Josip Broz Tito
Josip Broz, «Tito» (in serbocroato ciriłizà: Јосип Броз "Тито"; (Kumrovec, 7 de majo del 1892 - Lubiana, 4 de majo del 1980), pì conosesto col nome de bataja de Tito (Тито), el ze sta el cao pułìtego de ła Repùblega Sociałista Federałe de Jugoslàvia da ła fin de ła seconda guera mondiałe finmente a ła so morte. El zera nasesto a Kumrovec, inte el nord-òvest de ła Croàsia, na zona ciamada anca Zagorje che inte l'època ła fea parte de l'Inpero Austro-Ungàrego. El zera el sètemo de cuìndaze fiołi de Franjo e Marija Broz, de pare croato e de mare slovena.
El ze sta conosesto col nome de Tito, partindo dai ani 1930, un nome comun inte ła so rejon de nasimento. El costumar de ver "nomi da bataja" el zera difondesto intrà i miłitanti de l'iłegałe partio comunista cusita che, inte el cazo i vegnese arestai, no se podese rivar a ła fameja de l'inprezonà. Tito el ze un nome comun in rejon de Zagorje, Croàsia.
Infànsia e zovanesaCànbia
Dopo aver vivesto racuanti ani de ła so infànsia col nono parte mare a Podsreda (Slovènia), el frecuenta a Kumrovec ła scoła ełementare comunałe. Inte el 1907 el dasa el paeze de nasimento par trasferirse a Sisak, andove che el lavora cofà aprendista fàvaro. In sta sita sità, el ga ocazion de confrontarse co łe idee e łe istanse del movimento prołetàrio e inte el 1910 el partèsipa a ła sełebrasion del primo de majo, ła festa del lavoro.
Inte el 1910 el se taca ła frecuentasion del sindacà dei lavoratori metałùrzeghi e el se iscrìve al Partio Social-Democràtego de ła Croàsia e de ła Slavònia. Intrà el 1911 e el 1913 el lavora par poco tenpo in racuante sità de l'inpero Austro-Ungàrego. Inte l'autunada del 1913 el parte par el servìsio miłitare e inte el majo del 1914 el mèrita ła medaja d'arzento inte el torneo de scherma de l'ezèrsito austro-ungàrego, a Budapest.
Inte el s-ciopo de ła prima guera mondiałe Tito, mandà a Ruma, el vien inprezonà inte ła fortesa de Petrovaradin, par ver fato propaganda contro de ła guera. Inte el 1915 el se ga trasferio in Gałìsia e dopo a cónbàtar inte el fronte ruso. A Bukovina l'óbiso de na granada el ło ferise gravamente e inte l'apriłe de l'isteso ano el so intiero batajon el vien caturà dai rusi. Dopo racuanti mezi trascoresti in ospeałe, inte l'autunada del 1916, Tito el vien mandà inte un canpo de lavoro inte i Urałi.
Inte l'apriłe del 1917 el vien inprezonà de novo par gaver organizà na protesta intrà i prezonieri de guera e el riese a scanpar dal canpo par unirse a ła dimostrasion del 16 e 17 de zugno a San Pietroburgo.
Par evitar ła gałera, Tito el scanpa de consevensa verso ła Finlàndia. De novo detegnesto in prezon, Josip el ze costrenzesto a vìvar trè stimane inte ła fortesa de Petropavle, par dopo vegner trasferio inte el canpo de prezonia a Kungur, fazéndogheła parò a scanpar inte el ndar de ła percorensa in tren. Inte el novenbre de l'isteso ano el tołe parte a ła organizasion comunista de l'Armada Rosa a Omsk in Sibèria.
Inte ła primavera del 1918 Tito el dimanda de vegner ametesto inte el Partio Comunista Ruso e ła dimanda ła ghe zera vegnesta colzesta de bon èzito. Inte el 1920 Tito el fonda a Zagabria el Partio Comunista Jugoslavo, partesipando a vàrie proteste e ai siòpari, inte el ndar de i cuałi el ris-cia de frecuente ła vita.
Seconda guera mondiałeCànbia
Dopo che ła Jugoslàvia ła zera sta invadesta da łe forse de l'Ase inte l'apriłe del 1941, i comunisti i zera intrà i primi e pì radegałi setori sociałi che i se ga metesto organizar un movimento de rezistensa armada. El 10 de apriłe el Politburo del Partio Comunista de Jugoslàvia el se gaveva reunio a Zagabria e el ghea tołesto ła decizion de scumisiar ła rezistensa: el ghea nomenà Tito cofà cao del Comità Miłitare. El 22 de zugno de l'isteso ano, un grupo de 49 soldai el ghea atacà un tren de ła reserva todesca arente de Sisak; łe zera tacae in sta magnera łe prime insuresion antifasciste inte l'Eoropa ocupada. El 4 de lujo, Tito el organiza ła rezistensa armada contro l'ocupasion todesca cofà comandante supremo de l'ezèrsito jugoslavo de libarasion popołare e de separasion partezana, col sostegno del sloveno Edvard Kardelj e del montenegrino Milovan Djlas. I partezani i zera i protagonisti de na granda canpagna de guerìlia che ła ze sta ła libaradora de parte del teritòrio.
