (parte soto)

DoparasionCànbia

Ła verza ła połe èsar doparada inte na granda varietà de risete. Ła se spoza ben co vin roso, pomi, spèsie, cren e carne.[1] Ła połe èsar doparada par involtini, stufai o supe, cofà el Boršč ucràino,[2] ma anca par rosti e consai co l'ojo de ułiva. El połe èsar doparà in risete conservae cofà el kimchi o i cràuti,[2] e conpagnà da consadure forti e insòłiti cofà el zenevro.[3]

Ła verza de cuałità ła se ga co ła ze pezante, par łe so dimension, e col se prezenta co foje sensa mace e łe ga na siera lumenoza e fresca. L'alta stajon par ła majorparte de łe verze inte el emisfero setentrionałe ła va da novenbre a apriłe.[4]

Ła verza ła ne da: fibre, vitamine A , C , K e B6, àsido fòłego, potàsio, manganeze, tiamina, calcio, fero e magnesio.[2]

La verxa ła połe èsar de difìsiłe cultivasion, parché ła ze vulneràbiłe al bruco, picioni, e małatie de łe raize[4] Ła dal mejo inte el sołe pien,[5] rezistente a l'inverno, bona a sofrir el fredo, el zeło e ła neve.[1][5]

NotasionCànbia

  1. 1,0 1,1 Savoy Cabbage, specialtyproduce.com. entrada il 23 de zenaro del 2017.
  2. 2,0 2,1 2,2 All about Savoy Cabbage, cookingwithamy.blogspot.co.uk, 29 de marso del 2013. entrada il 23 de zenaro del 2017.
  3. Henry Diana, Savoy cabbage with juniper recipe, in The Telegraph, 12 disenbre 2010.
  4. 4,0 4,1 Savoy cabbage In Season, foodandtravel.com. entrada il 23 de zenaro del 2017.
  5. 5,0 5,1 Brassica oleracea Savoy Cabbage, rightplants4me.co.uk. entrada il 23 de zenaro del 2017.

Altri projetiCànbia

Linganbi forestiCànbia

  • verzaTreccani.it – Enciclopedie on line, Istituto de ła Ençiclopedia Italiana.  
  • Cavolonuoveterapie.it (archivià dal URL orizenałe il 3 febbraio 2008).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Verza&oldid=977639"