28 de majo

El 28 de majo el ze el 148° dì dal scumìsio de l'ano drio del całendàrio gregorian e el 149° inte i ani bizesti. Par rivar al cao de l'ano ghe vołe oncora 217 dì.

Avegnimenti

• 585 a.C. – Se ga na ecrise sołare, cofà predito da Tałete, denomenada σκούρο αετός (skoúro aetós), o sia àcuiła oscura, probabilmente parché ła recordava un'acuiła; el fenòmeno, zudegà de cativo augùrio, el avien inte el ndare de na bataja de ła guera intrà Pèrsia e Lidia, ma i do stati, che i se conbatia da sie ani, i zera rivai a na trègua e donca ła se ga svelà de bon augùrio. Sta cuà ła ze una de łe date cardenałi da łe cuałe ze pusibiłe calcołar chełe altre
• 1503
  • El vien firmà el "tratà de ła paze eterna" intrà Scòsia e Inghiltera.
  • Jàcomo IV de Scòsia e Margarita Tudor i se marida da Papa Lisandro VI, in acordo co na boła papałe
• 1533 – El novo Arcivéscovo de Canterbury, Thomas Cranmer, el declara vałido el maridauro de re Enrico VIII d'Inghiltera co Ana Bołena.
• 1588 – L'Armada spagnoła, co 130 nave e 30.000 òmani, ła parte da Lisbona in diresion de ła Mànega (solché el 30 de majo tute łe navi łe garà dasà el porto)
• 1754 – Guera franco-indiana: inte el primo scontro de ła guera, ła miłìsia de ła Virginia, guidada dal tenente cołoneło George Washington, ła dèzema na scuadra de recognision franseza inte ła Pennsylvania sud-osidentałe
• 1774 – Rivołusion americana: se reunise el primo Congreso continentałe
• 1807 – Tersa coałision: l'ezèrsito napołetan, al comando del prinsipe d'Asia Luizi Assia-Philippsthal, el vien sconfizesto dai fransezi del zenerałe Jean Reynier
• 1863 – Guera de secesion amèricana: el 54° Massachusetts, el primo rezimento afroamèrican, el dasa Boston (Masachusets) par conbàtare contro i Confederai
• 1871 – Sopresion del Comune de Parize
• 1892 – A San Francisco, in California, John Muir el organiza el Sierra Club
• 1918 – Nase ła Prima Repùblega de Armènia
• 1926 – In Portogało se ga el Colpo de Stato del 28 de majo del 1926
• 1934 – A Corbeil, intee l'Ontario (Cànada), łe nase łe zemełe Dionne, prime soraviseste inte ła stòria mondiałe a un parto plurizemełare
• 1940 – Seconda guera mondiałe: el Belzo el se rende a ła Zermània
• 1942 – Seconda guera mondiałe: in raprezaja par el sasìnio de Reinhard Heydrich, i nazisti in Cecoslovàchia i copa pì de 1.800 persone
• 1961 – L'articoło "The Forgotten Prisoners" de Peter Benenson, el vien publegà so vari cuotidiani de difuzion internasionałe. Dopo, sto artìcuło el vegnarà vedesto cofà che fondamento de l'organizasion par i deriti umani Amnesty International
• 1964 – Se forma l'Organizasion par ła Libarasion de ła Pałestina (OLP)
• 1971 – Ła vien lansada ła nona sonda dirizesta verso Marte, inte l'ànbito de ła mision rusa Mars 3. La sonda ła rivarà sol pianeta el 3 de disenbre de l'isteso ano
• 1975 – 15 nasion de l'Àfrica osidentałe łe firma el Tratà de Lagos creando cusita ła Comunità econòmega dei Stati de l'Àfrica osidentałe
• 1979 – El Marcà comune eoropeo el aceta ła Gresa cofà Stato menbro
• 1988 – Na sonda robotizada ła cata el rełito de ła USS Monitor arente a Capo Hatteras, inte el Nord Carołina
• 1991 – I rebełi del Fronte Democràtego Rivołusionàrio del Popoło Etìope łe òcupa ła capitałe Addis Abeba
• 1995 – Neftegorsk, inte l'Oblast' de Sachalin, in Rùsia, ła vien colpia da un teramoto de magnitudo 7,6, che ła copa almanco 2.000 persone (do tersi de ła popołasion de ła sità)
• 1998 – El Pakistan el responde a na sèrie de test nucleari de l'India co sincue test soi, spenzendo USA, Japon e altre nasion a inponer sansion econòmeghe
• 1999 – A Miłan, dopo 22 ani de lavori de restruturasion, "L'ùltema sena" de Leonardo da Vinci ła torna a vegner vizitàbiłe dal pùblego
• 2000 – El monte Camarun el eruta
• 2002 – La Rùsia ła vien ametesta inte ła NATO soto targhetta de "cołaboratore par ła paze"
• 2008 – El Nepal el devien ła pì zóvane repùblega del mondo, finindo cusita 240 ani de monarchia.
• 2011 – Malta: dopo de un referendum el vien istituio el divòrsio. Inte l'època, Malta ła zera l'ùgnoło paeze al mondo – co Fiłipine e Sità del Vategan – andove el divòrsio no el zera parmeso.
• 2017 – Tom Dumoulin el vinse el 100º Giro d'Italia.

Feste e recorense

In altri projeti

Altri progetti

• Wikimedia Commons

• Wikimedia Commons el detien imàjini o altri file so 28 de majo
• el detien schemi gràfeghi so