Inte i teritori libarai, i partezani i ghea organizà comitai popołari che i ghea el roło de goerni siviłi. Tito el zera devegnesto el pì inportante lìder del Consejo Antifascista par ła Lìbarasion Nasionałe de ła Jugoslàvia (AVNOJ), e el ze sta convocà a Bihać el 26 de novenbre 1942 e a Jajce el 29 de novenbre de l'ano drioman. In ste do reunion łe zera poneste-zó łe baze de l'organizasion del dopoguera inte l'intierior del Paeze, gavendo na idea de stato federałe, e Tito el ze sta nomenà Maresiało de Jugoslàvia. El 4 de disenbre del 1943, mentre ła major parte del paeze ła zera oncora ocupada da łe trupe todesche, Tito el ghea proclamà un goerno democràtego provizòrio. Cofà lìder de ła rezistensa, Tito el zera el obietivo prinsipałe de łe forse todesche che łe ocupava ła Jugoslàvia. I todeschi i zera racuanto pròsimi a brincarlo e a coparlo in almanco 3 ocazion: inte el 1943, inte l'oparasion Fall Wess e inte ła sucesiva oparasion, e inte ła bataja de Sutjeska (ofensiva Schwarz), inte ła cuała el ze sta ferio inte el 9 de zugno. El 25 de majo del 1944, Tito el zera sta bon anca de scanpar dai todeschi dopo de l'Oparasion Rosselprung gavesta fora dal so cuartier zenerałe de Drvar.
Durante i primi epizodi de ła seconda guera mondiałe, łe atività partezane no łe ghea avesto el sostegno dei liai osidentałi. Sti cuà, inte un primo momento, i ghea preferio sostegnere łe forse cètneghe (ezèrsito jugoslavo in pàtria) guidae da Draza Mihailovic, parché contrari al comunismo e de consevensa so ła lìnea de l'ideałe osidentałe. Tuta-via, dopo ła confarensa de Teheran e cheła de Jalta, inte el 1943, i partezani i zera stai boni de ver el sostegno direto dei Liai co bonbardaminti conbinai co asion armae partezane in tera. El brigadiero Fitzroy MacLean el ga avesto un roło signifegativo inte łe mision de ligamento.
Par via dei boni raporti co Stalin, Tito el ga avesto de frecuente confliti co ufisałi americani e britàneghi. El 5 de apriłe del 1945, Tito ga firmà un acordo co l'Union Soviètega che el consentiva l'entrada tenporànea de łe trupe sovièteghe in teritòrio jugoslavo. Jutai da l'Armada Rosa, i partezani i ghea vinsesto ła guera inte el 1945. Tutavia, ła "Guera de Libarasion de ła Jugoslàvia" ła ze considerada ła ùgnoła vitòria inte ła seconda guera mondiałe conseguia da łe forse gueriere locałi, anca se co un mìnemo de juto esterno.
Tute łe forse forse łe zera stae espełeste dal teritòrio jugoslavo dopo de ła fin del periodo de guera in Eoropa. Łe forse fasiste oncora restae in pàtria, o sia i ustàscia croati, i sloveni Domobrani, e łe trupe monarcheghe dei cètneghi serbi, łe zera stae procesae e condanae a ła pena de morte.
DopogueraCànbia
So ła metà del 1945, i todeschi i zera restai dezemai e el stato el ze sta bon de reunirse soto del controło del goerno de Tito, el cuało el gaveva istituio un rezime sociałista de inprimidura federałista, par tegner conto de ła varietà de popołasion reunie. Tito el se ga guałivamente lontanà da ła lìnea ufisałe stalinista, erlevando guałivamente ła democrasia intrà i lavoratori e l'autozestion prołetària, dando cusita orìzene al titismo, o anca denomenà sociałismo jugoslavo.
Inte ła fin, łe rełasion intrà Tito e Stalin łe zera stae tajae e el Partio Comunista Jugoslavo el zera sta espełesto dal Kominform inte el 1948. Inte el 1953, Tito el porta, co na nova Costitusion, a ła creasion de ła Repùblega Sociałista Federałe de Jugoslàvia conponesta da Sèrbia, Slovènia, Bòsnia e Erzegòvina, Croàsia, Macedònia e Montenegro. Inte ła dècada del 1960, Tito el se ghea unio saldo co i lìder dei stati africani e aziàteghi par promóvar l'idea de no inlineamento. Tito e el presidente de ła Romania Nicolae Ceauşescu, i zera i ùgnołi do lìder comunisti a re-spénzar e refudar łe invazion sovièteghe in Ungaria, Cecoslovàchia e Afghanistan, rispetivamente inte el 1956, 1968 e 1979.
Durante del so periodo a ła guida de ła Repùblega Sociałista Federałe de Jugoslàvia, el ga sostegnesto reforme del sistema econòmego mirae a rivar al sociałismo de marcà.
Tito el zera moresto inteel 4 de majo del 1980 a Lubiana, capitałe de ła Slovènia, dopo de na longa małatia. El ze sta sepełesto a Belgrado, l'atuałe capitałe de ła Sèrbia e a l'època capitałe federałe de ła Jugoslàvia.
La so figura ła gode oncora oncó de grando prestijo tolto racuanti setori de łe società che finmente al 1991 łe fea parte de l'isteso Stato, ponesto-che racuanti ex-jugoslavi i vałora ła so pułìtega in favor de ła paze e de l'unità intrà i pòpułi de Slavi.
Dopo ła morte de TitoCànbia
Al momento de ła so morte, łe ghea tacà èsarghe specułasion sul fato che i so sucesori i podese sevitar mantegner na Jugoslàvia unia. Le divizion ètneghe łe ze stae reanimae e i zera emerzesti de novo racuanti problemi de baze, che i pareva èsarse sarai co ła fin de ła seconda guera mondiałe. I confliti i zera drio crésar finmente a èsar rivai a l'inplozion de ła Jugoslàvia co ła consevente dezintegrasion de ła federasion e inte na sèrie de guere sanguinàrie inte el ndar de ła dècada 1990.
Istòrego resuntivoCànbia
- 1920: Josip Broz el entra inte el Partio Comunista Jugoslavo (KPJ).
- 1934: El entra inte el Departemento Pułìtego del Comità Sentrałe del KPJ (e scumìsia farse ciamar Tito).
- 4 de lujo 1941: El ciama el popoło a łe arme, inte ła lota contro ła Zermània nazista.
- 1941 - 1945: El ga l'incargo de comandante cao de l'"Armada Popołare de Łibarasion" de ła Jugoslàvia.
- 1945 - 1953: El ga l'incargo de Cao del Governo e el Ministro dei Afari Foresti de ła Repùblega Popołare Federałe de ła Jugoslavia (FNRJ).
- 1948: Scuminsia el conflito co Stalin.
- 13 de zenaro 1953: El divien Presidente de ła Repùblega Federałe Sociałista de ła Jugoslàvia (SFRJ).
- 1961: El fonda el "Movimento dei No lineai" col lìder ejisian Gamal Abd el-Nasser e el Primo ministro indian Jawaharlal Nehru.
- 7 de apriłe 1963: El vien nomenà Presidente a vita.
BibliografiaCànbia
- (ES) Luis Aguilera Durán, Orígenes de las Brigadas Internacionales, in Editora Nacional, 1974.
- (EN) Nora Beloff, Tito's Flawed Legacy: Yugoslavia and the West Since 1939, in Westview Pr, 1986, ISBN 0813303222.
- (EN) April Carter, Marshal Tito: A Bibliography, in Greenwood Press, 1989.
- (EN) John Corsellis e Marcus Ferrar, Slovenia 1945: Memories of Death And Survival After World War II, in I.B. Tauris, 2005, ISBN 1-85043-840-4.
- (EN) Milovan Đilas, Tito: The Story from Inside, in Phoenix Press, 2001.
- Italo Gabrielli, Dove l'Italia non poté tornare (1954-2004), in Associazione Culturale Giuliana, 2004.
- (EN) Fitzroy MacLean, Tito: A Pictorial Biography, in McGraw-Hill, 1980.
- Josip Novakovich, El día de los inocentes, in Editorial El Andén, ISBN 978-84-96929-10-4.
- (EN) Stevan K. Pavlowitch, Tito: Yugoslavia's Great Dictator. A Reassessment, in Ohio State University Press, 1992.
- (EN) Walter R. Roberts, Tito, Mihailovic, and the Allies, 1941-1945, in Rutgers University Press, 1973.
- (EN) Boško S. Vukcevich, Tito: Architect of Yugoslav Disintegration, in Rivercross Publishing, 1994.
- (EN) Richard West, Tito and the Rise and Fall of Yugoslavia, in Basic Books, 1996.
NotasionCànbia
Altri projetiCànbia
Wikimedia Commons el detien imàjini o altri file so Josip Broz Tito
el detien schemi gràfeghi so
Linganbi forestiCànbia
- Tito, in Disionàrio de istòria, Istituto dell'Enciclopedia Italiana, 2010.
- (EN) Josip Broz TitoEnçiclopedia Britannica, Encyclopædia Britannica, Inc.
- (EN) Josip Broz TitoFind a Grave.
- (EN) Opere di Josip Broz TitoOpen Library, Internet Archive.
- (EN) Josip Broz TitoGoodreads.
- (EN) Josip Broz TitoInternet Movie Database, IMDb.com.
- (DE, EN) Josip Broz Titofilmportal.de.
| Controło de autorità | VIAF (EN) 22165595 · ISNI (EN) 0000 0001 2123 6491 · LCCN (EN) n80126204 · GND (DE) 118622935 · BNF (FR) cb120753467 (data) · BNE (ES) XX1137105 (data) · NLA (EN) 35218867 · NDL (EN, JA) 00458833 · WorldCat Identities (EN) n80-126204 |
|---|